Skip to main content

INTHLAN DAWNA A TIAM ANGIN HMA LA TAN

INTHLAN DAWNA A TIAM ANGIN HMA LA TAN : Champhai North Bialtu MLA, Health & Family  WelfareBoard vice chairman Dr. ZR Thiamsanga chuan, MLA inthlanndawna ka lo tiam tawh ang ngeiin Champhai District Hospital tichangtlung turin theihtawp chhuaha hmalak a ni, a ti. Nimin khan Champhai North Bialtu MLA hian Champhai District Hospital tlawhin, hmalakna hrang hrangte a enfiah rualin mamawh hrang hrangte a hnenah hian lo thlen a ni a. Nimin tlai lam khan District Medical Superintendent Office ah Press Meet anei zui a. He hunah hian MLA chuan he thu hi a sawi a. Champhai  DistrictH hi Champhai darthlalang pawimawh berte zinga mi a nih avangin  atichhangtlun kawngah theihtawp chhuah mek zel a ni, a ti a. Tunah hian ICU leh Dialysis Centre dah tura chak taka hmalak mek a ni tih a sawi a. Khawl leh hmanraw mamawh hrang hrangte pawh a lo thleng tawh chin chu bun chhoh mek zel a ni a. Vawiin leh naktuk lamah pawh rawn thlen belhin, a dahna hmun turah bun fel zel a ni ang, a ti. ICU hi chu Tra…

Champhai Tualchhung Chanchinthar

TLEIRAWL 8 DUNGTLANG POLICE IN CHHANCHHUAK :

 Bangladesh-a Rohingya raltlan hmunpui atanga ruk chhuaha Myanmar lama hruai chhoh tur ni a rin Rohingya Muslim, kum 15 leh 16 bawr vela upa, hmeichhe 8 chu niminpiah khan Police te'n Champhai district-a Dungtlang khuaah an chhanchhuak.
DIG (Northern Range) Lalbiakthanga Khiangte sawi danin he'ng an tleirawl chhanchhuahte hian Hindi leh tawng dang pawh an thiam lo va. Bangladesh atanga rawn ruk chhuah ngei an nih rin a ni a,-Saikhumphai kaltlanga Myanmar rama luhpui tum an ni a, anmahni hruaitu tur hi Saikhumphai-ah a awm nia hriat a ni. Mizorama luh phalna nei lo he'ng hmeichhe 8-te hi nimin khan Champhai district Chief Judicial Magistrate hmaah hruai an ni a. Hmeichhe enkawlna Home lama dah rih an nih rin a ni. 
Rohingya Muslim te hi Myanmar ram Rakhine State a cheng, tihduhdahna an tawrh avang leh helna avanga Bangladesh-a raltlan an ni hlawm a. India rama an luh hian thawnkir nghal zel turin Ministry of Home Affairs chuan state tin a hriattir chungin, India leh Myanmar ramin mi leh sa inthawn tawn theihna tura inremna (extradition treaty) an neih loh avangin Mizoram sorkarin harsatna a tawk mek a. Kumin April ni 25 a Vairengte Police check gate-a Mizoram luh phalna nei lo va luh tum an hren Rohingya hmeichhia 8 te pawh Social Welfare department enkawl Women Protection Home-ah dah rih an la
ni. Myanmar hian India nen inremna pawh lo nei reng mah se Rohingya ho hi an ram khua leh tui-ah a pawm lo hrim hrim nia thudawn a ni.
Heng hnamdang tleirawl Myanmar atanga lo
la chhawngtu tur, Jonathan kum 23, Thathawmlian fapa, Khawthlir Myanmar leh Nguntindawnga kum 25, Thabuantai fapa Tahan Myanmar nia insawite chu nghal a. Nguntindawnga chuan heng -hmeichhiate hi Singapore, Malaysia leh Indonesia-a hruai tur an nih thu leh, Zokhawthar Gate ah Mizote  anga hnam dang tan permit laka theih loh avangin Saikhum kai lama inhlan chhawng tura an inbiak thu a sawi a. Mi pakhatah Cheng 2500 zel a hlawh tur thu an man a sawi bawk. Hetihlai hian Jonathan chuan a zu dah tur remchanga hmangin Sumo hire-na Cheng Singthum pe tura an tih thu
leh Cheng 500 hlawh tura an tirh thu a sawi thung.
Mi mante hi Dungtlang Police-te hian nizan  hmasa khan Champhai Police Station an panpui laiin Khuangleng khaw bulah an  kutkawl nen an tlanchhuak a, hmuh an la ni lo niin thudawnna chuan a tarlang. 

VENG MIPUITE TAN BETHEL VC IN TRUCK LEI :
Bethel Veng mipui chuan a tula hman turin 407 Truck an lei a, bawlhhlawh paihna leh thil dang tangkaia hman thin a ni. 407 Truck hi tun thla tir khan lei felin Bethel Veng VC  kaihhruaina hnuaiah mipui chuan sum an thawhkhawm a, truck hi veng chhung bawlhhlawh paihna bakah thil tul hrang hrangah hman thin a ni. Champhai khawpui
chhungah UD&PA Department in truck pahnihin bawlhhlawh paihna hi vil mah se kawngpui dung bak an tuam zawh meuh loh avangin veng tam zawk mipui chuan sum thawh khawmin bawlhhlawh hi an paih thin a. Veng thenkhatah VC-in an kut ken laiin veng thenkhatah chuan society in a paih hna thawk thung. Bethel Veng hi Champhai khawpui  chhunga mipui sum thawhkhawma bawlhhlawh paih hmasa pawl niin, kum 2015 khan YMA chuan Clean Bethel an kalpui a.
 Heta tang hian bawlhhlawh hi mipui sum thawhkhawma paih thin niin, VC ten an kut ken a, Clean Bethel hi YMA chuan tun thlengin a la kalpui chhunzawm zel bawk.

PRESS  TOUR :
I&PR Deptt. buatsaihin DIPRO leh a staff te leh
MJA Champhai District member-te chuan Ngopa tlangdunga sawrkar hmalakna hrang hrang zirchiang leh a hmuna tlawh turin tukin hian Champhai an chhuahsan dawn a. Hei vang hian Champhai district chhungah tunkar chhung hian Chanchinbu chawlh anianga, karleh Thawhtanni atangin tihchhuah zui leh a ni ang.

INENTIR LEH TAN TA :
Nikhat chhung Indian Medical Association
(IMA) te'n lungawi lohna an lantir hnuah
nimin atang khan Sorkar Hospital leh Pri-
vate clinic te a pangngaia kalpui ani leh tawh.
Nimin atangin Champhai District Hospital-ah chuan OPD ah damlo a pangngaia en a ni leh tawh a. Nikhat inentir theih loh a nih avangin nimin lamah OPD-ah hian inentir an thalnem hle a ni.
Kumin January atanga May thla thleng khan OPD ah mi 12,060 an entir a, January thlaah mi 2480 an inentir a, February-ah 2410, March-ah 2303, April - ah mi 2640 1leh May thlaah mi 2227 an inentir bawk. Casualty- ah January thlaah mi 338, February thlaah mi 255, March thlaah mi 336, April thlaah mi 415 leh May thlaah mi 389 lutin Thla chhungin Casualty-ah mi 177 an lut a ni.

HMAWRBAWK HNAI TA :
CDBBA buatsaih 2019 Season Opening khelh
mek chu nizan khan Quarter Final khelh zawh a ni a. Zanin hian Semi Final khelh chhunzawm nghal a ni ang a, ni 20 ah Final khelh zui leh a ni ang.

CDFA MEETING :
Nimin tlai khan kum 2019 atan CDFA chuan
meeting hmasa ber an nei a. He hun hi CDFA
Office, Chhangphut Field ah neih niin IC
Hranglura, Sr. Vice President chuan kaihruai
in, kuminah pawh thawh hona tha leh in lungrual taka hma an lakna tur hrang hrang la awm turah theihtawp chhuah turin kalkhawm te a sawm a. An hmalak zuina tur relin, committee peng hrang hrang an siam fel bawk.

TUIALHTHEI 
RD Filling Station 
MS : Free Sale 
HSD : Free Sale 
RC Filling Station 
MS : Free Sale
HSD : Free Sale

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…