Skip to main content

Champhai Tualchhung Chanchinthar

CHAMPHAI COLLEGE TOP 10 AH MI 4 LANG :

Nimina Bachelor of Arts Result chhuakah Govt Champhai College atangin top 10 ah mi 4 an lang. Top 10 a langte hi Malsawmthari chu History Dept. ah pahnihna a ni a, Lalhmingthanga chu 5 niin Vanlalhruaimawii chu Geography Dept ah 3 na niin BSc Chemistry ah Joel Lallianmawia 10 na a ni bawk.
Govt. Champhai College atang hian 53. 3% an pass a, Science ah 62.5% an pass bawk. Govt Champhai College atanga Exam atangin 55.03% an pass a. Mizoram pumah College tihthat dan atangin Govt. Champhai College hi 17-naah an awm in thingtlang bikah chuan College titha pathumnaah an awm a ni.

CHAMPHAI HOSPITAL DINHMUN :
Thla 5 chhungin Champhai District Hospital ah damlo 1451 damlo Admit an ni.
Champhai District Hospital atanga thudawn danin January atanga May thleng khan damlo mi 1451 Admit an ni a
April thlaah damlo Admit tam berin damlo 415 Admit niin February thlaah tlem berin mi 255 Admit an ni bawk. Thla 5 chhung hian zaipui tawk mi 32 awmin OPD leh IPD ah zai tenau tawk 3583 an awm bawk. Ultrasound ti mi 22 Endoscopy ti mi 155 an awm a. Xray ah OPD leh IPD ah 1471 an awm bawk.
Thla 5 chhung hian boral 45 awmin nausen thi 7 awmin nu nau chunga thi 1 awmin Damdawi In chhuahsan 875 an awm bawk a ni.

MSTA CONFERENCE VAWI 11-NA :
Nimin khan Mizoram Middle School Teachers Association Hqrs. Champhai Annual Conference vawi 11-na an hmang a, Pu Rosangzuala Ralte, President MSTA Hqrs., Aizawl chuan khuallian niin a hmanpui. 
Khuallian chuan thusawiin 
MSTA hmalakna chi hrang hrangte tarlangin Headmaster neilo te School engemaw zat awm mekte hnenah Headmaster pek an nihna na turaan hmalaknate, Headmaster te SDEO ah an kaisan kawng an  dapsak dante a tarlang a. Zirtirtu Association reng reng hi an thatna turah an buai nasa hle a. Hei hi MSTA chuan ṭha a tih loh thu leh MSTA chuan  zirna hi an ngaih pawimawh ber a nih zia tarlanna atanah hmun hrang hrangah Survey neiin an fehchhuah thin thu te. Survey Kuthnathawktute, Officer te, Company a hna thawktute, hnathawh nei lemloah te an kalpui chung zinga 75% te Government School chhuak an nih thu leh chu chuan Government School chhuanawm zia a tarlang a ni a ti a. Sawrkar School hian selna tam tak dawng thin mahse an hriat loh hian Zirlai tha leh Officer tha tam tam an chher chhuah tawh thu a sawi bawk a ni. 
Khuallian  chuan MSTA General Hqrs. in hma a lak mêk leh a hmachhawp te tarlangin MSTA hmung hrang hranga a mi Sub Headquarter leh Headquarter te thawh hona chu fakawm a tih thu a tarlang in an kalzelna turah duhsakna a hlan a ni. 
He hun hi Pu F. Vanlalrosanga, President, MSTA Sub-Hqrs. Champhai chuan kaihruaiin zirlai naupangte hmahun tam tam chu zirtirtute mawhphurhna a nih hria a zirtirna an pek kawngah nasa zawk leh taima zawka zirlai naupangte zirtir thin turin a chah a. Dawngdah leh taima tawklo zirtirtu an awm leh zauh thin chu pawi a tih thu sawiin naupangten lehkha an thiamloh hlaua theihtawp chhuahpui turin a sawm a. Hlawh choh duh zirtirtu nih tumlo turin kalkhawmte a chah bawk a ni. 
Chairman kaihhruainain kum 2017- 2018 Pu LH Liangngaiha, Headmaster, Govt. Ngur Middle School leh Pu C. Lalenglawma, Headmaster, Vaphai Middle School sunna hun an hmang a. Kum 2017-2018 chhungin member 172 an awm mek a School 52 awmin member boral 2 an awm a ni. 
Chawhnu lamah 2019-2021 chhunga hruaitu tur thlanna hun Pu TBC BiakthansangaSr Vice President kaihhruainain hman chhunzawm a ni a. MSTA Hqtrs. hruaituten inthlan hi an hmanpui a ni. 

TUIPUI TUI LAK NU :
Champhai tuilakna Tuipui lui chu a nut avangin vawiin khan PHE Dept. chuan Quota chanve in mipui hnenah tui an sem. 
PHE Dept. te hnen atang thudawn danin ni 19.6.2019 a ruah a sur nasat avangin tui hi Pump tlak a nilo a. Niminpiah lamah pawh tui hi sem a ni tawhlo a. Tui nut laia Pump thin Fallui chu Pump nimahse a tuihna a tlem avangin nimin lam pawh khan Quota chanve in  tui hi sem a ni. 

RUIHHLO MAN ZAT :
January atanga May thleng khan  Champhai Excise & Narcotics Dept. te chuan Heroine 683.1 an man tawh. 
Pu B. Zoliana, Asst. Commissioner, District Excise & Narcotics hnen atanga thu dawn danin January atanga May thleng khan Heroine 683.91 an man tawh thu sawiin BEDC leh Rakzu  1883.2, zu bilhlai 1677 leh zu bilhlai bunbel 110 man a nih bakah ramdang siam a senchi 122 um, Cane Beer 1465 leh lirthei 8 man tel a nih thu a sawi a ni. 
ND&PS Act tlawhchhanin mi 29 manin thubuai 27 ziahluh a nih thu a sawi a. MLPC Act. tlawhchhanin 99 manin thubuai 82 ziahluh a nih thu Pu B. Zoliana chuan a tarlang bawk. 

BASKETBALL FINAL :
CDBBA Season Opening 2019 khelh mek chu nizan khan Semi Final khel zawh a ni. 
Semi Final thawhkhatna ah hian Minikins leh Boars One te inkhelin Double Overtime khelh niin 90 - 85in Minikins te an chak a. Semi Final thawhhnihnaah hian Kahrawtian leh Freddy's Memorial te inkhel in 60 - 59 in Freddy's Memorial te hian hnehna changin Final an lut a ni. 
Final hi zaninah khelh chhunzawm nghal tur niin Minikins leh Freddy's Memorial te  Final hi an khel ang. 

AJINOMOTO HIMLO AWM :
Tunlaiin Mizoram ah ‘Ajinomoto’ tih hmingpu ei atana zawrh leh hralh’ chhuah chi hnih a awm a, rampawn atanga lakluh ve ve an ni. Pakhat chu ram pawn atanga FSSAI phalna hnuaia dan ang thlapa Ajinomoto India Private Limited Chennai-in a lakluh a ni a, hei hi ei atana him tura ngaih a ni. A pakhat dang leh chu phalna awm lova lakluh leh zawrh a ni a, a label pawh Food Safety & Standards Act 2006 and Rules & Regulation, 2011 duhdan kalha siam a ni.
He dan lova lakluh Ajinomoto hi Laboratory-a thawn a ni a, result hriatthuai beisei a ni. Eitur himlo laka kan fihlim theih nan mitin fimkhur tura ngen leh hriattir kan ni e. Ajinomoto FSSAI chuang ngei lei turin mipuite kan in ngen e. 
TUIALHTHEI
Mizofed Pump
MS : Service Tanky 
HSD : Free Sale
RC Filling Station
MS : Report awmlo
HSD : Report awmo
RD Filling Station
MS : Free Sale
HSD : Free Sale

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…