9ee8f597df54c5665b0d7e28b99c2dea9baf6977 Champhai Tualchhung Chanchinthar Skip to main content

VANGPUI DAY PUALIN THISEN PE

VANGPUI DAY PUALIN THISEN PE :
New Champhai chuan Vangpui an
lawmna tur pualin damlo mamawhten a thlawna an hman turin Inrinni khan New Champhai-ah thisen an pe.
New Champhai khawtlangin Vangpui an lawmna tur pualin, damlo mamawhtuten a thlawna thisen an dawn theihna turin New Champhai MHIP Branch bultumin Corner Stone School-ah thisen hi pek a niin, District
Hospital atangin Blood Bank Officer Dr. R. Vanlalchhuangi leh Technician-ten an kal chilh a.
Thisen petute hi mipa 21 leh hmeichhia 7 niin, thisen Unit 28 an pe a ni. New Champhai khawtlangin October 31 leh November 1, 2019 a Vangpui a lawmna turah khawtlang tana tang kai thawkin, Zirtawpni khan mi 500 chuang thawk chhuakten Veng chhung thenfai hnatlang an nei a. Ni hnih-awh Vangpui lawmna atan hian veng chhung mi tlawmngai ten Bawng 2 leh Vawk 1 an thawh bakah sumfai Rs 2,00,000 chuang an thawh khawm bawk a. Intih hlimna chi hrang hrang leh ruainen ropui taka hun hman an tum a ni.

Champhai Tualchhung Chanchinthar

PAWLSUAL RAH KUM 10 JAIL RUN THIMAH:

Nimin khan Champhai Special Court Judge R.Vanlalena chuan tleirawl kum 14 mi lek lak
pawngsuala raitu chu kum 10  chhung hrehawm taka jail tang turin a convict.
He thil thlen hun lai vel hi September, 2016 vel atanga in tan kha a ni a. Kum 2017, March thla khan hei hi hriat chhuah a ni chauh a ni. He hmeichhe tleirawl hian a chunga thil thleng hi a tirah chuan a sawi chhuak mai ngam lo va. School kal lai niin, nau a pai tih hi a tirah zep mah se doctor hnenah a inpuang a. Tleirawl chhungte hian Champhai-a Child Welfare Committee Chairman
hnenah an hrilh hnuah, Ni 27.11.2017 khan Khawzawl Police Station-ah FIR thehluh a ni.
He tleirawl hian a duhlo chungin Vanlalvena, Khualen khua-a awm thin chuan a lo pawngsual thin vang a ni tih hriat a ni a, sawi chhuak lo tur hian Vanlalvena hian a vau bawk.
He thubuai hi police lamin an chhui zui hnuah court chuan an chungthu hi a ngaihtuah a.
Champhai Special Court chuan he thubuai a rel chhung hian thuhretu hrang hrang a koh hnuah thutlukna hi siamin Vanlalvena hi hrehawm taka kum 10 chhung tang tur leh Rs 5000/- chawi turin hremna thu hi a puang ta a ni. Pawikhawihtu hi Court chuan a na thei ang bera hrem a duh laiin
Vanlalvena nupui hian a pasal chu kum rei tak chhung Jail a tang a nih chuan amah leh an fa naupang te te te enkawitu an awm dawn lo va, court leh pawi a khawihna lakah a rei lo thei ang ber hrem tura a ngenna chu Court chuan ngaihthlak sakin hriat thiamna pawh a pe a. Pawngsual tuartu hi danin a ruahhman anga sorkar atanga chhawmdawlna awm the te a dawn theihna turin Court hian hma a lak pui bawk.

DAMDAWIIN FAI LAWMNA :
Vawiin chhun dar 1:00 hian District Hospital,
Champhai-in Mizorama Damdawi in fai 2-na
lawmman an lak lawmna hun chu Eye
Department room-ah an hmang dawn a, Dr
ZR Thiamsanga, MLA leh vice chairman,
H&FW Board ni bawk chuan khuallian niin a
hmanpui ang.

HEROIN KAWLTU JAIL TANG TURIN TI :
Nimin khan Champhai Special Court Judge,
R.Vanlalena chuan heroin hawng 4 kawltu
S/o Lalduhawma, Falkawn Aizawl chu kum 2
chhung hrehawm taka jail tang tur leh pawisa
Rs 3000/- chawi turin a chungthu a rem.
Pawisa hi chawi tur a nei lo emaw a chawi duh lo emawa nih chuan thla hnih dang jail a tan belh ang. Lalnunzira hi Dt 14.4.2018 khan Khawmawi atanga heroin rawn hawpuiin, Aizawl pan tur Maxi
chuang chu Police Lalnunzira Cab-a a
Khankawn check gate-ah an man a. Jail-ah khung a ni a, nimin khan Special Court chuan Lalnunzira
Jail tan hun chhung turhi a puang ta a ni. 

RUIHHLO MAN :
Nimin zing dar 8:15 vel khan Excise & Narcotics Enforcement Staff, Champhai te chuan Zokhawthar Road, Mualkawi pengah
Heroin 12.7 gms (Hawng khat) leh a neitu-a puh Lalruatfela S/o Vanneihpianga, tuna Bethel Venga khawsa mek nia insawi an man a. Heroin an man hi tualchhung rate ah Cheng 30,000 niin, ruihhlo neitu-a puh hi nimin vek khan District Court, Champhai-ah hruai niin District Jail-ah dah luh nghal a ni.

MINSITER HUNHMAN DAN TUR :
Champhai South bialtu MLA, Transport etc. changtu Minister TJ Lalnuntluanga chuan a bial chhung hmun hrang hrang nimin khan a fang kual.
Nimin zing khan Treasury office building leh quarters, Champhai Vengthara sak mek chu a hmunah a tlawh a, theih- tawp chhuah pui a tum thu a sawi a. Champhai North Presbytery thleng tur Vengthar kohhran Biak In bul kawngpui enfiah lehin, siam that a nih theihna tura ruahmanna siam turin PWD hotute a hrilh nghal a. Kanan Veng
tlawh lehin tuiluankawr tha lo avanga tui tling thinin Aizawl road-a harsatna a siam thin chu
pumpelh a nih theihna tura ruahmanna lo siam turin DRDA hotute a hrilh bawk. Chawhnu lama Aizawl pan tura a kir thlak pahin Tuipui tomato chingtuten  kawngpui leh tank siam sak tura an lo thlen chu tihhlawhtlin sak theih dan lo dap pui turin DRDA leh BDO Khawzawl te a hrilh.

 CHAMPHAI SOUTH HIGHER SECONDARY SCHOOL HAWNG :
Nimin chawhma khan Law and Judicial etc changtu  Minister leh Champhai South bialtu MLA nibawk Pu TJ Lalnuntluanga chuan a bial chhunga Higher Secondary School din thar Champhai South Higher Secondary School, Champhai Electric Veng a mi chu a hawng.
Pu TJ Lalnuntluanga chuan Champhaiin zirna bung thar Pathian kaihhruaina a a thleng thei chu lawmawm a tih thu leh Champhai South huamchhungah Higher Secondary School awm mumal loh hre renga School thar nei thei tura Managing Board te thahnemngaihna fakawm a tih thu a sawi a. Champhai South Higher Secondary School din thar chu  mamawhtu apiangte pan theih tur a ni a,  mipuite mamawh a phuhruk theih ngei a beisei thu sawiin, School thar dinna tur hmunhma leh building tha tak chhawm nghal mai theiha awm leh zel chuan remchanna thui tak a siam a ni, a ti a.  School thar anih angin hmabak hlenchhuah tur tam tak a la awm thu tarlangin, a enkawl leh kaihhruai kawngah tanrual angai a, Board hruaitute tawiawm thin turin khawtlang  mipuite a sawm a ni.
Champhai South bialtu MLA chuan School tharin Motto atana a hman, ‘For God and For Our Nation’ , Pathian leh kan ram tan tih chu sawizauin, Zirlaite chu engkimah Pathian dah hmasa ber a, ram leh hnam tana chhawrnahawm nih tum turin a fuih a,   Zirtirtu leh thawktu dangte pawh  ram tana mi chhenfakawm   chhertu nih tum turin a chah bawk a. School thar hawnna huna kalkhawmte chu Sawrkara therhlo beisei tum thinte bansana , mahni kutkawiha  ding tum turin a fuih a, nun dan dik pawma, suahsualna laka fimkhur fo thin turin a chah a ni.
Law Minister chuan zirlai naupangte chu ram leh hnam hmangaihna tak tak thinlung pu tura a chahin, “Ram leh hnam hmangaihna dik tak neite chuan sual tihduhna thinlung an pu theilo a ni”, a ti a. Hnam hmusit tawk chauha lehkha zir lo tur leh hnam  ziarang leh kalphungte chawinung fo thin zawk turin a chah a. Mahni zirlai theuhah theihtawp chhuah a, School dinchhan  ang  ngeia ram leh hnam tana mi tangkai tak nih tum theuh turin a chah bawk a. Champhai South Higher Secondary School thar chu  khua leh tui tha khawtlang tana chhawrtlak tak chherchhuaktu ni ngei thei tura duhsakna hlan chungin a hawng a ni.
Nimin programme hi Pu R.Thangseia, Chairman, Managing Board-in a kaihruai a. Pu TBC Lallawmpuia, Secretary, Managing Board-in kalkhawmte inhmelhriattirna leh report a pe a. Pu T.Thanga, Treasurer, Managing Board-in lawmthu sawina neiin hun a khar a ni.
Champhai South Higher Secondary School hi Managing Board-te kaihhruainain  May Ni 5, 2019 atang khan Arts Stream-a zirtirna bul tan a ni a.  Subject paruk; English , Mizo, History, Political Sciences, Geography leh Education Subject zirna hawn niin, tun dinhmunah Zirtirtu 6, Non-Teaching Staff 1  leh Zirlai Class XI ah 22 leh Class XII-ah 29, avaiin 51 an awm mek a ni.
SCHOOL BUILDING THAR HAWNG :
Nmin chawhnu khan School Education Minister Pu Lalchhandama Ralte chuan Champhai Town Multipurpose Co-operative Society Limited te hmalakna a sak Champhai Higher Secondary School Building thar  Venthlang North a mi chu a hawng. Education Minster hi Pu Ramthanmawia, MLA East Tuipui; Dr ZR Thiamsanga, MLA Champhai North leh Pu C.Lalmuanpuia, MLA Aizawl North III ten an tawiawm a ni.
Education  Minister Pu Lalchhandama Ralte chuan  Champhai Town Multipurpose Co-operative Society Limited hmalakna hmanga Champhai Higher Secondary School din anih dan  leh sawrkar puihna tel lova kum 6 dawn kalpui ani chuan thinlung taka  hlimna a pek thu a sawi a.  Society hnuaiah   zirna bakah khawtlang tana a hmalakna hrang hrang kalpui  ani  chu  fakawm a tih thu leh  luanchhuahna an nei thei chuan chona nasa tak a pek thu a sawi a. Society dintute chu mi ropui  bik an ni  lo chunga khawpui mamawh zirchianga zirna In an din thei chuan an ngaihtuah thui zia a lantir a ni, a ti a.
Champhai North mipuite chu bialtu MLA   bial tana ngaihtuahna nasa taka seng thin an nei chu an vannei hle a a hriat thu a sawi a. 
Education Minister chuan sawrkar tharah  education leh health sector lamah bung thar kai tura tanlak tum anih thu leh  education bikah  Sawrkar  chauhin mawhphurhna a hlen thei lo a, NGO, khawtlang leh chhungkua nena tanrual angai a ni, a ti a.  Zirna tihhmasawnna turin MLA tin ten an area development fund atanga 10% tal an hman theihna tura ngen a tum thu a sawi a. Hmasawnna tluantling nei tur chuan mihring tihhmasawnna leh tuaihriamna ‘Human Resource  Development’  lam thlurbing hmasak angai a, a lailum a luah tir angai a,  anih loh chuan hmasawnna ke bai   mai ani thin, a ti a.  Pu Lalchhandam Ralte chuan Education hmun lo ram te vawn him angaih thu tarlangin, kan  ramin kawng dik a zawh theihna turin education hi a lailum kan luahtir a tul tak zet a, chumi thlen tir tur chuan Zoram mipuite tawiawmna a ngen a ni.  
Minister chuan  kum 6 dawn Sawrkar puihna tello  a Champhai Higher Secondary School kalpui a ni chu fakawm a ti a, kumin atangin   Lumpsum Grant-in-Aid pek an nih tawh thu sawiin, chumi hnuah performance, need base, seniority, quality a zirin dinhmun tha zawk a hlankai zel theih anih thu a sawi a. Zirtir hna thawk turin Trained teacher zel ruat anih tawh dawn thu a sawi bawk. Champhai Higher Secondary School chu Zirna hmunhma tha leh changtlung tak an neihte chhawr tangkaia   Champhai mai bakah Zoram pum tana fa duhawm tak, ram leh hnam hmangaihna thinlung pu mi chherchhuaktu ni thei turin duhsakna a hlan nghal a ni.
Education Minister hian Sikul mamawh Computer set, Laptop, Green board 2, Water filter, Sports goods te School thuneitute hnenah a hlan nghal a ni.
Nimin programme Pu HS Vanlalfakzuala, Chairman CTM-PACS kaihhruaiah hian  Pu Ramthanmawia, East Tuipui bialtu MLA, Pu C.Lalmuanpuia, Aizawl North III MLA leh Dr ZR Thiamsanga, MLA Champhai North te pawhin lawmpuina leh fuihna thu an sawi bawk a. Pu Zirsangliana, Secretary, CTM-PACS in inhmelhriattirna leh report a pe a. School Principal Pu David Lalrammawia (L) sunna hu  neih a ni a. Pu R.Lalchhuanawma, Chairman, School Managing Board-in lawmthu sawina hmangin hun a khar a ni.
School Building thar hawn tak hi a dung feet 70 leh avang feet 24, Mizo pa chhiara chhawng 3 a ni a. A sak nan hian avaiin Rs 68,30,448 /- sen ani a,   ICDP atangin cheng nuai 5, BADP  atangin  cheng nuai 8 leh NEDP atangin cheng nuai 20 te dawn a ni a, heng bakah hian Society kaltlangin ram leina cheng nuai 9 tiamin Rs 44,30,448/- sen ral a ni.
Champhai Higher Secondary School hi 2013-2014 session atang khan Govt Champhai College Building-ah kalpui tan a ni a, tun dinhmunah  Zirtirtu 9, Non-Teaching Staff 2, Zirlai 73, Arts Stream-ah 60 leh Commerce-ah  13 an awm mek a. 2018-2019 HSSLC Examination-ah kahn Arts-ah 82.35 leh Commerce-ah 75.00 pass percentage neih a ni. 
Champhai Town Multipurpose Co-operative Society Limited hi kum 1994 a din niin, kum 2012 khan PACS neih a ni a. Tun dinhmunah hian member 150 vel an awm a. Dawr, School, PACS, Damdawi man tlawm zawrhna leh Vavu Project-te     Board felfai taka siamin an kalpui mek a. Indian Farmers Fertilizers Co-operative Limited hnen atangin kum 2017 khan chawimawina  an dawng bakah National Award for Excellency and Merit-2019, Society ICDS an dawng bawk a ni.
Education Minister hi Dr Naveen Aggarwal, IAS DC Champhai; Pu K.Laldingliana, Addl Director, School Education; Pu Lalhmachhuana, SPD, SSA; Pu Chawngthantluanga, Dy SPD, RMSA leh Education Department hotuten an tawiawm a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…