Skip to main content

Champhai Tualchhung Chanchinthar

TLEIRAWL 8 DUNGTLANG POLICE IN CHHANCHHUAK :  Bangladesh-a Rohingya raltlan hmunpui atanga ruk chhuaha Myanmar lama hruai chhoh tur ni a rin Rohingya Muslim, kum 15 leh 16 bawr vela upa, hmeichhe 8 chu niminpiah khan Police te'n Champhai district-a Dungtlang khuaah an chhanchhuak. DIG (Northern Range) Lalbiakthanga Khiangte sawi danin he'ng an tleirawl chhanchhuahte hian Hindi leh tawng dang pawh an thiam lo va. Bangladesh atanga rawn ruk chhuah ngei an nih rin a ni a,-Saikhumphai kaltlanga Myanmar rama luhpui tum an ni a, anmahni hruaitu tur hi Saikhumphai-ah a awm nia hriat a ni. Mizorama luh phalna nei lo he'ng hmeichhe 8-te hi nimin khan Champhai district Chief Judicial Magistrate hmaah hruai an ni a. Hmeichhe enkawlna Home lama dah rih an nih rin a ni.  Rohingya Muslim te hi Myanmar ram Rakhine State a cheng, tihduhdahna an tawrh avang leh helna avanga Bangladesh-a raltlan an ni hlawm a. India rama an luh hian thawnkir nghal zel turin Ministry of Home Affairs chuan s…

Champhai Tualchhung Chanchinthar

ZEDA TEN MJA PRESS CLUB AH SOLAR CHUNGCHANG ZIRTIRNA NEI:

Zoram Energy Development Agency (ZEDA)
chuan nimin khan MJA Press Club Champhai-ah mipui hnenah Renewable Energy Resources chungchang an hrilhfiah a, Sorkar laipuiin
Kawlphetha lama intodelh theihna tura Solar Plate hmanga mimal, pawl leh Sorkar Department-in Eng an sawifiah a, he ruahmanna kaltlanga hamthatna awm theite zirho a ni. Mipui hnena he ruahmanna hrilhfiahna leh zirtirna hun hi MJA Champhai District President C.Lalhnunpuia chuan kaihruaiin, khawchhak kil tawpa chengmipui tana Enna thlen thei tur ruahmanna tha kalpui tura ZEDA in zirtirna fumfe tak a neih sak chu lawmawm a tih thu a sawi a. He ruahmanna tha tak hi a tangkai thei ang bera mipuiten an hman theihnan thawktuten theihtawp chhuah se a duh thu a sawi bawk. Chhit theihna tura ruahmanna a siamte an he hun hmanpuitu ZEDA Director David Ramnunsanga chuan Mizoram chhunga he ruahmanna chhawr tangkaitu chhungkaw 127 ten Kawlphetha KW 475 an hman mek a nih thu a sawi a. Mimal inchunga Solar Plate dah a, Kawlphetha siam chhuahna, sorkar laipuiin June thla ni 29 khian tih tawp rih phawt a nih dawn avangin Chenna in ngelnghet nei chhungkua a tam
thei ang berin ZEDA kaltlanga dilna thehlut turin a ngen a. July thla atang chuan Sorkar laipui in sum a tum sak tur hi tih tlem a ni tawh dawn tih sawiin, he ruahmanna hi mimal, Pawl leh Sorkar Department building-ah dah theih a nih thu a sawi a. Heng bakah siamchhuah tawh thu leh tangkai taka senso 70% a tumsak kalpui mek chu kumin
hian Kuthnathawktute thlai chawmna tur tui Verh chhuah leh Pump chhuah sakna tur ruahmanna pawh kalpui thuai a nih tur thu a sawi a. Champhai khawpui chhung kawngpui kama Street Light tam tham tak dah belh theih a nih avangin VC kal tlanga dil theiha nih thu a sawi bawk ZEDA Assistant Engineer Thantluanga chuan Electric Connection nei tawhten an Plate dah a, Eng an neih theih dan tur, Grid Connected Rooftop Solar System chuangchang a sawifiah a.
ZEDA Project Director JH. Malsawma'n Ministry of New & Renewable Energy chungchang leh a hmalakna peng hrang hrang te a sawifiah bawk. Zawhna leh chhanna hun hman a nih bakah sawi hona hun hman a niin, mimal, pawl leh Sorkar Department bakah Leilet Zau neituten Champhai belchiang a, dilna thehluh nghal theih a nih thu he
hunah hian tarlan a ni a. ZEDA hnuaia hmalakna kalpui mekah hian, harsatna leh mamawh a awm chuan ziaka inchungah Solar an cham laia thlen a tul a, chung chu a thla lak a, Whatsapp kaltlang pawhin an hnenah hian thlen mai theih a ni tih an tarlang. Chutiangah chuan VC ten mawhphurhna sang tak an nei tih an tarlang bawk.
He Awarness Campaign chhim hian District
AMFU hruaitu te, Tlawmngai Pawl aiawh te, VC te leh he hmalakna zirchiang duhtute an kalkhawm a ni.

DAN BAWHCHHIA :
May thla chhung khan Traffic Police te chuan
lirthei dan bawhchhia 36 an man. 2 wheeler 12 man an ni a, pawisa cheng 4000 chawitir an ni a, 3 wheeler 5 man in cheng 500 chawitir an ni bawk. 4 wheeler 19 man in pawisa cheng 4800 chawitir an ni ve bawk. May thla chhung a lirthei hrang hrang dan bawhchhia man te atanga pawisa chawi hi vaiin hi Rs. 9300 a ni.

GANDHI PUALIN :
Nilaini khan Champhai Hmunhmeltha YMA Hall-ah India hnampa Mahatma Gandhi pualin Govt. Champhai College leh Govt. Gandhi Memorial Higher Secondary zirlai NSS-te bakah Hmunhmeltha High School zirlaiten hun an hmang.
He hunah hian Mahatma Gandhi Zirtirna leh
India ram tana a hnathawhte tarlan a nih bakah hemi chungchanga inziahsiak tithate hnenah lawmmawn sem a ni. He hun hi R.Lalchhuanawma, Convener, NSS Programme Officer Govt. Champhai College chuan kaihruaiin, "Gandhi zirtirna leh India
tana a hnathawh" tih thupui C.Laltanpuia, Asst Convener, NSS Programme Officer, Govt. Gandhi Memorial Higher Secondary School leh Dr. Lalnunpuia, NSS Programme Officer, Govt. Champhai College te chuan thu an sawi a.
Lalremruata, Programme GMHSS chuan lawmthu sawiin hun a khar a ni.

SERVICE DAWNLO:
June ni 12 khian Champhai - Aizawl Maxi Cab service te chuan Special Assembly an nei dawn a, hei vang hian June ni 11-12, 2019 chhung hian an service theih dawn loh avangin mipui hriatthiamna an ngen tih thu kan dawng.

ZEDA BIAK PAWHNA :
ZEDA chuan Solar hmanga Eng siam chhuahna chu 70% subsidy in an pechhuak thei a. An hotute hi Champhai ah cham mekin, vawiin hian a duh leh mamawh turtan ngaihven theih a ni ang. Anmahni biakpawh theihna chu Director -9436155836 Project Director 9436145046 Project Officer 9436196268 ani e.

GREEN MIZORAM DAY HMAN DAN TUR :
Nimin chawhma khan Champhai District Green Mizoram Committee chu an Chairman Champhai DC Dr Naveen Aggarwal hovin DC Conference Keifangtlangah thukhawm a, June ni 11 a Green Mizoram Day 2019 hman dan tur chungchang an rel a ni.
Dr Naveen Aggarwal chuan uar lehzuala thingphun angaih thu leh hemi kawngah hian mi tine thatho leh phur lehzuala thawhchhuah a pawimawh tih a sawi a Thing phun chu tun mai nilo nakin zel atana intihhmuh tana thil duhawm tak a nih thu a sawi bawk. He hunah hian C.Lalbiaka, IFS, DFO Champhai Forest Division, Member Secretary chuan Member-te lawmna thu sawiin, hun chep tak kara  meeting ngaipawimawha kalkhawmte hnenah lawmthu a sawi a, meeting neih chhan
leh thurel tur sawifiah a. Thukhawm chuan
kumin Green Mizoram Day hawnna leh lawmman semna hun leh hmun chu chawhma dar 11 ah New Community Hall-ah neih ni se, a ti a. Hawnna neih zawh hnu hian a huho va thingphun hnatlang Mualbuhvum, Zote Road-a neih tha tih a ni a. He mi ni a thingphun tur hian department tin atangin thahnemngai taka thawh chhuah ni se. Thing tiak phun reng reng chu tha taka hungna siam tha tihani bawk a. He hunah hian kangmei ven hapta leh kangmei hluar hun chhunga Khua leh Chanchinbu thawktha te, nikum hnatlanga thingphun nung tha ber department-te hnenah khuallianin lawmman hlanna a nei dawn bawk
Nimin meeting chuan Green Mizoram Day Champhaia hman tur atan Khuallianah Champhai Bawrhsap Dr Naveen Agarwal chu a ruat a, programme kimchang chu Member Secretary kutah dah a ni. Sawrkar Department, NGO, mimal leh khawtlang anga mahni ram chhunga thing phun duhte tan Forest Department lamah thingtiak leh a hmanrua ngaihven theih a nih thu meeting-ah hian tarlan a ni bawk.
Kumin Mualbuhvuma YMA ram chhungah hian Tlaizawng 365 leh Chhawkhlei 40, a vaiin thing tiak 415 bawr vel phun tha taka hung leh YMA tangkawpa enkawl zui zel tura ruahmanna kalpui nikum  Green Mizoram Day pual khan Mualbuhvumah hian Thing tiak 215 lai phun niin, a hungna pawh tha taka siam nghal a ni a, Thing tiak phun za zela 67 hi a himdam a ni tih tarlan a ni thenkhat pawhin mahni ramah he ni pual hian thing tiak an phun bawk.
Green Mizoram Programme hi Mizoram sawrkar hmalaknain kum 1999 atanga hman tan a ni a. Hemi hnu hian District hrang hrangah kum tin Sawrkar lam leh NGO tangkawpin huaihawt chhunzawm thin a, kum 2017 atang khan June Ni 11 hi Green Mizoram Day atana ruat ani.

TUIALHTHEI DINHMUN 
MIZOFED
MS : Free Sale 
HSD: Free Sale 
RC FILLING STATION 
MS : Free Sale 
HSD : Free Sale 





Comments