Skip to main content

Champhai Tualchhung Chanchinthar

DC IN UPC (NE) LEH DINTHAR NGO INREMNA ZAWNPUI :

Nimin khan Dinthar Veng North East UPC leh Dinthar Veng NGO ram inchuh chunhchangah District Bawrhsap hoin Meeting neih a ni. 
He Meeting District Bawrhsap Dr Naveen Agrawal khaihhruaina hnuaiah neih a ni. District Bawrhsap chuan UPC (NE) te hi dan atana en chuan dan atangin  ram an in chuh a, landlist Misc 54 of 1998 neitu an nih bakah chhiah pawh awl lova an pek reng thu sawiin helai ram neitu dik tak an nih thu a sawi a. A neitu an nih anga Biak In sak an tum chu khawtlang lamin sak an phallo chu an tih dik loh thu a sawi ani. 
Sawrkar chuan he ram inchuh tute UPC (NE) leh Dinthar NGO te inremna chu a duh ber a nih thu sawiin, inremna a awm theilo a nih chuan  dan anga an kal tur thu leh ram neitu UPC (NE) pek a nih dawn bakah danlo anga helai ram lo ding tawh Anganwadi - MHIP, MUP leh VC House te chu thiah a nih tur thu a tarlang a ni. 
Inremna chu Sawrkar duhdan a nih thu a tarlangin District Bawrhsap chuan dan chu dan ni mahse In lo ding in thiahsak chu thil thalo a thlen theih avangin inthiahsak lo tura NGO lam pawh in phah hniam turin a ngen a. NGO ram pek an tum dai fem lam deuh a mi chu ngaihtuah that leh a, ram laili tha zawk pe turin a ngen bawk. Dan anga kal rum rum ngailoa an pahniha inremna zawk turin a ngen a. A harsa zawnga kal ngailo tura NGO leh UPC (NE) te pawh Joint Meeting nei a inremna dap turin a ngen a. Tuna UPC (NE) te ram tluppui tal ngaihtuahsak tura a duh thu a sawi ani. 
He hunah hian Dinthar Khawtlang aiawha kal te chuan UPC (NE) Pastor in ram a duhna hmun a sawi a. Dinthar Veng thlanmual thlenhma a mi chu pek an phal thu tarlangin UPC (NE) te hian helai ram pass an nei tih an hriat loh avangin Revenue  dawr chungin Revenue  ah ram ruak anga a lan avangin khawtlang hmun pawimawh atana buatsaih a nih thu leh UPC (NE) ten pass an nei tih an hriat hnuah an thiamlo a ni tihte UPC (NE) te pawh inphah hniam hram tura a ngen thu asawi a. Ram an kawhhmuhna hmun chu an duhthu a samlo a nih chuan an duhna hmun hmate enho an in huam thu Dinthar khawtlang NGO te hian antarlan a. Dinthar khawtlang hmun pawimawh taka an hman mekte hi chhuhsak lo hramturin UPC (NE) te an ngen a. MHIP te chuan building thar sa leh tur chuan an tan a hautak bakah a harsat tawh thu an tarlang a. Anganwadi pawhin hmun danga building sa leh turin Central atanga tanpuina an dawn theih tawh loh thu an tarlang tel bawk a ni. 
UPC (NE) Pastor pawhin thusawiin Biak In hi an mahni ram ngeiah sak an duh thu sawiin an hmuna In lo dingtawh MHIP, MUP leh Anganwadi te hi thiaha a thar sak leh a harsa a nih chuan an ram ang tiat tal pe turin a tarlang a. UPC (NE) te chauh sawn chhuah ngaihtuah loa an hmun ngeia Biak In sak theih an duh a nih avangin hmun dang an enna turah hian MHIP leh Anganwadi hmun tha zawk entel chu am duhthusam a nih thu te. An hmun aṭanga chhuah loh chu Pastor hian a sawi a. Biak In an sak theihna tura MUP leh VC House chu a hnawk phalo niin a sawi a. MHIP leh Anganwadi in Biak In an sakna tur a dal thu  a sawi a. An duhthusam hmun an hmuhsak thei a nih chuan inbiakrem an remtih eng thu leh an theih hram chuan an mahni hmun ngeia Biak In sak an duh ber a nih thu a tarlang a ni. 
Vawiin DC hoa Meeting neihah hian thu mum tak siam theih ala nih loh avangin District Bawrhsap chuan Dinthar Veng NGO leh UPC (NE) te chu Sub YMA kaihhruaina hnuaia ramchungchanga indawr hoa ram te en ho  a UPC (NE) ram tur chauh pawh nilo MHIP leh Anganwadi hmun tur remchang te zawnga sawihona hun atan karhnih hun a pe a. An inremtheih ngeina tur kawngte zawng hoin heng pawl pahnihte hian hma an la dun anga. Karhnih hnuah Meeting hi koh leh a ni dawn a ni. 

MINIKINS CHAMPION :
CDBBA Season Opening Tournament 2019 chu nizan khan Vanlallawma Indoor Stadium ah khelh zawh a niin Minikins an Champion. 
CDBBA Season Opening Tournament Finalah hian Minikins leh Freddy's Memorial ten final khelin Overtime khelh niin a tawpah Minikins te hian 77 - 73 a hnehna changin an Champion a ni. 
Champion Teams Minikins te hian lawmman Rs. 5000 dawngin Freddy's Memorial te hian Rs. 3000 an dawng bawk. 
Tournament ah hian Team 16 inlanin  Champhai khawpui pawn atangin Khawzawl atangin te 2 te an rawn inlan thei a ni. 

MJA CHAMPHAI DISTRICT PRESS TOUR :
Champhai District I & PR leh MJA ten Champhai District hmarlam tlangdunga hmasawnna ruhrel hnathawh lakallai an tlawh kualmekah,  NE Khawdungsei,  Khawkawn leh Chiahpui khaw chawmna tur Nizung chakna hmanga tuilak hnathawh mek an fan rualin,  NABARD sum Rs 10.2 Crores leh a doletna Mizoram sorkar sum Rs 1.1 Crores a pumpuia Rs 11.38 senga siam mek Mimbung leh Hrianghmun khaw chawm tur tuilak (Combined Mimbung & Hrianghmun Solar Pumping Water Supply Scheme) hna thawh mek anih dan chu PHED hotuten tarlangin,  Mimbung leh Hrianghmun khawmipui 4564 in hniang hnar taka tui an dawn theihna hnathawh mek chu kumin chhunga zawhfel hman an beisei thu an sawi.
Mimbung leh Hrianghmun khaw chawm tur hnathawh mek, (Combined Mimbung & Hrianghmun Solar Pump Water Supply Scheme)ah hian Hrianghmun khaw hnuai a Tuiching Lui hnar,  thalva-ekchar lai pawh a tui Minute khat a Litre 198 luangchhuak thei chu Nizung chakna (Solar Plate) Kilo-Watt (KW) 200 chakna hmangin Meter 150 zet asangah hruai chhoh (Pump) tura duan niin,  tui a natna hrik thahna khawl (Ozonator) hmanga tui thlitfim anih hnuah Meter 130 a sangah tui thianghlim Pump chhoh leh tur a ni a.  Heta Tui dahkhawlna Zem pahnih atang hian Mimbung leh Hrianghmun khawchhungah lakluh ve ve tura duan a ni.
He Project "Combined Mimbung & Hrianghmun (Solar pumping) Water Supply Scheme hi nakum March thla a zawhfel hman tura duan anih laiin,  kumin chhung ngei a zawh hman an beisei thu PHED hotute hnen atanga dawn anih bakah PHED in an thawh tur 85% chu an zofel tawh a ni.  He hna hi zawhfel anih hunah chuan tui harsatna khaw pahnih Mimbung leh Hrianghmun khaw mipui 4564 ten nitin tui litre 60 chuang theuh hniang hnar takin an dawng thei tawh dawn a ni.
Heng khaw 2 a tuisem dan turah PHED chuan vantlang tuipekna (Public Water Point) siam lovin, chhungkawtin-in an lak theih dan tur (T Cluster) hmanga duan (private connection) hman vek tur niin,  khaw 2 mipuite duhthlanna-in PHED kutkhawih kher lova;  an mahni enkawl zui theih tura ruahman a ni bawk.  Champhai District chhunga Nizung chakna hmanga Kelkang khaw tuilak chu a hlawhtling hle a.
Tuna NE Khawdungsei,  Chiahpui leh Khawkawn chawmtu tur tuilak (Combined NE Khawdungsei, Chiahpui and Khawkawn Solar Pumping Water Supply Scheme) leh Mimbung leh Hrianghmun khaw chawm tur luilak (Combined Mimbung and Hrianghmun Solar Pumping Water Supply Scheme) hnathawh mekah, he hnathawh tlawhtu Champhai District I & PR leh MJA te mit a tlung hle a.  An hna a that bakah zawh hun tur bituk aia hma a mipui chhawr theih tura tan an lakna leh ram rotling tur ruhrel an din kawngah fakawm an ti hle.

SCHOOL NAUPANG HRILHHRIA :
Nimin khan District Advisor Board on School Safety buatsaihin Mega Demonstration on firing fighting equipments and lecture on safety measures in Schools neih a ni a. He hun Govt GM High School ah Pu C. Hualrikhuma, DyPC kaihhruai hi Pu Obda Lalmalsawma chuan khuallian niin a hmanpuia. Thusawiin kan hriatchian tawk loh vanga kan chunga chhhiatna thleng tam tak a awm laia inhrilh hritna neih a nih chu lawmawm a tih thu a sawi a. Vanduaina kan tih tam takte hi pumpelh theih a ni a, in venna chang kan hriat loh leh kan fimkhur tawk loh avanga thleng a ni fo a ti. A theih chin chinah inven dan leh hmachhawn dan kanlo zirlawk hi  tul hle a ni a ti a. Zirlai kalkhawmte chu an thil zirte ngun taka zira midangte zirtir chhawng theitu ni turin a chahin, kangmei kan ven chuan midang tam takin malsawmna kan ni theidawn a ni a ti. 
Pu Zoramthara, Dist. DM&R pawhin thusawiin khuarel chhiatna hi Pathianin kan tawn tura rel nimahse kan dawnsawn dan a zirin a nghawng a danglam thei a ni a ti a. Khuarel chhiatna kangmei leh leimin te pawh hi kan fimkhur tawk loh vanga thleng a ni fo a. Hengte hi kan chunga thleng thei reng a nih avangin kan him tawk em tih kan ngaihtuah a ngai a ni a ti bawk. 
Pu Lalchhamdama, Station Officer Fire Dept Champhai chuan zirlai kalkhawmte kangmei lakah him theihna tur chi hrang hrang leh tih tur leh tih loh tur chi hrang hrangte a zirtira. Kang thelhna hmanrua hmandan te a zirtir bawk. 

TUIALHTHEI
Mizofed Pump
MS : Service Tanky
HSD : Free Sale
RC Filling Station
MS : Free Sale 
HSD : Free Sale
RD Filling Station
MS : Report lutlo


HSD : Report lutlo

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…