Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Lawrkhawm

TRAINING  BUATSAIH :
DIET Champhai buatsaihin nimin khan Middle School teacher-te tan Training on Learning Outcomes based on NAS 2017 neih chhunzawma ni.
He training I&PR Auditorium CHANEM  Buildinga neih a ni a, nimin leh vawiin hian Khawzawl leh Ngopa Block huam chhunga zirtirtute'n training hi an nei ve leh a ni. He training-ah hian Mathematics leh Social Science Subject-a zirtirtute hnenah naupangte hnena zirlai pek dan tur te, naupangte hriatthiam theih tur zawng leh an nun kaihruai thei tura zirtirna pek dan turte zirtir an ni. He training-
ah hian Baby Lalrindiki, Vanlaldiki leh R.Lal-
sawmliana DIET Lecturer te'n zirtirtu kalkhawmte hi an zirtir a ni.

BADMINTON FINAL :
Vawiin chawhnu dar 1:00 atang hian CDBA Season Opening Tournament, 2019 final chu Champhai Town Hall ah khelh a ni dawn a, tlai dar 3:00 ah a kharna hun hman a ni ang. Champhai SP Rex Zarzoliana Vanchhawng chu khuallian a ni ang. Tun tum tournament ah hian Mizoram top player pawh an tel nual a inkhel hmuhnawm tak tak en tur a awm ang.


UNDER 16 :
CDFA buatsaih T. Khupzachin Memorial U-16 Football tournament chu Chhangphut field-ah nimin khan khelh chhunzawm ani a, nimin
khan Group match khelh zawh ani a, vawiin
atangin quarter final khelh tan a ni ang.
Nimin result:
Zokhawthar 4-1 Electric
New Champhai 3-0 Selam
Vengthar 1-0 Melbuk
Tlangsam 1-1 Zion veng
Vawiin Q/F fixture:
Kanan vs Venglai 10am
Vengthlang Vs Tlangsam 
Zokhawthar vs New Cpi
Vengthar vs Kahrawt 


INSAK TANPUINA DIL THEIH :
UD&PA Deptt hnuaia khawpui mirethei Loan diltuten 3.7.2019 thleng project report thehluh theih a ni a, hrechiang duh tan Vanrammawii, District Manager, UD&PA, Deptt, Champhai Phone No. 8014531854 ah


zawhfiah theih a ni e.


TUIALHTHEI
Mizofed Pump
MS : Free Sale 
HSD : Free Sale
RC Filling Station
MS : Nil
HSD : Nil
RD Filling Station
MS : Service Tanky 
HSD : Free Sale 

Comments