Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Building Regulations mumal taka kalpui a ngai tawh

BUILDING REGULATIONS MUMAL TAKA KALPUI A NGAI TAWH :
He  thu hi  Law & Judicial etc changtu Minister Pu TJ Lalnuntluanga'n Champhai khawpui leh a chhehvela hmasawnna ruhrel siam dan tur Master Plan tihhlawhtlin anih  theihna tura  hmunhma hrang hrangte a enfiah tuma a sawi a ni a. Minister chuan khawpui tawt zel tur lo venlawka tihziaawmna turin Champhaiah Building regulations mumal tak  kalpui angai a, Champhai ti Champhai tu leh mi tamtak ei bel ber  Leilet phai zawl humhalh turin thing leh mau tuihna siamtu venhim angai a ni tiin, Champhai mipuite chu  Pathian malsawmna an  dawnte  midang  tana harsatna siamna atana   hmang lo turin a chah bawk a ni.

Minister hian Champhai khawpui leh a chhehvel khua Town Area-te awlsam taka inkalpawh zung zungna tur leh khawpui vet kual kawngpui Ring Road, Zotlang -Tlangsam- Zote-DC complex Keifangtlang via Hmunhmeltha to Falkawn-Khankawn-Zotlang thlenga kawngpui pawhtu turte department hotute leh khawtlang hruaitute nen  an enfiah a. Champhai khawpui tuiltlan leh Leilet zawl in tuilakna a tana an hman ber Tuipui lui humhalh dan turte, Tui lian laka Leilet phaizawl venhima, tuilakna kawng tha leh Leilet zau hrang hrangte pawhtu kawngpui mumal tak siam anih theih dan turte  enfiaha zirchian leh a ni a. Minister chuan Irrigation & Water Resource Development department hotute chu Lui leh a kuang awm dante zirchianga thlai chawmna tur tui hnianghnar taka neih anih theih dan turte project mumal tak siama thehlut turin a chah a ni.
Forest Minister hian Champhai Tlangsam khaw hlui Jubilee tlanga SEDP Ecotourism fund leh Green India Mission kaltlanga UD&PA leh LAD te nena tanghoa Eco Tourism Park siamna tur hmun Department Official leh khawtlang hruaitute nen an tlawh leh a ni.
Minister Pu TJ Lalnuntluanga  hi Er Beizawzi T. Azyu, SE, I&WRD; Pu Lalzorama SE P&E; Pu Zoremthara Ralte,  SDO Sadar; Pu George Lalthanngura DAO;  Pu  J.Kapkima EE PHE,  Pi R.Lalhmangaihzuali, Asst Director UD&PA leh line department Official ten an tawiawm a ni.

Comments