Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Champhai ah Dengue vei 3 awm tawh

CHAMPHAI AH DENGUE VEI 3 AWM TAWH :
Nimin khan Anti Dengue Month chu CMO Conf. Hall, Champhai-ah hman a ni hman a ni. Champhai District Vector Borne Disease Control Prog. huaihawta Anti Dengue Month. hmanna ah hian Dr.Lianmawia chuan thu sawiin, National Vector Borne Disease ControProgramme in a enkawl ber chu Dengue leh Malaria a nih thu a. sawi a. Dengue hi natna chi khat. thosi rangin a seh atang kai theih a ni a, a natna hrik that thei. damdawi a la awm loh avangin ngaihthah chi a ni lo va, he natna hi a hluar zel lohna turin kan tanruala kan fimkhur a ngai hle a ni, a ti a. Dengue natna do dan tha ber chu thosi inseh tir loh leh Thosi pian theihna tihbo a nih thu sawiin, Chhuna naupang kan muthilh tir pawhin thosilen zar sak thin tur a ni a. Kan in leh a velah thosi pian theihna awmte kan tihbo a, kan in leh a vel thosi hloa kah tir thin tur a ni a, hna kan thawh pawhin taksa lang tam lutuk thawmhnaw inbel loh hi a him a ni, a ti bawk. 
Dr. Lianmawia chuan Dengue laka kan himna tura sawrkarin programe a siamte hi keimahni tana ruahman a nih avangin a hlawhtlinna turin mi tinin mawhphurhna kan neih thu a sawi bawk. Champhaiah Dengue natna
vei mi 3 hmuhchhuah tawh an nih thu sawiin, Dengue vanga thi erawh an la awm loh thu a sawi a. Dengue natna lan chhuah dan hrang
hrang tarlangin inrinhlelh chuan a rang thei ang bera Damdawi in pan thin tur a nih thu a sawi bawk.
Dr. R.Lalawmpuia, CMO Champhai chuan he hun hi a kaihruai a, Champhai khawpui chhunga Health Worker leh ASHA te bakah CMO Office-a thawktute an kalkhawm a ni

Comments