Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Champhai District Planning Committee thukhawm

CHAMPHAI DISTRICT PLANNING COMMITTEE THUKHAWM :
Nimin  khan Champhai District Planning Committe thutkhawm vawikhatna chu DC Conference Hall ah neih a ni a. He hun hi Law Minister Pu TJ Lalnuntluanga, East Tuipui bialtu MLA Pu Ramthanmawia leh Champhai North bialtu MLA Dr ZR Thiamsanga te chuan an telpui a ni.
He hun Champhai Bawrhsap Dr Naveen Aggarwal a kaihhruaiah hian Project thar hlak Champhai District chhunga hmasawnna ruhrel siamna kawnga tangkai tura ngaih te department hrang hrang ten an thlen a. Hengte hi sawiho anih hnuah Action Plan leh DPR te siama DRO kaltlanga Planning & Program Implementation department a thehluh leh tur a ni a. Nimin khan department hrang hrang ten an mamawh  leh harsatna an thlente a tul anga bawhzui zel anih theihna turin felfai takin Economic and Statistics department ten an  ziak lut zel a, thil dang thlen duh neite tan Zirtawpni thleng hian DRO Office, Champhaiah thlen theih a ni bawk.
Ruahman dan chuan Champhai District Planning Committe chuan District Bawrhsap kaihhruainain NEC, NLCPR &NEDP  hnuaia hnathawh te an enfiah anga, report kimchang Planning department lamah an thehlut dawn a. Heng bakah hian District mamawh zualpui hmasawnna ruhrel project kal lai mekin a huam lohte lakhawmin Action Plan leh DPR te siamin Planning & Program Implementation department lamah a tul anga bawhzui turin a thehlut dawn a ni. Hmasawnna ruhrel thawhte chu uluk takin a vil anga, quarterly report Planning & Program Implementation department ah pein a tul angin hma a la thin dawn a ni.

Comments