Skip to main content

Chanchinthar ka post peih nganglo kan thianpa chanchin hian min la ti nguai a ni ber mai...

Kan then tak


DK.LALHRUAITLUANGA (Mama)
(1980 - 2019)


CHANCHIN TLANGPUI



Thihni : 27.7.2019 (Inrinni) Dar 1:50 am
Vui hun : 28.7.2019 (Pathianni) Dar 12:00 Noon
Vuitu : Rev. R.Vanlalruata, Bialtu Pastor

Pu DK Lalhruaitluanga hi Pu R.Laihnuna DK (L) leh Pi Vanlalhmuchhuaki (Tevani) te fa pali te zinga a upa ber dawt niin kum 1980 June ni 14 khan a lo piang a, amah hi naupang pian tha leh hrisel tak a niin a tetlai atangin thenrual kawm a thiamin a hlim thei em em a, thiante tana ui nei lo a nih bakah mite tanpui hi nuam a ti em em bawk a ni. Champhai leh Aizawl-ah Primary, Middle leh High school te kalin Shillong lamah a zir chhunzawm a, Shillong a awm hnu hian Kolkata-ah Computer lam zirin a awm leh a, hemi hnu hian lo hawngin RIHLIPUI Chanchinbu a buatsaih tan a, nupuite neiin tunah hian a nupui Laldinpuii (Nu-i) leh a fate 3 a kalsan a ni.
A fate : 1) Lalmalsawma
2) Vanlalmuanpuii
3) DK Lallawmawmi

A pianpui Unaute :
1) DK Zoramchhani (Mami)
     W/o Lalrotluanga Ralte, Khawzawl
2) DK Lalchhanhima (Te-a)
3) DK Lalrinmuanpuia (Mate-a)

Pu DK Lalhruaitluanga (Mama) hian kum 2003 June ni 25 atangin Rihlipui hi chhuah tanin a boral ni thlengin eizawn nan a hmang ta a ni. Hetia chanchinbu lam a buatsaih takna chhan hi amah a tui vang ni lovin kum 1982 bawra a pa Pu R.Laihnuna’n Rihlipui chanchinbu hi kar khata vawi khat chhuak turin Champhaia Officer rual leh thianthate sawm khawmin an lo ti chhuak a, mahse kum 2 vel an kalpui hnuah an chhunzawm thei ta lova, Mama pa hian khawltha te a lo chhuah tak zelah tih chhunzawm leh tuma hma a lak mek laiin vanduai thlak takin 9.9.1999 khan a boral san ta a, hei hi Mama hian hrerengin a pa chak leh duhna hi tih puitlin ngei tumin a chhunzawm ta a ni. Rihlipui-ah hian Editor, Publisher leh Owner (Neitu) nihna a chelh a, Kum 2006 February thla khan MJA Member ah lutin Kum 2012 atangin Champhai District  MJA Executive Committee Member niin a thih ni thlengin he nihna hi a chelh a, Kum 2012 - 2014 chhungin he pawlah hian Finance Secretary hna a chelh a ni. Tin,    Mizoram sor-karin Accredited Journalist atana a pawm zingah telin, chanchinbu enkawlna a mi inpe tak, huai taka a ngaihdan ama tana pawi thei tur pawh nise khawtlang leh ram tana tha tur anih chuan pho chhuak thintu a ni.

A nat dan : Kum 2000-a Kolkata a Computer lam zira a awm laiin damlo thisen pe turin an kal a, a thisen exam a nih hnuah Hepatitis C a nei tih hriat a ni a, amaherawhchu a taksaah engmah lang lovin leh insawiselna a neih lem loh avangin kum engemaw chen in enkawl lovin a awm a, kum 2013 khan a damlo a, hetah hian a natna hi a lo la pai reng tih hriat a ni a, Treatment la turin Doctor-te’n an ti a, mahse a taksa chaklohna avangin a la thei lawk lova, kum 2018 April  atang khan Treatment a la thei ta a, Treatment hi a lak zawh hnuah  checkup nei lehin hetah hian Doctor-te chuan Hepatitis hrik an hmuh tawh loh thu leh a that thu an lo hrilh a, amaherawhchu kum 10 dawn lai Treatment a lak theih loh avangin a thin a lo khawih chhe hman hle a, hei hian natna hrang hrang rawn pawchhuakin a taksa a chaklo chho zel a, Champhai leh Aizawl-ah te enkawl thin a nih hnuah beisei anga hma a sawn chak loh avangin kumin May ni 9 khan Helicopter hmangin Aizawl-ah chhukpui leh a ni a, Ebenezer Hospital-ah Admit nghal niin, chawlhkar khat hnuah ICU-ah dah luh a ni. Thla thum dawn Ebenezer Hospital-a a awm chhung hian ICU-ah vawithum dah luh a ni a, a vawi thum luhna hi tuar chhuak zo ta lovin, ni 27.7.2019 (Inrinni) zing dar 1:50 khan Lalpa hnenah Chatuana chawl turin min kalsan san ta a ni.

A damloh tantirh atanga vawiin ni thlenga a tulna apianga tha leh zung senga min buaipuitu chhungkhat laina leh thenrual tha te,  MJA Champhaia a thawhpuite leh Aizawl lama MJA Hruaitute leh member puite chungah leh a dam chhuah theihna tura thisen Unit thahnem tak a mamawh min petu zawng zawngte chungah thinlung takin lawmthu kan sawi a ni. Tin, Kohhran leh mimal tawngtaipuina tam tak kan dawng bawk a, kan tana in thatna zawng zawngah lawmthu kan sawi a, a let tam takin Pathianin mal sawm vek che u rawh se tih hi kan chhungkaw tawngtaina a ni.

Vawiin nia kan lungngaihna min hnem tura tha leh neih sum senga lokal zawng zawngte chungah lawmthu kan sawi mawlh mawlh bawk e.


VL Hmuchhuaki leh a fate
Champhai Vengthlang

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…