Skip to main content

MIZO PIPU SULHNU VEK A NI

MIZO PIPU SULHNU VEK A NI : Khawchhak tlangdunga sulhnu hluite chu Mizo pi pute sulhnu vek a ni, tiin Superintending Archaeologist Dr. Sujeet Nayan chuan nimina Khawbung khaw bula Tlaikuang Tlanga hmun hlui an tlawhnaah a sawi. Nimina Khawbung khaw bul Tlaikuang Tlanga mihring sulhnu hlui haichhuah thar an tlawhnaah Superintending Archaeologist Dr. Sujeet Nayan, ASI, Aizawi Circle chuan, khawchhak tlangdung hmun hrang hranga mihring sulhnu hlui an hmuh leh tlawhte chu Vangchhia ami nen inthlunzawm kual nei vek a nih thu a sawi a. Lunga a pawng leh a khuara milem kerte chu Mizo pi leh pute nun ziarang pho chhuak  vek a nih thu leh, hun rei tak ata Mizoram hi an lo luah tawh nia a lan thu archaeological excavation neih tawh atangin thui tak a rinzawn theih niin a sawi a. Lunghriam hun hnuhnung hmanrua Sazep khaw hnuaia hmuh lo ni tawh te, Vangchhe Excavation-a hmuh a ni te chuan mithiamte thil chhui tur tam tak a la  chhawp chhuak dawn niin a sawi. Nimina Tlaikuang Tlanga hmunhlui an tl…

Courg sawn chhuah Zote ThalaiPawl in phallo

COURT SAWN CHHUAH ZOTE THALAI PAWLIN PHALLO :
Zote Thalai Pawl chuan Champhai District Session Court, CHANEM Building-a sawn tur chu hriatthiam har an tih thu leh an lungawi lo hle tih an sawia, Zote-a dah ngheh a nih theihna tura theihtawp chhuaha hmalak an tum thu an sawi.
Nimin khan Champhai Press Club-ah Zote Thalai Pawl chuan chanchinbumite káwmin, Sawrkar tharin Champhai District  Court, Kum 50 chhung atan CHANEM Building-a awm tura Cabinet Meeting-in pass ta mai chu hriatthiam harsa an tih thu leh an lungawi loh thu an sawi a. Kum 2013-ah Champhai District Session Court turin Zote. YMA Park hmun pek fel tawh a ni a, kum 2017 ah. Comerce & Industry Dept ta IIDC ah Court hi sawn phei niin Zote khawtlangin pek tawh saa insawn lo va CHANEM building lama sawn a ni leh ta daih chu kan lungawi lo hle ani, an ti.
Sawrkarin IIDC hmunah hian Ditrict Session Court hi a dah nghet thei ngang lo a nih pawhin Khawtlangin an ram pekah hian dah nghet ngei tura an duh thu sawiin, Kan khua ti hulumtu leh kan khawtlang tana hmasawnna tam tak min thlentu a nih avangin dah ngheh a nih theihna turin theihtawp kan chhuah dawn a ni, an ti a. July
thla chhunga sawrkarin. Cabinet meeting thu pass hi ati danglama a sut leh lo a nih chuan Zote khawtlangin nasa zawka hma an lak tur thu an sawi bawk.CHANEM building Court atana chei thata Office awmsa sawn chhuah. leh chawp ai chuan ui takchunga Zote khawtlangin ram zau tak an pekah
Court hi awm ngei se an duh thu an sawi bawk
Zote Thalai Pawl chuan zawhna chhangin
'District Session Court sawn chhuak lo tur hian
sawrkarah pawh ngenna an siam tawh thu an sawi a, ngaih tha taka an awm. laia sawn a ni leh ta thut chu an hriatthiam loh thu an sawi bawk.


Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…