Skip to main content

MIZO PIPU SULHNU VEK A NI

MIZO PIPU SULHNU VEK A NI : Khawchhak tlangdunga sulhnu hluite chu Mizo pi pute sulhnu vek a ni, tiin Superintending Archaeologist Dr. Sujeet Nayan chuan nimina Khawbung khaw bula Tlaikuang Tlanga hmun hlui an tlawhnaah a sawi. Nimina Khawbung khaw bul Tlaikuang Tlanga mihring sulhnu hlui haichhuah thar an tlawhnaah Superintending Archaeologist Dr. Sujeet Nayan, ASI, Aizawi Circle chuan, khawchhak tlangdung hmun hrang hranga mihring sulhnu hlui an hmuh leh tlawhte chu Vangchhia ami nen inthlunzawm kual nei vek a nih thu a sawi a. Lunga a pawng leh a khuara milem kerte chu Mizo pi leh pute nun ziarang pho chhuak  vek a nih thu leh, hun rei tak ata Mizoram hi an lo luah tawh nia a lan thu archaeological excavation neih tawh atangin thui tak a rinzawn theih niin a sawi a. Lunghriam hun hnuhnung hmanrua Sazep khaw hnuaia hmuh lo ni tawh te, Vangchhe Excavation-a hmuh a ni te chuan mithiamte thil chhui tur tam tak a la  chhawp chhuak dawn niin a sawi. Nimina Tlaikuang Tlanga hmunhlui an tl…

Graduation Day hmang

GRADUATION DAY HMANG :
Nimin khan Gov't Champhai College chuan an
Multipurpose hall-ah Graduation Day Rex Zarzoliana MPS, Champhai SP chuan khuallian
niin a hmanpui.

Khuallian chuan thu sawiin, hlawhtling tur chuan kan theihna zawn leh kan chenna hmun hriat chian a ngai tih a sawi a. Mizoram hian lehkhathiam tak tak a lo hring chhuak tawh thin a, hlawtlinna nei zui ta lo tam tak an awm a ni, a ti a. Thiamna. hi kan chheh vela mi te tana chawp leh chilha hman tur a nih thu sawiin 'Kan chheh vela thil awmte leh kan society, kan chhungkua leh Kohhran tana kan thiamna lan chhuah tir chuan si loh chuan kan thiamna hian awmzia a nei thin lo, a ti. Sorkar hna kan hmu vek lo maithei, mi taima leh thawkrimte chuan kan thawk dawn a, sawrkar hna pawh hi mi taima tan lo chuan thawh chi a ni lo, a ti bawk.

SP chuan zirlai nih chhung chuan ngaihpawimawh hmasak tur thliar thiama tul thu sawiin,. zirlai ni chunga Kohhran leh. khawtlangah kan inhmang a nih pawhin kan zirlai tibuai lo tawkin kan inhmang tur a ni, a ti a. Zuk. leh hmuam, ruihhlo laka kan fihlim a ngai a, kan taksa leh rilru a hrisel loh chuan lehkha zir kawngah kan hnufum phah thin a. Mahni inthunun thei lo te tan hlawhtlinna a chan theih loh a thil tha lo laka kan insum tlat hian hlawhtling turin kan kawng kan sial lawk a ni, a ti. Zirlaite chu rilru hrisel nei tura chahin, Taimakna leh thawrimna tel lo va, dik lo taka hausa te chu kan it lo ngam tur a ni, a ti a. Eng. chen pawh thleng ila, kan. thlen chin atangin a aia sang zawk a awm zel avangin kan dinhmun tawn zelah kan lungawi a ngai a. Kan thlen china kan lungawi a, rilru hrisel kan neih phawt chuan. keimahni tan mai ni lo, kan chheh vela mi te tan pawh mi chenfakawm tak kan ni thei dawn a ni, a tibawk.

He hunah hian MZU in Under Graduate Result a tihchhuah taka Govt. Champhai College atanga Top ten-a lang mi 3 - Malsawmthari, History Dept-a 2-na; Vanlalhruaimawii, Geography Dept-a 3-na leh Lalhmingthanga, History Dept-a 5-na te hnenah lawmpuina pek an ni a.. Gov't Champhai College atanga ti tha ber Malsawmthari hnenah Lalnunmawia Award hlan a ni a. Education Dept-a ti tha ber Lalruatsangi hnenah Ruata & Thankhumi Memorial Award hlan a ni a. English Core-a ti tha ber Lalhruaimawii hnenah Prof. CJ George Proficiency Award hlan a ni. Botany Core-a ti
tha ber C.Lallawmtluanga hnenah Dr. Helen Hmar
Memorial Award hlan a ni bawk. Gov't Champhai College atang hian MZU in under Graduate result a tih chhuah takah khan zirlai 113 an pass chhuak a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…