Skip to main content

MIZO PIPU SULHNU VEK A NI

MIZO PIPU SULHNU VEK A NI : Khawchhak tlangdunga sulhnu hluite chu Mizo pi pute sulhnu vek a ni, tiin Superintending Archaeologist Dr. Sujeet Nayan chuan nimina Khawbung khaw bula Tlaikuang Tlanga hmun hlui an tlawhnaah a sawi. Nimina Khawbung khaw bul Tlaikuang Tlanga mihring sulhnu hlui haichhuah thar an tlawhnaah Superintending Archaeologist Dr. Sujeet Nayan, ASI, Aizawi Circle chuan, khawchhak tlangdung hmun hrang hranga mihring sulhnu hlui an hmuh leh tlawhte chu Vangchhia ami nen inthlunzawm kual nei vek a nih thu a sawi a. Lunga a pawng leh a khuara milem kerte chu Mizo pi leh pute nun ziarang pho chhuak  vek a nih thu leh, hun rei tak ata Mizoram hi an lo luah tawh nia a lan thu archaeological excavation neih tawh atangin thui tak a rinzawn theih niin a sawi a. Lunghriam hun hnuhnung hmanrua Sazep khaw hnuaia hmuh lo ni tawh te, Vangchhe Excavation-a hmuh a ni te chuan mithiamte thil chhui tur tam tak a la  chhawp chhuak dawn niin a sawi. Nimina Tlaikuang Tlanga hmunhlui an tl…

Lirthei lianchi intlanchhawk tan dawn ta

LIRTHEI LIANCHI INTLANCHHAWK TAN DAWN TA:
Kumin Fur ruahtui tlak chinah Champhai leh
Aizawl inkara lirthei kalten kawng lakah harsatna nasa tak an tawh chhoh leh tak avangin lirthei kal velten harsatna tawh mek pumpelh a nih theih nan ruahmanna thar siam turin nimin khan Champhai District SP Rex Zarzoliana hovin a Pisa-ah thutkhawm a ni.
Champhai leh Aizawl inkar, a bikin Champhai leh Keifang inkar kawngpui dungah ritphur lirthei kawng kam dai palh leh tangkhangte avanga khualzin lirthei dangten harsatna nasa tak an tawh mek chu sutkian a nih beiseiin, vawiin atanga thla thar, August ni 31, 2019 chhung atan ritphur lirthei 407 Truck leh a chunglam zawngte chu Champhai leh Aizawl inkar-ah nitin intlan chhawk tan tura tih a ni.
Lirthei intlan chhawk tura duan hi Champhai
District leh Aizawl District huam a nih angin District SP ve ve inbiakremna hnuaiaha darkar bi hi ruahmanna siam a ni a. Vawiin hian Aizawl atangin ritphur lirtheite Champhai lam panin an tlan tan dawn a. Champhai atangin ritphur lirthei 407 Truck leh a chunglam engchi-mah Aizawl lam pan phal a ni dawn lo va. Hei hian nitin mamawh phur lirthei pawh a huam vek dawn a. Hei hian' ram venhim hnathawktu te, Dan leh thupek. kengkawhtu te, Medical duty leh tul bik erawhchu a huam lo thung ang.
He ruahmanna hian lirthei vakvel harsatna a
sutkian loh chuan a tul dan anga ennawnin, fur ruahtui tlak tam chhung atan ritphur lirthei lianchi bik chu tlan tir rih loh mai tura ruahmanna siam theih turin nimina thukhawm hian thudaha nei nghal bawk. Tunah hian Champhai leh Seling inkarah chawhrualin nitin lirthei 1585 vel a tlan a, Saitual leh Champhai inkar kawngpui, National Highway No. 6 hi cheithat mek a niin, tuihawk luankawr haikhuar thar a nih vang leh lei a hmin/nal bawk vangin lirthei lianchi tan inpelh a harsa hle a. Keifang leh Champhai inkar kawngpuiah hian zankhat thilah ritphur lirthei kawngkam dai palh 10 chuangte a awm thin a. Khawih chetzui ngam loh anih thin avangin khualzin lirthei dangte kaltlang thei lovin an tangkhang nasa thin hle.
Lirthei vakvelte vil tur leh enfiah tur hian
Champhai District Police chuan Champhai leh Saitual inkar kawngpui dung hmun hrangah a bika duty tur Police a ruahman bakah, Highway Patrolling an ruahman dawn a. He lirthei intlan chhawk tura duan hi ritphur lirtheiten zawm vek tura beisei an niin, hun tiam chhunga mahni panlam thleng hmanlote chu kawngpui kamah chesawn lo va ding nghal tura tih an ni bawk.
Nimin thutkhawmah hian District Police
hotute, MJA, YMA Sub-Hqrs. Champhai, ZDU Sub-Hqrs. Champhai, Champhai Truck Owners' Association (CTU) leh Mizoram Truck Drivers' Association Sub-Hqrs. Champhai aiawhte an tel a ni.
Nimin vek khan Champhai District SP Rex
Zarzoliana leh Aizawl District SP Lalsanglura chuan hemi chungchangah hian Hriattirna an tichhuak nghal ve ve a. Chuta tarlan dan chuan, vawiin atanga August 31, 2019 thleng Keifang leh Champhai inkar kawngpui chu motor lian, 407 Truck chin chunglam tan One Way in intlanchhawk tur a ni a. Tahrik Ni inkawp kim lo (Odd days)-ah Aizawl atanga Champhai pan tur motor lian tan zan dar 12:00 atanga a tuk zan dar 12:00 thleng zuah a ni ang a. Tahrik Ni inkawp kim (Even days) ah Champhai atanga Aizawl pan tur lirthei lian tan zan dar 12:00 atanga a tuk zan dar 12:00 thleng kawngpui hi hawn a ni ang.
Hemi chungchanga harsatna tawk emaw, report duh nei tan -Champhai Police Station, Ph No 8974924728; Khankawn Police Check Gate Ph No : 8730817932 leh Khawzawl OC Ph No :8575564420 ah te biakpawh theihani ang.



Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…