Skip to main content

SPIRITUAL CONVENTION VAWI 12NA

SPIRITUAL CONVENTION VAWI 12NA : Nizan atang khan Mizoram Students' Evangelical Union te chuan Spiritual Con- vention vawi 12 na an hmang tan. Spiritual Convention vawi 12 na hi Champhai Vengthlang Presbyterian Kohhran ah nghah niin, nimin khan mikhual an thleng tan a, Counter hrang hrang siamin mikhualte hi hmuah an ni. He convention ah hian thupui atan Lalpa Hmantlak, II Timothea 2:21 thu chuhman a ni a, Speaker atan Rev. Dr. R. Lalthanmawia hman a ni dawn a, a hnen atang hian thupui ngaihthlak thin a ni ang a, Pathianni ah a tiak ang. Spiritual Convention ah hian Mizoram chhunga College leh Higher Sec. School hrang hrang 19 atangin zirlai kalkhawm a, Palai 1300 vel kalkhawm tura beisei a ni.

North-east a Police Station tha ber Champhai PS

NORTH-EAST A POLICE STATION THA BER CHAMPHAI PS :
Kum 2018-2019 chhunga Champhai District
chhunga dan bawhchhiatna chi hrang hrang Mizoram Police-in a chhinchhiah dan thlirletna 'Crime Review Meeting' chu nimin khan Champhai District SP Rex Zarzoliana Vanchhawng hovin Champhai Police Station Conference Hall-ah neih a ni.
He thlirletna huna tarlan a nih dan chuan kum 2018 chhung khan Champhai District chhung Police Station hrang hranga thubuai ziahluhzat hi 104 niin, kumin June thla thlenga thubuai ziahluh hi 93 a ni thung. Kumin January atanga June thla thlenga Ruihhlo leh a kaihhnawih  an man zat tarlanah : Heroine Gram 878.03 Cheng 3,26,800; Methamphetamine Kg 29.228, Mum 2,60,000, Cheng Nuai 390 man, China Dawidim Bag 2, Rakzu litre 138,    Pseudoephedrine Kg 335, Cheng 5,14,56,000 man leh Ganja Kg 108, Cheng 5,48,000 BEDC Litre 1186, Canned Beer 480; a vaiin Rs. 7,61,200 man chu an man a.
Ruihhlo leh a kaihhnawih an man hlut zawng hi a vaiin Cheng 9,49,72,000 a ni. Heng bakah hian ramdang siam Two Wheeler, Kenbo 125cc panga man niin, thubuai an siam sak bakah ILP dan bawhchhia mi 27 manin, thubuai an siamsak bawk.  
He hun hmanpuitu Champhai District SP Rex Zarzoliana chuan, Champhai District chu ramri depa awm, ruihhlo leh thil thalo luhkapui a nih vangin dan leh thupek kengkawhtu lam indaihlo hle mah se, theihtawp chhuah chhunzawm a tul tih a tarlang a. Dan-in thuneihna a pek angin lirthei lut leh chhuak zawng zawng endik vek a nih tur thu a sawi a. Champhai District chu mihringa sumdawnna luhka pakhat a nih vang leh he District paltlanga dan phal loh thil, hmun danga loman a awm chuan thawktute tana hriat nuamlo tak a nih theih vangin tha thlah miah lo va tan mar reng a ngaih thu a sawi a. Lirthei vak vel uluk taka enfiah leh dan phal loh thil man a nih hian Sorkar dan phal loh bungraw phurtu, ralthuam, ruihhlo leh a kaihhnawih tawlhtute a tih tawm-im phah ngei tih a sawi a. Champhai khawpui chhung lirthei pung zelah lirthei tlan dan ennawn mek a nih thu leha tul dan anga ruahmanna siam mek a nih thu sawiin, rim taka thawktu District Police-te chungah lawmthu bawk.
He Crime Review Meeting-ah hian Addl. SP leh SDPO te bakah District chhung Police Station
hrang hranga OC leh Case IO te an tel kim veka ni. Champhai District-ah hian Police mi 139
awmin, a nih dan tur aiin mi 30 in an tlem a. Tunhnaia Ministry of Home Affairs in tehna hrang hrang hmanga a tarlan danin, Champhai Police Station chu India rama Police Station tha zingah 19-na phain, Hmarchhak State zinga Police Station tha ber a nih bakah Mizoram Police Station zingah a tha ber nihna a hauh bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…