Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Ruihhlo cheng nuai zaruk chuang man hu man tawh

RUIHHLO CHENG NUAI ZARUK CHUANG MAN HU MAN TAWH :
Champhai Police, CID Special Branch, Champhai leh Special Narcotics Squad, Aizawl tangkawpte chuan Mualkawi dai-ah heroin Cheng Nuai 9 man hu an man.
Nimin zing dar 7:30 vel khan Champhai Police, CID SB Champhai leh Special Narcotics Squad Aizawl tangkawpte chuan Mualkawi dai-ah random checking neiin, Heroin Hawng 18 leh a neitu nia rin mi pahnih Khawlneihmawii  Kum 44 d/o Hrangsailoya, Chhimluang, Kolasib Ditrict ni-a insawi hnen atangin Sahbawn bawma dah Heroin Hawng 10 (Gram 137) chu Aizawl Taxi atangin an man. Liansianga, kum 70 s/o Phunsanga, Dinthar Veng, Champhai ni-a insawi hnen atangin Sahbawn bawma dah Heroin Hawng 8 (Gram 117) chu Zokhawthar  Maxi Cab atangin an man bawk.  Heroin an man hlut zawng hi Tualchhung rate-in man  Cheng Nuai 9 man a ni a. Heroin neitu-a puhte hi ND&PS Act hnuaiah thubuai siamsak niin, nimin khan Champhai District Court-ah thawn nghal niin, Champhai District Jail-ah dah luh nghal an ni.

June thla chhung khan Champhai Police te
chuan Ram dang Beer Can 480, Cheng 96,000 man leh BEDC litre 520, Cheng 1,68,000 man an man a. Dawidim Bag 2, Cheng 2000 man, Rakzu litre 20, Cheng 3000 man an man bawk a. Metamphetamine KG 442, Cheng 6,79,56,000 man leh Heroin Gram 446, Cheng 17,15,000 man chu an man bawk. Heng Ruihhlo an man zawng zawng hlut zawng hi Cheng 6,99,40,000 a ni

Kumin June thla chhung khan Champhai Po-
lice Station-ah thubuai 24 ziah luh a ni bawk a. Zu chungchangah thubuai 4, ND&PS Act hnuaiah thubuai 9, Arms Act hnuaiah thubuai 1, Mi kutthlak chungchang thubuai 2, Jail tang tlanchhuak thubuai 2, Mi rukbo chungchangah thubuai 1,Rukruk chungchangah thubuai 3 leh Protection of Children from Sexual Offences (POCSO) Act 2012 hnuaiah thubuai 2 ziahluh a ni bawk.

Comments