Skip to main content

Posts

Showing posts from August, 2019

RUIHHLO NGAITE ENKAWL CHUNGCHANG NGAIHTUAH

RUIHHLO NGAITE ENKAWL CHUNGCHANG NGAIHTUAH : Nimin khan Champhai DC Conference Hall-ah ruihhlo ngaiten a bik taka enkawltu tha an neih theihna tura Doctor neih a tul thu leh De-Addiction Centre hmunhmate tihchangtlun dan tur thlirin thutkhawm a ni a. He inrawnkhawmna hun hi District Bawrhsap Dr. Naveen Aggarwal chuan kaihruaiin, Champhai District-a Tlawmngai pawl hruaitute leh MJA Member-te an tel a ni. Bawrhsap chuanChamphai chu ruihhlo  kawngkapui a awm a nih avangin thalai zingah ruihhlo ngai tam tak an awm tih sawiin, heng miten nunphung pangngai an zawh theihna tura enkawlna leh chhawmdawlna tha an dawn theih nan, hetiang lama enkawltu thiam bik Doctor neih a pawimawh thu a sawi a. Ruihhlo ngaite enkawlna hmunhma tihchangtlun a tul thu a sawi bawk a. Hetiang nei thei tur hian District thuneitute leh khawtlang mipui te inlungrual taka tanrual a ngai tih a sawi a. Ruihhlo leh akaihhnawih ngawl veina chuan mi pakhat chauh nilo vin, chhungkua, khawtlang leh ram kawngah thawhho a ngai…

RUIHHLO NGAITE ENKAWL CHUNGCHANG NGAIHTUAH

RUIHHLO NGAITE ENKAWL CHUNGCHANG NGAIHTUAH : Nimin khan Champhai DC Conference Hall-ah ruihhlo ngaiten a bik taka enkawltu tha an neih theihna tura Doctor neih a tul thu leh De-Addiction Centre hmunhmate tihchangtlun dan tur thlirin thutkhawm a ni a. He inrawnkhawmna hun hi District Bawrhsap Dr. Naveen Aggarwal chuan kaihruaiin, Champhai District-a Tlawmngai pawl hruaitute leh MJA Member-te an tel a ni. Bawrhsap chuanChamphai chu ruihhlo  kawngkapui a awm a nih avangin thalai zingah ruihhlo ngai tam tak an awm tih sawiin, heng miten nunphung pangngai an zawh theihna tura enkawlna leh chhawmdawlna tha an dawn theih nan, hetiang lama enkawltu thiam bik Doctor neih a pawimawh thu a sawi a. Ruihhlo ngaite enkawlna hmunhma tihchangtlun a tul thu a sawi bawk a. Hetiang nei thei tur hian District thuneitute leh khawtlang mipui te inlungrual taka tanrual a ngai tih a sawi a. Ruihhlo leh akaihhnawih ngawl veina chuan mi pakhat chauh nilo vin, chhungkua, khawtlang leh ram kawngah thawhho a ngai…

LIRTHEI TLU IN KAWNG DANG

LIRTHEI HLU IN KAWNG DANG : New Champhai leh Tlangsam inkar kawng chu nimin khan Lirthei rit phur tlu leh Motor tang avangin kal tlang theih a ni lo. New Champhai leh Tlangsam inkar kawngah hi Indo-Myanmar Border Trade Point behchhana bungraw lut leh chhuak phurtu lirthei liante'n an zawh nasat avang leh Kudam-a bungraw dah leh phur chhuak an awm reng avangin kawngpui a chhe nasa hle a, lirthei te tan phei chuan tlan harsa khawpin he lai kawngpui hi a chhe mek. He lai kawngah hian lirthei rit phut tang leh chhia a awm deuh reng avangin Champhai atanga Tlangsam leh Tlangsam atanga Champhai pan turte tan harsatna a siam nasa hle a, nimin pawh khan lirthei phur motor lian a tluk avang leh hmun hnihah motor tang a awm avangin lirthei ke 2 nei chi tan lo chuan tlan tlang thei a nih lo va, nimin chawhnu lam khan lirthei tlu leh tangte hi chinfel niin, lirthei tlan tlang theih a ni leh tawh. Hetih lai hian lirthei tanna khuar atam avangin lirthei tlan a harsat bakah kawng diak leh nal av…

VAWINAH INDEPENDENCE DAY

VAWINAH INDEPENDENCE DAY : Vawiin Chhangphut Field-a Independence Day lawmna neih turah zing dar 9:30 ah sorkar official leh parade contingent, mipui a hmuna kim tura beisei an ni a.Dar 10:00 ah Khuallian, Minister TJ Lalnuntluanga'n hnam puanzar pawt pharhin parade chibai buk a chhanglet ang a, hemi hnu hian Khuallian hian thu a sawi zui ang. Khuallian hian Jeevan Raksha Padak Award dawngtu Lalthasangzuali hnenah award a hlan ang a, lawmman sem zui a ni ang. Chhun dar 12:00 ah Jericho Garden-ah VIP's at Home neiin, 1:30 atangin Chhangphut Field-ah I-Day Football Tournament Final chu Zotlang FCl eh Dinthar FC, Aizawl ten an khel zui ang.

GANJA SUAT

GANJA SUAT : Taitesena Section, Tlangsam Branch YMA chuan nimin khan an huan: chhungah Ganja kung tam tham tak an suat. Taitesena Section te hian an section huam chhung a lo thianghlim a, mipui nunaute te tana a lo ralmuan zawk theih beiseiin Taitesena Section Security Cell an din a. Ruihhlo do bawhzuina  atan hian nimin tlai khan section huam  an chhunga mimal ram leh vantlang rama Ganja to te an suat a, heng Ganja an suat te hi nimin vek khan an tichhe nghal.

RUANG CHHAR

RUANG CHHAR : Nizan hmasa dar 5:30 vel khan Pu Mamawia Building saklai, OK Motor Workshop bulah mi pakhat ruang chhar a ni a, ruang chhar a ni tih-Champhai Police hriattir an nih hnuah Champhai Police te hian tih tur tul ang ang te ti nghal in ruang chhar hi Lalhmangaiha, kum 33, David C. Ramdinthara fapa, Aizawl Thuampui a ni tih finfiah a ni a, Police te'n ruang hi an endik hnuah kutthlakna hnuhma hmuh tur a awm lo va, Lalhmangaiha ruang bulah hian damdawia inchiuna hmanrua hmuh tel niin Police te chuan Drug Over Dose a thi a nih an rin thu an sawi. Lalhmangaiha ruang hi a chhungte hnenah hlan niin Champhai Police Station-ah Un-naturalDeath Case ziahluh a ni.

FOOTBALL FINAL ROPUI TUR CHU

FOOTBALL FINAL ROPUI TUR CHU : Vawiin chawhnu dar 1:30 a Final khelh tur, Kum 2019 Champhai-a l-Day football tournament-ah hian Champhai District club tha 8 leh Aizawl club tha 2 telin Group 2 ah then an ni a. Group champion leh runner up ten semi final lutin Final-ah Aizawl club tha Dinthar FC leh Champhai club hlun Zotlang FC te an intum dawn ta. Tun tum tournament ah hian goal 103 a lut tawh a, Final a inkhel turte hi Group Runner up ve ve an ni a, group stage lamah pawh an intluk tawk hle a ni. Chak vawi 1, chak loh vawi 1 ve ve leh vawi 3 chak ve ve an ni. An goal thun zat hi goal 10 ve ve a ni lehzel bawka ni. Dinthar FC hnehloh awmchhun chu Bethle FC an ni a, Zotlangin an hneh a, Zotlang FC hneh loh awmchhun chu Vengthlang FC an ni a, Dinthar FC in an hneh ve thung a ni. Kum 2012 khan, Mizoram football in bungthar kain MPL khelh tan a ni a, champion hmasaber chu Dinthar football club an ni. 1st division ah vawi tam an champion tawh a, player tha an chherchhuak nual tawh a, an v…

INDEPENDENCE DAY HMANG TURIN INPEIH TA

INDEPENDENCE DAY HMANG TURIN INPEIH TA:  Naktuka Independence Day lawmna atan inbuatsaihna chu Champhai-ah kalpui mek a ni a, nimin khan Parade contingent te chuan Chhangphut Field-ah final rehearsal an nei. Champhai-a Independence Day lawmnaah hian Parade Contingent Armed, Un-Armed leh School Contingent 20 te an inlan thei dawn a, Un-Armed Contigent ah MRP Champhai, NCC Gov't Champhai College SD, NCC Gov't Champhai College SW, NCC Govt. GM H/S Boys leh Gov't GM H/S Girls te an tel dawn a, School Contingent atangin Gov't GM HSS,  Champhai,  Champhai Higher Secondary School,Einstein HSS, Champhai, Gov't GM HS Champha, Gov't Champhai H/S, Gov't R. Hranga HS, Venglai Higher Secondary School, Bethel Mission School, Vengsang HS, King Solomons School, Bethel HS, BC English Academy leh Holy Cross HS te an tel ang a. Anni bakah hian Armed Contingent 1 leh SSA Pipe Band te an tel dawn a ni. Independence Day lawmna hunah hian Champhai South  Bialtu, Minister TJ Lalnu…

RUAH TUI TLAK DAN

RUAH TUI TLAK DAN : July thla chhung khan Champhai in ruahtui mm 435.2 a dawng. July thla kha kumin  chhunga Champhai in ruahtui a dawn hnem ber tum a ni a, January thla khan Champhai in ruahtui a hmu lo thung. Chawh rualin kum 10 kalta chhunga July thla bikah kum 2015 kha Champhai in ruahtui a dawn hnem ber tum niin mm 437.9 a tla a. Kum 2014 khan Champhai ah ruahtui mm 228.72 tla in kum 10 kal ta chhunga Champhai in July thla bika ruahtui a dawn tlem ber tum a ni. Kumin chhung hian Champhai-in ruahtui mm 922.1 a dawng tawh a, chawhrualin Champhai ah thla tin ruahtui mm 131.8 tla ziah ang a ni.

VOLLEYBALL FINAL AH ZOKHAWTHAR LEH BETHEL VC CHAMPION

VOLLEYBALL FINAL AH ZOKHAWTHAR LEH BETHEL VC CHAMPION : Nimin khan Independence Day Volleyball Tournament chu Chhura hmuna khelh zawh a ni. Final khelh hma hian hun hman niin, C.Lalremruata, Sr. Vice President, CDVA chuan kaihruaiin Bethel Veng VCP K.Lalrawna chu khuallian a ni. I-Day Volleyball Tournament Hmeichhe Final-ah GSA, Zokhawthar leh The Bees inkhelin GSA, Zokhawtharin Deciding Set ah 2-1 a. hnehna changin an cham- pion a. Mipa lamah Bethel Volleyball Club chuan Puipui Volleyball Club chu 3-2 a hnehin an champion bawk. Mipa Best Spiker atan Sangzuala, Puipui VC thlan a ni a, Best Setter atan Kamlova Bethel VC thlan a ni bawk. Hmeichhia-ah Laltlanhlui, The Bees chu Best Spikér atan thlan a ni a; Ramnghahmawii, GSA Zokhawthar chu Best set-

ter atan thlan a ni.

LIRTHEI INKEN DUH LOH AVANGIN BUAINA CHHUAK

LIRTHEI INKEN DUH LOH AVANGIN BUAINA CHHUAK : Nimin khan C.Denga Coloney luhna bulah buaina chhuakin traffic Police te thlen hnuah chin fel a ni. Buaina chhuah chhan hi lirthei pahnih inken duh loh vang nia thu dawn a ni a, kawng inken mai an tum loh avangin Diver pahnih hian kut an thawh zui ta niin thudawnna chuan a sawi a. Traffic Police te an thlen hnuah Driver te leh lirthei pahnihte hi Traffic Police Office-ah hruai an ni a, thu zawhfiah an nih hnuah  Driver pahnihte hi an rui ve ve tih hmuhchhuak niin, Car pakhat zawk atangin  Zu fun khat man a ni bawk. Lirthei khalhtute hi Champhai Police Station-ah hruai niin

case siamsak nghal an ni.

HMEICHHE NAUPANG PANGPAR SIAM ZIRTIR

HMEICHHE NAUPANG PANGPAR SIAM ZIRTIR : Districr level centre for Women(DLCW) Champhai District chuan niminpiah khan SSA Girl's Hostel naupangte tan "Orientation on MSK & Skill Development Training" Programme an buatsaih a. K. Lalrinfimi, Women Welfare Officer DLCW Champhai District-in kaihruaiin, Lalrawngbawli, Bethel Veng Champhai chu resource person niin pangpar siam dan a zirtir a ni. Hmeichhia nih avanga harsatna tawk te, Sorkar atanga hmeichhe tana hamthatna (scheme) awm hrechiang duhte tan DLCW Champhai District, DC Office, DC Conf. Hall bulah dawr theih an ni.

TUIHNA HUMHALH LEH TIHFAI KAWNGAH INZIRTIRNA NEI

TUIHNA HUMHALH LEH TIHFAI KAWNGAH INZIRTIRNA NEI : Nimin khan Nehru Yuva Kendra, Champhai leh PHE Department  Champhai  WATSAN  tangkawp buatsaiihin tuihna humhalh leh tihfai kawnga inzirtirna hun hman a ni.  He hun hi Champhai Electric Veng Community Hall-ah neih niin, J.Kapkima, EE, PHED Champhai WATSAN Division chu resource Person a ni. J.Kapkima chuan, Fai hi kan hriselna atan a tha a, faina hian min tizahawm bawk a ni, ti a. Khawtlang fai kan mamawh rualin mihring kan chenna, kan in leh lo a fai a ngai a, kan inbel kan thuam leh kan taksa thlengin kan fai a ngai Chutianga fai tura kan mamawh ber chu Tui Thianghlim a ni tih a tarlang a. Kan tui tlan hnar a thianghlim tur a ni a, kan tui hnar ber a thianghlim loh chuan tui thianghlim neih a harsa thin a ni, a ti. PHE Department hian tui lak hna leh a tihfai hna hi an hmalakna pui ber a nih thu a sawi a, an tum ber chu Tui thiltihtheihna haichhuah a nih thu leh thingtlang kilkhawr berah pawh kum reilote chhunga in tinah Tui Connecti…

INDEPENDENCE DAY VOLLEYBALL TOURNAMENT FINAL

INDEPENDENCE DAY VOLLEYBALL TOURNAMENT FINAL: Nimin khan Independence Day Volleyball Tournament chu Semi Final khelh a ni. Volleyball Tournament hi mipa leh hmeichhia ten an khel a, nimin khan Semi Final khelh a ni a. Mipa Semi Final hmasa zawkah Pui Pui Club leh Zion Veng an inkhel a, Pui Pui Club hian hnehna an chang a, Semi Final hnuhnung zawkah MZ Home leh Bethel te an inkhel a, Bethel hian hnena changin final an lut bawk. Semi Final Hmeichhe lamah The Bees chuan Khalthang Family hnehin, Zokhawthar chuan Bethel hnehin, The Bees leh Zokhawthar hian final an lut. Final hi vawiinah khelh a ni ang a, kharna hun hman nghal tur niin K. Lalrawna, VCP Bethel chuan khuallian niin a hmanpui dawn a. Vawiin chawhma dar 11:00 atangin final hi khelh a ni ang a. Mipa lamah Bethel leh Pui Pui Club ten final hi an khel ang a, hmeichhe lamah The Bees leh Zokhawthar ten final hi an khel bawk ang.

FOOTBALL FINAL KHEL TUR CHIANG TA

FOOTBALL  FINAL KHEL TUR CHIANG TA : Independence Day Football Tournament chu nimin khan Semi Final khelh zawh fel a ni a. Aizawl atang Champion tuma lo kal Dinthar fc leh Champhai football power house tih ngam Zotlang FC ten final an lut. Fans ngah Vengthlang FC leh Dinthar FC te an inkhel a, Vengthlang in an mikhual te chungah that chhuahin 2-3 in an chak lo. Dinthar FC tan Ramchhuanpuia, Chawngthansanga leh Lalnunzira ten goal khung laiin, Vengthlang FC tan Isaka leh Ramengmawia ten goal an khung bawk. Zotlang FC chuan Bethel FC chu hun pangngai-ah 1-1 in an in draw a. Bethel FC tan Marka chuan goal khungin, Zotlang si phurh hi Chhuaktea'n a

sut a. Extra time end half-ah Zotlang hian penalty hlawh chhuakin, penalty atanga Lawmsangzuala goal khung hmangin Zotlang hian Final an lut. Zotlang leh Dinthar FC hian tunkar Ningani dar 1:30pm ah Final hi an khel ang.

DINTHAR VENG KHAWTLANG LEH UPC INREM

DINTHAR VENG KHAWTLANG LEH UPC INREM: Champhai Dinthar Veng khawtlang leh UPC (NEI) Kohhran te ram inchuh chungchang thubuai chu hun eng emaw chen' ngaihtuah a nih hnuin, Champhai District Magistrate kaihhruaina hnuaiah kar kalta Zirtawpni chawhnu khan chinfel a ni. Kum 20 vel liam ta a UPC Kohhran in Champhai Dinthar Venga Biak In an sak  tawhna, luahlum zui lova pamtul tawhna hmun chu cheibawl zui anih loh vangin  Champhai Dinthar Veng khawtlang chuan helai Biak in ram Land Lease No. MISC 54 of 1998 huam chhungah hian Anganwadi, MHIP Office, MUP Office leh VC House te sak hnan a lo ni tawh a. Kumin March ni 4 a UPC (NEI) in helai ram tualzawl hmun awllai a. Biak In sak an tum chu. Champhai Dinthar khawtlangin dodalin, Biak In ban phunte pawh an pawhphawi sak avang hian Biak In sak  chhunzawm theih a ni ta lo va.  Hemi chungchang hi Champhai District Magistrate kaihhruaina  hnuaiah  kumin  June  23  khan ngaihtuah tan niin, an inkara inremna a awm theih nan rawtna pawh chhawpchhu…

RUIHHLO LEH DAN LOA VAWK LAKLUH MAN

RUIHHLO LEH DAN LOA  VAWK LAKLUH MAN : Champhai Police duty-te chuan ruihhlo leh dan phal loha ramdang atanga vawk lalut an man. Zirtawpni kalta zan khan. Champhai Police duty te hian Mualkawi dai-ah Ramtharnghaki, kum 35, Lalhluna(fam) fanu, Ngur khua nia insawi kut atangin Heroin hawng khat, gram 15 an man a. An thil man hi tualchhung hralhna atangin Cheng Sing 5. man a ni. Ruihhlo neitua puh hi thubuai siam sakin Inrinni khan. Court-ah thawn nghal a ni. Inrinni zing dar 7:30 vel khan. Champhai Police, Ruantlang daia duty-te chuan, Myanmar atanga dan lova lakluh vawk 24, 407 Truck pahnih hmanga phurh chu an man bawk a. A neitua puh Lalhmuchhuaka, kum 49, s/o Hmingdailova (fam) Champhai Venglai leh vawk phurhna lirthei chu an man bawk a, thubuai siam sakin Inrinni khan Court-ah vawk neitu-a puh hi thawn nghal a ni. Thu kan dawn danin, vawk an man 24-te hi, inches 43-54 inkar vela lian niin, PRRS vei an nih leh nih loh enfiah turin Champhai  District Vety hotute hnenah hlan a ni a. He…

MELBUK LEITLAHNIAM VANGIN MOTOR TLAN HUN BITHLIAH

MELBUK LEITLAHNIAM VANGIN MOTOR TLAN HUN BITHLIAH : Melbuk thlen hma Changel khama lei tlahniam chu chak zawka siam that hna thawh a nih theih nan Champhai District SP Rex Zarzoliana Vanchhawng chuan nitin zing dar 8 atanga tlai dar 5 inkarah helai kawngah hian lirthei kal tlang lo turin khapna thupek a chhuah. He thupek hi Ni 20 chhung awhtur niin, Inrinni atang khannkenkawh nghal a ni a, DistrictnSP in khapna thupek chhuah a nih chhan a tarlanah, he kawngpui laih hnathawktunTARMAT Project Manager-in Melbuk thlen dawn Changel kham' a meter 100nvel a thui lei tlahniam siam that mekah khaihlak lova hnathawh a nih theihna tur leh lirthei vak velte him zawkna tura a ngenna chu, Danin thuneihna a pek anginnhe khapna thupek hi chhuah a nih thu a sawi.

KHAWZAWL DC TE LO HMUAK DAWN

KHAWZAWL DC TE LO HMUAK DAWN : Vawiina Khawzawl a an hna thar zawm tura lo chho tur, Khawzawl DC thar H. Lianzela leh SP thar PC Lalchunglura te leh Khawzawl DC Office thar hawngtu tur RD Minister Lalruatkima te chu ropui takin Khawzawl khawtlang chuan an lo hmuak dawn a. Minister hian Khawzawl DC Office thar chu SDO (Sadar) ST Lalvensangi kaihhruaina hnuaiah amhawng ang a, hemi hnunhian Zaingen YMA Hall-ah Joint VC Chairman kaihhruaiinmhun hman zui ani ang.

KOHHRAN CHANCHIN & TUIALHTHEI

GOSPEL CAMPING NEI : Ruantlang Presbyterian Kohhran chuan Synod Revival Speaker K. Lalngaihawma leh a thiante, 'Milungngaite Thian' team ruaiin kar kalta chhung khan camping an nei a,  Campers 120 an lut abni. Inrinni zan atanga  nizan thleng khan follow-up neih zui a ni.

PUITHIAM TEN SEMINAR NEI : Kar kalta Nilaini leh Ningani khan Holy Cross Puithiamte'n Shillong-ah seminar an nei a, Champhai Parish Priest Rev Fr. Clement Amo, CSC pawh he hunah hian a tel Hetihlai hian Champhai khaw chhung bika Kohhran  damlo inkhawm theilo rei tawhte thlatin  member Zirtawpni hmasaber apiangin Puithiam te nena tlawh kualin sacrament pek thin an ni.
ZOTLANG NORTH AH RAWNGBAWLNA NEI : Nimin khan Emmanuel After Care Center-a awmte chuan Zotlang North Presbyterian Kohhranah rawngbawlna an nei. Nimin Chawhnu lamah Speaker atan C. Hmingthansanga, Center Counsellor chu hman niin, a hnen atang hian Pathian thuchah ngaihthlak ni a. Zan lamah C.Hranghluna, Center Chairman hnen atangin Pathian  thuc…

MITHIAMTEN LEI TAWLH ENFIAH

MITHIAMTEN LEI TAWLH ENFIAH : Kum 1990 atanga leitawlh intan tawh, Ruantlanga Lersia Field chung leh kum 2013 a leitawlh intan, Champhai Kanan Venga mi bakah Khawzawl Vengthar huama a leitawlh, vawiin thleng a lei lachetna hmunte chu DM &R a mithiamten an enfiah.  Kumtin fur ruahtui tlak laia lei chet chhunzawmna hmunte hi chik zawka zirchian a, leilung che thin tihreh a nih ngei theihna turin a hmatheha lo enfiah lawkna chu niminpiah atang khan neih tan a ni a. Niminpiah lamah Khawzawl Vengthar  leitawlhna hmunenfiah a nih hnuah nimin zing khan Champhai khawpui chhung hmun hnih: Kanan Veng leh Ruantlang a mite chu a hmunah kalin endik zui a ni. Heng leitawlhna hmuna chet lak dan tur chungchangah Media te zawhna chhangin DM &R Joint Director C.Lalruaia chuan leilung awmdan chik taka zirchhian phawt a nih hnuah a siamthat dan chu ruahman ani ang tih sawiin, leitawlhin harsatna a siam thar a nih loh chuan siam a ni ang tih a tarlang tel bawk. Champhai Ruantlang Kelkang Venga pia…

MOTOR KE RUK AIA LIAN TAN KHAPNA

MOTOR KE RUK AIA LIAN TAN KHAPNA : Champhai District SP Rex Zarzoliana Vanchhawng chuan nimin khan thupek chhuahin, Mizoram Sawrkar thuchhuak leh Motor Vehicle Act 1988-in thuneihna a pek angin, mipui himna leh harsatna sutkianna  atan Champhai District huam chhung National Highway 6 chu August 16 atanga September 30, 2019 chhungin motor ke 6 aia tam hmang leh 2 axles chin chung lam tan khar lailawk a ni tih a tarlang. He thupek hian emergency thila motor tlan, dan leh thupek kengkawhtute lirthei leh passenger phur Bus a huam lo ang a.Mipui mamawh bik bungraw phur turte chuan Police hnenah dilin, a pawimawh dan a zira phalna pek an ni ang. Hemi chungchanga harsatna tawk, report duh chuan Champhai Police Station-897492478; Khankawn Police Check gate-8730817932 leh Khawzawl 0C Ph.No. 8575564420 biak theih a ni ang.

KUM 7 CHHUNG JAIL RUNAH

KUM 7 CHHUNG JAIL RUNAH : Niminkhan R. Vanlalena, Special Judge, POCSO Act Champhai chuan hmeichhe naupang kum 12 mi khuaikhemtu Lalthangliana S/o Buklala, Serchhip Darnam Venga awm, Hnahlan khawchhuak ni a insawi chu Kum 7 chhung hrehawm taka Jail tang tur leh Rs 5000/-chawi turin a chungthu remna a puang. Naupang khuaikhem thubuai hi ni 3.12.2014 khan Chairman, Child Welfare Committee, Champhai District chuan Champhai police station-ah FIR a thehlut a. Thuhretu hrang hrang te thusawi uluk taka Court ina enchian hnuah nimin khan thutlukna puangin, Lalthangliana hi hrehawm taka kum 7 chhung jail tang tur leh Rs 5000 chawi turin a hrem ta a ni.

INDEPENDENCE DAY FOOTBALL TOURNAMENT

INDEPENDENCE DAY FOOTBALL TOURNAMENT : Nimin khan I-Day football khelh chhunzawm a ni a, Zone FA champion 2, Rabung FC leh  Samoto FC bakah Aizawl atang lokal 1st MAP Academy ten tournament an mangtha ta. Nimin inkhel result: 1st MAP 4-4 Rabung; Dinthar 5-0 Samoto FC; Vengthlang 3-2 Zotlang Vawiin fixture: 1st MAP vs Venglai 10½ Vengthlang N'vs TMFC 12½ Dinthar vs Bethel FC 2½

LIRTHEI TLAN KHAP

LIRTHEI TLAN KHAP : Project Manager TARMAT leh Melbuk  khawtlang ngenna avang leh thuneihna a neih angin, Champhai District SP Rex Zarzoliana Vanchhawng chuan, Melbuk khaw thlen hma leitlahniam thawm that mek chu hna chak zawka kalpui a nihbtheihna atan, Néw Hruaikawn pengthuam kaltlanga Melbuk lut tur leh Zokhawthar atanga Melbuk kaltlang tum tan nitin zing lam dar 8:00 atanga tlai dar 5:00 inkarah lirthei kal khapna thupek chu nimin khan a chhuah a. Harsatna tawk leh neite chuan Zokhawthar OP - 9862066878; OC Champhai PS Phone No 9612194616 biakpawh theih ani ang.

CAREER GUIDANCE

CAREER  GUIDANCE : Nimin khan Gov't Champhai College Students' Union buatsaihin Career Guidance neih a ni a. He hun hi Vanlalmuanpuia, Vice President Students' Union chuan kaihruaiin, Associate Prof. Thangmawi i/c Principal in inlawmna thu a sawi a. Sawmbik mi pali pannel list ah thuin zawhna leh chhanna hun hman a ni.

ZIKHLUM CHINGTUTE TLAWH

ZIKHLUM CHINGTUTE TLAWH : Samthang khua Zikhlum chingtute chu Nilaini khan Horticulture dept hotuten an tlawh. Zikhlum chingtute hi Lalremliana, DHO Khawzaw! leh Vanlalvuana Rokhum, SDHO Champhai te chuan tlawhin, Samthang khua zikhlum chinna hmun an fang kual à, Zikhlum chi an sem nghal bawk. Samthang khuaah hian Zikhlum ching hi chhungkua 60 chuang an awm mek a, kumin hian Kg khat Cheng 20 in Motor kal theihna chinah an hralh thin a ni. Lalremliana, DHO chuan Zikhlum hi kumtluana hralhchhuah a nih theih nan a indawta a chi hi kui tiak zel a,

KHAWZAWL DISTRICT IN A HUAM KUATE

KHAWZAWL DISTRICT IN A HUAM KUATE: Khawzawl District: 1)Aiduzawl 2) Rabung 3) Pamchung 4) Khualen 5) Tualpui 6) Ngaizawl 7) Neihdawn 8) Kawlkulh -9) Vankal 10) Puilo 11) Chhawrtui 12) Vanchengpui 13) Dulte 14) Riangtlei 15) Vangtlang 16) Tlangmawi 17) Tlangpui 18) Biate  19) Sialhawk 20) Khawhai 21) Lungtan 22) Chalrang 23) New Chalrang 24) Chawngtlai 25) Tualte 26) Khawzawl  27)Arro 28) Hmuncheng

CHAMPHAI ZAWLA GODOWN SAK ENFIAH DAWN

CHAMPHAI ZAWLA GODOWN SAK ENFIAH DAWN : Champhai District Additional DC, Alexander V. Chongthu kaihhruaiin nimin khan Champhai khawpui chhunga ritphur lirthei dah lailawkna tur ngaihtuahin DC Conference Hall-ah thutkhawm a ni a. Champhai zawla Godown sakte chu Revenue Department lamin an enfiah mek a, a tul angin dan anga hmalak tum a ni tih tarlan a ni bawk. Nimin thutkhawmah hian Faina leh thianghlimna kenkawh zui zel a nih theihna tur leh ritphur lirthei vanga khawpui chhung lirthei chevelin harsatna a tawh mek chungchang thlirho a ni a. Thianghlimna vawn zui zel a nih theihna tur te, lirthei dahkhawmna mumal awmlo vanga kawngpui tawt leh mipui tana hlauhawm zualte chu sutkian a nih theihna turin ruahmanna siam a ni. Indo-Myanmar Border Trade Point behchhana bungraw lut leh chhuak phurtu lirtheite avanga Champhai khawpuiin harsatna a tawh mekte sutkian a nih theih nan hian Champhai Khankawn Police Check Gate leh Zotlang inkar kawngpui kam lehlamah chauh lirtheite dahkhawm rih phawt…

LEI TLAKHNIAM DAN ENDIK

LEI TLAKHNIAM DAN ENDIK : Nimin khan Khawzawl Vengthar leh Electric Veng lei tlahniam chu DM&R.Joint Director C.Lalruala kaihhruai mi thiam rual tena hmuna kalin an hfiah a. Khawzawl SDO (Sadar) ST Lalvensangi MCS, Khawzawl PWD EE Zosangliana Zote leh Vengthar VC member ten an lo tawiawm a ni. Helai hmun hi chik leh uluk zawka enfiah tul an tih thu an sawia. Nimin tlai khan Champhai an rawn thleng a. Ruahman lawk ang chuan tukin dar 6:30 hian Ruantlang, Lersia Field chhak lei tawlh an enfiah leh hnuah Kanan Veng leimin chu a hmunah an enfiah zui leh ang.

BADMINTON FINAL

BADMINTON FINAL : Champhai District Badminton Assn in kumin Independence Day puala Badminton inelna an buatsaih chu vawiin chawhnu dar 1:00 atang hian Champhai Town Hall-ah Final khelh tan a ni dawn ta a. Badminton Court pahnihah single leh double category 13-ah final hi khelh a ni ang.

NATIONAL DEWORMING DAY

NATIONAL DEWORMING DAY : Nimin khan India ram hmun dang rualin National Health Mission hnuaiah Champhai HSS-ah National Deworming day hman a ni. National Deworming Day, Champhai Higher Secondary School-a hman hiDr R. Lalawmpuia, CMO chuan kaihruaiin Rulhutin taksaa natna a thlen hrang hrang laka invenna turin damdawi tha ei a ngaih thu a sawi a. Mizo thalai zingah 50% te chu rulhut pai anga ngaih an nih thu leh, Rulhut avangin kan hrisel tur angin kan hrisel tawk thin lo tih a sawi a. Kum 2015 atanga National Deworming Day hman a nih atangin hmuh theih khawpa hmasawnna a thlen thu a sawi bawk National Deworming Day pual hian naupang kum 1-19 inkarte damdawi pek vek tum niin, Champhai District -a Anganwadi Çentre leh zima in hrang hrang, College thlengin

Kum 11-19 inkar mi 55,885 te hnenah damdawi pek tum a ni tih he hunah hian tarlan a ni bawk.

MOTOR KE 12 TLAN PHALLO

MOTOR KE 12 TLAN PHALLO : Kumin Fur chhunga Champhai leh Aizawl inkara lirthei kalten kawng lakah harsatna nasa tak an tawh chhoh avang leh lirthei dang tangkhang thin pumpelh a nih theihna tura.Champhai District SP Rex Zarzoliana Vanchhawng kaihhruaia lirthei tlan dan tur lo ruahman tawh, a tul anga ennawn leh tihdanglam tura tih chu nimin khan SP Pisa-ah thlirlet a ni a. Champhai leh Seling inkarah August ni 16 atanga September thla chhung atan Lirthei Ke 6 nei aia tam tlan rih lo tur leh, ni kar dana intlan chhawk kalpui mek chu hman chhunzawm tura tih a ni. Nitin mamawh phurh velna leh khualzin veivakte bakah lirthei kal vel him zawkna tura Champhai leh Aizawl inkar, a bikin Champhai leh Saitual inkar kawngpui dungah ritphur lirthei kawng kam dai palh leh tangkhangte avanga khualzin lirthei dangten harsatna nasa tak an tawh mek chu sutkian anih beiseiin,. July 13 atang khan ritphur lirthei 407 Truck leh a chunglam zawngte chu Champhai leh Aizawl inkar-ah nitin intlan chhawk tura t…

ROTAVIRUS VACCINE PE

ROTAVIRUS VACCINE PE : Nimin khan Champhai District-ah Rotavirus Vaccine chu pek tan a ni. RVV pek tanna hi Champhai Sub-Centre-ah neih niin, Dr R.Lianmawia, District Immunization Officer chuan a kaihhruai a, he hunah hian Dr Zatluanga, District Medical Superintendent chu khuallian a ni. Dr R. Lianmawia kalkhawmte hmaah thu sawiin, vaccine chungchang a sawi a. An tu leh faten a thlawna vaccine chuan he huna an dawn hi cheng tam tak man a nih thu leh, he hri venna pawimawhna te a sawi a. Tunah hian natna chi hrang hrang 10 laka invenna vaccine pek a ni, a ti. Tuna vaccine pek thar hi naupang kawthalo venna a ni, tiin, kawthalo zaa 40 chu Rotavirus vang a ni tih a sawi a, Nu-te chu an fate taná tul leh pawimawh he hri venna lak ngai pawimawh turin a chah nghal bawk.

VOLLEYBALL BENG

VOLLEYBALL BENG: Nimin khan Champhai District Volleyball Association buatsaih Independence Day Volleyball Tournament chu Rex Zazoliana, Champhai SP chuan a hawng. Khuallian Rex Zarzoliana, SP Champhai chuan thu sawiin, Volleyball chawinungtu CDVA te chu fakawm a tih thu a sawi a, Volleyball khel tura player thahnem tak an la fuankhawm thei chu thlamuanawm a tih thu a sawi bawk. Mizo zingah Volleyball chu eizawnna atana hmangin hna an lo hmuh tawh tih sawiin, hna an hmu ve kher lo a nih pawhin Volleyball an khelh avanga an hriselna hlawh chhuah te, Volleyball avanga team work awmzia leh thian hlutzia ringawt pawh hlawhtlinna lian tak a ni tawh, a ti a. Volleyball kan khelh hian Game in a tum eng emaw ber tal kan zir chhuah a, kan nun a tha zawnga kaihruai turin hman kan tum tur a ni, a ti bawk. Hàwnna hun, Chhura Hmun, Bethel Venga neih hi Lalhlupuia, CDVA President chuan kaihruain Lalfakzuala hnena atangin Technical Report ngaihthlak a ni a, Bethel VC Vice President Robert G Liana hne…

INDEPENDENCE DAY INBUATSAIHNA KALPUI MEK

INDEPENDENCE DAY INBUATSAIHNA KALPUI MEK : Independence Day 2019 lawmna tur atan nimin atang khan Parade Contingent hrang hrang te chuan Reharsal an nei tan. Rehearsal hi Champhai Addl. SP kaihhruainaa neih niin Parade Contigent 19 awmin Un-Armed Comtingent 5 MRP Champhai, NCC Govt. Champhai College SD leh SW, NCC, Govt. GM HS Boys leh Girls te awmin Armed Contingent 1 an awm bawk. School Contingent 13 awmin Gov't GM HSS Champhai, Champhai Higher Secondary School, Einstein HSS Champhai, Gov't GM High School Champhai, Gov't Champhai HS, Gov't R. Hranga HS, Venglai Secondary School Champhai, Bethel Mission School, Bethel H/S, BC English Academy leh Holy Cross HS te awmin SSA Pipe Band te an tel thei dawn bawk. Rehearsal ah hian August ni 15, India lndependence  Day zir a nih bakah hemi atana hriat tur pawimawh tak tak te inhrilhfiah a ni. Champhai-a l-Day 2019 lawmna hunah hian Champhai South Bialtu MLA, Minister TJ Lalnuntluanga chu khuallian a ni ang. Rehearshal hi nak…

KHAWZAWL DISTRICT AH BEH DUH

KHAWZAWL DISTRICT AH BEH DUH : Champhai North khaw 4 te chuan Khawzawl District-a beh an duh tih an tarlang. An thuchhuahah chuan Zoramthanga kaihhruai MNF Sorkarin Mizoram hmasawn zel theihna tura District pathum a ruahman belh chu tha an tih thu an sawi a. Heng khaw pali : Rabung, Aiduzawl, Tualpui, Ngaizawl leh Neihdawn te chuan lungrual takin Khawzawl district-a awm chu an duhthlanna ani tih an sawi tel bawk.

FOOTBALL KHEL MEK

FOOTBALL KHEL MEK : Independence Day Football Tournament chu nimin khan Chhangphut Field-ah khelh chhunzawm leh a ni. Nimin inkhel hmasa berah Dinthar FC leh TMFC Melbuk inkhelin Dinthar FC in si 1 faiin hnehna an chang a, Venglai FC leh Rabung FC inkhelin Venglai FC in 3-1 in hnehna an chang. Inkhel hnuhnung berah Vengthlang FC chuan Ist Bn. MAP Academy chu 3-1 in an hneh. Vawiin hian inkhel chhunzawm leh a ni ang a, inkhel hmasa ber dar 9-ah Somato FCHnahlan leh FC Vengthlang North an inkhel ang a, Dar 11:00 ah Rabung FC leh Zotlang FC an inkhel ang a, Dar 1:00 ah TMFC Melbuk leh Bethel FC an inkhel ang a, inkhel hnuhnung ber Dar 3:00 ah Vengthlang

FC leh Venglai FC an inkhel bawk ang.

LEILUNG ENFIAH TURIN LOKAL DAWN

LEILUNG ENFIAH TURIN LOKAL DAWN : Champhai District chhunga lei tawilh leh tlahniam enfiah leh zirchiang turin tukin hian C.Lalruaia, Joint Director (Ops) kaihhruai team te chuan Champhai an rawn pan dawn a. Khawzawl Vengthara leitlahniam an rawn enfiah hnuah Champhai an rawn pan ang a. Kanan Veng leimin bakah Ruantlang,  Lersia Field chung pialtlep leitawlh thinna  hmun an enfiah zui leh ang. Joint Director hi Geology & Mineral Resources Deptt leh PWD Road Division aiawh PC Zohmingsanga, AE, DM & R Deptt chuan an rawn tawiawm ang.

MJA CHAMPHAI DISTRICT LEH DC TE MEETING

MJA CHAMPHAI DISTRICT LEH DC TE MEETING : Nimin khan Lalramliana Chawngte, Joint Director I&PR kaihhruaiin, MJA General Headquarters hruaitute uapna hnuaiah MJA Champhai District leh Champhai DC te chuan I& PR Conference Hall-ah inkawm hona hun an hmang. He hunah hian Champhai DC leh MJA Champhai District inkara inhmuhthiam lohna chungchang sawiho a ni a. Champhai DC Dr. Naveen Aggarwal chuan District thuneitute leh media te inkara inhmuhthiam lohna awm chu a thiam loh a nih thu sawiin, ngaihdam a dil a. Hun lokal zel turah media-te nena ram leh khawtlang tana thawh hona tha tak an neih theih a beisei tih a sawi. He hunah hian a hmalakna tarlangin Champhai district-a in tur leh Lonei lama hman tur tui indaih lohna thleng thin sukiang turin ruahtui dahkhawlna leh tui awmte daihzai zawka hman theihna tur siam a nih thu te, loneitute tan an huana tui lakna siamna atan loan pek chhuah a nih thu te a tarlang a ni. C.Lalhnunpuia, MJA Champhai District Presi- dent pawhin thu sawiin, …

DISTRICT LIBRARY DINHMUN

DISTRICT LIBRARY DINHMUN : District Library ah July thla khan lehkhabu 273 a thleng thar. July thla chhung khan District Library ah member inziaklut thar 7 awmin Puitling 5 leh naupang 2 te an ni a. Tuna member awm zawng zawng hi 1860 niin, puitling 1634 leh naupang 226 an ni a tlawhtu 619 an awm a ni. Tun dinhmunah lehkhabu hrang hrang 30,005 awm mekintualchhung chanchinbu 5 leh magazine, Mizo tawnga ziak 4 te a awm mek bawk.

POLICE REPORT

POLICE REPORT : July thla chhung khan Champhai Police Station ah Case 16 ziahluh a ni. Champhai Police Station-ah July thlan chhung khan ND&PS Act hnuaiah: case 10 ziahluh a ni a, Rukru Case 1 ziahluh niin, JJ Act hnuaiah 1 ziaklut in. Case dang ah 3 ziahluh a ni bawk.

CHILD LABOUR COMMITTEE THUKHAWM :

CHILD LABOUR COMMITTEE THUKHAWM : Nimin khan Champhai DC Conference Hall-ah District Committee on Child Labour chu an Chairman Bawrhsap Dr Naveen Aggarwal hovin an thukhawm. Dr Naveen Aggarwal chuan Right to Education Act 2009 hmangin naupang kum 14 hnuai lam lehkha zir rual zawng zawng ten Sikul kaia thiamna an zir chu an dikna leh chanvo a ni a. Sikul kai lova hnathawhna hmun hrang hranga an awm chu dan in a phal loh a ni, a ti. Kum 2011 chhiar pui tarlan danin Mizoram ah Child Labour a awm chu a ngaihmawh thu leh hemi kawngah hian Champhai District dinhmun pawh uluk taka zirchian ni se tha a tih thu a sawi a ni. Meeting chuan kum 14 hnuailam naupang te'n Sikulah hming an dahin an kal tha em tih te, hnathawhna hmun hrang hrangah naupang chhawr an ni em tihte lo zirchiang turin School Education Department a ruat a, NGO te nena intawiawm tawn zel ni se, a ti a. Champhai District chhunga Block hrang hranga khuate hmaih nei lo va zir chiang a, block tin atanga khaw pakhat theuhte ch…

INSAK TANPUINA

INSAK TANPUINA : Nimin khan UD&PA  Dept leh Bank tangkawpin I&PR Auditorium-ah FLCC meeting neih a ni. Meeting hi MS Dawngliana, Urban Infrastructure Specialist chuan a kaihruai a K.Lalhmuakliana, MCS, DUDO chuan an' Dept. atanga thu pawimawh awm hrang hrangte tarlangin CLSS, In sak tanpuina Loan diltute hian BLC dawng tawhte an ni tur a nih lo tih leh, in sak tanpuina dawng tawh dil nawn an awm chuan enfiah in an dilna hnawl sak an nih tarlang a. Bank hrang hrang Manager te atangin Loan pekchhuah a nih dan tur te, an Loan puk rulh dan tur leh an Loan puk rulh dan tur leh a pun dan tur te ngaihthlak niin CLSS diltu kalkhawm te chuan zawhna an neih ang ang te an zawt a. Bank leh UD&PA Dept. lam te hian zawhnate hi an chhang. Insak tanpuina Loan hi Dept. lam hian endik hna an kalpui mek a, In sak tanpuina dawng tawh si, In sak tanpuina Loan dil nawn leh an awm leh awm loh enfiah a ni ang a, dil kawp hmuhchhuah te chu an dilna hnawl sak an ni zel ang tih tarlan a ni a. Tu…

KUM 11 CHHUNG WEBSITE ENKAWL TA

KUM 11 CHHUNG WEBSITE ENKAWL TA: www.champhai.netchuan kum 11 a lo tling ve ta. He kum 11 chhung hian Chanchinthar a bikin Champhai Tualchhung bik tarlan thin niin khawvel hmun hrang hrang atangin mi 256742 tlawhtu an awm tawh a ni. Min duhsaka min hlutsak tu zawng zawngte chungah a neitu ka nihna angin lawmthu ka sawi a. Minlo hlutsak zel turin ka sawm nghal bawk a che u.

MINISTER MANUNA'N CHAMPHAI TAN HMALA

MINISTER MANUNA'N CHAMPHAI TAN HMALA : 'Minister Pu TJ.Lalnuntluanga'n Union Minister 7 hmuin, sorkar thil pawimawh hrang hrang a sawipui a, Mizoramah Inland Water Transport tihchangtlun nan hmalak a ni dawn' August ni 5, 2019 (Thawṭanni) hian  Mizo Hnam Run Chhung Inkhawm Second Session-ah Transport Minister Pu TJ.Lalnuntluanga chuan Mumbai leh Delhi-a sokar laipuia Mizoram sorkar hmalakna hrang hrang a thlente report pein thu a sawi. Pu TJ.Lalnuntluanga, Transport Minister chuan Central Minister 7-te dawrin, Inland Water Transport tih changtlun an lo tiam thu a sawi a. Dt 24.7.2019 khan Mumbai-ah Bus & Car Operators Confedation of India (BOCI) buatsaih Prawass 2019-ah khualzahawma ṭang tura an sawm angin a telpui a, Mizoram sorkar hmalakna hrang hrang a entawn tlak a tihte a sawi a ni. Envinronment Forest & Climate Change Minister, Pu Manuna hian Himalayan Region-a Chief Minister tinte leh an aiawhte inhmuhkhawmna '15th Finance Commission'- a State ti…

KHAWBUNG LEH A CHHEH VELAH VAI DAP

KHAWBUNG LEH A CHHEH VELAH VAI DAP : Central YMA leh Mizoram Police te hmalakna kal zelah Khawbung Branch YMA leh Dungtlang Police te chuan Khawbung leh a chheh vela hnam dang hna thawka awm, an ILP mila hnathawk leh thawk lo enfiah runpui an nei mek. Khawbung Branch YMA te chuan Dungtlang Police-te phungbawma sawmin Khawbung leh a chheh vela hnam dang hna.thawka awmte chu a khat tawkin ILP an neih leh neih loh te, an ILP mila hna an thawh leh thawh lohte an enfiah reng a. Kumin April hnu lama a thawh hnihna atan Mistiri, thirchhe zawng leh sumdawngte chu an ILP an enfiah a. ILP renew ngai. la tifel lo te chu hunbi tiam chhunga tifel ngei turin an vaukhan a. ILP nei lo, thawn haw ngai erawh an awm lo nia thu dawn a ni Hetihlai hian Khawbung Branch YMA-te'n kum tina an tih thin angin furpui lai leh favang chhunga an khaw chhung YMA Section tinte an huam chhung thian fai tura an inngen thin angin Inrinini khan YMA Section hrang hrang te'n an zo fel a Furpui lai hian kawngko hnim…

INDEPENDENCE DAY BADMINTON

INDEPENDENCE DAY BADMINTON : Champhai District Badminton Association buatsaih I-Day 2019 Badminton Tournament chu vawiin chawhnu dar 2:00 atang hian tan a ni dawn. I-Day 2019 Badminton Tournament hi Champhai Town Hall-a khelh tur niin  Category hrang hrang 13 hmanga inel tur a nia, Category hrang hranga khel tur hian Champhai khawpui chhung bakah khawpui pawn atangin mi 212 ten hming an pe lut a ni.


GRAPE LEISAK CHHUNZAWM

GRAPE LEISAK CHHUNZAWM : Champhai Growers' Society chuan Champhai Tlangsam Winery-a Wine siamna Grape turin Champhai leh a chheh vela Grape chingtute Grape thar chhuah leisak chhunzawm zelin, nimin thleng khan Grape Quintal 777.33 an leisak tawh. Heng grape rah an leite hi Grape chingtu mi 86 te thar chhuah a niin, Grape rah hi KG khat Cheng 50 zelin an leisak a. Mimal Grape rah hralh hnem ber chu HS Vanlalfakzuala, Champhai Vengthlang niin, Kg 9380.1l a hralh tawh a. C.Zohmingliana, Champhai Vengsang in Kg 4439 a hralh a, Lianthuama, Ngurin Kg 3733.6a hralh thung a. Lalrotluanga, Champhai Vengsangin Kg 3654.3 hralhin, R.Vanlahruaia, Champhai Vengsangin Kg 3400 hralhin, heng mite hi Grape rah hralh zinga a hralh hnem zual 5 te an a ni. CGGS hian Tlangsam Winery atang, hian Zowine, Champ- wine leh Zawlaidi siam chhuakin, Mizoram hmun hrang hrang leh State pawn thlengin an hralh chhuak thin a ni.

RUAH SUR AVANGA HARSATNA THLENG

RUAH SUR AVANGA HARSATNA THLENG : Inrinni zan dar 8:00 vela ruah bawhawk sur vanga lei tawlhin Champhai khawpui chhung inkalpawhna kawng thenkhat hnawhpin bakah chhungkaw pahnih inchhung bungrua senghawi a niin, Champhai leilet zawl buhhmun thenkhat a chimpil bawk. Inrinni zana darkar hnih zet ruah bawhawk sur vang khan Champhai District Hospital panna kawng thuang hnih chu leitawlhin a hnawhping ve ve a, hemi zan vek hian kawngpui pakhat zawka leihnawhpin hmun hnih chu lirthei kal theihin sialtlang nghal a niin, kawng chung zawk pawh hi nimin tlai lam khan lirthei kal theiha thenfai a ni bawk. Champhai Vengsanga Pu H. Vanlalhmuaka te In chu chunglam leitawlhin hrutin, leitawlh hian an kawmchar lam bang a nek chhia a. Inchhung bungruate senghawi felsak a niin, nimin khan veng chhung mitlawmngaiten in chhelai thawmthat hnatlang an nei nghal a. Champhai Vengsanga Pu F. Lalsangpuiate In hnuai lungrem chimin, ban thenkhat a hnawl-bun vangin inchhung bungrua chu nimin zing khan hnatlanga s…

THISEN PE

THISEN PE : KTP Rorel thurel bawhzuiin Inrinni khan Vengthlang Branch KTP te Champhai District Hospital Blood Bank-a a mamawh apiangte hman turin thisen an pe. Donation Camp tanna hun tawi buatsaih hi Vengthlang Branch KTP Leader R. Laltanpuia chuan kaihruaiin, Blood donation camp an neih chhan a sawifiah a. Central KTP-in khawpui chhung tan bik routine a siam thin a, kumin atang chuan khawpui pawn bial ten hma la ve tawh se tia a rel angin, Champhai ah pawh Branch anga kalpui a ni, a ti. He hunah hian Dr. C.Lalramengi pawhin thu sawiin, a mamawhte tana thisen pe tura kal khawmte chungah lawmthu a sawi a. A tawpna ni lova a bul tanna ni se-a duh thu sawiin, Thisen hi Damdawi inah mamawhna a sang hle a, tun aia thahnem ngai lehzual turin kalkhawmte a fuih. Dr Ramengi chuan, Damlo thisen pek ngaite hian unit khat aia tam an mamawh thin avangin thisen hi khawl ngah a har a, mamawhna a sang hle a ni, a ti a. Thisen pek hi midangte nun chhan tura thil pawimawh berte zing a mi a ni a, Khawv…

ILP CHUNGCHANG AH HMALAK TUM

ILP CHUNGCHANG AH HMALAK TUM: YMA Sub-Hqrs Champhai Executive Committee vawi 5-na chu Inrinni khan neih a ni a. ILP chungchanga hmalak zui zel dan tur an rel. He hun, SYMA Office-neih hi an President VL Chama Hnamte chuan a kaihhruai a, Secretary hnen atanga hmalakna hrang hrang ngaihthlak anih hnuah rorelna an nei a. Central YMA thuchhuak angin August ni 1 khan hnam dang ILP nei ngaite dap chhuahna chu Champhaiah pawh neih a nia, Champhai police station-ah mi 26 leh Khawzawl police station-ah mi 1, a vaiin ILP nei lo mi 27 te chu Police kutah hlan ani, tih tarlan a ni a. ILP chungchangah hmalak zel dan tur sawiho nghal a ni. Branch hrang hrangah ten tun aia nasa zawka hmalak ni se, mahni branch huam chhunga ILP neih ngai te an ILP photo copy chu branch tin ten kawl vek ni se, an ti a. Renew a ngaih hunah ngaihven thin sei. Mipuite pawh ILP neih ngaite sponsor kawngah zirtirna leh ngenna siam ni se, an ti a. YMA Sub-Hqrs OB President ten ILP khawihtu official te lo kawm in ILP, pek ch…

LONEITUTE HMASAWNNAN FOCUS

LONEITUTE HMASAWNNAN FOCUS: Loneih lama hmasawnna tura hnathawhna, FOCUS hnuaiah Champhai District Management Unit te chuan lirthei 7 an dawng. Heng lirtheite kar hmasa khan Agriculture Minsiter C. Lalrinsanga chuan FOCUS Mizoram Project Management Office hawn rualin district hrang hrang ta tur hi a vailiam a. Champhai DMU te hian bike 5 leh gearless scooter 2 an dawng a, hei hi an hnathawh kaihhnawiha hman.tura tih a ni. FO- CUS hi United Nations agencypakhat International Fund for Agricultural Development (IFAD) hnuaia project niin, sik leh sa inthlak nasa, global warming leh climate change khawvelin a tawn mek hrula hmasawnna hna thawhna tura hmalakna a ni a. Aa tum ber chu thingtlang lo neiha eizawng chhungkaw 64,500 ten thlai hlawk zawka an thar chhuah, theihna tura tihhmasawn leh kum tin lo hal avanga sik leh sa inthlak danglam nasa lutuk tihziaawma ni. IFAD. atangin FOCUS Project atan hian loan, US dollar maktaduai 35.25 ruahman a ni a. FOCUS project hian Agriculture, Horticult…

HLA KUTPUI HMANG

HLA KUTPUI HMANG : Champhai Vengthlang Presbyterian Kohhran chuan Inrinni zan atanga nimin thleng khan Hla Kutpui an hmang a. An kohhran huam chhung chu group 4 ah in thenin, intihsiakna hi KTP bikah solfa hla, Kristian hlabu 575-na leh nu leh pate tan lengkhawm zai intihsiakna hmangin hla pahnih : KHB - 191 leh KHB 77 na hmangin inelna an nei a ni.

WORLD RECORD A NI THEI A NGEM

WORLD RECORD A NI THEI A NGEM : Champhai Cable Network Channel pakhat The Friday Show chuan naupang kum 3 mi lek tawng hrang hrang chi 10 chhiar thiam an hmuchhuak. He naupang hnam dang tawng pawh zir lo a thiam tawp hi Lallawmawma s/o JH Ramengmawia, Tlangsam niin tunah hiam Ram hrang hrang tawng 10 (Russian, Greek, Spanish etc.) Alphabet te a chhiar thiam a ni. Lallawmawma (Awmawma) tia koh hi December ni 3, 2015 khan lo piangin tunah kum 3 mi lek niin ram hrang hrang 10 Alphabet a chhiar thiam tawh a ni. A nu chuan Awmawma hi mi ina an len chang pawn hawrawp intar a hmuh tawh hian chuan a ngaihsak em em thin tih a sawia, nitin hian chhuatlaiah bawkin a ziak neuh neuh reng mai a ni. A nu hnathawh karah pawh chhuatlaiah bawk khupin perek te nen Alphabet te hi rem khawmin a lo in awm tlei thin a ni.

Hetiang naupang kum 3 mibik Champhai in kan neihi a lawmawm khawvel record a ni hial mai thei a ni.

TIAU LUIAH TLAHLUM

TIAU LUIAH TLAHLUM : Nimin chhun dar 12:00 bawr vel khan, Pu Lala, kum 36 Khawmawi, Myanmar chu Tiau luiah chesualin a thi. Thu kan dawn danin, Pu Lala hi Tiau lui lei an dawhkaina chhak, tui tlemna lai, mihring kal kaina thin atanga Lui kai tum chu lungrah nalah a tlusual palh a. Pu Lala hian lui a daikai tumna bul velah hian Balu lain midang an awm a. A fapa kum 4 bawr vel mi chu koki chhuanin, a tlukpui tel a. An au loh avangin a chhak deuha Balu la ho pawhin an inbual vel turah ngaiin ngaih that lohna an nei lo a. An chetsual hnu hian a fapa mangang hlauthawng au ri hi balu latute hian an hriat hnuah an awmna hi va panin fapa hi chhanchhuah a ni Pu Lala hi tuiin a lo len tawh a, umzui nghal niin a chetsualna atanga feet 300 velah lak chhuah a ni a, an lak chhuah hian a lo chatthla fel tawh a ni. A ruang hi Zokhawthar khawtlangin an buaipui hnuah nimin khan Khawmawi lamah hian lak

chhoh nghal a ni.

LEIMIN VANGIN INKALPAWH HARSA

LEIMIN VANGIN INKALPAWH HARSA: Nizan hmasa ruah bawhawk sur avangin Khawbung leh a chheh velah leimin in inkalpawhna kawng hnawh pingin vantlang tuilakna a tichhia a. Hmalak dan tur sawihovin nimin zing khan Khawbung BDO Vanlalchhuanliana inah Disaster Committee an thukhawm nghal a ni. Nizan hmasa zanlaia Khawbung leh a chheh vela ruah bawhawk sur avangin Khawbung khaw chhung leh khaw kar kawng inkalpawhna leiminin a hnawh ping nual a. Thenfai ngai zualpui te thenfai nghal niin, hmun thenkhat chu then fai mai theih a ni hrih lo.  Khawbung leh a chheh vela leimin avang hian lirthei thahnemtak an tang a. A theih ang anga chinfel dan tur ngaihtuah niin, hmun tam taka leimin awmna bulhnaia khaw mi tlawmngaiten a  remchan angin thenfai hna an thawk nghal bawk niin thu dawn a ni.

EXCISE REPORT

EXCISE REPORT : July thla chhung khan Champhai District Excise & Narcotics Dept-te chuan MLPC Act hnuaiah thubuai 20 ziak lutin ND&PS Act hnuaiah thubuai 9 an ziak lut bawk. Champhai District Excise & Narcotics Dept-te chuan July thla chhung khan Rakzu litre 696.4 leh Zu bilh lai Tin 120, Zu bilhna Pot 8 an man a, Ram dang beer um 2 leh Canned 17 an man a, Ruihhlo phurhna lirthei pahnih, Two Wheler 1 leh LMV I ve ve an man July thla chhung vek khan Heroin Gram 488 an man bawk a, ND&PS Act hnuaiah thubuai 9 ziak lutin mi 10 an man a, MLPC Act hnuaiah thubuai 20 ziak lutin mi 20 an man bawk.

FOOTBALL TOURNAMENT

FOOTBALL TOURNAMENT : Independence Day Football Tournament chu karleh Thawhtanni  atang khian khelh tan a ni dawn. Tun tum hian 1st Division leh Zone FA Champion te bakah Aizawl 1st div team 2 te sawm an ni a. Nikum ah Aizawl FC Academy te an lo tel tawh bawk. 1st div team thenkhat chuan  practice an  kalpui tan mek a, Tournament ah hian team 10 an tel dawn a. Venglai FC, Bethel FC, Zotlang FC, FC Vengthlang North, Vengthlang FC, TMFC, Rabung FC, Samoto FC, 1st MAP Academy leh Aizawl Dinthar FC te an tel dawn a. Heng Team 10 te hi Group A leh B ah then hrangin Pool Match an khel phawt dawn a ni.

I-Day Football Tournament tel turte tan vawiin hian Manager meeting koh a ni.

DAN BAWHCHHIA 43 MAN

DAN BAWHCHHIA 43 MAN : July thla chhung khan Traffic Police te chuan Lirthei dan bawhchhia 43 an man. July thla chhung khan lirthei dan bawhchhia 2 wheeler 31 man niin, pawisa Cheng 8400 chawitir an ni a, 3 wheeler 4 manin pawisa Cheng 400 chawirtir an ni a, 4 wheeler 8 man in pawisa Cheng 2000 chawitir niin, July thla chhunga lirthei dan bawhchhia man te atanga pawisa chawitir tlingkhawm hi Cheng 10,800 a ni.

CHAMPHAI ṬHALAI PAWL TEN SOLAR CHUNGCHANGAH HMALA ZEL

CHAMPHAI ṬHALAI PAWL TEN DAMDAWIIN SOLAR CHUNGCHANGAH HMALA ZEL : District Hospital a Solar Energy Plant hman theih loh vangin Champhai Thalai Pawlin hma an la. Damlo Khum 100 awm theihna Champhai District Hospital a Power supply a khaihlak chang pawh a harsatna a awmlohna turin kum 2014 khan Hospital building chungah Nizung chakna hmanga 100 KW (Kilo Watt) pe chhuak thei tur Solar Plate 345 dah anih bakah Backup Battery 240 chu EMMVEE Photovoltaic Power Private Limited Bangalore in a bun a.  He Solar Power Plant hi buntirh anih ata vawiin thlengin hman tangkai anih loh thu vawiin  khan Champhai Thalai Pawl te chuan an sawi. Nizung chakna hmanga 100 KW power pechhuak thei tura duan he Solar Power Plant hi Champhai District Hospital-in tangkai taka a hman theina turin Champhai Thalai Pawl chuan hmala anla mek a.  Sorkar thuneitute hnenah vawi duailo ngenna an thlen tawh thu leh vawiin thleng pawh a hmasawnna a awm thei lo chu vanduai thlak an tih thu leh kumin August thla chhung pawh a…

VAWK VULH LAI PE

VAWK VULH LAI PE : Pu C.Lalchawiliana, Champhai Venglai te chuan Venglai Branch YMA hnenah an vawk vulh lai 2 an hlan. Pu C Lalchawiliana te chhungkua, Thlanmual veng a mite chuan an vawk vulh lai inchi 40 chuang ve ve pahnih chu niminpiah khan Venglai Branch YMA hnenah an hlan a. Pu C.Lalchawiliana chuan hetianga YMA hnena an vawk vulh lai an hlan chhan sawiin, an hausak vang leh vawk an ngah vang ni lovin YMA chu an nu leh pa ang a ngaih vang leh YMA hi an ngaih hlut em vang a nih thu a sawi a. Pu C. Lalchawiliana hi a hriselna a that tawk tawh loh avangin hna hahthlak thawk thei a ni tawh lo va, a nupui hi PWD ah Labour hna thawkin a nupui thawhchhuah hi an ei ber a ni mek Hetianga veng chhunga mi harsa zawk te'n  

 Branch an  hlan phal chuYMA te hnenah an neih hlu tak Venglai Branch YMA te chuan lawmawm an tih thu an sawi a, YMA chu nu leh pa ang a ngai a, an ngaihhlutna chu ropui an tih thu an tarlang tel bawk.

CHAWL LOIN THAWK ZEL

CHAWL LOIN THAWK ZEL: Fur ruahsur avanga Mizoram hmun hrang hranga leimin leh a kaihhnawih vanga kawng chhia thawm that hna chu Mizoram PWD chuan chawl lovin a thawk zui zel. NH-54, Khamrang bul, NH- 6 Khawzawl-Champhai road Haidailui leh NH-54:Lawngtlai khaw chhungah leimin leh kawng bal avangin motor eng chi mah kal theih lohvin a ping a Lawngtlai khaw chhunga kawng bal nasa tak chu July 23 khan motor kaltlang theiha siam a ni a; July 26 khan lung phah zovin lirthei eng chi pawh kal theiha siam zawh leh a ni ta a. Champhai kawng, Haidailui kawng chhuat bal vek chu District thuneituten mimal ram an tihfel vat avangin a tuk tlaiah khan kawng chhak lai zauvin motor te chu chhuah nghal a ni a. Khawl lian zawk hmanga laih zauh belh lehin, ni khat chhungin motor lian kal theiha laih zauh a ni leh a. Motor a kal reng avanga duh anga chaka hna thawh theih a nilo chungin nimin tlai khan lung phah zovin harsatna awm lo va kal theiha peih a ni. NH-54, Khamrang bul erawh chu mêtre 200 laia thui…

LIRTHEI TLANDAN RUAHMAN

LIRTHEI TLANDAN RUAHMAN : New Hruaikawn leh Zokhawthar inkar kawng laih mekah New Hruaikawn Welfare Committee chuan kawng laih hna a sawt zawk theihna turin lirthei tlan dan tur an ruahman. New Hruaikawn leh Zokhawhar inkar kawng laih mekah 810 Motor chung lam kal lo tura hriattirna an chuah tawh chu New Hruaikawn Welfare Committee chuan nimin atang khan motor eng chi pawh kaltlang tir tawh ni se tiin, motor eng chi tan pawh tlan theih a ni a. Champhai lam atanga chhuk thla tur te zing dar 8.00 thleng kawng hawn a ni ang a, Zokhawthar  atanga chho turte tan Zing dar 8:30 atanga 11:00am thleng hawn a ni bawk ang. A vawi hnihna Champhai lam atangin dar 11:30 am atangin an chhuk leh ang a.  Zokhawthar lam atangin chhun dar 12:30 atangin chho leh ang a. A thawh thumna 2:30pm atangin Champhai lam atangin an chhuk leh ang a, 3:30pm atangin Zokhawthar atangin a chho leh ang a. Tlai Dar 5:00pm atangin Champhai lam atanga chhuah thlak leh tur a ni ang. 



DC HMALAKNA TARLANG TAWH DAWN LO

DC HMALAKNA TARLANG TAWH DAWN LO : Ni 31.7.19 (Nilaini) khan Champhai District MJA te chuan General Body Meeting an nei.
He hun hi an President Pu C.Lalhnunpuia chuan a kaihhruai a. An thurelah kum 2015-16 chhunga Champhai PWD division hnuaia MJA Press Club panna kawng, cheng nuai 4.2 sanction fel vek tawh leh thawh zawh tawh anga lang si, a taka hmuh tur awm si lo chu thuneitu sang zawk hnenah thil kalphung hrilhhriat a, Press club panna kawng a taka siamsak tura ngen nise an ti.
Hemi bakah hian Champhai DC nena thawhhona chungchang ngaihtuahin, ni 27.7.2018.khan DIPRO kal tlangin inkawmhona neih a ni a. Hemi ni hian inhmelhriattirna neih a nih bakah DC kal tawhte nena thawhhona tha tak kan lo neih tawh thin anga thawhpuiah kan sawm nghe nghe a ni.
"Kumpui linglet a liam hnuah pawh kan beisei loh ang takin Bawrhsap hnena ram leh khawtlang tana thawkho tura kan ngenna hian awmzia a nei chuang lova. Chuvangin MJA, Champhai District chuan hei hi hriatthiam a har kan tiin, tun atan…