Skip to main content

BAWRHSAP IN SCHEME THAR HAWNG

BAWRHSAP IN SCHEME THAR HAWNG :
Nimin khan Champhai District chhunga hman tan tur Swasth SHG Pariwar tih scheme chu Champhai Bawrhsap Dr Naveen Aggarwal an I&PR Auditorium ah a hawng.
Bawrhsap chuan thusawiin  hriselna atana  sum kan hman thin te hi mitin te tan intawm leh hman tlan vek theih tawh a ni, a ti a. Dam lohna avanga pawisa tam tak kan insen thinnate chu chhungkaw tam tak min tibuaitu leh retheihna khura min hnukhlutu a ni thin a, Central Sawrkar in DAY NULM leh AB-PMJAY thawhho theihna tur kawng a hawn thu a sawi a. Mirethei leh harsa zawk te tan sawrkarin health camp a buatsaih tur thu a tarlang a, Nutrition scheme hnuaiah nu naupai mekte tan chaw tha an dawn theihna tur a hmalak mek a nih thu leh naupang hrisel zawk an lo pian zel theihna tur atana hmalak  tum ber a nih thu a sawi a, chumi atan chuan Anganwadi te hi an pawimawh em em a ni a ti.Heng sawrkarin a tum hrang hrangah te hian Department kaihhnawih te tanrual angaih thu sawiin,  Swasth SHG Pariwar hi a hawng a ni.
He hun ah hian Self Help Group hrang hrang te an kalkhawm a. Kum 2005 atangin SHG an ding a, Bank atang a pawisa pukin an pawisa puk hmang hian an Group intundinna tur eizawnna tur kawng an dap chawp a, sahbawn siam te, pangpar siam leh thil dang dang siam in hna an thawk a, a hlawkna leh hlawhtlinna an hmuh te SHG te hnen atangin ngaihthlak a ni.
He Scheme hi DAY NULM in a buatsaih niin ni 100 chhunga tihhlawhtlin tura tih a ni a, hmeichhia te tana buatsaih a ni a. He Scheme Swasth SHG Pariwar hian tum pathum neiin AB-PMAY hnuaia hamthatna SHG memberten an neih ngei theih nana hma lakpui a, cheng nuaih 5 chin dam lohna avanga senso bill theihna te leh damdawi In a inenkawlna man pawisa pek nghal kher ngaih lohna tur a hmalak te, SHG member zinga nu naupai leh nau hnute pelaite tan Poshan Scheme hnuaia hamthatna dawng tura hmalakpui leh DAY NULM hnuaia SHG leh an chenpui, an chhungte tana Free Health Check Up buatsaih sak te chu he Scheme - Swasth SHG Pariwar in a tum ber a ni a. Scheme  thupui atan SHG member-te leh an chhungte hriselna hi ram leh hnam mawhphurhna a ni tih chu an hmang a ni.
Scheme thar hawnna hun hman zawkah hian Scheme chungchang inhrilhhriatna hun hman chhunzawm niin, Resource Person-te hnen atangin he Scheme hnuaia hna an thawh dan tur te chipchiar taka ngaihthlak a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…