Skip to main content

NI 9 CHHUNG TAWNGTAI

NI 9 CHHUNG TAWNGTAI : Champhai Parish chhunga Kohhran hrang hrangte chuan nimin, Holy Cross Kut, pualin ni 9 chhung tawngtaina chu an Kohhran Biak In theuhah an nei a, Lalpa zanriah sakrament kil thin a ni bawk. Holy Cross Kut lawmna hi Champhai Holy Cross Biak In, Bethelah nimin khan neih ni a. He hunah hian Champhai Parish bial chhunga Teenager, kum 13-19 inkarte chuan Holy Cross Biak Inah hian meet an hmang bawk.

CHAMPHAI AH INDEPENDENCE DAY

CHAMPHAI AH INDEPENDENCE DAY :
Ningani khan Chhangphut Field-ah India ram Zalenna Ni, Independence Day vawi, 73-na chu ropui taka lawm a ni.
Champhai District- a zalenna ni lawmna pui berah
hian TJ Lalnuntluanga, Law and Judicial Minister chu khuallian a ni a, hnam puanzar pawt pharhin parade contingent 20-te chibai buk a chhanglet a. Naupang huaisen chawimawina,- Jeevan Raksha Padak dawngtu Lalthasangzuali D/o Roluahpuia Chalthleng, Champhai Kahrawt, King Solomon's School-a Class- VIII a zirlai a a thiannu a tuitla a chhanchhuah hnenah chawimawina, Medallion leh Citation hlanin Parade Contingent tithate lawmiman a sem nghal a ni.
Khuallian TJLalnuntluanga chuan, ram dang awp behna atanga India-in zalenna neia ropui tak a nih theihna tura hruaitu hmasa leh nunna hlu tak hlantute chu hriatreng an nih thu sawiin, India khua leh tuite chu ram hmasawn zel leh inpumkhatna kawngah mawhphurhna an neihte hlena theihtawp chhuah turin
ram a sawm a ni. Mizoram sawrkarin kuthnathawktute leh thalaite eizawnna ngelnghet siam a ngáipawimawh tih sawin, hemi tihlawhtling tur hian Socio Economic Development Policy hmanga ruahmanna hrang hrang siam a ni, a ti a. Champhai Leilet humhalha tangkai taka hman a nih theihna tura Land Development lama tan lak leh revenue dante a tul anga ennawn a, Land Reform-te siam a hmathar lak mek a ni, a ti a. Minister chuan Sawrkar inrelbawlna mumal tak mipui rinngam, thianghlim taka rawngbawl leh mipui sawrkar din chho zel tura hmalak zel a nih thu sawiin, hlemhletna umbo kawng hma la tur Lok Ayukta dinfel a ni tawh bawk a ni, a ti.
Khuallian chuan inkalpawhna kawng siam lama
sawrkar hmalakna hrang hrangte tarlangin, kumin kum tir lamah Aizawl leh Champhai inkar kawngpui. chhe zual lai siam thatna tura Cheng Nuai 1000 dah a nih thu leh Keifang leh Kawlkulh inkar siam thatna tur Cheng Vaibelchhe 29.27, Khawzawl leh Champhai
inkar siamna tur Cheng vaibelchhe 26.60 te chu
sawrkar laipui atanga dawn anih tawh thu sawiin, tender chhuah tawh peihfel veleha thawh tan nghal mai tawh tur a ni, ati a. Zotlang Tlangsam Ring Road leh Champhai khawchhung kawng thalote siam hna pawh thawh thuai tuma hma laka ni a ti bawk
Champhai District-ah Mizoram University, Eastern
Campus chu Champhai hmuna dah a nih theihna turin hmalak a nih thu te, Zofate Kut pawimawh tak tak hmunhma nghet leh changtlung taka hlim taka hman ho a nih theihna turin Tlangsamah Cultural Centre, Ecotourism Park nena awm kawp tura a tul ang zela hmalak a nih thu a sawi
Champhai Civil Hospital-ah Dialysis khawl, ICU leh Private Cabin-te siam tura sum dah fel ania, reiloteah neih theih beisei a ni, a ti.
Independence DaynMarch-Past hi Parade
Commander Sub-Inspector Joseph Lalhnehzela chuan kaihruaiin, contingent 20 zingah hian Armed Contingent 1, Unarmed Contingent 4, School Contingent 14 leh SSA Pipe Band-te an tel a. Parade zingah hiannschool contingent-tenatangin titha pathum thlanchhuah niin, Bethel Mission School Contingent chu pakhatna an nina. Armed leh Unarmed
Contingent inkawpah Mizoram Police Contingent pakhatna an ni. R.Roluahpuia, Fireman,nNational Fire ServicenAwardee for Meritorious Service lawmpuina
hun hman a ni bawk Independence Daynlawmna hun Chhangphut Field-a neih zawh hnu hian Independence Day Chief Guest hovin official leh sawm bikte pualin Jericho Garden, a Keifangtlang, Champhaiah 'VIP's At
Home' neih ani.

Comments