Skip to main content

CHAMPHAI AH TB VEI MI 68 AWM MEK

CHAMPHAI AH TB VEI MI 68 AWM MEK:
Nimin khan District TB Centre, Champhai District buatsaihin Press Club-ah Journalist-te tan Revised National TB Control Programme chungchang zirho a ni a, he hunah hian Champhai District-ah TB vei, damdawi ei zo duhlo mi 5 an awm tih tarlan a ni.
He hun hi C.Lahnunpuia, MJA Champhai District President chuan a kaihhruai a, Dr R.Lallianmawia, District TB Officer chuan Revised National Tuberculosis Control Programme chu Health Dept in Programmea kalpui tam tak zinga mi a nih thu leh District TB Centre inrelbawl dan a sawi a. TB natna chu khawvelin a la buaipui chhunzáwm zel a, kum 2030 ah chuan he natna hi umbo hman tum a ni, tih sawiin, India ram chuan kum 2025-ah umbo a tum thung, a ti a. TB natna chu khuh leh hahchhiau  atanga  boruaka  leng  chu  inkaichhawnna a ni a.
He natna hi India ramah chuan puitling zaa 40 in an nei tura ngaih a ni, tih a sawi a. TB-ah  hian chi hnih, chuap leh chuap pawna mi a awm a, chuap TB chu inkaichhawn awlsam leh a tlanglawn a nih thu sawiin, he natna hian kum khat chhungin mi 40 bawr vel an kaichhawng thei a, hei avang hian TB veite chu enkawl vat a ngaih thu a sawi a. TB hi eitha hmu lo, HIV natna vei, zunthlum nei, cancer
nei, zuk leh hmuam ti nasa lęh zu ngawl veiten an kai awlsam bik a ni, a ti.
Chawlhkar hnih emaw a aia rei khuh tawh te,
tlai lama khawsik nei thin te, khak thi, chaw ei tui lo leh taksa rihna tlahniam te, awm chhung lam na te, zana thlanfim tla te, thala bawk awm te chu a lan chhuahna a ni a. District TB Centre-ah-inringhlelte chu a thlawna inentir theih a ni a. Damdawi hi a thlawna pek vek bawk a ni, a ti. TB dam chiang lo, a natna lang leh chu enkawl a harin hun a duh rei tawh hle, tih a sawi. Hei bakah hian RNTCP hnuaia
rawn hamthatna awmte leh TB laka inven dan tlangpui a sawi a. TB veiin inrinhleh nachang hriat a tul thu te, damloten enkawlna tluantling an lak te, nausen zawng zawng TB danna pek te leh khak thlahdah lohte chu an pawimawh thua sawi a ni.
Champhai District-ah kumin hian chuap TB
hmuh chhuah mi 68 an awm tawh a, chuap pawnlam TB 46 hmu bawkin, TB enkawlna la hi mi 118 an awm mek a, a vei zaa 91.66 chu enkawl dam an ni. Zunthlum leh TB vei mi 9, HIV natna leh TB nei mi 30 an awm bawk a. Kum 2012 atangin mi 1644 endik an ni a, heng zingah hian mi 36 te chuan TB dam har chi, MDR TB an vei tih hmuh chhuaha ni bawk. Nimin zirhona hunah hian zawhna leh chhanna hun hman zui a ni bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…