Skip to main content

WORLD BANK KAWNGIN MELBUK HEL DAWN

WORLD BANK KAWNGIN MELBUK HEL DAWN : World Bank sum Rs 137 Crores hmanga Champhai leh Zokhawthar inkar Double Lane Highway laih mekah, Melbuk khawtlangin an khua tlawh ngei se an duh vanga helai kawngpui sial hnathawh khaihlakna thleng chingfel turin nimin chawhnukhan DC Conference Hall-ah hemi chungchang  ngaihtuah hian thutkhawm ni a. Champhai DC Dr Naveen Aggarwal kaihhruai he thutkhawmah hian World Bank kawng kalna tura lo ruahman lawk tawhsa angin, Melbuk khaw chhung paltlang lovin kawngpui hi an khaw hnuaiah kaltlang turin an ti ta a ni. Champhai Zokhawthar Double Lane Highway kal dan tura duan lawkah, kawngpui hian  Melbuk khua tlawh lovin,  an khaw  hnuai  (dai)a kal turin kawngpui pawh laih lawk ani tawh a  Melbuk khawtlang chuan Kawngpui-in an khua paltlang ngei se an duh vanga an theih ang anga hmangin, an khaw tawpla atanga kawngpui pawh tur hian Kilometer khat dawna thui (Society kawng)an cheibawl ve mek bawk a. Melbuk khuaa tlawh ngeina tura an hmalakna pakhatah, Kawng s…

CHAMPHAI DISTRICT LEH MIMAL TEN AWARD DAWNG

CHAMPHAI DISTRICT LEH MIMAL TEN AWARD DAWNG :
Ministry of Women &Child Development in an buatsaih "Poshan Abhiyaan Award 2018
2019",ah Mizoram chuan Category hnih ah Incentive Award la-in Field Level Leadership Awards-ah Champhai District-in "Best District award" a dawng.
Poshan Abhiyaan Award-ah hian State/UT 36 te mihring cheng zat a zirin Group-4 ah then an ni a, Mizoram hi Group-3 category-naah dah a ni a. Implementation of ICDS-CAS-ah leh Overall Excellence in Implementation- ah Pakhatna ve ve a hmu a, Ci-
tation leh Pawisa fai Cheng Nuai 250 a dawng a ni.
Field Level Leadership Awards-ah Champhai District-in "Best District award"an dawng a, Champhai ICDS Project hnuaia Vengthlang Anganwadi Center-lIl te chuan "Best AAAA&LS" Award la-in Zomuansangi
AWW,Champhai Vengthlang; Vanlalhruaii Helper, Champhai Vengthlang; R. Zonunsiami ANM,
Vengthlang, Ngurzikpuii, ASHA, Champhai
Vengthlang North, Vanlalchhuangi CO, Champhai
Vengthlang te hnenah AAAA& LS Convergence Award hlan an ni. Incentive pawisa fai Cheng Nuai hnih leh sing 5 hlan an ni. "Best District award" hi Champhai DC Dr Naveen Agarwaal chuan dawngin C. Zaimawii, DPO in a tawiawm bawk a ni.
Poshan Award hi nimin khan Hotel Ashok, Chanakyapuri, New. Delhi-ah sem niin, Mizoram
Sorkar aiawhin Social Welfare Department Secretary ho-in Director leh Nodal Officer-te bakah. Champhai District DC leh he lawmman dawngtu turte hi an
tel a ni.

Comments