Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

CHAMPHAI ṬHALAI PAWL TEN SOLAR CHUNGCHANGAH HMALA ZEL

CHAMPHAI ṬHALAI PAWL TEN DAMDAWIIN SOLAR CHUNGCHANGAH HMALA ZEL :
District Hospital a Solar Energy Plant hman theih loh vangin Champhai Thalai Pawlin hma an la.
Damlo Khum 100 awm theihna Champhai District Hospital a Power supply a khaihlak chang pawh a harsatna a awmlohna turin kum 2014 khan Hospital building chungah Nizung chakna hmanga 100 KW (Kilo Watt) pe chhuak thei tur Solar Plate 345 dah anih bakah Backup Battery 240 chu EMMVEE Photovoltaic Power Private Limited Bangalore in a bun a.  He Solar Power Plant hi buntirh anih ata vawiin thlengin hman tangkai anih loh thu vawiin  khan Champhai Thalai Pawl te chuan an sawi.
Nizung chakna hmanga 100 KW power pechhuak thei tura duan he Solar Power Plant hi Champhai District Hospital-in tangkai taka a hman theina turin Champhai Thalai Pawl chuan hmala anla mek a.  Sorkar thuneitute hnenah vawi duailo ngenna an thlen tawh thu leh vawiin thleng pawh a hmasawnna a awm thei lo chu vanduai thlak an tih thu leh kumin August thla chhung pawh a hmalakna an hmulo anih chuan na zawka sorkar kar an tum tih vawiin khan District Hospital Superintendent Dr. Zatluanga chu a Pisa-ah hmuin an sawi.
100 KW pechhuak thei tur he Solar Energy Plant hi khatih laia sorkarna chelhtu (2008-2013) Congress Ministry hnuaiah engkim tihfel a niin,  kum 5 chhung Warranty awm tura ziakfel a ni chungin, a buntu Emmvee Photovoltaic Power Private Limited hi vawi khatmah an lo kal tawh loh thu Champhai Thalai Pawl-ten an tarlan bakah Champhai District Hospital a dah anih rual hian District Hospital dang 4 leh Falkawn Hospital-ah pawh dahtel a ni chungin anni pawhin an hmantangkai bik loh thu an sawi tel bawk.
Champhai District Hospital Superintendent Dr. Zatluanga chuan District Hospital a Solar Energy Plant hi Mizoram sorkar hnuaia Zoram Electronic Development Agency (ZEDA) chuan an enfiah tawh thu leh khawl dinhmun  kimchang chu Sorkar (Health Department) hnenah thehluh anih tawh a beisei thu a tarlan rualin,  ZEDA chuan heng khawlte hi la siamthat theih ni a an hriat thu a sawilan bakah tangkai taka hman theih ni tase,  District Hospital-in  kawlphetha a mambbawh ang a dawn theih vek dawn thu a tarlang tel bawk.  
He Solar Enegry Plant bunna tur senso Rs 240 lakhs-ah hian (90 + 10%) Sorkar laipuiin Cheng nuai 216 tumin, Mizoram sorkar-in cheng nuai 24 atum ve thung a ni.







Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…