Skip to main content

DAMCHHUNG JAIL TANG TURIN REL

DAMCHHUNG JAIL TANG TURIN REL :
Kumtlinglo pawngsualtu Vanlalvena kum 51,
Hnahlan Saron Veng chu Champhai Special Judge R.Vanlalena chuan hrehawm taka dam chhung Jail tang turin nimin khan hremna a tichhuak.
Judgement-a tarlan a nih dan chuan pawngsualtu Vanlalvena hian hmeichhe naupang kum 4 leh a chanve mi chu a chhungte  hriat loh hlanin a khuaihem a, a lakah hian FIR thehlun niin naupang pawh hi doctor ten an endiknaah khuaikhem ngei a ni tih tarlan a ni a. Sub-Inspector VL. Chama Ralte chuan chhui zuiin Police lamin thiltulte an bawhzui hnuah he thubuai chungchang report kimchang, charge sheet chu Champhai Court-ah an theh lut a.
Vanlalvena hian kum 2017 February thla khan 
hmeichhe naupang kum 6 mi pawh khuaikhem tumin hmun fianrialah a lo hruai tawh a, pawi thui tak erawh a khawih hman lo hlauh a. He thil thlengah pawh chuannChamphai police te chuan an lo man tawh a, Court-ah thawnin jail-ah dah luh a lo ni tawh bawk. A hriselna lam that tawk loh vangin Court chuan hun eng emaw ti chhung atan chauh bail in a chhuah lailawk a. Hemi chhung hian a thubuai pawh chu court in a rel mek a.
Hetih hun chhung vek hian pawi lian zawk a lo khawih zui leh takah chuan police te chuan man lehin, Champhai Special Court Judge chuan thilsualtitu hi na taka hrem loh theih loh niin a hria a. Vanlalvena hi hrehawm taka damchhung Jail tang tur leh pawisa chawi turin hremna thu hi nimin khan a puang ta a ni.
Thu kan dawn danin, tunhma lam kha chuan
damchhung tang tura Court-in a hremte hi kum 25 tang tura tih an ni deuh ber a. An tan hun chhung hi, pawh tawi theihna hun remchang an neih theih thin avangin kum 25 pawh hi an tang tling ngai meuh lo thin a. Tun hnuah erawh


Court-in  damchhung tang tura an chungthu a rel tawh hi chu an dam chhung tak tak tang tur an ni tawh thung. A tan hun chhung tur hi hunbi tiam leh kum zat tarlang lo va, dam chhung tang tur a nih avang hian a lo tan tawhsa pawh paih then theih a ni lo bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…