Skip to main content

DGP-IN CHILDREN'S CORNER HAWNG

DGP-IN CHILDREN'S CORNER HAWNG :
Zankhat riaka Champhai tlawha rawn zin Mizoram Director General of Police (DGP) SBK Singh (IPS) chuan Nilaini khan Indo-Myanmar Border Trade Point a tlawh a, ramri a insumdawn  tawnna leh a kaihhnawihte  a hmun ngeia hmuh chu a lo kalchhan a nih thu sawm bikte nena zanriah kilhona-ah a sawi.
Nimin khan Champhai Police Station a  kumtlinglo thubuai neite dah lailawkna tur pindan 'Children's Corner' a hawng  Champhai  Police Station Conference Hall-ah Police te fuihna thu a sawi bakah  tlawmngai pawlte a kawm bawk. DGP SBK Singh chuan Champhai alo kal chhan tak zawhna chhangin, Indo-Myanmar  Border Trade  Point nihphung dik tak a hmun ngei a hmuh leh ram pahnihte  intlawh pawhna kawnga Police tih tur leh chanvo zirchian a nih thu a sawi a. Ramri a ram pahnihte inlaichinna tha tak awm chu lawmawm a tih thu leh ramri kan a lut leh chhuakte chu dan hnuaiah him taka an chetvel theih nan Dan leh thupek kengkawhtu  Police-ten theihna leh thiamna sang zawk nei a, hna an thawh a tul thu a sawi a Police-ten thiamna leh theihna sang zawk an neih theih nan hmanraw tha leh zirtirna mumal tak an dawn a ngai tih a sawi a, sumdawng bungraw  phurtu lirtheite tan hmunhma mumal tak ruahman a tul tih tarlang tel bawk.
Nimina Champhai District Police fuihna thu a
sawiahvDGP chuan Champhai Police Station a Children's Corner hawn hian mitin dikna chanvo humhim a nihzia a lantir a ni, a ti a. Champhai chu khualzin mite hipna kawngah dinhmun tha tak nei anih thu sawiin, helam  hawi a tanlak a pawimawh thu leh khualzin mite kaihruai a, humhim turin a bik a duan Tourist Police awm thei se tha a tih thua sawi Police hna hi mimal leh chhungkaw intun-nunna atana thawk kan nih piah lamah kan awmna hmun apiangah mitin ralmuang  leh thinthi-a an awm theih nan theihna zawng zawng chhuah a thawh a ngai a ni tih sawiin SBK Singh chuan, ram leh khawtlang himna tura mahni chanvo theuhah theihtawp chhuah thei turin mitin invawn that a tul hle a ni, a ti a. Ramri hrula awm Police-ten ruihhlo, ralthuam leh dan lova lut bungraw danbeh chu hnapui bera nei tur leh ngaih  pawimawh ber ni thei se a duh tih a sawi
bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…