Skip to main content

ONLINE APPLICATION CHUNGCHANG ZIRHO

ONLINE APPLICATION CHUNGCHANG ZIRHO : Nimin khan DEO hnuaia zirna in hrang hranga zirtir tute tan Scheme thar Online Application of Scholarship Scheme chungchang Govt Champhai College Multipurpose Hall-ah zirho a ni. Pu P. Lalhmingliana, Principal, Govt. Champhai College chuan tun hma chuan scholarship ti turin awlsam takin a tih theih mai thin a, khawvel changkang zelah tunlaiah chuan tun hma ang mai maia tih theih a ni tawh lova, Online-a Scholarship form dah khah a ngaih tawh avangin Computer leh Online a tih theih hrang hrang te hi kan thiam a ngai a ni a ti a, la hmang thiam lo te pawh intuaihriam zel a, Internet hmanga tih theih hrang hrang te hi thiam vek tum turin zirtirtu kalkhawm te chu a chah a, mi inzir peih te tan thiam theih loh hi a awm tak tak lova, kum upa lam tawh tan pawh zir peih phawt chuan thiam theih a nih thu sawiin Seminar chu a hawng a ni. Mizoram Scholarship Board Secretary Pu JH. Zoremthanga chuan, Scholarship chu naupang harsa zawkte tanpuina anih avangin …

DINTHAR VENG KHAWTLANG LEH UPC INREM

DINTHAR VENG KHAWTLANG LEH UPC INREM:
Champhai Dinthar Veng khawtlang leh UPC (NEI) Kohhran te ram inchuh chungchang thubuai chu hun eng emaw chen' ngaihtuah a nih hnuin, Champhai District Magistrate kaihhruaina hnuaiah kar kalta Zirtawpni chawhnu khan chinfel a ni.
Kum 20 vel liam ta a UPC Kohhran in Champhai Dinthar Venga Biak In an sak  tawhna, luahlum zui lova pamtul tawhna hmun chu cheibawl zui anih loh vangin  Champhai Dinthar Veng khawtlang chuan helai Biak in ram Land Lease No. MISC 54 of 1998 huam chhungah hian Anganwadi, MHIP Office, MUP Office leh VC House te sak hnan a
lo ni tawh a. Kumin March ni 4 a UPC (NEI) in helai ram tualzawl hmun awllai a. Biak In sak an tum chu. Champhai Dinthar khawtlangin dodalin, Biak In ban phunte pawh an pawhphawi sak avang hian Biak In sak  chhunzawm theih a ni ta lo va. 
Hemi chungchang hi Champhai District Magistrate kaihhruaina  hnuaiah  kumin  June  23  khan ngaihtuah tan niin, an inkara inremna a awm theih nan rawtna pawh chhawpchhuah nghal a ni.
Champhai Dinthar khawtlang leh UPC (NEI) te
inremna tura rawtna lo duan. tawh: "Tuna ram inchuh mekah hian MHIP, MUP, VC House leh Anganwadi Centre-te chu a awm chhunzawm ang a. Dinthar khawtlang in Biak In ram tur a ruahman sakah UPC (NEI) ram pek an ni thung ang a; Land Lease No. 54 of 1998 chu UPC (NEI) Kohhran-in Revenue & Settlement Department-ah an pelet ang" tih chu an pawmtlan theih ve ve tak avangin Inremna siamna ni ta a ni. 
District Magistrate Dr Naveen Aggarwal chuan Mizote chu remna duh hnam annih angin, Dinthar khawtlang leh UPC (NEI) ten rilru zau tak pu a; inremna thuthlung an ziak thei chu lawmawm a tih thu a sawi a. Hun lo kal zelah in nghirho lo va inremna neih chu thil pawimawh a nih thu sawiin, remna awm theihna kawnga. palai hna thawktu YMA Sub-Hqrs Champhai hruaitute chungah
lawmthu a sawi bawk

Comments