Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

FOOTBALL FINAL ROPUI TUR CHU

FOOTBALL FINAL ROPUI TUR CHU :
Vawiin chawhnu dar 1:30 a Final khelh tur, Kum 2019 Champhai-a l-Day football tournament-ah hian Champhai District club tha 8 leh Aizawl club tha 2 telin Group 2 ah then an ni a. Group champion leh runner up ten semi final lutin Final-ah Aizawl club tha Dinthar FC leh Champhai club hlun Zotlang FC te an intum dawn ta.
Tun tum tournament ah hian goal 103 a lut tawh a, Final a inkhel turte hi Group Runner up ve ve an ni a, group stage lamah pawh an intluk tawk hle a ni. Chak vawi 1, chak loh vawi 1 ve ve leh vawi 3 chak ve ve an ni. An goal thun zat hi goal 10 ve ve a ni lehzel bawka ni. Dinthar FC hnehloh awmchhun chu Bethle FC an ni a, Zotlangin an hneh a, Zotlang FC hneh loh awmchhun chu Vengthlang FC an ni a, Dinthar FC in an hneh ve thung a ni.
Kum 2012 khan, Mizoram football in bungthar kain MPL khelh tan a ni a, champion hmasaber chu Dinthar football club an ni. 1st division ah vawi tam an champion tawh a, player tha an chherchhuak nual tawh a, an veng mipuiin an tawiawm tlat thin Dinthar FC in Champhai-ah Final an khel dawn. Nomawi nen haw ngei tuma lo kal, Mizo zinga coach lar leh tawnhriat ngah Rta hian coach tha a nihna a hun takah a lantir a, a naute hi an game hmasaber leh semi final chu a dang zar tawh. Player te fitness a tha a, Midfield hi an chakna hnar a ni. Awpa Sailo, Nunzira leh hrem avanga semi final khel lo Champhai Zotlang tlangval Bda hian an Veng lamah goal a khung thei ang em? Captain Ramtea hian khelmual chhungah team a ho khawm tha tih a hriat bawk.
Samuela, Sangtea, Hriata leh Ephraima te hi Dinthar chhandamtu an ni thei ang em? The Maimawm team hian Champhai l-Day
Nomawi hi Aizawl lamah an hawn daih ang em?
Kum 2012 a MPL champion hmasaber Dinthar FC Captain chu Ramnuna a ni a. Tuna Zotlang FC Final hruaithlengtu hi amah bawk a ni a, a ropuina team ni thin a hmachhawn dawn. Kan sawi tawh a, kan sawi nawn leh ang. Tournament tan hma in champion turin Zotlang FC hi sawirik a ningai lo. Mahse tournament tan a ni a, Player neitha ber ni lo mah se team hlauhawm ber an ni tih an lantir a. 1st division tream zingah player pahnih chauh lalutin player lalut tlem ber an ni a, an Veng rawlthar te an ringtawk a, an tisual lo e. Semi final-ah pawh goal thun thulh duh lo, Top scorer ni mek Chhuaktea hian Zotlang FC a chhandam leh thei ang em???
Captain Zonunthara hi a hun taka rah thin a ni a, go├íl thun lo mah se goal thunna turah a inrawlh kim deuh vek a ni. Midfieldertrio, Final luhna goal thunty Lawmsangzuala, Zosangzuala leh Valtea te hian Dinthar FC midfielder an dangchat thei a nih chuan Nomawi an beisei ngam ang. Zotlang FC bang rinawm rawlthar rual Sepa, Sangtea, Zorammuana leh Jerua te hian Dinthar FC
striker te an dah nil a tul hle ang. Keeper duhawm Ephraim-a'n keeper tha nihzia a pholang zel e.


Rawlthar rualte in rintawkna siamsak thiam leh ring ngam, a hunlaia Champhai defender thaber tih theih Ramnuna hi faktlak ava ni tehlul em!!!! Chhangphut field a bengchheng thin, Zotlang tana aurual thin mipui te kha khawnge in tuan tak!!!

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…