Skip to main content

ONLINE APPLICATION CHUNGCHANG ZIRHO

ONLINE APPLICATION CHUNGCHANG ZIRHO : Nimin khan DEO hnuaia zirna in hrang hranga zirtir tute tan Scheme thar Online Application of Scholarship Scheme chungchang Govt Champhai College Multipurpose Hall-ah zirho a ni. Pu P. Lalhmingliana, Principal, Govt. Champhai College chuan tun hma chuan scholarship ti turin awlsam takin a tih theih mai thin a, khawvel changkang zelah tunlaiah chuan tun hma ang mai maia tih theih a ni tawh lova, Online-a Scholarship form dah khah a ngaih tawh avangin Computer leh Online a tih theih hrang hrang te hi kan thiam a ngai a ni a ti a, la hmang thiam lo te pawh intuaihriam zel a, Internet hmanga tih theih hrang hrang te hi thiam vek tum turin zirtirtu kalkhawm te chu a chah a, mi inzir peih te tan thiam theih loh hi a awm tak tak lova, kum upa lam tawh tan pawh zir peih phawt chuan thiam theih a nih thu sawiin Seminar chu a hawng a ni. Mizoram Scholarship Board Secretary Pu JH. Zoremthanga chuan, Scholarship chu naupang harsa zawkte tanpuina anih avangin …

ILP CHUNGCHANG AH HMALAK TUM

ILP CHUNGCHANG AH HMALAK TUM:
YMA Sub-Hqrs Champhai Executive Committee vawi 5-na chu Inrinni khan neih a ni a. ILP chungchanga hmalak zui zel dan tur an rel.
He hun, SYMA Office-neih hi an President VL Chama Hnamte chuan a kaihhruai a, Secretary hnen atanga hmalakna hrang hrang ngaihthlak anih hnuah rorelna an nei a. Central YMA thuchhuak angin August ni 1 khan hnam dang ILP nei ngaite dap chhuahna chu Champhaiah pawh neih a nia, Champhai police station-ah mi 26 leh Khawzawl police station-ah mi 1, a vaiin ILP nei lo mi 27 te chu Police kutah hlan ani, tih tarlan a ni a. ILP chungchangah hmalak zel dan tur sawiho nghal a ni. Branch hrang hrangah ten tun aia nasa zawka hmalak ni se, mahni branch huam chhunga ILP neih ngai te an ILP photo copy chu branch tin ten kawl vek ni se, an ti a. Renew a ngaih hunah ngaihven thin sei.
Mipuite pawh ILP neih ngaite sponsor kawngah zirtirna leh ngenna siam ni se, an ti a. YMA Sub-Hqrs OB President ten ILP khawihtu official te lo kawm in ILP, pek chhuah dan chungchang sawipui ni se, an ti. Branch huamchhunga RCC building sa lai hriat vek ni se, tunkar chhungin an hnathawhna hmunah endik ni se tih relin, ILP chungchangah dan leh hrai an neihte mipui
inzirtirna atan circular siam ni se, tiin an rel a ni.
Hei bakah hian YMA kumpuan, "Ram leh hnam
humhalh" lamah nasa zawka hmalak a nih theih nan Executive Committee thutkhawm hmasa lama SRS din ni se tih chu bawhzuiin SRS member turte tihfel a ni tawh a, Branch hrang hrang atangin mi 28 ruat an ni. Inrinni thutkhawmah hian rikrum thila chhanchhuah hna thawktu turin thuthmun hrang hrang huam chhung veng tin atangin mi 5 aia tlem lo chu Disaster training neihpui ni se tiin an rel a
Chhanchhuah thawhna atana hmanraw tul bikte ngaihtuah belh ni se, an ti bawk.
SYMA rorel inkhawpui, kum khat dana neih thin chungchangah thuthmun branch te inthlen chhawk tura rawtna awm chu he inkhawmpui hi branch ten thlen dil theih ni se, diltu pakhat aia tam an awm chuan SEC in ngaihtuah ni se, an ti a. Diltu an awm loh chuan kal dan thin angin SYMA in thleng se tiin an rel bawk. Vawiin thutkhawmah hian SYMA hnuaia sub-committee peng hrang


hrangte hmalakna thlirho nghal a ni.

Comments