Skip to main content

KUM 20 CHHUNG TANG TURIN TI

KUM 20 CHHUNG TANG TURIN TI :
Nimin khan Champhai Special Judge, Pu R.Vanlalena, MJS chuan heroin phurtu Vansuihmunga leh Lalengliana te chu kum 20 chhung hrehawm taka jail tang tur leh pawisa Rs. 1,00,000/- ve ve chawi turin a hrem a, pawisa chawi tur te hi an pe thei lo anih chuan thla 5 dang ve ve tang turin a ti bawk.
Vansuihmunga, kum 30, a pa Hmetliana, Falam, Myanmar nia insawi chu Falam atangin heroin Hawng 30 kengin Zokhawthar panin a rawn chhuk thla a, a heroin ken chu Zokhawthar a rawn luhpui hnuah Melbuk pan zelin Melbuk dai ramhnuai  hnim karah a thuk ru a, amah chu Aizawl panin a rawn chhuk thla vang vanga, Aizawl a hotel pakhatah thlengin chutah chuan a thian hlui Lalengliana, kum 29, a pa Chalianzul chu hmu fuhin heroin a thuhruk la tur chuan a sawm a, a thianpa Lalengliana Bike chu Rs. 5000/- a hire sakin an thian dun chuan Melbuk dai ram hnuaia heroin thuhruk an han lak hnuah Champhai kawng zawh ngam loin Dungtlang lam kawng an zawh a,  Aizawl pan pui an tumna lamah  Dungtlang police ten rinhlelh thil thuah an lo tiding a, Champhai lama an hotute hrilh vatin Champhai atangin SI. H.Lalengzama leh a hote chuan Dungtlang ah hemi te pahnih hi an heroin phurh Hawng 30 (gram 439) nen chuan dt.19.08.2017 khan an man ta a ni. He heroin man chungchangah hian police te chuan an mahni puibawm turin YMA hruiatu pawimawh tak pakhat leh VC hruaitu pakhat chu an sawm a, an ni pahnih hian  puibawmin an thil hmuh leh hriat te chu Court ah chiang takin an sawi thei a ni. Heroin phurtu pahnih te hi man an nih lai khan inzep loin heroin hi an mahni phurh ngei anih thu YMA hruaitu te leh VC hotute hneneh pawh an sawi nghe nghe.  Vansuihmunga leh Lalenglian te hi Champhai jail ah khung nghal niin an chungchang thu hi Champhai Special Court chuan ngunthluk taka a rel hnuah Vansuihmunga leh Lalengliana te hi hrehawm taka kum 20 chhung jail tang tur leh Rs. 1,00,000/- (Nuai khat) ve ve chawi turin hremna hi a puang ta a ni. ND&PS Act-in a sawi angin hremna hi a na thei ang ber Court chuan thil sual titu te lakah hian a lek ta a ni.
Tun laiin Champhai district huam chhungah ruihhlo a bikin heroin hi a hluar nasa hle mai. Police leh Excise ten theih tawp chhuahin chhun zan zawmin an duty thin a, Tlawmngai pawl te pawhin an theih tawp an chhuah reng bawk. Police te, Excise te leh Tlawmngai pawl te thawh hona tha tak hnuaiah  mi engemaw zatin hremna an hmu tawh bawk. Chu tichung chuan heroin man tur a awm reng tho nia hriat a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…