Skip to main content

WORLD BANK KAWNGIN MELBUK HEL DAWN

WORLD BANK KAWNGIN MELBUK HEL DAWN : World Bank sum Rs 137 Crores hmanga Champhai leh Zokhawthar inkar Double Lane Highway laih mekah, Melbuk khawtlangin an khua tlawh ngei se an duh vanga helai kawngpui sial hnathawh khaihlakna thleng chingfel turin nimin chawhnukhan DC Conference Hall-ah hemi chungchang  ngaihtuah hian thutkhawm ni a. Champhai DC Dr Naveen Aggarwal kaihhruai he thutkhawmah hian World Bank kawng kalna tura lo ruahman lawk tawhsa angin, Melbuk khaw chhung paltlang lovin kawngpui hi an khaw hnuaiah kaltlang turin an ti ta a ni. Champhai Zokhawthar Double Lane Highway kal dan tura duan lawkah, kawngpui hian  Melbuk khua tlawh lovin,  an khaw  hnuai  (dai)a kal turin kawngpui pawh laih lawk ani tawh a  Melbuk khawtlang chuan Kawngpui-in an khua paltlang ngei se an duh vanga an theih ang anga hmangin, an khaw tawpla atanga kawngpui pawh tur hian Kilometer khat dawna thui (Society kawng)an cheibawl ve mek bawk a. Melbuk khuaa tlawh ngeina tura an hmalakna pakhatah, Kawng s…

MINISTER IN BIAL CHHUNG CHHUNZAWM

MINISTER IN BIAL CHHUNG CHHUNZAWM :
Inrinni khan Law and Judicial Minister TJ Lalnuntluanga chuan a bial chhung khua Dilkawn, Kelkang leh Champhai Bethel Veng te tlawhin Sawrkar Department hotute nen a bial mipui kawmin an mamawh leh harsatnate an enfiah sak.
Heng khua leh veng a tlawhnaah hian Law Minister chuan mamawh leh harsatna  khawtlang zawng zawng vawi-leh-khatah a chinfel mai theih loh avangin a pawimawh dan ang zelin a tahtawla hmalak thin a nih thu a sawi a. Mipui te chu ram neitu thinlung pu thing leh mau humhalh kawnga tan la turin a chah a Kut tlingloa sum lakluh leh
hlemhletna laka fihlim tura chahin, rilru puthmang dik siam hmasak phawt chuan hmasawnna dangte dik takin kalpui theih a ni, a ti a.
Mamawhtute tana awlsam taka dawr theiha thuneitute an inchhawp hnai chu ram  inkaihhruaina leh inrelbawlna kawnga bung thar a nih thu a sawi a. Minister chuan  hmasawnna dik leh tluantling nei turin moral development neih hmasak a ngai a, thinlung  thianghlim, dikna, rinawmna leh taimakna a khat mizia kan neih hmasak a tul a ni, ti. Mipui chu khawtlang leh ram tana rotling tur siam kawnga tawiawm tlat turin a sawm nghal bawk a ni.
Inrinni hian khawtlang mipuiten mamawh leh
harsatna an neih te Minister leh Official te hnenah thlenin, Sawrkar Department hotuten an harsatna sutkian dan turte leh tih theih a nih leh nih lohte an sawifiah zel a ni.
Minister TJ Lalnuntluanga hi Alexander V Chongthu, Addl DC; Ethel Rothangpuii,PD DRDA; Lalduhthlana, DFO; Dr R.Lalawmpuia, CMO; J.Kapkima, EE, PHED; Rebecca Laldinmawii Hrahsel, BDO; Dr Lallawmkima, DIPRO; Vanlalmuanawma, SDO,  PHED;  Lalremmawia Colney, SDAO leh Thanliana Hauhnar, RO ten


an tawiawm ani.

Comments