Skip to main content

MINISTER MANUNA'N CHAMPHAI TAN HMALA

MINISTER MANUNA'N CHAMPHAI TAN HMALA :
'Minister Pu TJ.Lalnuntluanga'n Union Minister 7 hmuin, sorkar thil pawimawh hrang hrang a sawipui a, Mizoramah Inland Water Transport tihchangtlun nan hmalak a ni dawn'
August ni 5, 2019 (Thawṭanni) hian  Mizo Hnam Run Chhung Inkhawm Second Session-ah Transport Minister Pu TJ.Lalnuntluanga chuan Mumbai leh Delhi-a sokar laipuia Mizoram sorkar hmalakna hrang hrang a thlente report pein thu a sawi.
Pu TJ.Lalnuntluanga, Transport Minister chuan Central Minister 7-te dawrin, Inland Water Transport tih changtlun an lo tiam thu a sawi a. Dt 24.7.2019 khan Mumbai-ah Bus & Car Operators Confedation of India (BOCI) buatsaih Prawass 2019-ah khualzahawma ṭang tura an sawm angin a telpui a, Mizoram sorkar hmalakna hrang hrang a entawn tlak a tihte a sawi a ni.
Envinronment Forest & Climate Change Minister, Pu Manuna hian Himalayan Region-a Chief Minister tinte leh an aiawhte inhmuhkhawmna '15th Finance Commission'- a State tinte thu thehluh chungchanga 'Himalayan Region-a State 10 (sawm)-te Conclave' Mussourie-a neihah, CM Pu Zoramthanga aiawhin Mizoram mamawhte a sawi chhuak a ni.
Conclave a kal hnu hian Delhi-ah Chief Minister zahawm tak Pu Zoramthanga hmalaknaa a lehkha pawimawh DO Letter-te bawhzuiin Central Minister leh Officer liante a hmukual nghal a ni. Minister hian Transport Minister Nitin Gadkari hmuin Mizoram  Kawng siam nana sum mamawhte a thlen a. Chung zinga Mizote sumdawnna kawngpui pawimawh leh sum hnar pakhat Seling to Champhai Double Lane-a siamthuai a ṭul thu a thlen chu Nitin Gadkari hian a lo bawhzui nghal tur thu a lo hrilh.
Ministry of External Affairs (MEA) Minister, Dr Subramamnya Jaishankar chu hmuin Champhai toTahan Bus service theihna tur atana pawimawh Integrated leh Immigration Check post din thuai turin a ngen bawk a, MEA Joint Secretary pawh hmu nghalin amahin dilna a lo thlen tawh avanga hmalak reng a nih thu leh Myanmar lam aṭanga tih tur ṭul a awm thute leh Ministry pawhin an rawn tlawh tur thu a lo hrilh a ni. Minister hian Myanmar Ambassador Delhi-a awm mek chu Mizoram house-ah lengah sawmin  Myanmar Sorkar tih tur ṭulte ngaipawimawha a theih anga hma lo la turin a ngen nghal a ni.
Transport Minister Pu T.J.Lalnuntluanga hian Shipping Minister, Manshuk Mandaviya pawh hmuin Mizoram-in Inland Water Transport tihchangtlun a mamawh thu te, Mizoramin Economic Life Line pakhat, Aizawl leh Silchar inkar chauh kan rin thu te, communal feeling avanga kawng dan te, Leimin avanga harsatna tawh fo a nih avangin Inland Water Transport tihchangtlun kan mamawh thu te, Kan CM zahawm takin Mizoram intodelhna tura a ngaih pawimawh ber Lui dunga Mau phurhchhuahna tur atana Inland Water Transport tihchangtlun kan mamawh thu a thlen nghal a. Shipping Minister hian hmalak a nih tur thu leh Transport Department aṭanga Team siama DPR thehlut turin a lo hrilh a, hei hi a rang thei ang bera hmalak a nih theihna turin Team hi Delhi-ah he thil bawhzui tura tirh nghal an nih dawn thu pu Manuna hian a sawi a ni.
Minister Pu Manuna chuan Chief Minister DO Letter bawhzuiin, Mizoramin MZU Eastern Campus Champhai & Southern Campus Lunglei tana Mizoram sorkarin a lo dil tawhte an mamawh thu thlenin hmalak sak turin Union HRD Minister, Pu Dr Ramesh Pokhrijal Nishank hnenah a thlen a, Minister hian an lo zirchian tur thu leh New Education Policy nen a inrem a nih chuan din ngei a nih theihna tura hma a lak tur thu a lo hrilh bawk.
Hei bakah Cultural Ministers , Prahlad Patel hmuin Mizoramah Cultural Centre siam a ṭul thu a thlen a, Minister hian dil dan tur kawngte lo kawhhmuhin, Cultural Centre siam chu thil mamawh leh ṭha tak a nih thu a lo hrilh.
Doner Minister Dr. Jitendra Singh pawh a chenna inah hmuin Zofaten Kut hrang hrang kan hman theihna turin Champhaiah Eco-Tourist Park dinsak turin a ngen a, Union Minister hian a ngaihpawimawh thu leh hma lo laksak a tum thu a lo hrilh bawk.
Pu Manuna hian Finance Minister, Pi Nirmala Sitharaman leh15th Finance commission Chairman, NK Singh chu kawmin Mizoram harsatna hrang hrang, Transport chungchang te, Road Maintenance atana sum kan mamawh te, PMGSY chungchangte leh Airport chungchangte a sawipui a, Union Minister chuan Mizoram harsatna hrang hrangte a hriatpui thu leh ngaih pawimawh zualte Planning kaltlanga lehkha thehlut belh turin thurawn a lo pe.
National Disaster Management Authority-a Joint Secretary leh Member thenkhate pawh kawmin Mizoramin Leimin leh tuilian avanga harsatna a tawh mek chungchangte a sawipui a, hetih rual hian ama bial chhung ngeiah pawh Lersia Field lei tawlh leh Champhai Kanan Venga lei tawlhin harsatna a thlente chu, Disaster atanga sum dil dan tur leh ṭanpui an inpeih reng thu an lo hrilh a ni.
Minister hian Mizo Hnam Run inkhawma a thusawinaah hian ama Department chan chhunga hmalakna hrang hrangte sawiin, 'Transport-in chhiah bate tan chhiah bat ngaihdamna hun a hawn mek' chu hmang tangkai turin Lirthei neitute a ngen nawn leh a ni. Separation of Judiciary-te, eirukna dotu tur Lok Ayukta pawh Pu Zoramthanga hoa din a nih thu a sawi a. MJS exam-ah Mizo hnam dam nan, Mizo ṭawng  class 6 standard thleng thiam tura dah a ni thute a sawi a bawk a ni. He hunah hian Minister hian Chief Minister Pu Zoramthanga’n nasa taka Mizoram tan a lo thawh tawh thu te, Sorkar hmasaah kawngpui lian tak takte siamin, District Hqrs hrang hrangah mipui mamawh leh State dangte hmuh pawha zahpuiawmlo Building tha tak tak te,  khawpui zauhna turin New Capital complex-te din a ni a.Tunah pawh kawngpui chhe tawhte chu nasa takin Pu Zoramthanga hnuaiah siamthat a nih leh mek thu a sawi bawk a ni.
Pu Manuna hian Pu C.Zama lehkhabu ziah 'Zin kawng thui' tih, Rs.200/- man chu a release nghal a. Pu H.Biakzauva, MLA-in LADC-a MDC chungchang report a pe nghal bawk. Mizo Hnam Run chhung inkhawm hi Pu K.Vanlalauva, NCC Member-in a kaihruai. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…