Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

MITHIAMTEN LEI TAWLH ENFIAH

MITHIAMTEN LEI TAWLH ENFIAH :
Kum 1990 atanga leitawlh intan tawh, Ruantlanga Lersia Field chung leh kum 2013 a leitawlh intan, Champhai Kanan Venga mi bakah Khawzawl Vengthar huama a leitawlh, vawiin thleng a lei lachetna hmunte chu DM &R a mithiamten an enfiah. 
Kumtin fur ruahtui tlak laia lei chet chhunzawmna hmunte hi chik zawka zirchian a, leilung che thin tihreh a nih ngei theihna turin a hmatheha lo enfiah lawkna chu niminpiah atang khan neih tan a ni a. Niminpiah lamah Khawzawl Vengthar  leitawlhna hmunenfiah a nih hnuah nimin zing khan Champhai khawpui chhung hmun hnih: Kanan Veng leh Ruantlang a mite chu a hmunah kalin endik zui a ni.
Heng leitawlhna hmuna chet lak dan tur chungchangah Media te zawhna chhangin DM &R Joint Director C.Lalruaia chuan leilung awmdan chik taka zirchhian phawt a nih hnuah a siamthat dan chu ruahman ani ang tih sawiin, leitawlhin harsatna a siam thar a nih loh chuan siam a ni ang tih a tarlang tel bawk.
Champhai Ruantlang Kelkang Venga pialtlep tawlhthin hi, Lersia Field tihzauhna tura kopang chhaklam laih vanga bul intan niin a lang a. Lung sakhat ni lo, pialtlep innghahna laihchah a nih vangin mual
dung zui zawngin meter 60 leh a vang meter 100 vel a thui chu tawlh hniamin, chhungkaw 3 chenna In chu luahzui lohin thiah a ni tawh a. Kumin June thla khan BADP sum hmangin Rs. Nuai 10 hmanga Lersia Field ko kiangah hian lungrem tura thawh tum a ni a. Mahse, lung remna tur lei laih avang
hian lei hi a tawlh zui leh ta a ni tih Ruantlang VC te chuan an sawi. 
Tuihawk paihna mumal loh vangin Champhai Kanan Venga chhungkaw 12 chenna ram, mual dung zui zawnga meter 100 leh a vang meter
150 vel a zau chu kum 2013 khan tawlh tanin, helai leitawlh chhungkaw 12 chenna in chu luahzui lohin thiah a ni tawh bawk a. Helai leitawlh thin avang hian chawpchilha hmalak nghal tumna a awm rih lo tih a sawi a. Heng lei chetna hmunte hi siamthat theih ni-a a hriat thu a sawi a. Tuntum an enfiaha an hmuh dan kimchang sorkar-ah thlenin, thuk zawka leilung zirchianna leh leitawlh thin venna siam dan tur pawh ruahmana  siamthatna tur hian PWD chuan Cheng Vaibelchhe 5 senna tur DPR a siam tawh bawk.
Kum 1990 vela Khawzawl Vengthar huama lei che thin hi kumtin a tlakhniam thin vang leh lei che thin hian a huamzau zel avangin hemi siamtha tur hian leichetna bultanna hmun leilung awmdan chu chiang taka zirin, siamthat dan tur pawh ruahmanna siam tur a nih thu leh tun tuma mithiam lo kalte hian hmalak dan tur bultanna a nih thu an sawi. 
DM&R Team te hian heng leitawlh pathumte hi
ngun leh chipchiar zawka lei verhna hmanrua te nen enfiah a nih hnuah chauh hmalak zui dan tur leh a siam thatna/dawlna tur sum senso tur pawh buatsaih leh hmalak theih ani ang tih an sawi bawk
Nimin zinga Champhai-a leitawlh enfiahna hmatheh (preliminary) rawn neitu Team-te hi PWD Champhai Division EE Lalbiakthuama Champhai District DM& R Co-ordinator PC Zoramthara, Champhai BDO; Rebecca Laldinmawii Hrahsel, Champhai DIPRO Dr Lallawmkima Thangluah leh MJA Champhai Dist hruaitu ten an tawiawm a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…