Skip to main content

ONLINE APPLICATION CHUNGCHANG ZIRHO

ONLINE APPLICATION CHUNGCHANG ZIRHO : Nimin khan DEO hnuaia zirna in hrang hranga zirtir tute tan Scheme thar Online Application of Scholarship Scheme chungchang Govt Champhai College Multipurpose Hall-ah zirho a ni. Pu P. Lalhmingliana, Principal, Govt. Champhai College chuan tun hma chuan scholarship ti turin awlsam takin a tih theih mai thin a, khawvel changkang zelah tunlaiah chuan tun hma ang mai maia tih theih a ni tawh lova, Online-a Scholarship form dah khah a ngaih tawh avangin Computer leh Online a tih theih hrang hrang te hi kan thiam a ngai a ni a ti a, la hmang thiam lo te pawh intuaihriam zel a, Internet hmanga tih theih hrang hrang te hi thiam vek tum turin zirtirtu kalkhawm te chu a chah a, mi inzir peih te tan thiam theih loh hi a awm tak tak lova, kum upa lam tawh tan pawh zir peih phawt chuan thiam theih a nih thu sawiin Seminar chu a hawng a ni. Mizoram Scholarship Board Secretary Pu JH. Zoremthanga chuan, Scholarship chu naupang harsa zawkte tanpuina anih avangin …

MJA CHAMPHAI DISTRICT LEH DC TE MEETING

MJA CHAMPHAI DISTRICT LEH DC TE MEETING :
Nimin khan Lalramliana Chawngte, Joint Director I&PR kaihhruaiin, MJA General Headquarters hruaitute uapna hnuaiah MJA Champhai District leh Champhai DC te chuan I& PR Conference Hall-ah inkawm hona hun an hmang.
He hunah hian Champhai DC leh MJA Champhai District inkara inhmuhthiam lohna chungchang sawiho a ni a. Champhai DC Dr. Naveen Aggarwal chuan District thuneitute leh media te inkara inhmuhthiam lohna awm chu a thiam loh a nih thu sawiin, ngaihdam a dil a. Hun lokal zel turah media-te nena ram leh khawtlang tana thawh hona tha tak an neih theih a beisei tih a sawi. He hunah hian a hmalakna tarlangin Champhai district-a in tur leh Lonei lama hman tur tui indaih lohna thleng thin sukiang turin ruahtui dahkhawlna leh tui awmte daihzai zawka hman theihna tur siam a nih thu te, loneitute tan an huana tui lakna siamna atan loan pek chhuah a nih thu te a tarlang a ni.
C.Lalhnunpuia, MJA Champhai District Presi-
dent pawhin thu sawiin, media te chu sorkar leh mipui inthlunzawmna atana hnathawktu an ni a. Sorkar hotute nen inlaichinna tha neih a pawimawh thu a sawi a Sorkar thu kal lam leh haw lam chu mipui te zirtirna atan media ten an hriat a tul angin, hemi kawngah hian media te chu hrilhriat thin ni se an duh tih a sawi a. Champhai DC nena inhmuh thiam lohna awmte chu dah tha a, district hmasawnna atana thawh hona tha tak neih zui a duh tih a sawi bawk.
MJA General Hqrs President Zonunsanga
Khiangte pawhin thu sawiin, sorkar leh media te inkarah inpawhna leh thawh hona tha neih a tul hle, a ti a. Tuna MJA Champhai district leh DC te inkara thil thleng atang hian Mizoram chhunga press mite leh sorkar hnathawkte inkungkaihna tha zawk thleng se a duh thu a tarlang bawk a ni.
Nimin inkawm honaah hian MJA General Hqrs atangin President bakah Vice President Lalremsiama; Treasurer Lalhmachhuana leh Secretary Joseph Lalnuntluanga ten hun an rawn hmanpui a. Champhai DC hi Addl DC, Champhai SP, EO bakah Champhai DIPRO ten an tawiawm ve thung a ni.

Comments