Skip to main content

NATIONAL AWARD DAWNG TURA AN THAWH DAN ROPUI TI

NATIONAL AWARD DAWNG TURA AN THAWH DAN ROPUI TI :
Vawiin khan Champhai ICDS Anganwadi Worker te tán ILS chungchanga Sector Level Training buatsaih a ni. 
He hun hi Pu Zothanmawia Hnamte, Circle Officer kaihhruaina a neih niin Anganwadi Worker te hi an hnathawh a pawimawh em em rualin Health Worker leh ASHA te nen an thawhhona pawh a pawimawh a ti a. In ngheng reng tur an ni angin in pawh tlanna ṭha tâk nei reng turin a chah a. National Award an dâwn chungchang tarlangin National Award dawng turin Anganwadi Centre te chu hna an thawh tha hle tih a sawi a. Award dawng thei tura an thawh rimna chu ropui a ti a, National Award dawng ve ta lo te pawh hnual mai lo a tih leh hun a awm a nih chuan dawng ngei thei turin a sawm a. Hetihlai mêk hian Adganwadi hna hi in thlah dah a ngai thei lo a. Nikhat lek Anganwadi an hawn loh pawh a pawi em em ṭhin a. Central lam nen inthlunzawm vek a nih tawh avangin taimak a ngai em em a ni tiin an zir turte chu hlawk taka hmang turin duhsakna a hlan a  ni. 
ILA chungchang Training hi Tv. C. Tlangthanmawia, Block Coordinator leh Clement Lalrinpuia, Project Assistant ten an neih chhunzawm nghal a. ILA awmzia an hnen atang hian ngaihthlak a ni a, nu leh naupangte an mamawh dan tur ang taka enkawl dan tur hrilhna a ni ber a, an rai aṭanga ni 1000 day intervention te,  nu leh nau ni 1000 enkawl chungchang bakah nu leh nau enkawl pawimawh nate, feeding te, naupang than thu,  naupang buk zang leh naupang ria ṭe leh a dangte enkawl tur chungchang bakah naupang kum 6 an tlin thleng a an thandan endikte chu ngaihthlak a ni. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…