Skip to main content

WORLD BANK KAWNGIN MELBUK HEL DAWN

WORLD BANK KAWNGIN MELBUK HEL DAWN : World Bank sum Rs 137 Crores hmanga Champhai leh Zokhawthar inkar Double Lane Highway laih mekah, Melbuk khawtlangin an khua tlawh ngei se an duh vanga helai kawngpui sial hnathawh khaihlakna thleng chingfel turin nimin chawhnukhan DC Conference Hall-ah hemi chungchang  ngaihtuah hian thutkhawm ni a. Champhai DC Dr Naveen Aggarwal kaihhruai he thutkhawmah hian World Bank kawng kalna tura lo ruahman lawk tawhsa angin, Melbuk khaw chhung paltlang lovin kawngpui hi an khaw hnuaiah kaltlang turin an ti ta a ni. Champhai Zokhawthar Double Lane Highway kal dan tura duan lawkah, kawngpui hian  Melbuk khua tlawh lovin,  an khaw  hnuai  (dai)a kal turin kawngpui pawh laih lawk ani tawh a  Melbuk khawtlang chuan Kawngpui-in an khua paltlang ngei se an duh vanga an theih ang anga hmangin, an khaw tawpla atanga kawngpui pawh tur hian Kilometer khat dawna thui (Society kawng)an cheibawl ve mek bawk a. Melbuk khuaa tlawh ngeina tura an hmalakna pakhatah, Kawng s…

NDRF TEN POLICE ZIRTIRNA PE

NDRF TEN POLICE ZIRTIRNA PE :
Nimin khan Champhai District Disaster Management Committee (DDMC) leh National Disaster Response Force (NDRF) tangkawpte chuan Champhai Police-te chhiatrupna thlen thulha chet lak dan tur an zirtir.
He bun Champhai Police Station Conference Hall-a neihah hian PC Zoramthara, Champhai  District Disaster Management Co-ordinator chuan thu sawiin, Champhaiin SDRF a neih tawh loh avangin chhiatrupna thlen thulha mi pawimawh berte chu Police an ni tih a sawi a. Champhaiin infrastructure a neih chhiat em avangin chhiatna nasa zawk thleng palh se hmanrua-in min daih dawn lo va, kan chheh  vela awmte a tla chawpa hman tangkai dan kan lo zir thiam lawk hi a ngai a ni, a ti a. Thiam ve nia inngaihna hi Mizote kan  buaithlakna ber a ni a, chhiatna a thlen hunah a thiam ve lo te chu kan tlawmngaih loh ngam a ngai tawh a ni, a ti bawk. 
Chhiatrupna thlen thulha inzirtirna neih leh Kangmei chhuakahte kang thelh motor leh
Ambulance-te ken nachang hre lo lirtheih khalhtu tam tak an la awm thu sawiin,he lamah pawh hian lirthei khalhtute an thanharh a ngai tih a sawi bawk. Ministry of Home Affairs in a tirh National Disaster  Response Force-te chuan Police kalkhawmte chu chhiatrupna thlen thulha chet lak
dan tur an zirtir a ni.


Vawiin chawhma dar 10:30 hian Awareness hi NGO hrang hrangte tan I&PR Auditorium  CHANEM building-ah neih leh a ni ang a, Champhai District tan chuan Awareness programme hi khar a ni ang.

Comments