Skip to main content

ONLINE APPLICATION CHUNGCHANG ZIRHO

ONLINE APPLICATION CHUNGCHANG ZIRHO : Nimin khan DEO hnuaia zirna in hrang hranga zirtir tute tan Scheme thar Online Application of Scholarship Scheme chungchang Govt Champhai College Multipurpose Hall-ah zirho a ni. Pu P. Lalhmingliana, Principal, Govt. Champhai College chuan tun hma chuan scholarship ti turin awlsam takin a tih theih mai thin a, khawvel changkang zelah tunlaiah chuan tun hma ang mai maia tih theih a ni tawh lova, Online-a Scholarship form dah khah a ngaih tawh avangin Computer leh Online a tih theih hrang hrang te hi kan thiam a ngai a ni a ti a, la hmang thiam lo te pawh intuaihriam zel a, Internet hmanga tih theih hrang hrang te hi thiam vek tum turin zirtirtu kalkhawm te chu a chah a, mi inzir peih te tan thiam theih loh hi a awm tak tak lova, kum upa lam tawh tan pawh zir peih phawt chuan thiam theih a nih thu sawiin Seminar chu a hawng a ni. Mizoram Scholarship Board Secretary Pu JH. Zoremthanga chuan, Scholarship chu naupang harsa zawkte tanpuina anih avangin …

RUIHHLO NGAITE ENKAWL CHUNGCHANG NGAIHTUAH

RUIHHLO NGAITE ENKAWL CHUNGCHANG NGAIHTUAH :
Nimin khan Champhai DC Conference Hall-ah
ruihhlo ngaiten a bik taka enkawltu tha an neih theihna tura Doctor neih a tul thu leh De-Addiction Centre hmunhmate tihchangtlun dan tur thlirin thutkhawm a ni a. He inrawnkhawmna hun hi District Bawrhsap Dr. Naveen Aggarwal chuan kaihruaiin, Champhai District-a Tlawmngai pawl hruaitute leh MJA Member-te an tel a ni.
Bawrhsap chuanChamphai chu ruihhlo  kawngkapui a awm a nih avangin thalai zingah ruihhlo ngai tam tak an awm tih sawiin, heng miten nunphung pangngai an zawh theihna tura enkawlna leh chhawmdawlna tha an dawn theih nan, hetiang lama enkawltu thiam bik Doctor neih a pawimawh thu a sawi a. Ruihhlo ngaite enkawlna hmunhma tihchangtlun a tul thu a sawi bawk a. Hetiang nei thei tur hian District thuneitute leh khawtlang mipui te inlungrual taka tanrual a ngai tih a sawi a. Ruihhlo leh akaihhnawih ngawl veina chuan mi pakhat chauh nilo vin, chhungkua, khawtlang leh ram kawngah thawhho a ngai tak zet a ni, a ti. thlenga nghawng thalo tak a thlen avangin ram hmelma do He inrawnkhawmna hunah hian Mizoram Management for De-Addiction-cum-Rehabilitation Centre (Alcoholic and Drugs Addict) Rules, 1993 chu zirchian niin, he dan hnuaiah De-Addiction Centre kalpui tura thil tulte leh hemi lama thiamna bik nei Doctor awm tura tih a nih thute pawh tarlan a ni a.
De-Addiction Centre awm mekte thuam that a nih a, tun aia changtlung zawka kalpui a nih theihná tura hmalak dan turte leh hmunpui lama awm Doctor thiam Psychiatrist-te nena Telemedicine hmanga inrawn tawn a nih theihna tura kawng dap chungchangte pawh sawiho a ni bawk.
District chhunga ruihhlo ngaite enkawl kawngah tanlak a ngaih tak zet thu he hunah hian tarlan ani a. Hetiang lam thiamna nei Doctor training tura


intirhchhuah a nih theihna tura thil tulte'sawiho niin, De-Addiction Centre-a awm ruihhlo ngaite damdawi thiamna hmanga enkawl dan training mumal tak India rama Medical College changtlung ber leh hemi lama hriat hlawh tak All India Institute of Medical Sciences (AIIMS), New Delhi-a neih theih dan kawng ngaihtuah chu thil pawimawh leh hlawkthlak tak tur a nih thute sawiho a ni a. He ruahmanna tihlawhtlin a nih theihna tura thuneitute dawr kawngah pawh lungrual taka thawhho zel a tul tih tarlan a ni bawk.

Comments