Skip to main content

TANPUI NGAITE TANPUI DAN TUR ZIRHO

TANPUI NGAITE TANPUI DAN TUR ZIRHO :
Nimin khan Champhai District Disaster Management Committee  (CDDMC) leh National Disaster Response Force (NDRF) te chuan Govt. GM Higher Secondary School zirlaite hnenah chhiatrupna thlen thulha chet lâk dan tur an zirtir.
He hunah hian Pu PC. Zoramthara, Coordinator CDDMC chuan India ram hmun hrang hranga chhiatrupna thleng chi hrang hrangah NDRF te hi koh an ni ṭhin a. An ni hian tui lian ani emaw In chim a ni emaw chhiatrupna chi hrang hrang a tlenin chhanchhuah nâ hna an thawk ṭhin a ni a ti a. Chhiatrupna lo thlen thulha lo in zirtirna hi Higher Secondary School te hnenah pek a nih chhan sawiin School chauh nilo hmun hrang hrangah chhiatrupna hi thleng thei a ni a. An mahni In ngei pawh chhe rup thei a ni a, chutiang hun an tawn ni pawh a an sâ himna tur leh midang tanpui ngaite an tanpui theih dan tur an lo hriat lawk theihna theihna tur a nih thu a sawi a. Champhai-ah SDRF a awm loh avangin chhiatrupna alo thleng a nih pawhin zirlai naupangte chu chhanchhuah hna thawk tur ber an nih avangin an thil zir uluk taka ngaithla turin a chah bawk a ni. 
Chhiatrupna a thlenin Mizo tlawmngaihna hi a hnawk chang a awm thin thu sawiin chet lâk dan thiam silo tlawmngai ve te an awm avangin chhanchhuah hna thawh chak a har fo thu a sawi a. Tlawmngaihna avanga tawng pawng chet ringawt hi a him ber lo a, kan chet lâk dan turte hi tlawmngaihna nen kalpui a lo hriat lawk hian tlawmngaihna hi nasa lehzual in kan hmang tangkai thei dâwn a ni a ti. NDRF-te hian chhiatrupna a thlen thulha chet lâk dan tur chi hrang hrangte zirlai naupangte pawh tih chhin tir nghal zel a ni bawk. 
Vawiin hian Gov't. Champhai College ah College naupangte tán Awareness hi neih leh a ni ang a, Zirtawpni ah NGO hrang hrangte tán I&PR Auditorium CHANEM ah neih leh a ni ang. 
National Disaster Management Authority (NDMA) hnuaia peng pawimawh tâk National Disaster Response Force ṭe hi Disaster Act 2005 zul zuia January ni 19,2006 a din niin tunah hian Battalion 12 awmin mekin pathum dang siam leh tura hmalak mek a ni. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…