Skip to main content

ONLINE APPLICATION CHUNGCHANG ZIRHO

ONLINE APPLICATION CHUNGCHANG ZIRHO : Nimin khan DEO hnuaia zirna in hrang hranga zirtir tute tan Scheme thar Online Application of Scholarship Scheme chungchang Govt Champhai College Multipurpose Hall-ah zirho a ni. Pu P. Lalhmingliana, Principal, Govt. Champhai College chuan tun hma chuan scholarship ti turin awlsam takin a tih theih mai thin a, khawvel changkang zelah tunlaiah chuan tun hma ang mai maia tih theih a ni tawh lova, Online-a Scholarship form dah khah a ngaih tawh avangin Computer leh Online a tih theih hrang hrang te hi kan thiam a ngai a ni a ti a, la hmang thiam lo te pawh intuaihriam zel a, Internet hmanga tih theih hrang hrang te hi thiam vek tum turin zirtirtu kalkhawm te chu a chah a, mi inzir peih te tan thiam theih loh hi a awm tak tak lova, kum upa lam tawh tan pawh zir peih phawt chuan thiam theih a nih thu sawiin Seminar chu a hawng a ni. Mizoram Scholarship Board Secretary Pu JH. Zoremthanga chuan, Scholarship chu naupang harsa zawkte tanpuina anih avangin …

THISEN PE

THISEN PE :
KTP Rorel thurel bawhzuiin Inrinni khan Vengthlang Branch KTP te Champhai District Hospital Blood Bank-a a mamawh apiangte hman turin thisen an pe.
Donation Camp tanna hun tawi buatsaih hi Vengthlang Branch KTP Leader R. Laltanpuia
chuan kaihruaiin, Blood donation camp an neih chhan a sawifiah a. Central KTP-in khawpui chhung tan bik routine a siam thin a, kumin atang chuan khawpui pawn bial ten hma la ve tawh se tia a rel angin, Champhai ah pawh Branch anga kalpui a ni, a ti.
He hunah hian Dr. C.Lalramengi pawhin thu sawiin, a mamawhte tana thisen pe tura kal khawmte chungah lawmthu a sawi a. A tawpna ni lova a bul tanna ni se-a duh thu sawiin, Thisen hi Damdawi inah mamawhna a sang hle a, tun aia thahnem ngai lehzual turin kalkhawmte a fuih. Dr Ramengi chuan, Damlo thisen pek ngaite hian unit khat aia tam an mamawh thin avangin thisen hi khawl
ngah a har a, mamawhna a sang hle a ni, a ti a. Thisen pek hi midangte nun chhan tura thil pawimawh berte zing a mi a ni a, Khawvel thiamna-in thisen thlakna tur a siam chhuah loh avangin thisen mamawhte hi thisen chauha chhanchhuah theih an nia, damlo thisen mamawh avanga nunna chan turte'n nunna an neih leh theihna turin thisen pek hi kan tih zel a ngai a ni, a ti bawk.
Champhai District Hospital Blood Bank-a thawkte chuan Champhai Vengthlang Kohhran Centenary Hall-ah kal chilhin thisen hi pek a ni
a, mipa 28 leh hmeichhia 14 ten unit 42 an pe a ni.



Comments