Skip to main content

Posts

Showing posts from September, 2019

CHAMPHAI DISTRIC HIGH SCHOOL SPORTS ZO FEL TA

CHAMPHAI DISTRIC HIGH SCHOOL SPORTS ZO FEL TA : Champhai District High School Sports vawi 16-na chu nimin khan khar a ni a, High Schhol 30 tel zingah Gov't GM High School an Champion. Nimin a kharna hun hmanpuitu Champhai DEO C.Lalbiakzauva chuan, kum dang thlirin School Sports a tel duh School an pung zel chu Champhai High School hrang hrangte hmasawnna kawng pawimawh tak pakhat a ni. a ti a. Sports ah chauh ni lovin zirna kaihhnawih thil dangah pawh tel theuh tum zel tura a duh thu sawiin, a hlawkna chu zirlaite tan a nih thu a sawi a ni. Zirna leh infiamna hi thenhran theih loh a nih thu sawiin, taksa a hrisel loh chuan kan thluak a hrisel thei lo va, lehkhathiam a har thin a ni, a ti a. Sports chauh hi infiamna a ni lo va, kan taksa leh rilru tichhe thei ruihhlo laka kan fihlim ringawt pawh hi sports chikhat a ni, a ti. He sports avanga zirlai te'n kawng hrang hranga hma an sawn ngei a beisei thu sawiin, champion an kal zelna turah duhsakna a hlan a ni. He hun hi Zirmawia …

NAUPANG THISEN THLACHHAM AWM LEH AWM LOH ENDIK

NAUPANG THISEN THLACHHAM AWM LEH AWM LOH ENDIK : Poshan Abhiyaan hnuaia Poshan Maah hman mek zelah nimin khan District & Block Level Poshan Abhiyaan Convergence Committee hmalaknain School Based event chu Tlangsam Primary School I leh Il-a neih niin, WC Zorammawii, Child Development Project Officer chuan kaihruain Nutrition pawimawhna te, tuiin tur thianghlim pawimawhna te sawiin nitina nun honaah pawh faina leh thianghlimnain rilru hriselna leh taksa hriselna a siam thin tih zirlai naupangte a hrilh a. Poshan Abhiyaan hnuaiah hian hma lak mek dana tarlang bawk. He hunah hian C.Lalramengi, District Programme Manager NHM, Champhai chuan taksain a mamawh ei tur tha leh a pawimawhna te bakah ei tur inbuk tawka ei dan turte sawiin, Taksa hriselna khawih pawi thei ei loh turte a tarlang bawk. PHE Dept atangin mipuite'n tui thianghlim chauh an in theihna tura hma an lak dan hrang hrangte ngaihthlak a ni a. Tui thianghlim lo in avanga natna kai theihte tarlan niin, Tui chhuanso a nih…

LIRTHEI KAN TAM CHI KAL PHAL

LIRTHEI KAN TAM CHI KAL PHAL : Champhai SP leh Aizawl SP te inberawn in, mipui himna atan Champhai leh Seling inkara motor lian 407 chin chunglam ni kar dana intlanchhawk chu thla thar, October ni 31 thleng pawhsei a ni a. Lirthei ke tam chi kal  khaperawh hlih lailawk rih ani tih thukan dawng.

TUI THIANGHLIM TAWN TO

TUI THIANGHLIM TAWN TO : MLA inthlanpui neih zawh taka Vote thlak tha lawmman, Champhai North Bialtu MLA-in a pek hmangin Kahrawt Veng MNF chuan Kahrawt Field kiangah mipui tana tui thianghlim in tur dahna siam mek tih thu kan dawng. Champhai North Bialtu MLA fund hmangin Vengsang Biak in bul leh Dawrkaikawnah hetiang hi siam a lo ni tawhbawk.

KAWNG SIAM

KAWNG SIAM : Ningani tlai lam dar 3:00 vel khan Khuangphah atanga Hnahlan inkar, Khuangphah atanga Km 9 velah kawngpui chhak lam chu nasa takin a min a. Champhai North Bialtu MLA chuan Champhai District thuneitute hnenah ngenna thlenin nimin lam kha chuan

kawngpui hi siamtlang a ni leh tawh tih thu kan dawng.

THIANGHLIMNA BEIHPUI TLAK

THIANGHLIMNA BEIHPUI TLAK : Tlangsam VC te chuan run thlak hnatlang kovin nimin khan an veng chhung thianfaiin hnatlang an nei a, YMA Section then hrangnhrangte chu inthen darhin mahni sectionnhuam chhung theuha vantlang ram bakah tui luankawrte an tifai a. Kar hmasa khan faina kawnga hma latu ber Clean Tlangsam Committee chuan bawlhhlawh paihna hmun tur sam fai leh Bawlhhlawh bawm siamin hnatlang an lo nei tawh bawk: Clean Tlangsam kaihhruaiin in tinah bawlhhlawh paihna tur pawisa khawnin kar tin Motor hmangin bawlhhlawh an paih thin bawk.


FAINA HIAN THIANHLIMNA LEH RILRU HRISEL A SIAM

FAINA HIAN THIANHLIMNA LEH RILRU HRISEL A SIAM : Poshan Abhiyaan, National Nutrition Mission hnuaia Nutrition Month hman mek zelah nimin khan District & Block Level Poshan Abhiyaan Convergence Committee hmalakna-in School Based event chu Dinthar Primary School ah neih a ni a. He hun hi WC Zorammawii, Child Development Project Officer chuan kaihruaiin line department dangten he hun hi an hmanpui bawk. WC Zorammawii, CDPO, ICDS Project chuan Nutrition pawimawhnate, tui in tur thianghlim a pawimawhna te sawiin, nitina nun honaah pawh faina leh thianghlimna hian rilru hriselna leh taksa hriselna a siam thin tih zirlai naupangte a hrilh a. Poshan Abhiyaan hnuaiah hian India ram puma piang buk zang te, naupang thanthu te, chaw tha ei tur tlakchhamna te a lo kian theih nan leh, thisen  tlakchhamnaavanga nu leh naupangten harsatna an tawh sut kian nan hma lak mek a ni tih a sawi bawk. WC Zorammawii chuan, Tui thianghlim chauh in thin turin zirlai naupangte a chah a, ei tur thianghlim chau…

SALVATION ARMY AREA SPORTS MEET

SALVATION ARMY AREA SPORTS MEET : Tuichangral Area chhunga Salvation Army Youth te chuan Area Sports Meet 2019 an hmang. Tuichangral Area Sports Meet hi Champhai Corps Vengsangah nizan atang khan tan niin, nimin khan Tuichangral Area chhunga Corps hrang hrang hnuaiah SAY, khualkhua a mite chuan Meet neihna hmun tur Champhai Corps, Vengsang an pan khawm a. Palai 250 bawr vel pungkhawm tura beisei niin nizan atang khan Pathian biak Inkhawm neih tan a ni. Nimin khan Champhai Corps Thalai te chu mikhual hmuak leh tih tur tul ang ang te thawkin an hnatlang a ni. He Sports Meet ah hian Indoor leh Outdoor Games hmanga intihsiakna neih tura ruahman niin, vawiin leh naktuk hian Football leh Volleyball hmangin Corps hrang hrang thalaite chu an intihsiak dawn a ni. Zan lamah leh Pathianni nilengin Champhai Corps Biak inah

meet hi an hmang zui ang a, hetah hian Bible thu leh Salvation Army History hmangin Quiz an nei leh dawn a ni. SAY Tuichangral Sports Meet 2019 hi Pathianni zanah a tiak ang.

TLAIZAWNG HMUN SAMFAI FAWN

TLAIZAWNG HMUN SAMFAI FAWN : Chawngtlai VC leh GIM, Champhai Forest Division kaihhruaina hnuaia Tlaizawng Park siam mekah nimin khan Chawngtlai mipui 287 zet anhmun samfai leh thlo faiin an thawk chhuak a. Thawhtanni khan mi 100 chuang an thawk chhuak tawh bawk He Tlaizawng hmun hi 2016 kuma Chawngtlai mipuiten MNREGS atanga an bultan a ni a, Chawngtlai khaw ram theh chhungkaw 20 thlawhhma-ah Tlaizawng hi phunin, an enkawl chhunzawm zel a, tlaizawng kung hi acre 30 chuang hmunah phun khah vek niin, kung 7000 chuang a nunga ngaih a ni. He Park chhung fang turte inkalpawhna, ke a kalna kawng leh tul dang pawimawh design siak hi Zoram pum huapa hawn mek a ni. Tlaizawng hmun samfai zawh ni hi khawtlang huapa buatsaih tum a ni a, chumi niah chuan intihsiakna result hi puan a ni ang. He Tlaizawng park hi Chawngtlai mipuiten Mizoram tan rohlu a la nih beiseiin phur leh thatho takin an buatsaih a ni.

KAWNG SIAM CHHUNZAWM MEK

KAWNG SIAM CHHUNZAWM MEK : PWD chuan Champhai khawpui chhung kawng siam that hna an thawk mek zel. September thla tir atang khan Vengthlang YMA Run leh Vengthlang North panna kawng chu siam thatnhna thawh a ni a, helai an khawih zawh hnuah.Chhangphut Field lam  paninkawng khuar lai leh chhe deuh lai tehnawh a siam that hna hi thawh chhunzawm zel ani. Venglai Comprehensive Middle School atanga Vengthlang YMA Run panna kawng chu tun kar tir atang khan siam hna thawh a ni a. Khua a chhiat avangin beisei leh tum angin kawng siam that hna hi PWD chuan a thawk chak thei lo va, nimin khan thawh chhunzawm leh niin khua a that chuan tunkar chhunga zo hman tura beisei a ni.


GANJA MAN

GANJA MAN : Nimin chawhma dar 11:00 vel khan Excise& Narcotics Enforcement Staff te chuan New Champhai-ah Vaikhawtlang Maxi Cab atangin Ganja 10kgs an man. Aneitu-a puh Vanlalbiaki (48) d/o Lianchhuma(fam), Lawngtlai Bazar veng ni-a insawi chu an man a, NDPS Act hnuai ah thubuai ziahluh a ni. Ganja hi Rs. 12,000 man vel ni-a chhut a ni.

CHAMPHAI OPEN 2019 BADMINTON TOURNAMENT

CHAMPHAI OPEN 2019 BADMINTON TOURNAMENT: Mizoram Badminton Assn leh Champhai District Badminton Assn tangkawp buatsaihin October 1-4, 2019 hian Champhai Town Hall-ah Champhai Open 2019 Badminton Tournament buatsaih a ni dawn. Mizoram Bad-minton Tournament ah chuan Player tel tam ber tum ni tura ngaih a ni a, a hmuna en thei lo tan pawh CCN chuan he Tournament hi Live in a pechhuak ang.

ZOKHAWTHAR-AH BUNGRUA LUT LEH CHHUAK AWMLO

ZOKHAWTHAR-AH BUNGRUA LUT LEH CHHUAK AWMLO : Sorkar Laipui Ministry of Home Affairs thupek bawhzuia Assam Rifles leh Central Customs ten Zokhawthar kaltlanga India leh Myanmar insumdawn tawnnaah bungraw lut leh chhuak an dan vangin tunah hian sumdawng bungrua engmah kal a awm lo. He insumdawn tawnnaa sumdawngtute bakah hemi behchhana nitin eizawng, inhlawhfate leh bungraw phur thin lirthei neitute a nghawng buai hle. Myanmar atanga kuhva ro lolut thinte chu tun thla ni 7 atang khan Assam Rifes leh Customs-ten an dan bakah tunkar Thawhtanni atang khan Zokhawthar kaltlanga sumdawnna bungrua engmah kaltlang phal a ni lo va. Thudawnna in a tarlan danin nizan khan Ngopa a Assam Rifles chuan Television 10 an man bakah a phurtu aman bawk. Sumdawngte hnen atanga thu dawn danin September ni 7 hmalama kuhva ro lakluh tawh, Champhai atanga phurh chhuahte chu Assam Rifles ten Selingah manin, Sairangah hlanthlak tir a nih bakah a phurtu lirthei  tepawh hren rih a ni a. An man chhanah hian Document…

EXAM QUESTION SIAM DAN TUR ZIRTIRNA

EXAM QUESTION SIAM DAN TUR ZIRTIRNA  Nimin khan I&PR Auditorium, Champhai-ah Mizoram Board of School Education (MBSE) buatsaihin Champhai District chhunga High  Schoolleh Higher Secondary School zirtirtute tan Training on Question Setting Technique tih thupuia hmangin nikhat awh training buatsaih a ni. Training-ah hian MBSE siam kum 2020 Board Exam atana hman tan tur scheme of Examination and Question Design bakah Integrated Evaluation Scheme (IES) Software update thar leh software mannual chungchang zirtirtute hi zirtir an ni á. Resource Person C.Laldinpuia, Senior Academic Officer leh Jonathan Lalrinmawia, Academic Officer, MBSE te'n zirtirtu kalkhawmte hi an zirtir a. Mizoramah Board Exam pass parcetage kum tinin a sang mah se, Mizo zirlaite India ram hmun dangte leh ram pawna zirlai dangte nena an inelnaah  atithalo leh ahniam zawkah an tang leh fo te; keini aia chhung lehkhathiam tlem zawkna state te'n Central service exam-a an ti tha fo te hi Mizoramah quality educat…

THISEN ENDIK

THISEN ENDIK: Khawbung ICDS Project leh Khawbung PHC tangkawpte chuan nimin khan Khawbung Community Hall-ah tleirawl leh.naupang kum 18 hnuai lamte Red Blood Cell tlachham an awm leh awm loh enfiahna hun "Anaemia Screening Camp" an buatsaih. Rashtriya Poshan Maah hman mekah Khawbung ICDS Project leh Khawbung PHC tangkawpte chuan nimin khan ah tleirawl leh naupang kum 1-18 inkar zingah Red Blood Cell tlachham an awm leh awm loh enfiahna hun "Anaemia Screening Camp" Khawbung Community Hall-ah an buatsaih a. CO Laltlanthangi, Khawbung ICDS Project chuan ei tur tha leh hrisel, nitina chuktuah huana läk mai theih thlai hring lam ei uar a tul thu sawiin, thisen siamtu tha tak a nih thu a sawi a. Khawbung Medical Officer Dr Zoramdinthara chuan Anaemia chu Iron tlak chham avangin a awm tlangpui a, Folic acid te, Vitamin B12 leh Vitamin A tlakchham avang te, rulhut pai avangte pawhin anaemia hi awm thei niin a sawi a. Anaemia tlachhamte chu an chau a, thisen (sen) an dawlda…

SIALHAWK BRANCH TEN TANPUI NGAI TANPUI

SIALHAWK BRANCH TEN TANPUI NGAI TANPUI : Niminpiah Sialhawk-Branch YMA chuan an branch huam chhunga damlohna avanga an Lo thlo zo thei lo chhungkaw pakhat - Pu Zatluanga te chhungkua chu puiin an hnatlang.

Sialhawk Branch YMA hian kumtin an branch huam chhungah harsatna eng emaw avanga hlo thlo zo thei lo an awm chuan hnatlangin hlo thlawh an pui thin a. Kuminah pawh Pu Zatluangate chhungkua chuan hlo thlawh hun laiin natnain a tlak buak avangin an thlo zo hman lo va Sialhawk Branch YMA Executive-in a lo rel tawh angin niminpiah khan Pu Zatluangate Lo-ah hian member 46 feh chhuakin hlo thlawh hi an pui a ni.

DOUBLE LANE HNA TAN THUAI DAWN

DOUBLE LANE HNA TAN THUAI DAWN : Champhai South bialtu MLA, Transport Minister TJ Lalnuntluanga.hmalakna, Seling to Champhai kawngpui double lane-a laih tur chungchangah hna tan thuai a nih theihna turin Road Transport and Highways Minister Nitin Gadkari chuan Minister Manuna hnenah hian Mizoram sawrkar hmalakna tur leh pawimawh hrang hrangte lehkha hmangin a rawn hriattir a; he lehkha hi nimin khan Minister Manuna hiana dawng tih thu kan dawng

RUIHHLO MAN

RUIHHLO MAN : Excise & Narcotics Enforcement Staff leh SRS, Champhai te tangkawp chuan nimin tlai lam khan Hruaikawn peng, Zokhawthar Road-ah heroin hawng 3,36 grams leha neitu-a puh Lianrehlova, kum 40 Hmingthanga fapa, Bawngkawn, Aizawl leh Lalnunmawii, kum 48 Lianrehlova nupui te chu an man. An ruihhlo man hi tualchhung rate-ah Cheng 90,000 man vel a ni.

INFIAM MITE TAN KAWL ENG TELH TELH

INFIAM MITE TAN KAWL ENG TELH TELH : Champhai District High school Games vawi 16-na chu nimin khan Lalnunfela Chawngthu, DSYO Champhai chuan Chhangphut field-ah a hawng. Hawnna hun C.Hualrikhuma, Chairman, Organising.Committee chuan a kaihruai a. Khuallian Lalnunfela Chawngthu, DSYO chuan, Sawrkarin infiammite tana hamthatna tur abuaipui nasat thu sawiin, Sports Minister hova Mizoram Sports Policy mumal tak duan a ni a, infiammi te tan kawng a eng telh telh dawn a ni, a ti a. India Sawrkar pawhin infiam mite tan hamthatna tur Fit Indian Movement duang chhuakin Prime Minister-in a hawng tawh tiha sawi a. India mite hi kan hrisela infiamna lamah tan kan laknchuan ram economy thlenga nghawng a neih theih tur thu  asawi a. Mizoram mihringntlemte awmna atanga Indianleh Khawvela lang phak  infiammikan awm te hinlawmawm tak a ni tih sawiin, mi taima leh a ti tak tak peihte tan chuan hma hun engntak a awm thu a sawi bawk. Khuallian chuan lehkha zir tibuai lo zawnga infiamnankalpui a tul thu ş…

NSS DINCHAM LAWM

NSS DINCHAM LAWM : Nimin khan NSS Foundation Day vawi 50 na, Golden Jubilee chu Vengsang YMA Hall ah a lawmna hun hman a ni. He hun hi Gov't Champhai College leh Gov't GM Higher Secondary School tangkawpa buatsaih niin, Dühzuala Chawngthu, Programme Officer,.Gov't GM HSS chuan a kaihhruai a, NSS hian thupui atan Cancer and Tobacco Control tih chu an hmang a ni. He huna thusawitunRL Chhuanawma, Programme Officer, Gov't Champhai College chuan NSS chu midangte tana malsawmna ni tura thawh a nih thu a sawi a. A tum ber chu midang awl tir a, mahni thawhchhuah tih a nih thu a sawi a ni. Kum 1969 Sept. 24 ah India ramah NSS hi din a nih thu leh University 37 ah din a nih thu sawiin, hemi atang hian vawiin thlengin NSS hi thlah lova kalpui zel niin, NSS hmang hian school mai bakah vantlang tana hman tur zun in leh ek in te siamin thlanmual te sam fai bakah khawlai tih fai te chu an hnapui ber a nih thu a sawi a. Midangte tana malsawmna nih chu a dinchhan ber a ni tih a tarlang…

DAMDAWI IN TAN STEEL THUTHLENG PE

DAMDAWI IN TAN STEEL THUTHLENG PE : Nimin chawhnu khan Gov't Champhai College NSS Unit chuan District Hospital Champhai tan Steel thuthleng pali an hlan. Thilpek inhlanna hun hi Dr Zatluanga, District Medical Superintendent kaihruaiin, District Hospital hian sawiseltu nei ve reng thin mah se thilpek hlu tak tak pe duh mi thahnem tak an la awm zel chu ropui a tih thu a sawi a. Gov't chuán Champhai CollegenNSS te chu fakawm amtih thu sawiin, District Hospital hi mipui nih anga a chhiatna leh fel lohna lai sawiseltu ni mai lo va, a chhe lai siam thatu leh finchhuahtu ni zawk turin mipui angen nghal a ni. He hunah hian R.Lalchhuanawma,NSS Programme Officer chuan thuthleng an siamna chhan leh NSS hmalak dan kalphung sawiin, mipui tana kawng hrang hranga  taa malsawmna nih chu NSS in a tum ber a nih thu saswiin, District Hospital ah pawh, Hospital pantu mipui thutna indaih lo chu hei hian a chhawk zangkhai ngei a beisei tih a sawi a ni. P.Lalhmingliana, Principal, GCC chuan District…

KAWNGPUI TIFAI

KAWNGPUI TIFAI : Farkawn Higher Secondary School NSS te hian nimin khan NSS Day pualin Volunteers 78 bakah zirtirtu ten Zawra Lung atanga Farkawn HSS inkar kawngpui dung tifaiin kawngpui kam hnimte an samfai a ni. Kumin atangin Farkawn HSS chuan NSS Unit 2 an  neithar a, Career & Skill Development Awareness Campaign te, Orientation Prog. te  hmang tawhin Free Medical Clinic nei turin  aninbuatsaih mek bawk.

DISTRICT HIGH SCHOOL SPORTS TAN DAWN

DISTRICT HIGH SCHOOL SPORTS TAN DAWN : Champhai District High School Sports chu vawiin atang hian Chhangphut Field ah tan a ni dawn. Kum tina neih thin, District High School Sports nei turin Champhai District chhunga High School hrang hrangte an inpeih tawh a, khual khaw lam pawh nimin khan District Sports a tel tur hian Champhai an pan khawm a ni. District High School Sports ah hian District chhunga High School hrang hrangte an  fuankhawmdawn a. Athletics, Judo, Boxing, Volleyball leh Football ah te inelna an nei dawn a Heng Sports Discipline hrang hrangah hian District High School Sports Organising Com- mittee member te chu a viltu tur ruat vek an ni a, heng ruat te hian Discipline hrang hranga player tha zual te uluk taka thlang chhuakinnchung an thlanchhuah te chuan October ni 22-25 chhunga Kolasib a Mizoram School Games lo awm turah Champhai District ai an awh dawn a ni. District High School Sports hi vawiin chawhma dar 10:00 ah Chhangphut field ah hawnna hun hman a ni ang a, Lal…

ZOTLANG STADIUM TRACK LINE PUAR

ZOTLANG STADIUM TRACK LINE PUAR : Ministry of Urban Development & Poverty Alliviation (UD&PA) sum Vaibelchhe 20.33 chuang senga National Building Construction Company (NBCC) kal tlanga Balajee Developer Pvt. Ltd New Delhi-ten Champhai Zotlang Sports Stadium an siam, Football Ground hualchhuaka Intlansiakna Synthetic 8 Line Track chu hmun hrang hrangah a rawn puar chhuak a, pawimawh thilah a hman theih rih lo. Intlansiakna (Syn thetic 8 Line track) Meter 800 a thui, hmun hrang hranga lo puar chhuak ta hi a chhan chiah hriat a ni lo va. Sik leh sa inthlak danglamah hnuailam leilung chein a rawn tawnpuar ni a an hriat thu khawtlang mipuiten an sawi. Synthetic Coat hi a inchar that tawh loh vangin a hnuailam nena inkarah boruakin a hampuar a. A siam hunlaia thawktute uluk tawk loh vanga lo puar chhuak ta a ni thei em tih leh siam tha leh turin engtia hautak nge a nih dawh tih hrechiang turin, mithiamten enfiah thuai ni se an duh thu khawtual mite hnen atangin thu dawn a ni.

SILVER JUBILEE PUAL VOLLEYBALL COMPETITION

SILVER JUBILEE PUAL VOLLEYBALL COMPETITION: MZP Hqrs Champhai silver jubilee pual volleyball tournament chu Zirtawpni kalta khan kharna neih niin, he hun hi V. Malsawmtluanga, President Ruantlang Branch YMA chuan kaihruaiin C. Hualrikhuma, Dy DPC RMSA chuan Khuallian niin a hmanpui. Titans Volleyball Club chuan Gov't Ruantlang H/S hnehin an champion a. Champion team hian Rs. 5000 leh citation, pahnihna hian Rs. 2500 leh citation an dawng bawk a ni.

MSEU SPIRITUAL CONVENTION TIAK

MSEU SPIRITUAL CONVENTION TIAK : Champhai Vengthlang Presbyterian Kohhran Biak ina Mizoram Students' Evangelical Union (MSEU) Spiritual Convention vawi 12-na neih mek chu nizan khan a tiak ta. Zirtawpni kalta zan khan he inkhawmpui hi tan a ni a, Inrinni chawhma lamah SEU puala inkhawm neih niin, chawhnu lamah Praise & Worship-a hun hman a ni a, zanah inkhawm chhunzawmin nizan khan tluang taka hman a nih hnuah inkhawmpui hi a tiak ta a ni. Inkhawmpui chhung hian speaker Rev Dr. R.Lalthanmawia hnen atangin inkhawmpui thupui, "Lalpa Hmantlak" tih hmangin Pathian thuchah ngaihthlak thin a ni a, SEU Choir leh mimalin Pathian fakna hla an sa thin bawk. MSEU Spiritual Convention vawi 12-naah hian Mizorama zirna in 19 atangin palai 1201 an tel thei a. Heng zinga 14 hi College Evangelical Union niin, Higher Secondary School EU 5 leh Mizoram University EU 1 te an tel a ni.


BAWRHSAP IN KHAWBUNG TLAWH

BAWRHSAP IN KHAWBUNG TLAWH : Inrinni khan Champhai DC Dr. Naveen Aggarwal hovin Khawbung khawtlang hruaitu, sawrkar hnathawk leh tlawmngain pawl hrang hrangte inkawm khawmna hun buatsaih a ni. He hun hi Khawbung- BDO Vanlalchhuanlianan a kaihruai a. Champhai DC Dr. Naveen Aggrawal chuan, sawrkar inrelbawlna kawng hrang hranga mipuiten harsatna an neihte sawihopui tura kal a nih thu sawiin, tlawmngai pawl; sawrkar hnathawk leh VC te'n an hmalakna zawn theuha harsatna chi hrang hrang an tawhte an thlen a. A bikin Tribal, Income leh Residential Certificate te Champhai DC-a lak chhuah zel ngai chu thingtlang miharsa tak tak tan a hautakin sum sen nigai a nih avangin Community Service Centre tangkai zawka hman a nih theihna tura hma lakpui turin DC an ngen Khawbung Block Site Advisory Board in LSC an recommend District Land Revenue & Settlement atanga bawkzui a awm ngai lo chu chak zawka hmalak ni se an duh thu an thlen bawk. Heng baka harsatna an thlen hrang hrang pawh Champhai DC…

BUKNA AN ENDIK

BUKNA AN ENDIK : Champhai District Consumers' Association leh Legal Metrology Enforcement tangkawp chuan Inrinni zing khan Champhai Bazar-a chawhmeh hrang hrang: bawng sa, sangha, arsa leh thlai zuarten bukna leh a lung an hman chu a dik tawk em tih an enfiah a. Bukna leh a lung an hman dik tawk lo pathum hmuh chhuah niin, heng buk lung neitute hi vawiinah Legal Metrology Office-a in report tura tih an ni. A endiktute chuan chawhmeh leh thil dang reng reng tehna atana bukna leh a lung hman chu danin a phuta a buk a tling ngei tur a ni a, hei hi thil zuarte chuan ngai pawimawh turin an chah a ni.


VENGTHLANG NORTH KTP IN THISEN PE

VENGTHLANG NORTH KTP IN THISEN PE : Inrinni khan Vengthlang North Branch KTP te chuan District Hospital damlo tan thisen an pe. Blood donation camp hi KTP thurel bawhzui leh tihhlawhtlinna niin, an Kohhran Hall-ah neih a ni a. Champhai District Hospital blood bank-a thawkte chuan a hmunah kalchilhin thisen hi an laksak a. He hunah hian thisen pek pawimawhzia inzirtirna hun tawi hman nghal a ni bawk.

Thisen an pek zat hi unit 22 a ni a, a petute hi mipa 16 leh hmeichhia 6 an ni.

PYD CONFERENCE TIAK

PYD CONFERENCE TIAK : UPC (MZ) PYD Gen. Conference chu Zirtawpni kalta zan atanga nizan thleng khan Hnahlan playground ah neih a ni a. Inrinni khan nilengin Palai rorel inkhawm an nei a ni. Zirtawp zan, Inrinni zan atanga nizan thleng khan sermon inkhawm neih a bawk. Conference ah hian Pastor Lalhmangaihawma, Pastor Lalhmachhuana, Rev. H. Lalrawnkima, Pastor Lalrinenga leh F.Lalneihthangi te'n thu an sawi a. Mual inkhawmah Tirhkoh Emmanuel Lalthianghlima leh Inrinni-a rorel lo inkhawm-ah Tirhkoh Vanlalduhsaka, Gov't Complex Aizawl ten thu an sawi bawk. Inkhawmpuiah hian palai 2305 vel an kal a ni.

YP RALLY

YP RALLY : Inrinni leh nimin khan Salvation Army chuan YP Rally an hmang a. Champhai CO Bial Vengthlang, Hnahlan leh Zokhawthar CO bialte chuan a huhovin Hnahlan Corps ah Rally hi an hmang a. Inrinni khan lengkhawmpz solfa zai leh Bible

 thu hmanga intihsiak an nei a, YP Rally ah hian naupang kum 14 hnuai lam an tel a ni.

SPIRITUAL CONVENTION VAWI 12NA

SPIRITUAL CONVENTION VAWI 12NA : Nizan atang khan Mizoram Students' Evangelical Union te chuan Spiritual Con- vention vawi 12 na an hmang tan. Spiritual Convention vawi 12 na hi Champhai Vengthlang Presbyterian Kohhran ah nghah niin, nimin khan mikhual an thleng tan a, Counter hrang hrang siamin mikhualte hi hmuah an ni. He convention ah hian thupui atan Lalpa Hmantlak, II Timothea 2:21 thu chuhman a ni a, Speaker atan Rev. Dr. R. Lalthanmawia hman a ni dawn a, a hnen atang hian thupui ngaihthlak thin a ni ang a, Pathianni ah a tiak ang. Spiritual Convention ah hian Mizoram chhunga College leh Higher Sec. School hrang hrang 19 atangin zirlai kalkhawm a, Palai 1300 vel kalkhawm tura beisei a ni.

RAM TANA NUNA HLANTUTE HI ZAH AN PHU

RAM TANA NUNA HLANTUTE HI ZAH AN PHU : Health & Family Welfare Board vice chairman Dr. ZR Thiamsanga chuan, Martar-te Ni ah hian,  ram leh hnam chimrala kan awm loh na'n hnam rilru pu thar zel ila, lungrual takin thawk ila, ram  leh hnam tan tangrualin hma i la zel ang u, a ti. Nimin khan Mizoram hmun dang rualin Champhaiah pawh MNF Champhai North Block-I chuan Vengsang YMA Hall-ah Martar Day Vawi 40-na pualin hun an hmang a, he hun hmanpuitu Champhai North Bialtu MLA Dr. ZR Thiamsanga chuan he thu hi a sawi a. Ram changkang apiangin mahni ram tana nunna hlantute ngaihsanna  chang an hria tih sawiin, Ram leh Hnam tana nunna hlantute hian zah an phu ang ngeiin kan zah tur a ni. Sawrkar pawh hian nunna hlantute leh riltam leh hrehawm pawh pawisa lova  lo pen chhuak tawhte hi a ngaihsak a tul a ni, a ti a. Ram leh hnam tana ke penchhuak hnam pasalthate thisen avangin Mizoramin rahbi thar kaiin hmasawnna tam tak a nei a ni, a ti. Ram tana an nunna hlantu Hnam pasalthate sulhnu chh…

CHILDREN SCIENCE CONGRESS 2019

CHILDREN SCIENCE CONGRESS 2019: DEO leh RMSA Champhai District buatsaihin District Level Children Science Congress, 2019 chu nimin khan SSA BRC Training Hall ah neih a ni a. Thupui atan Science, technology and In- novation for Clean, Green & Healthy Nation tih hman a ni. Khuallian, Champhai DEO C.Lalbiakzauva chuan thu sawiin, Science Congress hi kum dangah an lo hlawkpui tawh thin thu leh, National Level hial an lo thlen tawh thu a sawi a. Science Congress hi District in a phuahchawp ni lovin India ram pumah neih thin a nih thu a sawi a. Pakhatna atanga palina te chu Champhai aiawhin State Level ah an tel dawn tih tarlangin, zirlaite chu theihtawp chhuah a, Champhai tihmingthatu ni ngei turin a sawm a ni. Zirlai tam takin Science chu a hming lam rik ringawt pawhin an huphurh in an hlau thin a, hei vang hian zirlai tam tak an chhiat phah thin tih sawiin, Science hi thiam awl tak leh huphurh awm loh tak a nih thu a sawi a. Subject dang anga zir mawl tawp a ni ve lo va, Practical a …

VACCINE AWLSAM ZAWKA LAK THEIH

VACCINE AWLSAM ZAWKA LAK THEIH : Community Animal Health Worker te tan nimin khan I&PR Auditorium-ah training buatsaih a ni. He hun hi Dr. Lalhmingthanga, Dy.Director AHVD, Focus Mizoram khuallian niin a hmanpui a. Thu sawiin, CAHW hi Mizoramah chuan thil thar a ni a, khawtinah dah niin anmahni khuaa ran vulhtute tan an hriattur pawimawh tak tak te hrilh hretu tur an nih thu a sawi a. Ran chuan vaccine pek chungchangah pawh Vety Department pan kher ngai lovin anmahni khua ngeiah CAHW te hnenah Vaccine pawh an lak theih tawh tur thu a sawi a ni. He hun hi Dr. B Zonghinga, DVO Champhai chuan a kaihhruai a. Resource person pahnihte chuan training an pe a, an hnen

atang hian FOCUS Project pakhat Community Animal Health Worker te thawh tur leh ran damlo an enkawlndan tur chungchang bakah engtin nge ran hrisel leh tha an thlan thiam theih ang tih ten chipchiar taka ngaihthlak a ni a, tun bak hi tum 2 training neih leh a ni dawn a ni.

DAMDAWI IN SOLAR PLANT SIAMTHA TUR IN COMPANY BE MEK

DAMDAWI IN SOLAR PLANT SIAMTHA TUR IN COMPANY BE MEK : Champhai Thalai Pawl te hun rei tak an lo buaipui tawh  Champhai District Hospital-a  Solar Plant  Rs Vbc. 2.2 senga din, hman hleih theih si loh leh Ministry of Highway sum hmanga Trauma Building sak mek kum chanve zet chawlhsan tawh chungchanga Press mite zawhna chhangin Health & Family Welfare Board vice chairman Dr. ZR Thiamsanga chùan, Solar Plant Kolkata a Company pakhat siamtha turin biak a nih tawh thu leh sorkarin heta tana sum a ruahman tawh thu a sawi a. Trauma building sakna chu sum awmsa vek a nih thu leh hnathawh chawlhsan mekah sum senso tawh chinfel mek niin, hun reilote-ah chhunzawm a ni ang tih a sawi bawk.

FAINA ENDIK DAN TUR CHUNGCHANG REL

FAINA ENDIK DAN TUR CHUNGCHANG REL : District Level Cleanliness Committee-in kumin Faina Hapta denchhena Champhai khawpui chhunga Veng hrang hrang, Zirna in, Sawrkar Pisa leh Hotel/Restaurant fai endik tura ruatte chuan nimin khan DUDO Pisa-ah Champhai DUDO K. Lalhmuakliana kaihhruaina hnuaiah Fai endik dan tur chungchang relin an thukhawm. Champhai khawpui chhung VC area wise-a Veng fai endik tur hian District SP Rex Zarzoliana Vanchhawng kaihhruaina hnuaiah YMA Sub-Headquarters ten an thawk dawn a. Zirna in hrang hrang faidan endik tur hian Champhai DEO C.Lalbiakzauva  kaihhruainahnuaiah MHIP Sub-Hqrs Champhai chu endik tura ruat an ni a. Mizoram Sawrkar Department bik Pisa fai endik tur hian Addl. DC  Alexander V.Chongthu kaihhruaina hnuaiah MJA Champhai District ten an endik dawn bakah, Hotel leh Restaurant endik tur hian Champhai BDO Rebecca Laldinmawii Hrahsel kaihhruaina hnuaiah MJA Champhai District te hian an endik dawn bawk. Nimin thutkhawmah hian faina endik tura ruatten Di…

THUCHHUAH SIAM

THUCHHUAH SIAM : Champhai District Magistrate Dr. Naveen Agarwal, IAS chuan thuchhuah siamin, Champhai District chhunga Silai Lincence nei,  Silaithar register tur te'n midang tih tir lovin a Licence neitu ngeiin silai kengin a register tur a ni, a ti a. Mahni ngei kal lova midang tir chhawngtute chu an silai register-sak an ni dawn lo tih thuchhuah siamin a tarlang.

MARTAR THLANAH ZAHNA PANGPAR DAH

MARTAR THLANAH ZAHNA PANGPAR DAH : A bial chhunga hun hmang mek, Champhai North bialtu MLA Thiamsanga chuan nimin khan a bial chhunga MNF Unit hrang hrang hruaitute tan interview hun a buatsaihsak a. MLA hian vawiin chawhma dar 10:00 Dr. ZR Thiamsanga  hian CHANEM tuala Martar thlanah zahna pangpar a dah ang a. Hemi hnu, Dar 11:00 ah Vengsang Hall-a MNF Champhai North Block-l in Martarte Ni puala hun an buatsaih a hmanpui ang. Chawhnu lamah Hnahlan tlawhin PHC a fan kual hnuah PYD Mizoram General Conference a hmanpui ang a, Inrinni-ah Aizawl lam a pan leh dawn a ni.

MIZORAMAH CHAMPHAI SOCIETY THA BER

MIZORAMAH CHAMPHAI SOCIETY THA BER : Nimin kha District Level Cooperative Seminar, I&PR Auditorium ah neih a ni. He hun hi Rosangzuala, BOD, MSCU kaihhruaia neih niin Cooperative Society thawhrimna chu fakawm a tih thu leh an thawhrim na leh an tha leh zung hah taka an sen te avangin Mizoramah Society hlawhtling tak a awm phah a ni, a ti a; an kal zelna turah pawh taimakna leh thawhrimna nen kal zel turin duhsakna a hlan a ni. C.Lalbethlehema, ARCS  Champhai chuan thu sawiin, MSCU in a tum ber chu Society hrang hrang te zirtirna hrang hrang pek thin a nih thu a sawi a. Tun hma chuan Champhai ah hian Society tha tak hmuh tur a van thu sawiin, MSCU hma lakna in training te buatsaih a ni chho zel a, tunah chuan Champhai mai bakah Mizoram hmun hrang hrang ah Society te hi an tha em em tawh a ni, a ti. Report hnuhnung berah chuan Champhai hi Mizoram pumah Society filawr  ber a ni pha tawh a ni tiin, heng zawng zawng hi anmahni tih ni lovin Society thawktute thawhrimna leh Account bu va…

INTHLAN DAWNA A TIAM ANGIN HMA LA TAN

INTHLAN DAWNA A TIAM ANGIN HMA LA TAN : Champhai North Bialtu MLA, Health & Family  WelfareBoard vice chairman Dr. ZR Thiamsanga chuan, MLA inthlanndawna ka lo tiam tawh ang ngeiin Champhai District Hospital tichangtlung turin theihtawp chhuaha hmalak a ni, a ti. Nimin khan Champhai North Bialtu MLA hian Champhai District Hospital tlawhin, hmalakna hrang hrangte a enfiah rualin mamawh hrang hrangte a hnenah hian lo thlen a ni a. Nimin tlai lam khan District Medical Superintendent Office ah Press Meet anei zui a. He hunah hian MLA chuan he thu hi a sawi a. Champhai  DistrictH hi Champhai darthlalang pawimawh berte zinga mi a nih avangin  atichhangtlun kawngah theihtawp chhuah mek zel a ni, a ti a. Tunah hian ICU leh Dialysis Centre dah tura chak taka hmalak mek a ni tih a sawi a. Khawl leh hmanraw mamawh hrang hrangte pawh a lo thleng tawh chin chu bun chhoh mek zel a ni a. Vawiin leh naktuk lamah pawh rawn thlen belhin, a dahna hmun turah bun fel zel a ni ang, a ti. ICU hi chu Tra…

DIL LOH MALSAWMNA ZOKHAWTHAR-AH

DIL LOH MALSAWMNA ZOKHAWTHAR-AH : Zokhawthara sipai tirhluh chungchangah Zokhawthar VC leh NGO te chuan thuchhuah a siam. An thuchhuahah chuan, 8th Bn. Assam Rifles hmalakna avanga Zokhawthar kaltlanga Myanmar nena insumdawn tawnna bungraw thenkhat chu September 7, 2019 atangin kalphung pangngai anga kal phal a ni lo va. Zokhawthar mipui tam zawkte hi sumdawng bungraw lo lut leh chhuak behbawma inhnangfak an ni a. Mi tam tak eizawnna a tawp, an ti a. Hetianga boruak a awm avang hian Khawtlang hruaitute leh Assam Rifles Post Commander nen pawh vawiduailo inbiak a ni a. Hetihlai hian nimina Dy DSP Hqrs. te, Champhai PS (Thana) OC leh Officer dang eng emaw zat chu, Khawzawl IR Battalion sipai Section hnih, mi 60 lai chu ralthuam famkimin Zokhawthar ah hian an duty tih an sawi a. Zokhawthar khawtlang hian Sipaite thu awiin, bungraw kai an remtih loh leh an phal lohna hmun atangin engmah an ti ngai lo va. Tha taka inbiain harsatna an sawiho thin zawk a. Hetiang hi boruaka nih mek lai a, In…

MLA IN SCHOOL PATHUM TLAWH

MLA IN SCHOOL PATHUM TLAWH : Nimin khan Champhai North Bialtu MLA Dr. ZR Thiamsanga chuan Champhai khawpuia School pathum tlawhin, zirlaite fuihna thu a sawi a, heng school hnenah hian Water Filter a pe theuh bawk. Dr. ZR Thiamsanga hian School pathum- Gov't GM High School, Gov't Champhai High School leh Gov't GM HSS School-te a tlawh a. MLA chuan a theihtawk tlem mah se a Bial mipui tana theihtawp chhuah chu a tum ber anih thu a sawi a. Budget thar an la hman theih loh avangin an duh angin hma an la lak theih loh thu sawiin, Budget thar an hman hunah chuan Champhai tana tih tur hmachhawp an neihte an thawh tan theih tur thu a sawi. Dr.ZR Thiamsanga chuan SEDP Board 14 lai siam a nih thu leh a function theih tep tawh thu a sawi a. Heng board te hi a function hunah chuan Board hrang hrang te'n project siamin theihtawpa hnathawh an tum thu a sawi a ni. Bialtu MLA chuan zirlaite chu nakin lawka kan ram leh hnam hruaitu tur an la ni a, tun atanga zirna kawngah hmasawn zel …

LIRTHEI DAHNA HMUN TUR EN

LIRTHEI DAHNA HMUN TUR EN : Champhai khawpui chhung hmun remchanga ritphur lirthei hun tam lutuk tih ziaawm nan Champhai DC kaihhruaiin ritphur lirthei dah lailawkna tur hmun chu nimin khan enfiah a ni. Lirtheiin khawpui chhung a tih hnawk lohna tur leh khawpui thianghlimna vawnthat a nih theih nan lirthei dah lailawkna tur atan hian Champhai Zotlang leh Khankawn inkar World Bank road Km 2 chuanga thui chu ruahman/ thlan a ni a. Helai hmunah hian kawngpui sir lehlam chauha motor dahin, tumkhatah lirthei 1000 vel pawh dah theih tura ngaih a ni. Lirthei load lak dan leh chet vel dan lo hmui tur leh thianghlimna lama hma la a, an sahimna thleng pawha mawh la turin Champhai Zotlang Goods Carriers Society chu hma la thei tura beisei an ni a. Nimin khan khawpui chhung hmun hrang hranga Godown 50 chuang awm mekte chu enfiah nghal  aniin, Godown tualah tumkhatah bungraw phur lirthei pakhat chauh bungraw hlan chhung chiah din phal a ni tawh dawn a. Sorkarin lirthei dinlawkna tur a ruahmanna ni…

VAWIIN AH EN THEIH DAWN

VAWIIN AH EN THEIH DAWN : UD&PA hnuaia PMAY-HFA : BLC a DPR-I leh II a eligible beneficiary te vawiin chawhnu dar 1 hian en theih a ni dawn a, hmu awm ang a inngai hmu si lote tan dilna hun hawn lehnghal ani dawn a. A dil duh te chuan ni 19 atanga ni 26 thleng form lakchhuah leh submit theih a ni ang. Hemi chungchang hrechiang duh te tan Office hun chhungin ngaihven theih a ni a, a diltu chuan Aadhaar neih a ngai a, kawppui nei te chuan an nei ve ve tur ani a. Family member Aadhaar nei te chuan an Aadhaar number an dahkhah a ngai bawk.

ACCOUNT VAWN DAN ZIRTIR

ACCOUNT VAWN DAN ZIRTIR :  Nimin khan ni thum awh tur DAY-NULM hnuaia ALF member te tan 1&PR Auditorium, Chanem-ah Management of Cooperative Society chungchangah training neih a ni. Training ah hian society sum enkawl dan te, Account bu vawn dan te an zir ber a, heng bakah hian Cooperative Society in a tum tlangpui te ngaihthlak a ni.

RUIHHLO MAN

RUIHHLO MAN: Thawhtanni tlai dar 5:10 vel khan Excise & Narcotics staff leh SRS Champhai te chuan Khankawn leh Chhungte inkarah Heroin

hawng khat (12gms) an man a, a neitu-a puh R. Malsawmthara (27) s/o R.Malsawma (fam) Tuipui leh C.Lalramliani (43) d/o Khaithawnga Tuipui te chu man an ni a. ND&PS Act hnuaiah thubuai ziah luh niin jail a dah luh nghal an ni.

SELF HELP GROUP TAN LOAN

SELF HELP GROUP TAN LOAN : Nimin khan Ngopa Zawlbukah Ngopa RD Block chhunga MZSRLM SHG- ten Credit Camp an nei. He Credit Camp hi Ngopa BDO &BMD Lalhruaitluangi'n a kaihhruai a. Lalrammuani, BMM, MZSRLM hnen atangin MZSRLM hnuai-ah SHG 262 an awm thu leh Loan Rs. 238,38,500 pekchhuah a nih tawh thu ngaihthlak a ni a. Nimin khan SHG 43 hnenah Loan pek chhuah nghal a ni bawk.

CHAMPHAI TUITLAN HNAR HUMHIM A NGAI TAWH TAKZET

CHAMPHAI TUITLAN HNAR HUMHIM A NGAI TAWH TAKZET : Nimin khan Champhai DFO Office-ah Lalduhthlana leh MJA Champhai District member-te an inkawm. DFO Champhai MJA Champhai District president C.Lalhnunpuia chuan khawtlang siamna kawngah chanchinbumite leh sawrkar official-te thawh hona tha neih a pawimawh thu sawiin, Champhai tana theihtawp chhuaha thawhhopuiah a sawm a. He inkhawm honaah hian Champhai tui tlan hnara ramngawte venhim a pawimawh thu te, Thal laia Champhai-a kangmei chhuakin ziaawm lam a pan thei lo chu nasa zawka a venhim hna thawhho a pawimawh thu te, department chauh ni lo tlawmngai pawlte phungbawma sawm a tul thu leh, ramsa humhalh kawngah nasa lehzuala hmalak a pawimawh thute chanchinbumite chuan DFO hi an sawipui bawk a. Ramngaw humhalh kawngah dan ang  taka kal a tul thu pawh tarlan niin, danin a phal chin baka ramngaw tichereutute chu dan ang taka hrem an nih theih nan hmalak a pawimawh tih an tarlang bawk. Thingphun kawngah pawh sava leh ramsa te ko thei tur phun…

NU NAUPAIAH HIV HRIK HMU BELH

NU NAUPAIAH HIV HRIK HMU BELH : Nimin khan Champhai DC Coference Hall, Keifangtlangah District AIDS Prevention and Control Committee (DAPCC) chu an Chairman Champhai DC Dr.Naveen Aggarwal, IAS hovin an thukhawm. DAPCU Champhai-in a tarlan dan chuan January 2019 atanga August 2019 thla thleng khan ICTC-ah mi 5128 te thisen test a ni a. Mipui vantlang thisen test 3192 zinga 111 te chu HIV Positive tih hmuhchhuah niin, Nu nau pai thisen test 1936 zinga mi 14 te HIV Positive tih hmuhchhuah a ni a. HIV Positive hmuhchhuah zat hi 125 a ni. DAPCU zirchianna January 2019-August 2019 in a tarlan dan chuan HIV kai thar hmuhchhuah tam berte chu inchiuna, Syringe thianghlimlo hman pawlh avang niin, mipa zinga 42% leh hmeichhe zinga 7% te an ni a. Mipat hmeichhiatna hman vanga kaiin dawt lehin hemi vang a kai hi Mipa zinga 29% leh Hmeichhe zinga 27% an awm tih tarlan a ni bawk.

MLA LEH MJA TE

MLA LEH MJA TE : Champhai North bialtu MLA Dr ZR Thiamsanga chuan tunkar chhung cham turin nimin khan Champhai a rawn thleng. Dr Thiamsanga hian vawiin hian Mizoram Health Care Scheme chungchangah Press Mite a kawm dawn a, hemi hnu hian District Hospital an fangkual nghal dawn a ni. Zirtawpni hian CHANEM building tuala martarte thlanah zahna lantirin Vengsang YMA hall-a Martarte Ni a hmanpui nghal dawn a. Hemi ni vek hian Hnahlan tlawhin PHC a fan kual hnuah PYD Mizoram General Conference chu a hmanpui ang a, Inrinni-ah Aizawl lam a pan leh dawn a ni.

RUIHHLO MAN

RUIHHLO MAN : Nizan hmasa khan Excise & Narcotics Enforcement staff, Asst Commisioner, Champhai B.Zoliana hova duty te chuan Tiau road, Zonunsanga huan bulah Heroin hawng khat (14gms) leh a neitu-a puh Lalbiaksanga (53) s/o Thankhuma (fam) Falkawn, Aizawl an man a. Hemi hnu lawk hian hawng 5(65.8gms) leh an phurhna motor 207, MZ-04A-0555 an man bawk, a neitu-a puhte Lalremruata (20) s/o F. Malsawma (fam); Lalremruata (19) s/o Laldinpuia; Lalsailova (24) s/o Vanlalmalsawma, Electric Veng, Champhai ni-a insawite chu an man bawk a. Heng an mi man te hi NDPS Act'85 hnuai ah thubuai ziah luha ni a, Jail lamah an thubuai ngaihtuah tura dah zui nghal an ni,

MIZO PIPU SULHNU VEK A NI

MIZO PIPU SULHNU VEK A NI : Khawchhak tlangdunga sulhnu hluite chu Mizo pi pute sulhnu vek a ni, tiin Superintending Archaeologist Dr. Sujeet Nayan chuan nimina Khawbung khaw bula Tlaikuang Tlanga hmun hlui an tlawhnaah a sawi. Nimina Khawbung khaw bul Tlaikuang Tlanga mihring sulhnu hlui haichhuah thar an tlawhnaah Superintending Archaeologist Dr. Sujeet Nayan, ASI, Aizawi Circle chuan, khawchhak tlangdung hmun hrang hranga mihring sulhnu hlui an hmuh leh tlawhte chu Vangchhia ami nen inthlunzawm kual nei vek a nih thu a sawi a. Lunga a pawng leh a khuara milem kerte chu Mizo pi leh pute nun ziarang pho chhuak  vek a nih thu leh, hun rei tak ata Mizoram hi an lo luah tawh nia a lan thu archaeological excavation neih tawh atangin thui tak a rinzawn theih niin a sawi a. Lunghriam hun hnuhnung hmanrua Sazep khaw hnuaia hmuh lo ni tawh te, Vangchhe Excavation-a hmuh a ni te chuan mithiamte thil chhui tur tam tak a la  chhawp chhuak dawn niin a sawi. Nimina Tlaikuang Tlanga hmunhlui an tl…

VENDOR CHUNGCHANG SAWIHO

VENDOR CHUNGCHANG SAWIHO: DAY-NULM hnuaia Support to Urban Street Vendors hmalaknaa Town Vending Committee chu an Chairman Dr. Naveen Aggarwal, Bawrhsap hovin nimin khan DC Conf. Hall-ah an thukhawm. Meeting-ah hian khawlaia chawhmeh leh nepnawi zuar Street Vendor awmzat leh an chanchin zirchian dan tur chungchang te, Street Vendors thar leh lo awmsate chanchin chhuichian te bakah inzawrh phalna leh phal lohna hmunte sawiho a ni a. Khawpui tawt lutuk leh thil zawrh phochhuah avanga harsatna awm theite pawh sawiho niin, khawpui zawh tawk leh remchan ang zela hmalak dan turte pawh sawiho a ni bawk. Champhai khawpui chhunga Vending Zone awmsa leh siam thar hrang hranga Plot 85 bawr velte uluk taka sawiho niin, harsatna awm thei angahte Traffic Police, VC leh Joint NGO ten zirchianna neiin report, Town Vending Committee hnenah thehluh ni se tih a ni a. Sawrkarin Street Vendor-te chungchang leh Street Vending Zone Geo Tag ti tura a ruat  GoodwillFoundation report-in a tarlan dan a zirin To…

SCHOLARSHIP DIL TUM TAN

SCHOLARSHIP DIL TUM TAN : MZP Hqrs Champhai chuan Champhai zirlaite Tribal leh Minority Scholarship forma fill up sak leh dâwn a, Primary leh Middle zirlai tán Rs 20, High School leh HSS zirlaite tán Rs 50 sen tura ni ang. Scholarship-form hi MZP Pisa Pui, CHANEM ah lâk chhuah theih ani tih thu kan dawng.

FOOD MELA

FOOD MELA : Vawiin hian District & Block Level Poshan Abhiyan Convergence Committee ruahmannah Food Mela Vengthlang

 Branch YMA Ralven buk, Vengthlang Presbyterian Biak In bulah neih a ni dawn a, he hunah hian Chaw tha chi hrang hrang tarlan tumani tih thu kan dawng.

TIAU LUIAH CHESUAL ZAWNG MEK

TIAU LUIAH CHESUAL RUANG HMU : Pi Lalnunsiami, kum 30, Khawmawi khua chu nimin zing khan Tiau Luiah chesualin tuiah a tla a zawn mek a ni. Thu dawn danin Pi Lalnunsiami hi nimin chawhma dar 10:00 vel khan Tiau lui Balukai vela a Chengkawl khawrh a chesual a, Khawmawi, Zokhawthar, Hruaikawn leh Bulfekzawl thalaiten an zawng mek.Pi Lalnunsiami chesual hi a tirah hriat mai a nih loh avang leh nizan hmasa ruahsur avanga Tiau lui tui hi a len avangin engtia thui nge a lenthlak hriat a ni rih lo. Tuitla zawnga Bulfekzawl leh Hruaikawnin Lungreng zauva Ngar hem an tum chu beisei aia tui a tam avangin an beidawng a. Phaizau chhak lamah lo chang turin ruahmanna an siam ta zawk a, Phaizau chhakah hian mi eng emaw zat an lo awm sa tawh bawk.
Pi Lalnunsiami, Khawmawi tuitla ruang chu Tukin  dani zing 17.9.2019 Dar 7 hma deuh khan, Bulfekzawl țhalaiten Bulfekzawl khaw hnuaiah an hmu ta e.

CHAMPHAI NORTH MLA

CHAMPHAI NORTH MLA : Champhai North Bialtu MLA Dr ZR Thiamsanga chuan vawiin chawhnu lam hian Aizawl atangin Champhai a rawn pan ang a. Naktuk chhunah District Hospital, Champhai tlawhin, Press Meet a nei zui ang a. Naktip Champhai-ah chamin, Zirtawpni-ah VengsangnYMA Hall-a Martarte Ni a hmanpui hnuah chawhnu lamah Hnahlan PHC tlawh  turina kal ang a. Zanah UPC Thalai, PYD Conference, Hnahlana a hmanpui hnuah Champhaia riak turin a rawn kir phei leh ang a, Inrinni-ah Aizawl panin a chhuk ang.

FAVANG CHHUNG NEIA MJA PRESS CLUB KAWNG SIAM PHUT

FAVANG CHHUNG NEIA MJA PRESS CLUB KAWNG SIAM PHUT : Inrinni khan MJA Champhai District chuan Press Club ah General Body Meeting nein kumin Favang chhung ngein hian PWD chuan an Press Club kawng chu black top sak turin an ngen. Нe Meeting hibC.Lalhnunpuia, President MJA kaihhruaia neih niin henhunah hian District Level Committee on cleanliness competition 2019 ChamphaibDistrict in Addl. DC Alexander V. Chawngthu kaihhruaina hnuai a faina hapta hman tura sawrkar Pisa hrang hrang fai leh, BDO Champhai kaihhruaina hnuaiah Hotel leh Restaurant fai endik turanChamphai District MJA te a ngenna chuntihhlawhtlin sak ngeini se tiin an rel a. I&PR Directorate in kumin November thla a India ram chhim lam fang a Study/Tour MJA te tana buatsaih turah Champhai District MJA atangin mi 2 kal turin an ruatani. MZI Headquarters Champhai in Zoawi Lelte leh Beat Contest, Champhai District MJA te nen tangkawpa thlanna nei tura rawtna an siam chu pawl pahnih hruaitute ve ve in zirchianga sawiho leh ni s…

DISTRICT HIGH SCHOOL SPORTS

DISTRICT HIGH SCHOOL SPORTS: Zirtawpni khan District High School Sports neih tur chungchang rel in thutkhawm a ni. He hun hi DEO Office-ah neih niin, C. Hualrikhuma, Organising Chairman chuana kaihhruai. Tun thla Ni 24 chawhma Dar 10:00 ah District High School Sports hi Chhangphut Field ah hawnna hun hman a ni ang a, DSYO in khuallian niin a hmanpui ang. Hawnna hunah hian Champhai District chhunga school hrang hrangte chu tel kim tura beisei an ni. He hunah hian kalkhawm te chu Sports Descipline hrang hrang-Athletics, Judo, Boxing, Volleyball leh Football ah te chanvo insem nghal in Discipline tina -chanvo neitu te hian District Sports a tel school tin aiawh player te chu lo zirchiang nghal zel in, October ni 22 atanga ni 25 chhunga Kolasiba Mizoram School Games lo awm tura Champhai District aiawha kal tur an lo thlangchhuak nghal zel dawn a ni. Volleyball leh Football Mipa leh hmeichhia a tel tur chuan ni 19 ral hma in Organising Committee hnenah inhriattir turin Committee chuan a ng…

KUHVA RO LAKLUH KHAP

KUHVA RO LAKLUH KHAP : Ram pahnih insumdawn tawnna Indo-Myanmar Border Trade Point Zokhawthar kal tlanga bungraw lakluh zinga bungraw lakluh tam ber Kuhva-ro chu tunlai hian lakluh khap mek a ni. Thu dawn danin Sorkar laipui Ministry of Home Affairs in helai kuhva lakluh danah thil felhlel deuh a awm nia an hriat avanga an thuchhuah bawhzuiin, Zokhawthara Assam Rifles hotute chuan Myanmar atanga ramri kana Kuhva-ro lakluhte chu tiamchin awm lovin a chawlhtir a. Zokhawthara Assam Rifles  duty-te chuan ramri kana Kuhva lo lut tur chu chawlhkar khat zet an dang tawh a ni. Helai insumdawn  tawnna hmuna bungraw lo lut phur tur hian bungraw phur chi lirthei 940 vel ten bungraw phurh tur changin Zokhawthar-ah an ding mek a. Hetia Kuhva lakluh khap a nih hma leh khaihlakna dang a awm loh chuan ritphur lirthei 100 chuang phurh tawk hi nikhat chhungin ramri kana lakluh a ni thin a. Heng bungraw lolut te hi Tiau lei zawh lovin Tiau lui kana phurhluh a ni thung.

RUIHHLO MAN

RUIHHLO MAN : Inrinni zan dar 10:00 vel khan Excise & Narcotics staff Champhai leh 8th Assam Riffles tangkawp ten Chhungte khaw dai-ah Methamphetamine mum 4040, 404gms a rit an man a. A neitua puh hnamdang mi 3 - Arif Uddin (36) s/o Kurman Ali of Manikbond,, Patharkandi Karimganj District, Assam; Farich( Uddin27) s/o Majir Uddin of Madhurband, Karimganj District, Assam; Kabir Uddin (26) s/o Ajir Uddin of Manikbond, Patharkandi, Karimganj district Assam te man an ni a. Heng mite hi ND&PS Act hnuaiah thubuai siam sak niin, nimin khan Champhai Court-ah hruai niin, court chuan ni 14 chhung judicial custody-a awm turin thupek a siam a, Champhai District Jail-ah dahluh nghal an ni. Meth hi tualchhung hralhna rate-ah mum khat Rs. 150 a ni.

ORIENTATION HUN HMANG

ORIENTATION HUN HMANG : Inrinni khan Salvation Army te chuan Vengthlang Corps ah Local Officer Orientation an hmang. He hunah hian Resource Person atan Lt. Col Zothanmawia, SPA leh a nupui Lt. Col Vanlalnungi THLS ten hun an hmang a, he hunah hian Vengthlang, Champhai, Hnahlan, Zokhawthar, Khawbung CO bial chhunga Kohhran rawngbawltu zawng zawng an tel a ni. Lt. Col Zothanmawia te nupa hian nimin khan Corps hrang hrangah hun an hmang chhunzawm bawk a ni.

NI 9 CHHUNG TAWNGTAI

NI 9 CHHUNG TAWNGTAI : Champhai Parish chhunga Kohhran hrang hrangte chuan nimin, Holy Cross Kut, pualin ni 9 chhung tawngtaina chu an Kohhran Biak In theuhah an nei a, Lalpa zanriah sakrament kil thin a ni bawk. Holy Cross Kut lawmna hi Champhai Holy Cross Biak In, Bethelah nimin khan neih ni a. He hunah hian Champhai Parish bial chhunga Teenager, kum 13-19 inkarte chuan Holy Cross Biak Inah hian meet an hmang bawk.

CHHUNGKAW KAR HMANG

CHHUNGKAW KAR HMANG : Khawvel puma Seventh Day Adventist te chuan tunlai hian Family Togetherness Week an hmang mek a. Champhai North bial vawngtu Pastor Zosangkima Tlau chuan Inrinni khan Champhai Kohhran Biak Inah hun a hmang. Pastor hnen atang hian chhungkaw pawimawhna lam hawi thuchah ngaihthlak thin a ni.

WORLD BANK KAWNGIN MELBUK HEL DAWN

WORLD BANK KAWNGIN MELBUK HEL DAWN : World Bank sum Rs 137 Crores hmanga Champhai leh Zokhawthar inkar Double Lane Highway laih mekah, Melbuk khawtlangin an khua tlawh ngei se an duh vanga helai kawngpui sial hnathawh khaihlakna thleng chingfel turin nimin chawhnukhan DC Conference Hall-ah hemi chungchang  ngaihtuah hian thutkhawm ni a. Champhai DC Dr Naveen Aggarwal kaihhruai he thutkhawmah hian World Bank kawng kalna tura lo ruahman lawk tawhsa angin, Melbuk khaw chhung paltlang lovin kawngpui hi an khaw hnuaiah kaltlang turin an ti ta a ni. Champhai Zokhawthar Double Lane Highway kal dan tura duan lawkah, kawngpui hian  Melbuk khua tlawh lovin,  an khaw  hnuai  (dai)a kal turin kawngpui pawh laih lawk ani tawh a  Melbuk khawtlang chuan Kawngpui-in an khua paltlang ngei se an duh vanga an theih ang anga hmangin, an khaw tawpla atanga kawngpui pawh tur hian Kilometer khat dawna thui (Society kawng)an cheibawl ve mek bawk a. Melbuk khuaa tlawh ngeina tura an hmalakna pakhatah, Kawng s…
MIZORAM RAMNGAW ZAT VE HI CHAMPHAI AH A AWM : Environtment, Forests & Climate Change Dept Champhai buatsaihin nimin khan Executive Committee meeting of Champhai FDA (GIM&NAP) neih a ni.  He meeting I&PR Auditorium CHANEM Building-a neih hi Lalduhthlana, DFO Champhai chuan a kaihruai a, thusawiin India rama ramngaw chhinchhiah hnuhhung ber 2017 a lan dan chuan Mizorama ramngaw chhah tha Sq km 131 chauh a awm tawh thu leh, Kum 2 dana record thinah tun hnai tum 5 record-ah Mizoram chu a hniam zawnga a kal zel thu sawiin, 30% pawh ramngaw kan neih tawh loh thu a sawi bawk. Champhai bikah chuan Ramngaw chhah tha Sq km 56 a awm thu sawiin, Mizorama ramngaw chhah tha awm zinga a zat ve deuhthaw Champhaia a awm chu a lawmawm rualin tun hnai kum 2 chhung lekin Sq km 78 ramngaw hloh a ni chu pawi a tih thu a sawi bawk. Lalduhthlana, DFO Champhai chuan ramngaw siam belh leh venhim kawngah Sawrkar laipui chuan theihtawp chhuaha hma a lak mek thu sawiin, ramngaw 5 Million Hectare siam …

RUIHHLO AVANGA HARSATNA TAWKTE HI KAN TANPUI TUR A NI

RUIHHLO AVANGA HARSATNA TAWKTE HI KAN TANPUI TUR A NI : Nimin khan Regional Resource Training Centre NE-III tangkawp chuan One Day Capacity Building Programme for NSS Coordinators and College Students on Drug Abuse Prevention Gov't Champhai College ah an nei. He program hi National Institute of Social Defence, Ministry of Social Justice and Empowerment bultum a ni a. University zirlaite ruihhlo hmansual laka venhim leh kan ram chhunga ruihhlo lama hmalaknaa kawnga tangkai tura buatsaih a ni. He hunah hian Resource person tur hian Aizawl atangin LIFCODE Gen. Secretary John Lalnunsanga leh Dr.Samuel Lalzarlawma Sailo te hman an ni a, Ruihhlo chu eng nge à nih tih hriatchian a, tihchhin loh leh lo tem tawh an awm a nih pawha tih chhunzawm loh a pawimawh tih zirtir an ni a. Ruihhlo tih avanga harsatna tawkte hmusit leh endawng mai lo va, tanpui emaw tanpuina kawhhmuh kan mawhphurhna a ni tihte an zirtir a ni. MSD&RB hi Mizoram leh Tripura tan Regional Resource Centre (RRTC) a ni a…

DISTRICT LEVEL STUDENTS SCIENCE SEMINAR

DISTRICT LEVEL STUDENTS SCIENCE SEMINAR : District Level Student's Science Seminar 2019 chu Gov't GM High School ah neih a ni a. C.Lalbiakzauva, DEO chuan khuallian niin a hmanpui. C.Lalbiakzauva chuan thusawiin, Science hi hlauh tur a ni lo va, tih tak zeta zir chuan thiam theih a nih piahlamah hriatthiam theih a nih thu a sawi a. Lehkhathiam kawngah vaki tawng thei ang mai ni lovin, hriatthiam tum a zir turin zirlaite a fuih a, zirlai а, hriatthiamna hi chu dam chhung daih a ni, a ti. Nimin District Level Students' Science Semi- nar neihah hian School hrang hrang 10-Gov't Vengthlang MS, Gov't GM H/S, Hmunhmeltha Secondary School, Venglai Secondary School, Gov't Teikhang M/S, PES Khawzawl Vengthar, Pine Hill H/S, PES Vengthlang, Home Mission School, Champhai leh PES Zotlang atangin aiawh, school pakhat atanga mi 2 zel te  chuan thupui pakhat- Periodic table of chemical elements 'impact on human welfare' tih hmangin presentation an pe a. He inelnaa pakh…

TLANGVAL CHHUANAWM

TLANGVAL CHHUANAWM : Lalramliana s/o Lalzidinga, Champhai Veng- thlang chunimina MPSC kaltlanga PHED JE hna lak thar turah a tling a. Hemi hmaa PWD SDO hna lak turah a lo inziak tling tawh bawk niin thu kan dawng. PHED JE atan hian Champhai district atangin Lalramliana bakah hian Lamlunlaia Thomte s/o T.Thangmuana, Kawlbem chu a inziak tling bawk.

HRISELNA ENDIK

HRISELNA ENDIK : Self Help Group leh an chhungte tan nimin khan a thlawna an hriselna endikna hun hman a ni. He hun hi Dr. R. Lalawmpuia chuan  hmanpuiin sawrkarin programme hrang hrang  a neih te hetianga Self Help Group te tan hman theiha a awm chu lawmawm a tih thu leh tangkai taka hmang turin a duhsakna a hlan. Tun hi a tum khatna a ni a, hetah hian Self Help Group 15 te leh an chhungte hriselna endik a ni a, mi thahnem tak hriselna endik sak niin a mamawh te hnenah damdawi a thlawna pek nghal an ni bawk.

KUM 10 CHHUNG TANG TURIN REL

KUM 10 CHHUNG TANG TURIN REL : Nimin khan Champhai Special Judge, R. Vanlalena, MJS chuan heroin kawltu Salemthara, Vengthar Champhai chu kum 10 chhung hrehawm taka Jail tang tur leh pawisa Rs. 1,00,000/- chawi turin a hrem. Pawisa chawi tur hi a pe theilo a nih chuan thla 2 dang tang turin ati bawk. Salemthara (19)ns/o Tuantuahkimi, Vengthar Champhai chu Ni 23.6.2018 khan Champhai Excise te chuan zing dar 9:30 velah Champhai Helipad hnuai zawnah Heroin hawng 22, gram 307 a rit chu man sak in amah Salemthara pawh hian man nghal a; a lakah hian ND&PS Act tlawhchhanin thubuai an siamsak a. District Court Champhai-ah amah leh a kut atanga heroin an man chu thawnin a thubuai hi Special Judge chuan nikum September thla atang khan rel tanin, thuhrethu hrang hrangte court-ah koh an ni a. Salemthara  hian he No. 4 hi ama duhthu renga a rawn ken pawh ni lo, a u te zinga mi pakhatin Zokhawthar atanga la turin a ti a. Chu chu va la in a rawn hawpuina kawngah Excise te hian report dawngin ama…

DC LEH BANKER HI INHMUKHAWM

DC LEH BANKER HI INHMUKHAWM: Nimin chawhma khan Champhai DC Conference Hall-ah District Consultative Committee (DCC) & District Level Review Committee (DLRC) chu Bawrhsap Dr Naveen Aggarwal kaihhruaina hnuaiah neih a ni. DC chuan Banker-te chu mipui hnenah a zau thei ang bera Bank kaltlanga hamthatna awm angte puangzar tura chahin, mitinin Bank hnathawh leh kalhmang an hriat a ngaih thu a sawi a. Bank kaltlang hamthatna. diltu ti tak takte a tul ang zela lo pui thin turin a chah bawk. Meeting-ah hian kumin June thla quarter chhunga Bank hrang hrangte hnathawh hmalaknate thlirlet a nih bakah hmachhawpte sawiho a ni a. Meeting chuan Champhai-a. Bank hrang hrangten CTS Cheque Scan System an hman ve theihna thuneitu sang zawkte hnena hma lakpui tura ngenna siam ni se, an ti a. Mipui hnena zau zawka Financial Literacy Camp kalpui bakah Banker-te puala Training Cum Workshop neih, Currency Retention Limit tisang tura hmalak leh data felfai taka vawng tha tura hmalak ni se, an ti bawk. Me…

CHAMPHAI LEH KHAWBUNG AH POSHAN RALLY

CHAMPHAI LEH KHAWBUNG AH POSHAN RALLY : Nimin khan Poshan Abhiyaan hnuaia Rastriya Poshan Maah kalpui mek hnuaia hmalakna pakhat Poshan Rally chu Darthangvung Traffic Point, leh DK Traffic Point inkar Champhai  Vengthlangah neiha ni. Hemi hnu hian Poshan Maah hnuaia theme hrang hrang hawi zawnga hriattur pawimawh hrang hrangte inhrilhfiahna hun Gov't Vengthlang P/S II ah neih chhunzawm a ni. Rally neih hma programme tawi buatsaihah WC Zorammawii, CDPO Champhai leh DPO charge la mektu chuan thu sawiin, Sawrkar laipui ruahmannain kum 2018 March thla atangin Poshan Abhiyaan kalpui tan a nih thu leh, September thla bik chu Poshan Maah-National Nutrition Month atana hman thin a nih thu a sawi a. Poshan Abhiyaan hnuaiah hian India khua leh tui ten eitur tha leh hrisel taksain a mamawh angte an ei a, natna laka an fihlim theihna tura hmalak a ni, a ti a. Poshan Rally hmangin hemi kawnga inzirtirna hi mipui thleng phak tura zau zawk a puanchhuah tum a ni, a ti bawk. Poshan Rally hi Champh…