Skip to main content

CHAMPHAI DISTRIC HIGH SCHOOL SPORTS ZO FEL TA

CHAMPHAI DISTRIC HIGH SCHOOL SPORTS ZO FEL TA :
Champhai District High School Sports vawi
16-na chu nimin khan khar a ni a, High Schhol 30 tel zingah Gov't GM High School an Champion.
Nimin a kharna hun hmanpuitu Champhai DEO C.Lalbiakzauva chuan, kum dang thlirin School Sports a tel duh School an pung zel chu Champhai High School hrang hrangte hmasawnna kawng pawimawh tak pakhat a ni. a ti a. Sports ah chauh ni lovin zirna kaihhnawih thil dangah pawh tel theuh tum zel tura a duh thu sawiin, a hlawkna chu zirlaite tan a nih thu a sawi a ni. Zirna leh infiamna hi thenhran theih loh a nih thu sawiin, taksa a hrisel loh chuan kan thluak a hrisel thei lo va, lehkhathiam a har thin a ni, a ti a. Sports chauh hi infiamna a ni lo va, kan taksa leh rilru tichhe thei ruihhlo laka kan fihlim ringawt pawh hi sports chikhat a ni, a ti. He sports avanga zirlai te'n kawng hrang hranga hma an sawn ngei a beisei thu sawiin, champion an kal zelna turah duhsakna a hlan a ni.
He hun hi Zirmawia Ralte, Vice Chairman,
Organising Comnmittee chuan kaihhruaiin, kum danga tel ngai lo, tun tuma Biate H/S an tel thei chu lawmawm a tih thu a sawi a. C.Zarzoliana, Asst. Secretary, Organising Committee kaihhruaiin result puan.ani a. Gold 13, Silver 7 leh Bronze 4 la a medal 24 la tu Gov't GM High School te chu Over All Champion.an ni a. Zokhawthar Secondary School chuan Gold 3, Silver leh Bronze 2 ve ve la in medal 7 an la a, pahnihna an ni. Vengsang High School in Gold 3, Silver 1 leh Bronze 2, Medal 6 la in pathumna an ni a.
Champion School te hian pawisa fai leh Trophy an dawng a ni.
District High School Sports ah hian School
30 an tel a, medal hmu lo school 5 an awm bawk. Best Athlete girl atan Gold 2 leh Silver 4 latu Lairopari, Class 9, Gov't GM H/S chu thlan niin, Gold 2 leh Silver 1 latu Joseph Laldintluanga, Class 10, Vangchhia H/S chu Best Athlete Boy a thlan a ni.
Mizoram High School Games thla thar,


October Ni 22-a Kolasib a neih tan tura Champhai District aiawh tura thlanchhuah te chuan Discipline hrang hrangah inbuatsaihna an tan nghal dawn a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…