Skip to main content

CHAMPHAI LEH KHAWBUNG AH POSHAN RALLY

CHAMPHAI LEH KHAWBUNG AH POSHAN RALLY :
Nimin khan Poshan Abhiyaan hnuaia Rastriya Poshan Maah kalpui mek hnuaia hmalakna pakhat Poshan Rally chu Darthangvung Traffic Point, leh DK Traffic Point inkar Champhai  Vengthlangah neiha ni.
Hemi hnu hian Poshan Maah hnuaia theme hrang hrang hawi zawnga hriattur pawimawh hrang hrangte inhrilhfiahna hun Gov't Vengthlang P/S II ah neih chhunzawm a ni. Rally neih hma programme tawi buatsaihah WC Zorammawii, CDPO Champhai leh DPO charge la mektu chuan thu sawiin, Sawrkar laipui ruahmannain kum 2018 March thla atangin Poshan Abhiyaan kalpui tan a nih thu leh, September thla bik chu Poshan Maah-National Nutrition Month atana hman thin a nih thu a sawi a. Poshan Abhiyaan hnuaiah hian India khua leh tui ten eitur tha leh hrisel taksain a mamawh angte an ei a, natna laka an fihlim theihna tura hmalak a ni, a ti a.
Poshan Rally hmangin hemi kawnga inzirtirna hi mipui thleng phak tura zau zawk a puanchhuah tum a ni, a ti bawk. Poshan Rally hi Champhai Vengthlanga Darthangvunga Traffic Point leh DK Traffic Point inkarah neih niin, he hunah hian Zirlai naupang, Anganwadi Worker leh naupang, NGO, Chanchinbumi, ASHA, Health Worker bakah line department aiawhte an tel tha hle a.
Chawtha ei pawimawhna leh hriselna kawnga inzirtirna lam hawi thu hmanga aurual a ni a.
Poshan Rally zawh hnu hian Gov't Vengthlang P/S II ah Anganwadi Worker, ASHA leh Health Worker-te pualin Poshan Maah theme lam hawia training neih chhunzawm a ni.
India ram, ram hrisel a nih theihna atana chaw hrisel ei tura inzirtir thla hman mekah niminkhan Khawbung ICDS leh Khawbung HSS-a NSS Unit te chuan Poshan Maah kawngzawh, rally an nei ve bawk. 
Poshan Maah kawngzawh hi Khawbung Lal Lungdawh atanga tanin kawng zawhtute hian chaw tha leh hrisel ei tura inzirtirna thuziak kengin Zawlbuk tual thleng kawng zawh a ni a. Khawbung ICDS hnuaia Anganwadi Worker, Helper leh Anganwadi-a kai naupang nu leh pa te, Khawbung HSS-a NSS Unit member-te an tel a ni.
Kawngzawh tawpna Zawlbuk Tual-ah hian Circle Officer K.Laltlanthangi chuan thu sawiin, Khawbung ICDS Project hnuaia chaw tha leh hrisel chungchang inzirtirna kalpui a nih dan a sawifiah a. Naupang, nu naupai leh tleirawlte hriselna chu sawrkar laipuiin a dah pawimawh hle tih a sawi a. Ram pumpui hriselna leh chhawrtlak finna nei turin naupang chaw tha pek leh enkawlna tha pek a pawimawh a ni, a ti.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…