Skip to main content

𝐕𝐀𝐖𝐈𝐈𝐍 𝐀𝐇 𝐌𝐈𝐃𝐃𝐋𝐄 𝐒𝐂𝐇𝐎𝐎𝐋 𝐅𝐎𝐎𝐓𝐁𝐀𝐋𝐋 𝐅𝐈𝐍𝐀𝐋

𝐕𝐀𝐖𝐈𝐈𝐍 𝐀𝐇 𝐌𝐈𝐃𝐃𝐋𝐄 𝐒𝐂𝐇𝐎𝐎𝐋 𝐅𝐎𝐎𝐓𝐁𝐀𝐋𝐋 𝐅𝐈𝐍𝐀𝐋 :
Reliance Foundation Youth Sports leh CDFA in an buatsaih, Middle School Football Tournament chu nimin khan Semi Final khelh a ni.
Semi Final hi Pool hrang hrang 4 a Point hmu sang ber te chuan an khel a. Pool A atangin Bethel Mission School chuan point 12 hmu in Semi Final an lut a, Pool B atangin BC English Academy te chu point 12 bawk hmu in Semi Final an lut a. Pool C atangin Holy Cross School te chu Point 10 hmuin Semi Final an lut a, Pool D atangin Eastern Flower School te chu point 9 hmu
in Semi Final an lut bawk a ni.
Niminpiah khan Pool match khelh zawh a ni a, niminah Semi Final khelh chhunzawm nghal a ni. Semi Final inkhel hmasa zawk ah Bethel Mission School leh BC English Academy an inkhel a, Bethel Mission te hian 2-1 a hnehna changin Final an in hlangkai a. Semi Final hnuhnung zawkah Holy Cross School leh Eastern Flower te inkhel ve lehin, Holy Cross School te hian si 1 faia hnehna changin Final an…

INTHLAN DAWNA A TIAM ANGIN HMA LA TAN

INTHLAN DAWNA A TIAM ANGIN HMA LA TAN :
Champhai North Bialtu MLA, Health & Family  WelfareBoard vice chairman Dr. ZR Thiamsanga chuan, MLA inthlanndawna ka lo tiam tawh ang ngeiin Champhai District Hospital tichangtlung turin theihtawp chhuaha hmalak a ni, a ti.
Nimin khan Champhai North Bialtu MLA hian Champhai District Hospital tlawhin, hmalakna hrang hrangte a enfiah rualin mamawh hrang hrangte a hnenah hian lo thlen a ni a. Nimin tlai lam khan District Medical Superintendent Office ah Press Meet anei zui a. He hunah hian MLA chuan he thu hi a sawi a. Champhai  DistrictH hi Champhai darthlalang pawimawh berte zinga mi a nih avangin  atichhangtlun kawngah theihtawp chhuah mek zel a ni, a ti a. Tunah hian ICU leh Dialysis Centre dah tura chak taka hmalak mek a ni tih a sawi a. Khawl leh hmanraw mamawh hrang hrangte pawh a lo thleng tawh chin chu bun chhoh mek zel a ni a. Vawiin leh naktuk lamah pawh rawn thlen belhin, a dahna hmun turah bun fel zel a ni ang, a ti. ICU hi chu Trauma Centre sak zawh fel hunah a nihna ang taka kalpui theih a nih dawn chauh avangin, mipui mamawhna avangin ICU ang deuha hman theih tur ruahman chu peihfel thuai a ni ang tih sawiin, Trauma Centre sak chawlhsan pawh thawh zui thuai a ni ang tiha sawi lang bawk.
Mizoram Sawrkar chuan mipui hamthatna
atan Mizoram State Health Care Scheme changtlung zawk a siam a, thla thar, October ni 1 khian Aizawl Vana pa Hall-ah a hawnna hun Chief Minister hova neih a ni dawn tih a sawi a. Health Care Scheme atana mamawh hrang hrang pawh peihfel thawkhat niin, mipui a tam thei ang ber inziaklut turin a sawm a. Mizoram Medical College pawh tichangtlun chhoh zel a nih thu sawiin, Mizoram hmun hrang hranga thawk tur Dental Surgeon 10, Nurse 155 leh Health Department-a thawktu hrang hrang 800 zet la turin tunah hian hmalak mek a ni a, phalna pawh hmuh thuai beisei a ni tih a sawi bawk.
He hun kaihruaitu Dr. Zatluanga, District
Medical Superintendent chuan Champhai District Hospital report thenkhat a tarlanga. Kum 2014 atanga Khum 100 awm tura ruahman, District Hospital-ah hian tun dinhmunah khum 12 vel chauhin khum 100
a tling tawh lo tih a sawi a. He Damdawi in OPD-ah hian nitin mi 150 vel inentir an awm a, thlatin nau piang hi 60-80 an ni a. Mipui mamawhna avangin Cabin pawh pahnih buatsaih niin, a pahnih hian hman theih thuai a ni ang tih a tarlang a. Damdawi ina an khawl neih, hmalakna kal mek, hmachhawp leh an mamawh hrang hrangte a tarlang a. Champhai District Hospital-in hma a sawn zel theihna atan sawrkar, MLA, mipui leh damdawi ina thawktute thawh hona tha neih zui zel a pawimawh tiha tarlang bawk.
MLA Dr Thiamsanga'n Champhai District  Hospitalleh CMO Office a tlawh hian Medical Superintendent Zatluanga, CMO Dr. R.Lalawmpuia leh thawktu hrang hrangten an lo dawng sawng a. Press Meet a neihah hian MNF Champhai North Block-I President PC Zohlira leh Block hruaituten an tawiawm a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…