Skip to main content

KANAN VENG LEI TAWLH THUBUAI

KANAN VENG LEI TAWLH THUBUAI :
Kum 2013 atanga min tan, Kanan Veng lei tawlh thenfai hna thawhna tura pawisa pek chhuah leh hnathawh in mil lo chungchangah Champhai Bawrhsap hlui H.Lalengmawia leh PHED Champhai SE hlui Er.Lalrammawia te chu Special Judge in thubuai a awrh tir.
Aizawl Kartin Chanchinbu The Frontier Despatch in a tarlan danin Kum 2013 a Champhai Kanan Veng-a leimin, chhungkaw 30 dawnin an chenna in an rauhsan phahna kha a ni a. He leimin thenfai na atan hian State  Disaster Response Fund atangin Sorkar chuan Champhai Bawrhsap hnenah Cheng Nuai 40 a pe chhuak a, kum eng emaw zat a liam hnuah, khatih laia eiruk do pawl PRISM Champhai Hqrs chuan Chief Vigilance Office, Mizoram hnenah he leimin thenna sum atang hian pawisa hman pelhe a awm tiin complaint an theh lut a.
State sorkar chuan complaint-a thil felhlel awm anga sawite hi chhui chiang turin ACB a ruat a, ACB hian kum 2016 August thla atanga chhui tanin, he leimin thenfaina tura sum  ruahman Cheng Nuai 9.85 chuang chu PHED SE Lalrammawia'n a ti chingpen tiin thutlukna siamin FIR a theh lut a. ACB chuan a zirchian hnuah leimin thenfaina atana sum pekchhuah atang hian Cheng Nuai 10.09 chuang hret chu a hmanna hriat loh leh chhinchhiah loh a ni a ti ve thung a, sum tichingpentu chu chhui chhuah  theih a ni lo tiin tumah thubuai siamsak lovin Final report a thehlut a. Hetih lai hian Special Judge, Thang Lianmang Guite chuan closure report theh luh a nih tak vang hian complaint thehluttute thu leh hla ngaihthlak a tul tiin anmahni a ko va. An
thusawite leh enquiry report leh Final Report-te a zirchiang a, dan bawhchhiatna a thleng tih
pawmin Special Judge chuan leimin thenfai hna thawh laia Champhai Bawrhsap H.Lalengmawia, Disaster Management Committee for Kanan Veng Landslide-a Chairman leh, khatih laia PHED Superintending Engineer Lalrammawia,
Committee Member Secretary te chuan dan an
bawhchhia a ni tih a pawm tiin kumin May ni 3 khan thutlukna a siam ta a ni.

Comments

Unknown said…
A bengvarthlak hle mai
Unknown said…
Emgtin nge an hrem tih a lang silo a an rel tha leh dawn nge.
Hriatzel a va chakawm ve.

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…