Skip to main content

KHAWBUNG NULA ZAWLBUK TUALAH HMUAK

KHAWBUNG NULA ZAWLBUK TUALAH HMUAK :
World Police & Fire Games, Chengdu, China-a neihah Khawbung nula Vanlalduati (BSF) chuan Boxing 51kg-ah Gold Medal a la.
Tuipuiral Joint Welfare Committee, Aizawl chuan East Tuipui Bial tihming Thatu leh khawvel hriata Mizo ti hmingthatu Khawbung nula Vanlalduati leh a kalpui Mizo hmeichhe pahnih Lalfakmawii leh Lalbuatsaihi Ralte te chu an lawmpui tih an tarlang a. All india police control board tirhin World Police and Fire Games, Chengdu, Chinaa neihah hian India aiawh infiam mi 124 kalin, an zingah hian Mizo hmeichhe pathum an tel a. Mizo hmeichhe pathum telna Boxing
bik hi Chengdu Performing Arts Center-ah khelh niin, Mizo hmeichhe Vanlalduati, BSF 51kg Gold; Lalbuatsaihi, SSE chuan 67 kg & under-ah Gold  leh Lalfakmawii Ralte, SS chuan 81 kg- Silver Medal a la a ni.
Vanlalduati hi Darliana leh Lianpari te fanu, Khawpui veng, Khawbunga awm an ni a. Kum 2016 khan BSF ah lutin, Delhi-ah post a. India camp-ah India federation, New Delhi enkawina hnuaiah Coach thiam bik ten training an pe thin. Vanlalduati hian niminpiah khan Mizoram rawn thlengin Tuipuiral Joint Welfare Committee te chuan Lengpui Air- port-ah an lo hmuak a ni.
World Police & Fire Games a India tana Gold medal la, Khawbung nula Vanlalduati chu Inrinni khan Khawbung mipuiten Zawlbuk  Tualah ropui taka lo hmuakin an chawimawi.
Mizoram aiawha a tel remchan ve theih loh avanga Tripura State aiawha khel, Vanlalduati hi hun eng emaw chen khawvel boxing ring. chhunga a zuan-luh hnuah BSF-ah lutin tun tum khawvel Police te infiamna runpui, World Police & Fire Games ah India tan Gold medal a hlawh chhuak a, tun eng emaw zat rampum leh khawvel huapin medal a lo
la tawh a. Guwahati-a 2nd India Open International Boxing Tournament final-ah Mary Kom nen inhnekin, Silver medal a lo la tawh a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…