Skip to main content

MLA IN SCHOOL PATHUM TLAWH

MLA IN SCHOOL PATHUM TLAWH :
Nimin khan Champhai North Bialtu MLA Dr. ZR Thiamsanga chuan Champhai khawpuia School pathum tlawhin, zirlaite fuihna thu a sawi a, heng school hnenah hian Water Filter a pe theuh bawk.
Dr. ZR Thiamsanga hian School pathum- Gov't GM High School, Gov't Champhai High School leh Gov't GM HSS School-te a tlawh a. MLA chuan a theihtawk tlem mah se a Bial mipui tana theihtawp chhuah chu a tum ber anih thu a sawi a. Budget thar an la hman theih loh avangin an duh angin hma an la lak theih loh thu sawiin, Budget thar an hman hunah chuan Champhai tana tih tur hmachhawp an neihte an thawh tan theih tur thu a sawi. Dr.ZR Thiamsanga chuan SEDP Board 14 lai siam a nih thu leh a function theih tep tawh thu a sawi a. Heng board te hi a function hunah chuan Board hrang hrang te'n project siamin theihtawpa hnathawh an tum thu a sawi
a ni.
Bialtu MLA chuan zirlaite chu nakin lawka kan ram leh hnam hruaitu tur an la ni a, tun atanga zirna kawngah hmasawn zel an ngaih thu a sawi a. Champhai atang hian UPSC exam paltlang emaw, MCS leh MPS emaw hi hmuh tur an awm ta meuh lo va. Hetiang lamah hian  zirlaitechu tang sauh sauh tura fuihin, MCS pakhat tal pawh chherchhuah chu an tum ber te zing a mi a nih avangin, a tul a nih chuan a ti tak tak tan chuan an zirna tur tumsak pawh an hnial loh thu a sawi a. Hlawhtling tur hian rilru chak leh lehkha thiam thei nih a tul kher lo va, mi chaklo ber pawhin a tum tlat chuan he hlawhtlinna hi a nei thei tih sawiin, chumi atan chuan ruihhlo hrang hrang bakah mipat


/hmeichhiatna kawngah an fihlim tlat a pawimawh thu a sawi a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…