Skip to main content

WORLD BANK KAWNGIN MELBUK HEL DAWN

WORLD BANK KAWNGIN MELBUK HEL DAWN : World Bank sum Rs 137 Crores hmanga Champhai leh Zokhawthar inkar Double Lane Highway laih mekah, Melbuk khawtlangin an khua tlawh ngei se an duh vanga helai kawngpui sial hnathawh khaihlakna thleng chingfel turin nimin chawhnukhan DC Conference Hall-ah hemi chungchang  ngaihtuah hian thutkhawm ni a. Champhai DC Dr Naveen Aggarwal kaihhruai he thutkhawmah hian World Bank kawng kalna tura lo ruahman lawk tawhsa angin, Melbuk khaw chhung paltlang lovin kawngpui hi an khaw hnuaiah kaltlang turin an ti ta a ni. Champhai Zokhawthar Double Lane Highway kal dan tura duan lawkah, kawngpui hian  Melbuk khua tlawh lovin,  an khaw  hnuai  (dai)a kal turin kawngpui pawh laih lawk ani tawh a  Melbuk khawtlang chuan Kawngpui-in an khua paltlang ngei se an duh vanga an theih ang anga hmangin, an khaw tawpla atanga kawngpui pawh tur hian Kilometer khat dawna thui (Society kawng)an cheibawl ve mek bawk a. Melbuk khuaa tlawh ngeina tura an hmalakna pakhatah, Kawng s…

MUP PUAL LENGKAWM ZAI INTIHSIAK

MUP PUAL LENGKAWM ZAI INTIHSIAK :
Nimin khan Champhai East Area MUP Zaipawl Intihsiak neih a ni a. Hmingthanzuala, Director Arts&Culture Dept. chuan khuallian ni a hmanpui a; Lalhuapzauva, President, MUP Hqrs Mizoram, Aizawl chuan khual zahawm niin a hmanpui bawk.
Khuallian Hmingthanzuala chuan lengkhawm zain intihsiakna hi Aizawlah neih thin niin Aizawlah chauh ni lovin District hrang hrangah neih thin nise tia rel a nih angin  District hrang hrangah neih thin niin, kuminah pawh Champhaiah he intihsiakna hi neih a nih thu a sawi. Hnam ziarang leh nunphung hrang hrang vawn nun that chu Arts & Culture Dept. in a tum ber a nih thu a sawi a, thil hlui apiang hi a hlu a ni tih chu an thupui a nih reng thu sawiin, Zoram Upa Pawl chu thangthar lo awm zel te tan hian an pawimawhin ram leh hnam
tan an hlu tih a sawi a ni.
Thangthar tam zawkin lengkhawm zai an hre mumal tawh lo va, Upa pawlte hian an hrilh thar zel a ngaih thusawiin, Aia upa te zahna a tlakhniam mek avangin Upa te zahna hi kan inzirtir that leh a tul a. Tlawmngaihna pawh  inchhungkhur thlenga Upa zawkten kan zirtir that leh ngai a, Nu leh Pa zah thlenga Upa ten thangthar te kan zirtir loh chuan kan thalai tam tak hian Mizo nunphung leh nu leh pa hlut na an hre lo zel dawn a ni, Khawhar in а  lenkhawm leh Mitthi lumen zanah te an tu leh fa te tirh chhuah zel a tul thu leh, thlan laih thleng a tirh chhuah zel tul thu a sawi a. Hmun thenkhatah chuan thlan lai tur thalai chhuak hmuh tur an awm mang tawh lo a ni, a ti. Nu leh pa tam tak chuan an fate an duat lutuk avangin an duat sual a, hnathawh  thawmhnaw bel aiin thuamhnaw changkang tak takin an bel a, hei hi thalai tan a pawi a, nun an hloh phah thin a. Hna thawk thiam lo tam tak an awm tawh a, heng te hi kan ven theihna tur chuan nu leh pa bakah pi leh pu ten kan fate kan duat lutuk loh a, hna thawh kan zirtir a ngai a, thawhrimna hlutzia kan hriattir a ngai a ni, a ti
Lengkhawm zai intihsiaknaah hian Thal Favang Kawl eng leh turnipui khi' tih hla hmangin Area hrang hrang te an intihsiak a, chawhnu lamah Branch tin anmahni hla pual hmangin an intihsiak chhunzawm leh a. Zion Veng chu pakhatna niin Rs. 15,000 an dawng a; 2-na New Champhai chuan Rs. 12,000 leh 3- na Venglai in Rs. 9000 leh a tel zawng zawngten consolation prize Rs. 5000 an dawng bawk.

Comments