Skip to main content

RUIHHLO MAN TAM

RUIHHLO MAN TAM :
Champhai District Excise & Narcotics Department chuan kumin January atanga August thla chhung khan Heroin Gram 2419 leh Methamphetamine (Meth) Mum 2424 an man tawh a, ruihhlo dang an man hlut zawng hi Cheng Nuai 94 chuangna tling a ni.
Damdawi bakah hian Rakzu Litre 4806 leh Zu bilhlai Tin 1973, Beer Can 1557, Sap Zu Um 127, Dawidim Kg 417 leh Zu bilhna bungbel 141 an man tawh bawk a, ruihhlo leh zu an man zawng zawng hi tualchhung hralhna rate a chhutin Cheng Nuai 94.6 vel a ni. Champhai District Assistant Commissioner B.Zoliana chuan tunlai hian Myanmar ram atanga ruihhlo lo lut, a bikin Heroin leh Methamphetamine (Meth) a hluar hle tih
sawiin, ruihhlo luhkapui Champhai District leh Myanmar ramri Km 100 chuanga thuiah inkalpawhna khan a tam bawk si avang leh ruihhlo phurluttute an fimkhur ve bawk avangin ramri dep a lo man vek chu thil harsa tak anih thu a sawi a, kan ram run mektu ruihhlo hluar zel tur venna kawngah khawtual mite nena thawh hona tha tak neih  chhunzawm zel a pawimawh hle a ni, a ti.
Champhai District Excise & Narcotics Department chuan kumin thla 8 chhungin zu leh ruihhla kaihhnawih ah lirthei 16 an man 


tawh a, ND & PS Act tlawhchhana mi 68 an man zinga mi 60 lakah thubuan ziahluh a nih bakah MLP Act tlawhchhana mi 144 manin, thubuai 156 ziahluh a ni tawh bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…