Skip to main content

TLAWMNGAI PAWL LEH THAWKTU DANGTE HNENAH ZIRTIRNA PE

TLAWMNGAI PAWL LEH THAWKTU DANGTE HNENAH ZIRTIRNA PE :
Nimin khan Mizoram State Health Care Society
buatsaihin Champhai Venglai Community Hall-ah MSHCS leh AB-PMJAY chungchang Health Worker, Asha leh NGO hruaitute zirtir an ni
He hunah hian Champhai District chhunga PHC, CHC leh District Hospital hnuaia Health Worker leh ASHA te bakah NGO hruaitute kohkhawm an ni a. He hun hi Dr. R. Lianmawia, SMO Champhai chuan kaihruaiin Health Care Scheme thar chu kan khua leh tuite hamthatna a ni tih hriaa a, midangte hnena hrilhchhawng thei tura uluk taka ngaithla turin trainee te chu a chah a Resource Person Dr. C Lalthanpara chuan,
Health Care Scheme hi Khawvelin-a buaipui leh
khawvel ram ropui zawkte pawhin an k√°lpui mek a ni,
a ti a. Kan hrisel lai chuan thil a kaltluang viau pawh a
ni thei a, damlohna kan han tawk chiah a, chhungkaw
thenkhat chuan pawisa khawlsa kan lo neih loh avangin harsatna leh buaina kan tawk ta thin a ni, a ti a. Chung harsatnate chu ka pumpelh theihna tur chuan Health Insurance Scheme hi kan ngaihpawimawh a ngai em em a ni, a ti bawk.
Ayushman Bharat Pradhan Mantri Jan Arogya Yajona (AB-PMJAY) hi Ministry of Health & Family Welfare hnuaia central scheme, Golden Card hmanga Cheng Nuai 5 thleng bill theihna a ni a. Mizoram State Health Care Scheme (MSHCS) hi Mizoram Sawrkar Scheme niin, Cheng Nuai 2 thleng admit ngai natna tam ber leh OPD-a inekawlna thenkhat bill theihna a ni tih tarlan a ni a.
AB-PMJAY hi Rural Development Ministry hnuaia SECC (Socio Economic Caste Census) 2011 Deprived List a tel chhungkuate, 2018 a RSBY hnuaia thla laa Smart Card neite a huam a. Damdawi Ina inenkawl hian pawisa pek nghal ngai lova inenkawl theih a ni a, zin vei vahna man erawh a huam tel lo thung a. India ram puma Sawrkar Damdawi in leh he scheme-a tel duh sawrkarin a pawm Private damdawi Inah an enkawl thei a ni. AB-PMJAY hmang tur hian Golden Card neih a ngaih tih tarlan a ni bawk.
Mizoram State Health Care Scheme (MSHCS) hi AB-PMJAY hmang thei lo BPL, APL leh Sawrkar hnathawkte'n sawrkara an bill sak theih loh chhungkaw member zawng zawng an inziaklut thei
dawn a, Mizoram chhung bakah phai lama inenkawlnate pawh huam telin inenkawlna bill theih tur chu Mizoram Sawrkar bithliah Notified Rate a ni ang. Kal man senso pawh damlo tan chauh scheme
hnuaia hman theih zat bituk chhungah bill theih a nih thu tarlan a ni a.
Mizoram State Health Care Scheme (MSHCS) hi September thla atanga November thla chhung inziahluh hun hawn a ni tih tarlan a ni bawk. AB-PMJAY leh Mizoram State Health Care Scheme (MSHCS) -te hi October ni 1, 2019 atanga kalpui tura ruahman a ni. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…