Skip to main content

ZIRTIRTU INDAIH LOH AVANGIN DISTRICT AIAWH THEILO

ZIRTIRTU INDAIH LOH AVANGIN DISTRICT AIAWH THEILO :
Nimina Govt. R.Hranga High School a Zirtirtute Ni denchhena inkhawm buatsaihah Pu C. Lalhnunpuia, President MJA Champhai chuan Zirlaite chu kawng hrang hranga an mahni Zirtirtu, thiamna petu, nundan phung zirtirtute thu zawm a, an mahni zah a,  an mahni entawn tura fuihin zirtirtuten kawng thalo leh kawng chhia an kawhhmuh ngai lova, mihring puitlinga chher chhuak tur che u in an thiamna, tha leh tui, an ngaihtuahna an sengin an hmang a ni a ti. Zirlaite fuihna thu sawiin, Ruihhlo thalo kalkawng kan nih avangin ruihtheih thil lakah zirlaite chu fihlim tum hram hram turin a fuih.
He huna thu sawitu dang Pu Lalhlupuia, MJA Information Secretary chuan Zirtirtute pawimawhna leh chawimawi an phu-na chi hrang hrangte tarlangin  zirlaite  tana  hlawhtlinna  thuruk pawimawh- Taimakna, Tumruhna leh Thuawihtheihna vawng nunga, khua leh tui tha ni tura an rilru te siam turin a fuih a, mahni kutke a ding thei te hi  mi chhawr
nahawm mi hlawhtling a ni thin a ni a ti.
He School-a zirtirtu chawimawina hun hi Zirlaite kaihhruaia buatsaih a niin Zirlaiten Dr. Radha Krishnan chanchin te,  Champhai  DC A Dr Aggarwal, IAS leh Addl.DC Pu Alexander V. Chongthu ten Zirtirtute puala  thuchah an siam an chhiar chhuak a, Zirlai ten MJA, he hun hmanpuitute puala Hnam zai leh lam an buatsaih mawi tak chu entir a ni bawk.
He hunah hian Zirlaiten Zirtirtu te chawmawina hun hmangin duhsakna pangpar an hlan bakah thipek an hlan theuh a, Malzai leh Group zai leh lam te a hun hman a niin Headmaster aiawhin Pu Lalrithanga 'n lawmthu sawiin an  Sikul dinhmun tlangpui a report a, he sikul 1988 a din hi tun dinhmunah Zirlai 52 awmin Headmaster-in a uap lum loh avangin Zirtirtu 4 chauhin an enkawl a, India ram pum huap Hnam zai leh lam
entirsiaknaah (Folk Dance) ah Mizoram aiawhin tum 3 Delhi ah kal tawh a, tunah hian Mizoram pum huap inelna ah Champhai District aiawh tura thlan an ni a, zirtirtu indaihlohna vang leh sum paia harsatna avangin an kal thei dawn lo niin a sawi.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…