Skip to main content

Posts

Showing posts from October, 2019

HMACHHAWP SIAM BAWHZUI DAN THLIR LET

HMACHHAWP SIAM BAWHZUI DAN THLIR LET :
Nimin khan Champhai District Fire Prevention Committee chu an Chairman Bawrhsap Pu Alexander V.Chongthu hovin I&PR Conference Hall-ah an thukhawm a. He hunah hian Fire Prevention Week 2019 hman zawh taka hmachhawp siam bawhzui anih dan thlirlet a ni a, Kangmei ven kawnga District titha ber lawmman dawn hman dan tur leh kangmei hluar tak tak hmaa hmalak dan turte sawiho a ni.
Bawrhsap Pu Alexander V.Chongthu chuan  Champhai District in Mizorama kangmei ven kawnga District titha ber nihna  a hauh mek chu chhuanawm a tih thu a sawi a.  Hmahruaitu nihna chu vawngnunga   thawhhona tha zawk nen tun aia nasa zawka  hmalak zel a ngai a ni, a ti a.  Kangmei ven kawnga committee pawimawh tak telpuitute chungah lawmthu sawiin, Member-te leh District mipuite chu lungrual taka thawhhopuiah a sawm nghal a ni.
He hunah hian Pu Lalduhthlana, DFO & Member Secretary, District Fire Prevention Committee hnen atangin kangmei ven hapta 2019 hman zawh taka hmal…

CHAMPHAIAH POWER & ELECTRICITY DEPARTMENT STAFF-TE PUALIN SEMINAR BUATSAIH A NI

CHAMPHAIAH POWER & ELECTRICITY DEPARTMENT STAFF-TE PUALIN SEMINAR BUATSAIH A NI
Nimin khan State Designated Agency (SDA) Energy Conservation, P&E Department  bultumin Champhai District huamchhunga Power & Electricity Department hnuaia thawkte tan I&PR Auditorium-ah ‘Seminar on Energy Conservation and Electrical Safety’ tih buatsaih a ni.
He hunah hian Pu Lalzorama, SE Champhai Power Circle chuan Electrical Directorate hmalakna a Power renchem leh tihpalh laka inven dan tha zawk zirna hun siam ani chu lawmawm tiin he hun hmang tura lokalte chungah lawmthu a sawi a. P&E hnathawkte chu nitin nuna pawimawh zirtira hrilhfiah a awm turte ngun taka ngaithlaa vawnnung tlat tum turin a chah nghal a ni.
Chief Electrical Inspector Pu H.Zonunsanga chuan ‘Electrical Safety & Accident’ tih thupui hmangin zirtirna a pe a.  P&E  Department  chuan a vawi khatna turin Safety Manual a  duan zawh tawh thu leh   pawm hun chauh nghah anih thu a sawi a.  P&E thawktute chu him…

SIKUL NAUPANGTE KAWLPHETHA RENCHEM ZIRTIR

SIKUL NAUPANGTE KAWLPHETHA RENCHEM ZIRTIR :
Champhai District chhunga Sawrkar enkawl School te hnenah nimin khan Energy kaihhnawih pekchhuah leh Energy hman renchem a tulna inzirtirna hun hman a ni.
He hun hi BEE hnuaia Scheme niin, Laldawngliana EE chuan a kaihruai a. H. Zonunsanga, CEI chuan technical reporta pek hnuah Vansangliana, Project Co-Ordinator hnen atangin Energy renchem a tul thu ngaihthlak a ni. Vansangliana chuan India ram chu kawlphetha hmang tam ram 3-na anih thu leh mamawhna hi a san belh zel tih a sawi a. Kawlphetha mamawh apiang siamchhuak zel tur chuan pawisa angaih tam bakah nasa takin leilung kan ti chereu dawn a ni, a ti a. Renchem taka kan neihsa kan hman hian 25,000 MW kan hum thei nia chhut a ni tih a sawi. Mizoten kawlphetha kan tih mai electrical energy hi Mizo ten energy kan hriat tlanglawn leh kan hman nasat ber niin, electrical energy tel lo chuan kan awm thei tawh lo tih sawiin, Electric hian kan bungrua nunah nasa takin nghawng a nei tih a tarlang a. …

HOME MINISTER-IN DISTRICT JAIL CHAMPHAI A TLAWH

HOME MINISTER-IN DISTRICT JAIL CHAMPHAI A TLAWH Nimin tuk khan Home Minister Pu Lalchamliana chuan District Jail Champhai tlawhin a enfiah. Home Minister hi Jail Superintendent Pu Zosangliana leh a thawhpuiten an lo dawngsawnga, Jail chhung hmunhmate fanpuiin Jail dinhmun leh mamawhte an lo thlen a. Home Minister hian Jail tangte ruaithehna tur Jail Superintendent kutah a hlan a ni. Home Minister chuan sawrkar ruahmannain Jail chu insiamthatna hmun, Jail tang ten a theih chin china  thiamthil an zir leh eizawnna ngelnghet an neih theihna tur lamhawia kalpui tura ngaihtuahna sen a ni, a ti a. Mizoram hmun hrang hranga Jail dinhmun leh mamawhte sawrkarin a hriat reng thu leh a tul ang zela bawhzui a nih thu a sawi a.  Jail tang mekte chu nun pangai tak an neih leh theihna tura  inenfiaha insiamthat tum tur leh, khawtlang leh ram tana tangkai leh chhawrnahawm tak nih tum tura ngaihtuahna seng turin a chah a ni. Home Minister Pu Lalchamliana hi Champhai Bawrhsap Pu Alexander V.Chongthu, P…

CULTURAL MEET 2019

CULTURAL MEET 2019 :
Bungzung Branch YMA buatsaih"Cultural Meet 2019" chu nimin khan Bungzung khelmualah neih niin, Art & Culture Dept Director R.Hmingthanzuala'n a hmanpui.
Art & Culture Director R.Hmingthanzuala chuan, Hnam siamtu chu mihring kan nih avangin hnam a boral lohna turin tawng leh hnam ziarang chi hrang hrang, Mizo thuam, lam leh nunphung humhalh mai bakah a mihringa humhalh kan ngai a ni, ti a. Mizorama kum bi dana thi zat sang lutuk te, zuk leh hmuamavanga kan hriselna tha lo chho zel te, ruihhlo leh zu avanga nunna tam tak kan chan te, Mipa thi tam tak zel avanga Mizo mipa leh hmeichhe zat inkhuangrual lo te chu Mizo hnam himna tiderthawngtu nia sawiin, YMA member kalkhawmte chu theihtawp chhuaha tan la turin a sawm bawk a ni.

RUIHHLO MAN

RUIHHLO MAN :
Nimin zing dar 1:45 vel khan Champhai Excise & Narcotics Enforce-
ment Staffleh Farkawn VDP tangkawp chuan Farkawnah heroin hawng 4 (49.9 grams) leh a kengtu Richard
Lalremsiama (30) s/o Lalhuliana, Farkawn chu an man. Ruihhlo an
man hlutzawng hi tualchhung rate-ah
Cheng 1,20,000 a ni a. A neitua puh leh ruihhlo hi District Court, Champhai-a hruai a nih hnu in District Jail, Champhai-ah dah luh a ni

ARSA MAN TIHSAN PHALLO

ARSA MAN TIHSAN PHALLO :
Champhai District Ar Vulh Assn in Arsa rate Kg khat Rs. 180 atanga Rs. 200 a tihsan an dilna chu district danga an rate zirchian a nih hnuah-a ngai anga kalpui tur a ni tih Champhai DC Alexander V Chongthu chuan thupek chhuahin nimin khan a tarlang a. Kg khat Rs. 180 aia toa hralh lo turin
a hriattir nghal bawk.

PRIMARY ZIRTIRTUTE ROREL

PRIMARY ZIRTIRTUTE ROREL :
Vawiin hian Mizoram Primary Teachers' Association chuan Mizoram pum huap rorelna sang; Concillor Meeting chu Champhaiah an nei dawn a. He hun rawn hmang tur hian Mizoram hmun hrang hrang atangin Councillor member palai 250 atanga 300 vel lokal tura beisei an ni. Councillor meeting ah hian Mizoram Primary Teachers' Assn kalphung te, Primary School-a zirnain hma a sawn zelna tura hmalak dan turte leh zirtirtute tana hamthatna awm thei angte bawhzui kawnga hmalak dan tur chi hrang hrang relho a ni ang.

VIGILANCE WEEK

VIGILANCE WEEK :
Rampum huap a Vigilance Week
hman mek pualin nimin chawhma
dar 10:30 khan Khawzawl Zaingen YMA Hall-ah hun hman a ni a, District Bawrhsap H.Lianzela'n a kaihruai a ni.
He hunah hian thu sawiin DC chuan, Sawrkar Laipuiin New India siam tura hma a lakna kal zelah Sawrkar peng hrang hrangten anmahni zawn theuhah hma an la tih a sawi a. Central Vigilance Commission pawhin vantlang zingah inpumkhatna te, rinawmna te, langtlang a thil tih te leh mawhphurhna te chawikan a nih theihnan  a kalpui a ni, a ti a. Vigilance Commission hmalakna in Vigilance Week hi  a nih thu leh hlemhletna do tura zirtirna hi Commission in a ngai pawimawh tih sawiin, kumin thupuiah pawh 'Rinawmna, nunphunga neih' tih chu hman a ni, a ti. He hmalaknaah hianSawrkar hnathawkte chauh ni lovin zirlai, NG0 leh mipui nawlpui te an tel vek a ni, a ti a. Kalkhawmte chu miten an hmuh loh lai pawha zahawm tak leh dik taka nung turin a chah a.
Nunphung dik leh Principle nei tlat mihringte hi '…

SARAS FAIR 2019 ROPUI TAKA HAWN A NI

SARAS FAIR 2019 ROPUI TAKA HAWN A NI :
Regional Sales of Rural Artisans Society (SARAS) Fair 2019 chu nimin khan RD Department changtu Minister Lalruatkima'n Vanlallawma Indoor Stadium-ah Ribbon chepchatin a hawng.
Hawnna pual hian Kahrawt Community Hall-ah hun hman niin, he hunah hian Lalhmingthanga, IAS State Mission Director, MZSRLM, Commissioner & SecretaRy RD Dept, Sawrkar Official, SHG member, Chanchinbumite leh khawtlang hruaitute an tel a.
Khuallian chuan SARAS Fair buatsaih thin chu Sawrkar laipuia Ministry of Rural Development hmalakna pakhat thingtlanga chengte thil siam chhuah pholanna leh chawisanna tura duan hun pawimawh tak a ni a. India ram pumah ngaihhlut a hlawh hle tawh a, he hun hlu tak chhim tur hian India ram mai bakah ram pawn lam atang pawhin mi tam tak an lo kalkhawm thin a ni, a ti a. SARAS Fair hian India hnampa Mahatma Gandhi suangtuah leh duhthusam-Kan ram thar leh siamchhuahte chauh tihhmasawn leh hman tangkai a tulzia a rawn pholang chiang hle a …

PRESS CLUB AH MINISTER

PRESS CLUB AH MINISTER :
Minister-te hi Lal kan ni lo a, mipui chhiahhlawh kan nih avangin hauh ngam kan ni a. Journalist-te chu Sawrkar thurawn petu leh sawisel ngam an nih a ngai a, sawrkar tha nei tur chuan sawrkar pawh chutiang dawngsawng thei chu a nih a ngai, a ti
He thu hi MJA Press Club, Bethel Veng Champhai nimina tlawhtu I&PR Department changtu Minister Lalruatkima chuan a sawi a. Minister hi MJA President C.Lalhnunpuia leh thawhpuiten lo  dawng sawngin inkawmhona hun an hmang a ni. Minister chuan Chanchinbumite chu mipui rawngbawltu an nih angin sawrkar hmalakna leh pawimawh dangte zirtirna kawngah sulsutu an ni, a ti a.
Intuaihriam zel tur an nih 'hria-in an tan Workshop, Seminar leh Press tour te buatsaih thin a ni a, a tul ang zelin hmalak chhunzawm tum ani, a ti bawk. IPR Minister chuan Journalist Pension Scheme a taka kalpui a nih theihna turin proposal siam a nih thu te, Health Care Scheme leh Welfare Scheme mumal tak neia kalpui tuma hmalak a nih thu pawh a s…

ARSA MAN TIHSAN PHALLO

ARSA MAN TIHSAN PHALLO :
Champhai District Ar Vulh Assn in Arsa rate Kg khat Rs. 180 atanga Rs. 200 a tihsan an dilna chu district danga an rate zirchian a nih hnuah-a ngai anga kalpui tur a ni tih Champhai DC Alexander V Chongthu chuan thupek chhuahin nimin khan a tarlang a. Kg khat Rs. 180 aia toa hralh lo turin

a hriattir nghal bawk.

HIM TAKIN FUANKHAWM

HIM TAKIN FUANKHAWM :
India leh Myanmar inrina Tiau lui pawhtu Chawngtui E Branch YMA chan huam chin Thilte lui fuanchhuahah nizan hmasa khan
nghalim him takin a fuan.
Nghalim hi lui hnar lam atanga fuan tanin a zan indawtin lui mawng lamah an fuan thin a. Sesih leh Bulfekzawl bula Sazai leilet bul fuanchuah-a nghalim fuan hnu khan Tiau lui tlawhchhan Branch YMA te'n an huam chhung vilin nizan hmasa khan
Chawngtui Branch YMA chan, Tiau lui
pawhtu Thilte lui chhuaha nghalim him takin YMA venna hnuaiah a fuan tih
YMA hruaitute chuan an sawi a. Tiau luia nghalim te hi an lianin lui dang nghalim ai chuan a sa pawh a tui a,"Tiau lim" tia sawi deuh bik thin a ni.

FIMKHUR TURIN ZIRTIR

FIMKHUR TURIN ZIRTIR :
Vawiin chawhnu dar 1:00 atang hian
Champhai District chhunga Power &
Electricity Deptt hnuaia hnathawkte tan êng renchem leh electric hman kawnga fimkhur tulzia inzirtirna hun chu I&PR Auditorium, CHANEM-ah
an buatsaih dawn.

SEMINAR BUATSAIH

SEMINAR BUATSAIH :
Nimin khan Khawzawl District huam chhunga Power & Electricity Department hnuaia thawkte tan Seminar on Energy Conservation and Electrical Safety buatsaih a ni.
Khawzawl Electric veng YMA Hall a State Designated bultuma Seminar buatsaih hi Er. Laldawngliana, Electrical Inspector chuan a kaihruai a. Vansangliana, Project Coordinator, SDA in PPP hmangin Energy
Conservation Agency chungchangah zirtirna a pe a. Er. H. Zonunsanga, Chief Electrical Inspector in PPP hmangin Electrical Safety chungchang zirtirna a pe ve thung a ni. He hunah hian P&E Khawzawl K.Duhsanga EE hovin thawktute an tel tha hle.

PMEGP LOAN LA TUR INTERVIEW

PMEGP LOAN LA TUR INTERVIEW :
KVIB leh DIC hnuaia PMEGP Loan dilte chu nimin khan I&PR Conf. Hall,CHANEM-ah kohkhawm anni a, personal Interview neihpui an ni.
Personal Interview neih hma hian Alexander V Chawngthu, DC kaihhruain District Level Task Force committee chu l&PR conference Hall ah an thukhawm a. He hunah hian PMEGP kum 2019-2020 loan diltute kawm dan tur leh loan pek an nih dan turte sawiho a nih bakah Loan pek
tur an thlanchhuah dan tur kawng te sawiho a ni. Kum danga an lo tih tawh thin angin Agency pahnih KVIB leh DIC hnuai atangin PMEGP Loan an pechhuak leh dawn a, nimin khan Loan diltute chu kohkhawm niin personal interview neihpui an ni. He hunah hian Champhai chhunga Bank hrang hrang aiawh te chuan interview hi an neihpui a, KVI hnuaiah mi 170 leh DIC hnuaia mi 35 te'n loan hi an dil a ni. Bank lam hian interview an neih atangin loan. pek tlaka an ngaih an thlang chhuak ang a, remchang hmasa berah Loan hi pekchhuah an ni dawn a ni. Loan hi sawrkar chuan z…

CHAWLHKAR KHAT CHHUNG WORKSHOP

CHAWLHKAR KHAT CHHUNG WORKSHOP :
Chawlhkar khat awh tur International Workshop on Recent Advances in Academics chu nimin khan Prof. KRS
Sambasiva Rao, Vice Chancellor, Mizoram University chuan Government Champhai College Multipurpose Hall-ah a hawng. He hunah hian Prof. Lalnundanga, Registrar, Mizoram University chu khual zahawm a ni.
Hawnna huna Khual lian Prof. KRS Sambasiva Rao chuan Champhai leh a chhehvel chu theihna sang tak nei, ram pawn lam mite tan pawha zirna tha zawk pan theihna tura hmun rem leh duhawm tak a ni, a ti a. Champhai College hmasawnna fakin College changtlung zawk, nakin zela Campus lian leh University Campus thleng pawha siam a nih theihna tura tan lak a ngaih thu leh, lo inhmakhua lawk nan PG Course Subject thenkhat atanga tan tum turin a fuih a. Thawktu leh Zirlaite chu College tha leh thalo tehna NAAC Assesment kum 2021 a neih tur hrereng chunga tehfung hrang hrangte hlen tum tur leh hamthatna tam zawk dawng thei tura rilru seng turin a chah.
Khual lian chu…

STATE GAMES NEI TURIN HMALA TAN

STATE GAMES NEI TURIN HMALA TAN :
Nimin khan Mizoram State Games neih turah Champhai North A/C Organising Committee te chu an thukhawm.
Nimin chawhma dar 11:30 khan Circuit House Champhaiah Mizoram state Games 2019 neih turah Champhai North A/C Organising Committee te chu Working Chairman, Champhai DC Alexander V.Chawngthu hovin an thukhawm a. He meeting-ah hian Lalnunmawia Working Vice Chairman kaihhruaina hnuaiah rorel niin, Champhai North A/C Organising Committee Office Bearer ruat nghalin
Chairman-ah Dr. ZR Thiamsanga,Working Chairman-ah Alexander V Chawngthu, Vice Chairman-ah Lalnunmawia,C.Hualrikhuma leh Francis L Ralte-te ruat an ni a.Secretary-ah Paul Zakhuma, Jt.Secretary-ah R. Lalbiakzuala, Asst Secretary-ah R. Lalremsiama, Vanlalenga Khiangte leh James Lalruatkima te ruat an ni a. Treasurer-ah Ethel Rothangpuii, Asst
Treasurer-ah Rosangliana, Fin. Secretary-ah R.Lalhmachhuana te ruat an ni bawk. Office Bearer bakah hian Champhai khawtlang tana mithahnem ngaite leh NGO, Spor…

SARAS FAIR HAWNG DAWN

SARAS FAIR HAWNG DAWN :
Vawiin chawhma dar 11:00 hian MZSRLM leh Champhai DRDA tangkawp buatsaih, kar khat awh tur Regional SARAS Fair chu Kahrawt Community Hall-ah RD Minister
Lalruatkima chuan a hawng dawn. He Fair hawngtu tur Minister hi nimin tlai khan Champhai a rawn thleng.

MIZO TEN ZO ZAN HMANG DAWN

MIZO TEN ZO ZAN HMANG DAWN :
GMM Junior Icon intihsiak neih mekah
zanin hian Top 7 atanga Top 5-a tlingte puan a ni ang a, zanin hian Zo Zan hman a ni ang. Top 5 te hian naktuk zan leh naktip zanah intihsiakna
an chhunzawm leh dawn a ni. Zanin hian zaithiam zai bakah Pathian thusawi  ngaihthlak tur a awm
bawk ang.

RAMRI A SUMDAWNG LEH HNATHAWK TE INKOKHAWM

RAMRI A SUMDAWNG LEH HNATHAWK TE INKOKHAWM :
Nimin khan Indo-Myanmar Border Trade, Zokhawthar Exit Point hnuaia sumdawnna khawihtute leh, hemi zarzo va hnathawktu Pawl hrang hrang aiawhte Zokhawthar YMA. Hall-ah Meeting an nei.
He hunah hian resolution an siam a. Indo-Myanmar Border Trade, Zokhawthar Exit Point atanga sumdawnna kal tluang pangngai, Border Security Agency ten, Sorkar leh mipui te taña hlawkna leh hmasawnna engmah awm phah chuang si lo va an tihbahlah mek hi mipuiten a zar kan zo va, eizawnna atana kan hman leh
theihna turin tun hmaa kalpui dan pangngai anga a kal leh kan phut a ni, tih te; Border Trade Security duty ten Border Trade enkawltu leh Competent Authority ni bawk, Central Customs & Excise duty-te ring lo ang maia sumdawnna thila rambuai lai ang mai a, silai nena mipui rikrap zawnga
Zokhawthar Trade Centre-ah leh National Highway-a an khawsa thin hi titawp nghal turin thuneitute kan phut a ni, an ti a. Dan tlawhchhan mumal nei lo leh an thuneihna nen pawha…

TJ LALNUNTLUANGA MINISTER-IN CHAMPHAI TAN HMA LA ZEL

TJ LALNUNTLUANGA MINISTER-IN CHAMPHAI TAN HMA LA ZEL : 
Zirtawpni khan Transport Minister TJ Lalnuntluanga chu Manipur-ah zinin Aizawl Lamka MST Bus Service tur chungchangah Manipur Chief Minister N. Biren Singh a kawm.
Manipur CM hian hemi chungchangah hian official-te chu hma lo la turin a hrilh a. Bus Service himna chungchang pawh CM hian a tul anga hma la turin official-te a hrilh nghal bawk. Hemi hnu hian Lamka-ah kalin, Aizawl Lamka MST Bus Station turte enin Mizo People Convention Office-ah NGO-te nen inkawm hona an nei a. He hunah hian Minister chuan thu sawiin,
Zofate luah chin rama Zofate hi
Mizoram sorkar hian a hre reng che u a. Lamka-a Zohnathlakte pawh hi kan hre reng che u tih in hriat ka duh a. Mizoram sorkar chuan Hnam inpumkhatna atan kan theihtawpin hma kan la mek zel a ni, a ti a. Chief Minister zahawm tak Zoramthanga hian Zohnahthlakte inkalpawhna tha neih leh kan inpumkhatna hi a ngai pawimawh a. A inhuamna avangin Zohnahthlak inpumkhatnaah nasa taka hma kan sawn…

FUAN TLENG RUAH SUR HAR

FUAN TLENG RUAH SUR HAR :
Sangha fuan tawp lama ruah sur thin, sangha fuan tleng fai tura ruah sur nia pi leh pu te'n an lo sawi "fuan tleng" chu kumina a tlak har deuh avangin Inrinni thleng khan ngha fuan hnukhawi hmuh tur a la awm niin Khawbung Branch YMA hruaitute chuan an sawi.
Khawbung Branch YMA-te chuan an khaw tlawh chhan lui 2 -lui dang lo ang takin chhun lamah nghalim fuanna thin Vawmkhum lui leh Tlawva lui-ah te Inrinni thleng khan nghalim fuan hnukhawi hmuh tur a la awm niin an sawi a. Zing khaw en atanga tlai thim hma thlengin Vawmkhum leh Tlawva lui pawhtu kawrte thenkhatah nghalim a fuan thin a ni. Heng nghalim fuante hi a fuanna tur kawrte hai rem sakin, sangha fuan tur luidunga an inhawrkhawm leh fuan sum-a an kai a, an fuan zawha lui lama an kir leh thlengin YMA duty te chuan an veng reng thin niin an sawi. Sangha fuan sa hi a tui lovin a fei em em a, sangha fuan man tum lo turin an inzirtir bawk a ni. Nghalim a fuan hian a pa nen an indelh tui a, a tu…

KAR KHAT CHHUNG WORKSHOP

KAR KHAT CHHUNG WORKSHOP :
Kar khat chhung awh tur, One week international workshop on 'Recent advances in academics' 2019 chu vawiin atang hian Govt. Champhai College Multipurpose hall-ah tan a ni dawn a. MZU Vice chancellor Prof. KRS Sambasiva Rao chuan khual lian niin tukin dar 9:45 hian a hawng ang a, Prof. Lalnundanga, MZU Registrar chu khual zahawm ani ang.

SARAS FAIR HAWNG DAWN

SARAS FAIR HAWNG DAWN :
Naktuk atanga Vanlallawma Indoor Stadium (VANIS)-a SARAS Fair neih tan tur hawng turin RD leh I&PR Minister Lalruatkima chuan tukin dar 9:00 hian Champhai a rawn pan dawn a. Zanin Champhai-ah riakin, naktuk
chawhma dar 11:00 hian Kahrawt Community Hall-a SARAS Fair neih turah khual lian niin a hawng ang a, hemi hnu hian Aizawl panin a kir thla leh ang.

JUNIOR ICON

JUNIOR ICON :
GMM buatsaih, GMM Junior Icon neih mekah Top 7 intihsiakna chu zawh fel a ni. Top 7 intihsiakna result hi naktuk zanah puan a ni ang a, mi 2 an tla ang a, 5 thlanchhuah an ni ang.
Top 5 a tling te chuan tunkar Ningani leh Zirtawpni zanah te intihsiakna an nei leh ang a, hla pahnih bawk, an duh zawng sa in an intihsiak leh dawn a ni.

MIZORAM TUNG DIN TURIN ZPM CHU HMANRUA ATAN IN PE

MIZORAM TUNG DIN TURIN ZPM CHU HMANRUA ATAN IN PE :
ZPM Party hruaitute chuan nimin khan Champhai Press Club-ah thuthar thehdarhtute kawmin, Mizoram mipuite'n an duh tak Sorkar an tun din theihna turin ZPM chu hmanrua atan a inpeih tawh tih an sawi.
ZPM Secretary General K.Sapdanga chuan ZPM MLA dinhmun sawiin, India danpui schedule 10-ah Anti defection Law, thlan tlinte'n anmahni
thlang tlingtute an uiresan khapna dan a nih thuteh Assembly speaker-in ZPM MLA te chu anmahni thlang tlingtu mipui party dina tel ve a khapin, uiresan turin a nawr thu a sawi a. Kum 1987 khan MNF party hminga candidate thlan tlin 24-te khan independent MLA vek an nih thu leh a hnuah party registration pek an nih chauh thu sawiin, tuna ZPM MLA te nen, an dinhmun a inang reng a ni tiin, MNF party in an lo tawn ve tawh tho ZPM MLA ten an tawn ve takah chuan, buaina siam sak phet an tum chu zia lo a tih thusawiin, hmasate tih duh ngai hauh loh a nih thu leh MNF party te pawh rilru inlamlet a, an thawhpu…

COLLEGE THA A LUH DUH CHUAN PAWL 12 THA TAKA PASS A NGAI

COLLEGE THA A LUH DUH CHUAN PAWL 12 THA TAKA PASS A NGAI :
Nimin khan C.Lalduhkima, Placement Officer, Higher & Technical chuan Govt. GM HSS a tlawh a. He hunah hian C.Lalduhkima chuan pawl 12 Science zawha Mizoramin Quota hrang hrang a neih te leh chu quota an chan theihna tur te a sawi a ni.
Placement Officer chuan School tha nia kan teh fona chu pass tamna a ni fo thin a, University chinah erawh chuan University tha chu hna tha hmu an tam danah an teh tawh zawk thu a sawi a. Pawl 12 an zir zawh hnua an zir zawmna tur College tha an tehna tur chu Pass tam aiin hna tha hmu lo chhuah tam tawhna chu an en fo tur a nih thu a sawi a. College thaah an luh chuan an hma hun a en thu a sawi a ni. College tha a lut tur chuan pawl 12 tha taka an pass a ngaih thu sawiin, Pawl 12 pass tur chuan Class kal that a ngaih thu leh zir peih a ngaih thu a sawi bakah awlsam zawka an pass theihna tur kawng te a tarlang bawk a ni.
C.Lalduhkima chuan NIT leh IIT ah te zir theih hrang hrang tarlangin, he…

ORISSA LAMAH KAL

ORISSA LAMAH KAL :
Nimin zing khan Champhai Vengthlang Presbyterian Kohhran Hmeichhiate chuan Orissa Mission Field tlawh turin Champhai an chhuahsan a, member 19 kal an kal a, Bialtu Pastor Rev. R. Vanlalruata leh Upa Lalthlamuana, Upa Vanlalhranga te'n Kohhran hmeichhia te hi an ho a ni. Vengthlang Kohhran hmeichhia te hian Orissa Mission Field a Mizoram Synod hnuaia Kohhran hrang hrang 6 an tlawh ang.

CHAMPHAI CHE ṬHA

CHAMPHAI CHE ṬHA :
Mizoram Secondary School Games Kolasib a neih mekah Champhai District aiawha kal Volleyball mipa leh hmeichhe team te chuan semi final an lut. Mipa football team te pawhin nimin khan Lawngtlai hnenin vawiinah Mamit nen an inkhel leh dawn a, Mamit hi an hneh a nih chuan final an lut dawn bawk a ni. Athletic-ah Joseph Laldintluanga chuan Metre 3000 intlansiakah Gold medal a la tawh bawk. Mizoram Secondary School Games hi naktuk hian zawh fel ani ang.

VANGPUI DAY PUALIN THISEN PE

VANGPUI DAY PUALIN THISEN PE :
New Champhai chuan Vangpui an
lawmna tur pualin damlo mamawhten a thlawna an hman turin Inrinni khan New Champhai-ah thisen an pe.
New Champhai khawtlangin Vangpui an lawmna tur pualin, damlo mamawhtuten a thlawna thisen an dawn theihna turin New Champhai MHIP Branch bultumin Corner Stone School-ah thisen hi pek a niin, District
Hospital atangin Blood Bank Officer Dr. R. Vanlalchhuangi leh Technician-ten an kal chilh a.
Thisen petute hi mipa 21 leh hmeichhia 7 niin, thisen Unit 28 an pe a ni. New Champhai khawtlangin October 31 leh November 1, 2019 a Vangpui a lawmna turah khawtlang tana tang kai thawkin, Zirtawpni khan mi 500 chuang thawk chhuakten Veng chhung thenfai hnatlang an nei a. Ni hnih-awh Vangpui lawmna atan hian veng chhung mi tlawmngai ten Bawng 2 leh Vawk 1 an thawh bakah sumfai Rs 2,00,000 chuang an thawh khawm bawk a. Intih hlimna chi hrang hrang leh ruainen ropui taka hun hman an tum a ni.

BIAK IN THAR HAWNG

BIAK IN THAR HAWNG :
Inrinni leh nimin khan Salvation Army, Central South Division hnuaia Corps hrang hrangte chuan ITI Corps ah Corps Cadet Rally an hmang a. Nimin khan Tualchengah Central South Division DC Major S.Biakliana chuan Biak In thar a hawng.

TOP 10 RESULT PUAN A NITA

TOP 10 RESULT PUAN A NITA :
Gospel Music Ministry in an buatsaih GMM Junior Icon 2019 chu Top 10 intihsiakna zo felin Top 7 a tlingte puan fel a ni.
Kar hmasa Ningani leh Zirtawp zan khan Top 10 intihsiak a ni a, hla pahnih hla thlan sa Kristian hla bu 433 na, "Ka Chhandamtu min vengin a hnai reng" tih leh anmahni hla chuam hmangin an infihsiak a, Music Track leh Live Music hmangin an zai remsak an ni. Inrinni zan khan Top, 7 hi puan a ni a. Top 7-ah hian Lalruatfeli, New Hruaikawn; Lalkrawsmawia, Sazep; Malsawmsangzela, Sazep; Sammy Lalawmpuia, Vengthlang; Hmingthansangi, Khuangleng; Lalngaihzuali, Electric; Lalhruaitluangi, Jail Veng te an tling a ni.
Tunkar Ningani leh Zirtawpni zanah te Top 7 intihsiakna hi kalpurleh a ni ang. Top 7 atanga Top 5 a thlan chhuah te hian October ni 29 ah intihsiakna an nei ve leh ang a, zan hnih bawk intihsiakna an nei dawn a ni. November ni 1 ah Top 5 result puan a ni ang a, Nov.ni 4 leh ni 5 ah te Top 3 intihsiak neih leh tur niin Novembe…

ADVENTIST HOTUPA LOKAL

ADVENTIST HOTUPA LOKAL :
Inrinni khan Mizorama Seventh Day Adventist hotupa ber, Mizo Conference President Pastor Tawkthanga chu Champhai ah a lo kalna, Sabbath a hmanpui a ni. Amah tawiawm hian Pator LK Hluna a rawn kal bawk a, an pahnih hian Champhai leh a chhehvela Kohhran hrang hrang an tlawh ang.

CHHANGPHUT FIELD TIFAI

CHHANGPHUT FIELD TIFAI :
Zirtawpni chawhnu khan Bethel Mission School chuan Reliance Foundation Youth Sports, Middle School tournament neih zawh taka an Champion lawm nan School naupang za rual thawk chhuakin Chhangphut Field leh a vel an ti fai a. Bawlhhlawh tam tak hi an halral nghal a, an chungah hian CDFA chuan lawmthu an sawi ni.

LIBRARY TLAWHTU MI 362

LIBRARY TLAWHTU MI 362 :
September thla chhung khan District Library tlawhtu mi 362 an awm.
District Library ah hian September thla chhung khan puitling member inziaklut thar 7 an awm a, tunah hian member, puitling 1644 leh naupang 227 an awm mek a, member awm zawng zawng hi 1871 an ni. Sept. thla hian lehkhabut har thleng a awm lo va, lehkhabu awm mek hi a. vaiin 30,171 a ni. Heng lehkhabu hrang hrang te hi thawnthu bakah Pathian thu leh zirna kaihhnawih eng emaw zat a awm a, naupang tan lehkhabu ngaihnawm tak
tak leh an nun kaihhruai thei lehkhabu tha tam tak bakah tualchhung chanchinbu leh magazine 4 a awm bawk.

SAREP HALRAL

SAREP HALRAL :
Environment Forest and Climate
Change Champhai Range Staff ten ramsa rep khai 21 an mante chu Champhai DFO Pisa tualah nimin khan Champhai DFO & Territorial Wildlife Officer Lalduhthlana'n a halral.
Champhai Range Office Staff-te hian October 5, 2019 a ramsa rep zuartu Champhai Dinthar Venga Rosiami hnen atanga Sanghal sa khai 10; Tlangsam Venga Hranglianmawii hnen atanga Sanghal sa khai 6 leh Sava sa khai 5 an man halralna
hunah hian DFO Lalduhthlana chuan, Nungchate humhalhna dan tha tak a awm thu leh nungchate that emaw an sa zawrh leh ei hi dan in a phal loh thu a sawi a.
Dan bawhchhetu mi pahnihte chu danin a phut anga hremna pe a, pawisa chawitir an nih bakah ramsa rep man takte pawh halral a nih thu a sawi a. Nungchate tan ramri kham a awm ve loh avangin khawii hmun a mi pawh tih hlum emaw, a sa zawrh leh ei chu danin a phal loh vangin mitin nungcha timangtu ni lo va, humhalhtu ni zawk tura a duh thu DFO Lalduhthlana chuan a sawi a. Sa pel ching emaw nung…

RUIHHLO MAN

RUIHHLO MAN :
Ningani zing dar 8:30 khan Excise & Narcotics Enforcement Staff, Champhai te chuan Zotlang, Champhai-ah Zokhawthar to Champhai Sumo Service-a passenger Laihnudala (40) S/o C.Lianthuama,
Kawlkulh, Myanmar kut atangin heroin
hawng hnih (23.2gms) an man a, an thil man hi tualchhung rate-ah Cheng 60,000 man a ni. Heroin neitu-a puh hi NDPS Act '85 hnuaiah thubuai siamsak niin District Court, Champhai-ah hruai a nih hnu in District Jail, Champhaiah dah luh a ni

MIZORAM OPEN NEI DAWN

MIZORAM OPEN NEI DAWN :
Dt. 21-24.10.2019 hian Mizoram huap
Tennis inelna, Champhai Open (State Level Tennis Ranking Tournament) khelh a ni dawn a, he Tournament-a tel tur hian Mizoram hmun hrang hrang atangin Tennis player-te an lo kal dawn a. Athlengtu tur Champhai Tennis Association pawh an inbuatsaih nasa hle.

TOP 10 RESULT ZANINAH

TOP 10 RESULT ZANINAH :
Gospel Music Ministry in an buatsaih GMM Junior Icon 2019 Top 10 intihsiak result chu zanin hian puan a ni ang a, Top 7 a inhlangkai zo lo mi 3 te chu zanin vek hian an zai nghal dawn a. Special programme in a chhunzawm ang a, intihsiakna a awm dawn lo a ni. Karleh Nilaini thleng an chawlh hnuah Ningani leh Zirtawp zanah Top 7 intisiakna hi kalpui leh a ni ang.

YMA PALAI CHANCHINBU PAKHATNA

YMA PALAI CHANCHINBU PAKHATNA :
N. Vanlaiphai-a YMA Gen. Conference neih zawh" takah Aizawl pawna YMA Branch Chanchinbu tha berah Champhai Vengthlang Branch YMA Chanchinbu 'YMA Palai' chu thlan a ni. Khawzawl Dinthar Branch chu 2-na an ni. Champhai Zotlang Branch chu CYMA Chanchinbu, Aizawl pawna la tha ber an ni.

𝐒𝐈𝐋𝐕𝐄𝐑 𝐉𝐔𝐁𝐈𝐋𝐄𝐄 𝐑𝐎𝐏𝐔I 𝐓𝐀𝐊𝐈𝐍 𝐇𝐌𝐀𝐍𝐆

𝐒𝐈𝐋𝐕𝐄𝐑 𝐉𝐔𝐁𝐈𝐋𝐄𝐄 𝐑𝐎𝐏𝐔I 𝐓𝐀𝐊𝐈𝐍 𝐇𝐌𝐀𝐍𝐆 Mizo Zirlai Pawl (MZP) Headquarters, Champhai chuan nimin khan kum 25 an tlin Silver Jubilee lawmna Government Champhai Multipurpose Hall-ah an lawm a. He hun hi Er. Lalrinawma Deputy Speaker, Mizoram Legislative Assembly chuan Khuallian niin a hmanpui a. Silver Jubilee Souvenir a tlangzarh nghal a ni.. Khuallian Er. Lalrinawma chuan MZP Headquarters Champhai in kum 25 hmel a hmua Silver Jubilee a hmang chu a lawmpui thu sawiin, zirlaite chu faina leh mahni inthununna nunpuia an nihna leh dinhmun chiang taka hre thin turin a fuih a. Eng hna pawh zahpui hauh lo a thawh duhna chu ram mamawh a nih tawh thu leh, zirlaite chu chhawrtlak leh belhtlak nihntum theuh turin a chah a ni. Zirlai kalkhawmte chunMizoram runtu hlauhawm tak AIDS natna lak atanga inveng fimkhur tura chahin, thalaite chu taksa zaha hlutna chang hre tur leh Nupui pasal neih hmaa invawng thianghlim turin a fuih a. Kan ram leh hnam chawisan a tulin, tu ram mahin…

𝐃𝐀𝐌 𝐓𝐀𝐊𝐈𝐍 𝐇𝐌𝐔

𝐃𝐀𝐌 𝐓𝐀𝐊𝐈𝐍 𝐇𝐌𝐔 : R.LaIrotluanga, Kum 27 s/o R.Lairemmawia, Champhai Bethel Veng chu Thawhlehni khan a thianpa nen Champhai Tlangsam rama Pauithin an zawn laiin chin hriat lohin a bo zui a. Nimin khan Tlangsam ram Muallungthu-ah dam taka hmuh a ni. R.Lalrotluanga'n Champhai Police hotute hnena a sawi danin, Thawhlehni khan a thianpa nen Zokhawthar an kal hnuah Tiau luidung zawh chhovin, Tlangsam ramah Pauithin an zawng nghal a. Ram palailengah khua in a thim hnan vangin mi thlamah an riak dun a. A tuk nilenga Pauithin zawng chhunzawma an kal hran deuh avang leh thim dawn thlenga in-au pha lova an awm bakah an Mobile phone Battery a down vanga hman theih a nih tak loh vangin zanah in lam panin a haw san a. Hemi zan vek hian Bethel khawtlangin R.Lalrotluanga zawnga an thawh chhuah leh hnunpawhin an hmu ta chuang lo va. Nimin khan Bethel, Tlangsam leh Vengthar khawtlang te chuan zawn chhunzawm lehin, chawhma dar 11:00 vel khan Tlangsam ram chhung Muallungthu ramah dam taka …

𝐒𝐒𝐔 𝐆𝐄𝐍𝐄𝐑𝐀𝐋 𝐀𝐒𝐒𝐄𝐌𝐁𝐋𝐘

𝐒𝐒𝐔 𝐆𝐄𝐍𝐄𝐑𝐀𝐋 𝐀𝐒𝐒𝐄𝐌𝐁𝐋𝐘 : Students' Self-Suppport Union (SSU) General Headquarters chuan nimin khan House leader Lalnunhlima, President, GHQ kaihhruaiin Govt. Champhai College Seminar Hall-ah General Assembly Rorel Inkhawm an nei. An thu pass zingah Mizoram chhunga Class-VIII chin hnuailam (Elementary) ah Moral Education lam hawi zirlaibu-ah telh a nih theih nana hmalak; Zirlaite. tan Mock Interview buaisaih thin tura hmalak te; Mizoram chhunga zirtirtu indaihlohna leh aikal lak thin chungchangah SSU hminga hmalak; Mizoram pum huapa Career Awareness Campaign, Media kaltlanga buatsaih lehnSSU Member-te tan Skills Development & Training buatsaih te a ni a. Vawiin hian Assembly Hunpui leh Vangpui Kűt hman tur a ni ang a. Chawhma lamah mi pathum hnenah Self Support Award hlanna hun hman a ni ang a, he hun hi Champhai SP Rex Zarzoliana Vanchhawng chuan Khuallian niin a hmanpui ang. Chawhnu lamah Vangpui Kut hman a ni ang a, Zofa Global Network Champhai Chapter Presi…

𝐓𝐇𝐋𝐀 3 𝐂𝐇𝐇𝐔𝐍𝐆𝐈𝐍 𝐑𝐔𝐈𝐇𝐇𝐋𝐎 𝐍𝐔𝐀𝐈 40 𝐂𝐇𝐔𝐀𝐍𝐆 𝐌𝐀𝐍

𝐓𝐇𝐋𝐀 3 𝐂𝐇𝐇𝐔𝐍𝐆𝐈𝐍 𝐑𝐔𝐈𝐇𝐇𝐋𝐎 𝐍𝐔𝐀𝐈 40 𝐂𝐇𝐔𝐀𝐍𝐆 𝐌𝐀𝐍 : Champhai Police ten kumin July, thla atanga September thla chhunga Heroin an man Gram 1087.06, Cheng 40,15,000 man chu Champhai District Drugs Disposal Committee Chairman, SP Rex Zarzoliana Vanchhawng chuan nimin khan a halral. Ruihhlo hi Champhai District Hospital a bawlhhlawh halralna hmun-ah neih a nin, SP Rex Zarzoliana Vanchhawng chuan, Champhai District chhung hmun hrang hrang atanga man, ruihhlo halral tur te chu thubuai 13 an ziahluh a mi a nih thu leh heng thubuai te hi la chinfel loh ni mah se, Supreme Court of India thutlukna lo siam tawh leh, Champhai District Court hriatpui a dehral a nih thu a sawi. Champhai District Police-ten heti zat ruihhlo an man theihna hi khawtlang hruaitute leh Tlawmngai pawl hrang hrang nen thawh hona tha tak an neih thin vang a nih thu SP chuan a sawi. a. Kan rama ruihhlo hluar zel tur venghim turin, ruihhlo kawngka a awmten ruihhlo dona kawngah thawh hona tha nei zel…

𝐌𝐈𝐙𝐎𝐑𝐀𝐌 𝐀𝐈𝐀𝐖𝐇 𝐃𝐀𝐖𝐍

𝐌𝐈𝐙𝐎𝐑𝐀𝐌 𝐀𝐈𝐀𝐖𝐇 𝐃𝐀𝐖𝐍 :
Zoramthari, Lalthlekchuailova(fam) fanu R.Chalbawiha tunu, Champhai Vengthlang chu National Badminton Championship, Ni 6-10 November, 2019 chhunga Bihar-a khelh turah Mizoram aiawh tura thlan a ni. Zoramthari hi kum 9ni chungin a khelhna tur Under-11 aia sang Under-13Girls Single khel tura State aiawha thlan a ni a. Mizoram pum huap BadmintonTournament Champhaia khelh zawh takah khan Under-11 Girls single leh Under-13 Girls Singles ah a Champion a ni.

𝐁𝐄𝐓𝐇𝐄𝐋 𝐌𝐈𝐒𝐒𝐈𝐎𝐍 𝐒𝐂𝐇𝐎𝐎𝐋 𝐓𝐇𝐈𝐀𝐌 𝐁𝐄𝐑

𝐁𝐄𝐓𝐇𝐄𝐋 𝐌𝐈𝐒𝐒𝐈𝐎𝐍 𝐒𝐂𝐇𝐎𝐎𝐋 𝐓𝐇𝐈𝐀𝐌 𝐁𝐄𝐑 : RFYS Middle School football tournament chu nimin khan khelh zawh a ni ta a, Final hmuhnawm takah Bethel Mission School chuan 5-3 a Holy Cross School hnehin an champion. Champion team hian Rs. 10,000; dekchi leh certificate an dawng a. Pahnihna hian Rs. 5000, dekchi leh certificate an dawng bawk. Thangventluanga, Holy Cross School chu Best player-a thlan niin, Lalronghaka, Bethel Mission School chu Top Scorer a ni a. BC Lalthlamuana English Academy chuan Fair play lawmman an dawng a, school tel zawng zawng hnenah lawmman pek a ni bawk.

𝐑𝐔𝐀𝐋𝐁𝐀𝐍𝐋𝐎 𝐃𝐈𝐍𝐇𝐌𝐔𝐍 𝐙𝐈𝐑𝐇𝐎𝐍𝐀 𝐇𝐔𝐍 𝐇𝐌𝐀𝐍

𝐑𝐔𝐀𝐋𝐁𝐀𝐍𝐋𝐎 𝐃𝐈𝐍𝐇𝐌𝐔𝐍 𝐙𝐈𝐑𝐇𝐎𝐍𝐀 𝐇𝐔𝐍 𝐇𝐌𝐀𝐍𝐆 :
Nimin khan GM Higher Secondary School, Champhaiah principal K.Pazawna kaihhruaiin Rualbanlote dikna chanvo leh hamthatna neih dan chungchang zirhona buatsaih a ni. He hunah hian Dr. Lalnunthara, Commissioner, Persons with Disabilities, Govt. of Mizoram chuan thusawiin, Zirna inah rualbanlo an nih avangin tumah en hran tur an nih loh thu te, infiamna leh intihhlimna kawngah pawh an tlin tawk angangaihtuahpui tur an nih thu te a tarlang bawk. Hriatna tha lo, sawrkar hnathawkte tan Damdawi Ina awm kher ngai lovin an mamawh beng dar te dan angin an thlakin an reimburse theih tawh tur thu Finance Dept in a tichhuak tawh tih he hunah hian a tarlang bawk.

𝐕𝐀𝐖𝐈𝐈𝐍 𝐀𝐇 𝐌𝐈𝐃𝐃𝐋𝐄 𝐒𝐂𝐇𝐎𝐎𝐋 𝐅𝐎𝐎𝐓𝐁𝐀𝐋𝐋 𝐅𝐈𝐍𝐀𝐋

𝐕𝐀𝐖𝐈𝐈𝐍 𝐀𝐇 𝐌𝐈𝐃𝐃𝐋𝐄 𝐒𝐂𝐇𝐎𝐎𝐋 𝐅𝐎𝐎𝐓𝐁𝐀𝐋𝐋 𝐅𝐈𝐍𝐀𝐋 :
Reliance Foundation Youth Sports leh CDFA in an buatsaih, Middle School Football Tournament chu nimin khan Semi Final khelh a ni.
Semi Final hi Pool hrang hrang 4 a Point hmu sang ber te chuan an khel a. Pool A atangin Bethel Mission School chuan point 12 hmu in Semi Final an lut a, Pool B atangin BC English Academy te chu point 12 bawk hmu in Semi Final an lut a. Pool C atangin Holy Cross School te chu Point 10 hmuin Semi Final an lut a, Pool D atangin Eastern Flower School te chu point 9 hmu
in Semi Final an lut bawk a ni.
Niminpiah khan Pool match khelh zawh a ni a, niminah Semi Final khelh chhunzawm nghal a ni. Semi Final inkhel hmasa zawk ah Bethel Mission School leh BC English Academy an inkhel a, Bethel Mission te hian 2-1 a hnehna changin Final an in hlangkai a. Semi Final hnuhnung zawkah Holy Cross School leh Eastern Flower te inkhel ve lehin, Holy Cross School te hian si 1 faia hnehna changin Final an…

𝐒𝐈𝐋𝐕𝐄𝐑 𝐉𝐔𝐁𝐈𝐋𝐄𝐄 𝐋𝐀𝐖𝐌𝐍𝐀 𝐌𝐀𝐑𝐀𝐓𝐇𝐎𝐍

𝐒𝐈𝐋𝐕𝐄𝐑 𝐉𝐔𝐁𝐈𝐋𝐄𝐄 𝐋𝐀𝐖𝐌𝐍𝐀 𝐌𝐀𝐑𝐀𝐓𝐇𝐎𝐍 :
MZP Headquarters Champhai Silver Jubilee lawmna pakhat atana buatsaih Marathon intlansiak chu nimin khan zirlai naupangte tan buatsaih a ni.
Marathon hi Category hniha buatsaih niin, hmeichhia leh mipa tan High School hnuai lam leh High School chin chunglam inelna siam a ni a. MZP Headquarters Champhai Silver Jubilee Marathon intlansiakah hian Zirlai 113 an tel thei a ni. Marathon intlansiak lawmman hlanna Govt. Champhai College tualzawla neihah Dr. Lallawmkima, DIPRO chuan Marathon
Race a tithate a lawmpui thu leh MZP Hqrs Champhai in Silver Jubilee a thleng thei chu a lawmpui takzet tih a sawi a. Zirlaite chu taksa hriselna ngaipawimawh fo tur leh ruihhlo leh a kaihhnawih laka inthiar fihlim turin a fuih a. Taksa hrisel chuan rilru hrisel a hring a, zirnaah nasa takin a pui thin a ni, a ti a. Zirna kawngah tun aia nasa zawka tanlak a ngaih thu sawin, zirna tihhmasawnna kawnga Zirlai Pawl hruaitute hnathawh chu fakawm a ti

𝐂𝐎𝐌𝐌𝐈𝐒𝐒𝐈𝐎𝐍𝐄𝐑 𝐋𝐎𝐊𝐀𝐋

𝐂𝐎𝐌𝐌𝐈𝐒𝐒𝐈𝐎𝐍𝐄𝐑 𝐋𝐎𝐊𝐀𝐋 :
Commissioner for Persons with Disabilities Dr. Lalnunthara chuan nimina Khawzawla hun a hman zawh hnuah Champhai a rawn pan a. Vawiin chhun dar 1:00 hian Govt. GM HSS Champhai-ah Rualban lote dikna,
chanvo leh hamthatna dan The Right & Benefits for Persons with Disabilities Act, 2016 chungchang zirtirna hun buatsaih a hmanpui ang.

𝐁𝐀𝐖𝐋𝐇𝐇𝐋𝐀𝐖𝐇 𝐇𝐀𝐋𝐑𝐀𝐋𝐍𝐀 𝐄𝐍𝐂𝐇𝐇𝐈𝐍 𝐃𝐀𝐖𝐍

𝐁𝐀𝐖𝐋𝐇𝐇𝐋𝐀𝐖𝐇 𝐇𝐀𝐋𝐑𝐀𝐋𝐍𝐀 𝐄𝐍𝐂𝐇𝐇𝐈𝐍 𝐃𝐀𝐖𝐍 :
District Hospital, Champhai-a bawlhhlawh sawngbawl ngai zual bik halralna, Incinerator siam chu vawiin chawhma dar 11:00 hian a hman chhina hun Pre-Trial Disposal neih a ni dawn a. Hetah hian Champhai Police ten ruihhlo an man, Court
lama thubuai chinfel tawh te halral a ni ang.

𝐌𝐇𝐈𝐏 𝐇𝐎 𝐈𝐍𝐓𝐀𝐖𝐊𝐊𝐇𝐀𝐖𝐌 𝐃𝐀𝐖𝐍

𝐌𝐇𝐈𝐏 𝐇𝐎 𝐈𝐍𝐓𝐀𝐖𝐊𝐊𝐇𝐀𝐖𝐌 𝐃𝐀𝐖𝐍:
MHIP Sub-Hqrs Champhai chuan vawiin chawhma dar 10:30 atang hian Kahrawt Community Hall-ah Thuthmun Branch Intawhkhawm Programme an hmang dawn a, Lengkhawm zai leh MHIP Thuthlung hmanga intihsiak a ni ang.
He hun hi zan lam thlenga hman tura ruahman a ni a. Vawiin lamah Lengkhawm zai hmanga intihsiak leh Volleyball khelin hun hman ani ang a, tlai-ah ruai buatsaih a ni bawk ang. Zanin hian MHIP Thuthlung insawisiak bakah hun hlimawm tak hman zui a ni ang.

𝐁𝐀𝐖𝐑𝐇𝐒𝐀𝐏 𝐓𝐇𝐋𝐀𝐇𝐍𝐀 𝐇𝐔𝐍 𝐇𝐌𝐀𝐍𝐆

𝐁𝐀𝐖𝐑𝐇𝐒𝐀𝐏 𝐓𝐇𝐋𝐀𝐇𝐍𝐀 𝐇𝐔𝐍 𝐇𝐌𝐀𝐍𝐆 : Nimin chawhma khan Champhai District Bawrhsap kalchhuak tur Dr Naveen Aggarwal, IAS chuan a Pisa-ah MJA Champhai District Member-te lengah sawmin inkawmhona leh inthlahna hun a hmanpui. Champhai District Bawrhsap Dr Naveen Aggarwal chuan Champhaia a hun hman a lo tawp tawh dawn tak avangin amah thlawpa thawhpuitu District mipui chungah thinglung takin lawmthu a sawi a. Chanchinbumite nen thawh hona tha tak hnuaia ram rawng an bawl hona leh tawiawm thinna chua fak a. Champhai a awm chhunga hmalakna hrang hrangte tarlangin, India ram Prime Minister in Kum 2022 a India rama Loneitute thawhchhuah a leta tihpun tuma hma a lak mek bawhzuia Loneituten hlawk zawka buh leh bal an thar theihna turin an mamawh Tui hnianghnar taka pekchhuah theihna tur leihnuai atanga tui lakchhuahna, Shallow Tubewell Project atan NABARD kaltlangin Cheng Nuai 10 hmuh a nih thu a sawi a. Society anga kalpuia hmalak theih dante thlenga ngaihtuah zui zel a that tu…

𝐆𝐋𝐎𝐁𝐀𝐋 𝐇𝐀𝐍𝐃 𝐖𝐀𝐒𝐇𝐈𝐍𝐆 𝐃𝐀𝐘 𝐇𝐌𝐀𝐍𝐆

𝐆𝐋𝐎𝐁𝐀𝐋 𝐇𝐀𝐍𝐃 𝐖𝐀𝐒𝐇𝐈𝐍𝐆 𝐃𝐀𝐘 𝐇𝐌𝐀𝐍𝐆 : Nimin khan SSA, PHE Dept leh Health Department Champhai District tangkawp buatsaihin Champhai-ah Global Hand washing Day hman a ni. Global Hand Washing day hmanna Govt Vengthlang Middle School-a neihah hian Clean Hands for all tih thupui hman niin, zirlai naupangte chu hriselna atan kut silfai a pawimawh thu te, Thil ei dawn leh inthiar dawn leh inthiar zawhah te, damlo bawihsawm dawn leh bawihsawm zawhah te kut silfai ngei ngei tur a nih thu te leh kut sil zawhah Hrukpuan faingeia hul taka kut hruk hul thin tur a nih thu te, nausen khawih dawnah te kut bala khawih a him loh thute zirtir an ni. Kut sil dan turte a tak zirtir an ni a, kut silfai loh avanga natna hrik kai theih hrang hrangte zirtir an ni bawk a, an thil zirte chu ngun taka ngaithlaa an chhungte leh an thiante hrilh chhawngtu ni tura chah an ni bawk. He hun hi Vanlalthafamkima, Coordinator (MDM) SSA Mission Champhai District chuan kaihruaiin, Julie C Mawii, Swatch…

𝐒𝐂𝐇𝐎𝐎𝐋 𝐍𝐀𝐔𝐏𝐀𝐍𝐆𝐓𝐄 𝐇𝐍𝐄𝐍𝐀𝐇 𝐀𝐖𝐀𝐑𝐄𝐍𝐄𝐒𝐒

𝐒𝐂𝐇𝐎𝐎𝐋 𝐍𝐀𝐔𝐏𝐀𝐍𝐆𝐓𝐄 𝐇𝐍𝐄𝐍𝐀𝐇 𝐀𝐖𝐀𝐑𝐄𝐍𝐄𝐒𝐒 : Nimin khan DIET, Champhai District chuan Govt. GM High School naupang 30-te chu 'One day Awareness programme on Drugs demand reduction for school children under National action plan for Drug demand reduction (NAPDDR)' chu an school-ah an hmanpui.

𝐂𝐀𝐑𝐄𝐄𝐑 𝐆𝐔𝐈𝐃𝐀𝐍𝐂𝐄

𝐂𝐀𝐑𝐄𝐄𝐑 𝐆𝐔𝐈𝐃𝐀𝐍𝐂𝐄 : Niminpiah khan MZP Hqrs Champhai chuan Class X zirlaite tan Champhai College Multipurpose Hall ah Career guidance an buatsaih. He hun hi Lalrammawia Tlau, Vice President MZP Hqrs Champhai chuan kaihruaiin H. Lalramhluna, President MZP Hqrs Champhai in keynote address a pe a. Champhai zirlaite sang taka an invawrh theih nana rahbi pawimawh an neih hre reng turin a fuih a ni. He hunah hian Resource person atan Francis Lalrintluanga Ralte, Add SP Champhai, Maj (Rtd) Rebecca Chhakchhuak, DSWRO, Richard Pauthianmung Tombing, Bank Manager, SBI Champhai Branch, C.Lalthazuala, Asst Commissioner of State Tax te chu hman an ni a, an hnen atang hian topic hrang hrang thusawi hmangin ngaihthlak a ni.

𝐂𝐃𝐅𝐀 𝐇𝐑𝐔𝐀𝐈𝐓𝐔𝐓𝐄 𝐓𝐇𝐔𝐊𝐇𝐀𝐖𝐌

𝐂𝐃𝐅𝐀 𝐇𝐑𝐔𝐀𝐈𝐓𝐔𝐓𝐄  𝐓𝐇𝐔𝐊𝐇𝐀𝐖𝐌 : Niminpiaha CDFA Office-a CDFA hruaitute thukhawm chuan Reliance Foundation nen tangkawpa ChamphaiTown area chhunga Middle School tournament an neih mek chu a kharna program an duang a. Kharna hunah hian Lallianzuali Bawihtlung, DEO chu khual lian tura beisei a ni. Hei bakah    hian Inter District women tournament, Siaha a khelh turah CDFA hminga chhuah ve ngei ni se, an ti a. Hemi atan hian Champhai District chhunga hmeichhe inkhel mite a lawrkhawm tawh a, tunah hian buaipuitu ten ngawrh takin practice pawh an kalpui mek a, Team manager atan K.Lalremsiama chu ruat niin Coach atan Lalfakzuala ruat a ni bawk. Champhai District chhunga club, a duh apiang te tan tel theih turin CDFA Cup chu Nov. ni 19 atanga khelh tan turin a rel a, entry fee atan Cheng 1000 nise tiin an rel bawk a. Hemi atan hian Managers' Meeting chu November ni 13 ah neih turin an rel bawk.

𝗣𝗢𝗟𝗜𝗖𝗘 𝗧𝗔𝗡𝗣𝗨𝗜𝗧𝗨 𝗛𝗡𝗘𝗡𝗔𝗛 𝗗𝗚𝗣 𝗔𝗪𝗔𝗥𝗗 𝗛𝗟𝗔𝗡

𝗣𝗢𝗟𝗜𝗖𝗘 𝗧𝗔𝗡𝗣𝗨𝗜𝗧𝗨 𝗛𝗡𝗘𝗡𝗔𝗛 𝗗𝗚𝗣 𝗔𝗪𝗔𝗥𝗗 𝗛𝗟𝗔𝗡 : Nimin khan Champhai Police buatsaihin Champhai Police Station Conference Hall-ah Rengkhuma, Vaphai khua chawimawina leh Ni thum awh tur Champhai District Executive Force chhunga Police Officer-te puala inzirtirna 'Workshop on Prosecution' tih thupuihawn a ni. He hun hi R. Vanlalena, Additional District & Session Judge, Champhai chuan hmanpuiin Rengkhuma hnenah DGP chawimawina, Citation leh Pawisa fai Rs.5000/- hlanin, Police Officer-te tana Workshop buatsaih a hawng a ni. Thusawiin R.Vanlalena chuan, Police hnà chu mi huaisente hna, inthununna-tha tak hnuaia rilru leh taksa hrisel neih ngai a ni, a ti a. ND&PS Act tlawhchhana man, hrem loha putchhuak thin chu  a ngaihmawh thu leh dan ang taka an phú tawk hremna pek an nih theihna tur chuan a buaipuitu ten felfai taka hma an lak thin a ngai a ni, a ti a. Police-te hnathawh chu ram leh hnam chhanna a ni tih hre reng a, thahnemngai taka an kuta tla m…

𝗦𝗔𝗣𝗛𝗨 𝗞𝗔𝗪𝗥 𝗠𝗔𝗡

𝗦𝗔𝗣𝗛𝗨 𝗞𝗔𝗪𝗥 𝗠𝗔𝗡 :
Kar kal ta Zirtawpni khan EF&CC Deptt, Champhai Forest Range staff te leh 8th Assam Rifles, Champhai te inkawpa join operation nei chuan tlai dar 4:00 vel khan Tlangsam thlanmualah Saphu kawr, Kg 29.80 an man.
Saphu kawr an man hi tualchhung hralnaa chhutin Cheng 4,50,000 man vel a ni a. Saphu kawr hi hralh an tum lai man a ni a, a hralh tumtu bera puh, Khuplianthanga S/o Ginzakhama,Vengthar, Champhaia cheng chu man nghal niin a lakah thubuai siam a ni a. Heihlai hian Court holiday kar a lo nih avang te, investigation la zawh fel loh vang te leh amah hi Vengthara in leh
lo neia chhungkuaa cheng nghet, tlanbo mai lo tur a nih avangin PR bond sign-tirin in lama a hawn phalsak a ni a Nimin khan Khuplianthanga lakah hian Champhai District Court-ah Complaint thehluh a ni a, amah pawh man nghal niin Champhai District Jail-ah dahluh a ni a. Khuplianthanga te lam hian bail an dil a, amaherawhchu he thu buatsaih lai hian Court-in bail hi a remtih leh tih loh h…

𝗖𝗛𝗔𝗠𝗣𝗛𝗔𝗜-𝗔𝗛 𝗣𝗔𝗛𝗢𝗦𝗦 𝗞𝗔𝗟𝗣𝗨𝗜 𝗔 𝗡𝗜 𝗗𝗔𝗪𝗡

𝗖𝗛𝗔𝗠𝗣𝗛𝗔𝗜-𝗔𝗛 𝗣𝗔𝗛𝗢𝗦𝗦 𝗞𝗔𝗟𝗣𝗨𝗜 𝗔 𝗡𝗜 𝗗𝗔𝗪𝗡 :
Parking House. Support Scheme (PAHOSS) hmalaknaa ruahmanna siamtu ber Parking House Committee chuan niminkhan Chief Minister Zoramthanga hovin CM Cabinet Meeting Room ah a vawi li-na atan an thukhawm a. PAHOSS hmalakna kalpui mekte an thlirho bakah chak zawka hmalak dan tur an sawiho a. Champhai leh Lunglei-a Parking House Scheme kalpui turin
ruahmanna án siam. Meeting-ah hian           PAHOSS hnuaiah remchan dan anga government leh semi-government building te pawh rin luh tura ruahman a ni a. PAHOSS hmalakna chu chak zawka kalpui a nih theih nana beneficiary te hnena installment pek dan te sawiho a ni bawk. Nimin meeting-ah hian huam zau zawka he hmalakna ni kalpui a nih theih Champhai leh Lunglei a Parking House Scheme
kalpui chungchang leh, district capital tin a kalpui theih dan tur ruahmanna siam tura tel a ni. Parking House Logo insiamsiak, I&PR Department in a buatsaih a entry te thlirho a ni bawk.
Tun PAHO…

𝗕𝗔𝗪𝗥𝗛𝗦𝗔𝗣 𝗧𝗛𝗟𝗔𝗛 𝗗𝗔𝗪𝗡

𝗕𝗔𝗪𝗥𝗛𝗦𝗔𝗣 𝗧𝗛𝗟𝗔𝗛 𝗗𝗔𝗪𝗡 :
Champhai Bawrhsap Dr Naveen Aggarwal, Registrar, Cooperation Deptt. hna chelh tura sawn a ni a,
Champhai Bawrhsap hna chelh tur hian Director, Transport Deptt hna chelh lai SL Naveen chu rawn dah a ni ang. Champhai DC kal chhuak turhi vawiin hian a thlahna hun hman a ni dawn a, naktuk hian Aizawl lamah a chhuk thla tawh dawn a. DC thar tur hi a nupuiin nau a neih avanga chawlh
hmang mek a nih avangin thla thar, November lamah a hna hi a rawn zawm thei dawn chauh niin thukan dawng.

𝗦𝗜𝗣𝗔𝗜 𝗟𝗔𝗞 𝗥𝗨𝗡𝗣𝗨𝗜

𝗦𝗜𝗣𝗔𝗜 𝗟𝗔𝗞 𝗥𝗨𝗡𝗣𝗨𝗜 :
November ni 18 atanga ni 22 inkar khian Rajiv Gandhi Stadium, Mualpui Aizawlah Sipai lak runpui neihani leh dawn a, Mipa kum 17 leh a chanve atanga kum 22 inkar tan dil theih a ni ang. Online registration, September ni 19 atanga November ni 2 thleng tih theih a ni a, Aadhaar card neih ngei tur a ni bawk.
Hrechiang duh tan office hun chhungin DC Office, Keifangtlangah leh DIPRO Office, CHANEM Building-ah te zawhfiah theih a ni ang.

𝗠𝗜𝗗𝗗𝗟𝗘 𝗦𝗖𝗛𝗢𝗢𝗟 𝗙𝗢𝗢𝗧𝗕𝗔𝗟𝗟 𝗧𝗢𝗨𝗥𝗡𝗔𝗠𝗘𝗡𝗧

𝗠𝗜𝗗𝗗𝗟𝗘 𝗦𝗖𝗛𝗢𝗢𝗟 𝗙𝗢𝗢𝗧𝗕𝗔𝗟𝗟 𝗧𝗢𝗨𝗥𝗡𝗔𝗠𝗘𝗡𝗧 :
Reliance Foundation Youth Sports leh CDFA buatsaih Middle School zirlaite tana Football Tournament khelh mek nimin result:
Venglai 7-0 Corner Stone
Bethel Mission School 5-0 PES Vengthlang
Vengthlang M/S 1-0 Home Mission School
BC English Academy 1-0 PES Zotlang
Ruantlang 1-0-Vengsang Comprehensive School
Vawiin hian Group match khelh zawh a ni ang a, naktukah semi final khelh a ni ang.

𝗥𝗨𝗔𝗡𝗧𝗟𝗔𝗡𝗚 𝗟𝗘𝗛 𝗭𝗢𝗧𝗟𝗔𝗡𝗚 𝗥𝗔𝗠 𝗜𝗡𝗖𝗛𝗨𝗛 𝗦𝗔𝗪𝗜𝗛𝗢

𝗥𝗨𝗔𝗡𝗧𝗟𝗔𝗡𝗚 𝗟𝗘𝗛 𝗭𝗢𝗧𝗟𝗔𝗡𝗚 𝗥𝗔𝗠 𝗜𝗡𝗖𝗛𝗨𝗛 𝗦𝗔𝗪𝗜𝗛𝗢 :
Nimin chawhma khan Ruantlang leh Zotlang khua ten ram an inchuh mek, Hmawngmual ram chungchanga inbiakna leh sawi hona hun Bawrhsap Dr. Naveen Aggarwal kaihhruaiin DC Conf. Hall, Keifangtlangah neih a ni.
Meeting-ah hian Hmawngmual ram inchuh chungchanga khaw pahnih khawtlang hruaitute hnen atangin thusawi ngaihthlak hmasak a ni a. Meeting chuan ngunthluk taka a ngaihtuah  hnuah a hnuai ami
ang lungrual takin thutlukna a siam
a ni. Thubuai chinfel a nih hma chuan rambuaiah tute mahin kutthlak loh ni se, hun remchang hmasa berah District thuneitute kaihhruaiin a hmuna kalchilha zirchian ni se tih a ni a. District thuneitu chuan boruak muanawm tak a awm zel theihna turin
khawtlang hruaitu ve ve te mahni
khawtlangah hma lo la turin a ngen bawk a. He hunah hian khawtlang hruaituten rilru fim tak hmanga ngaihtuahna an sen a ngaih thu leh buaina a punlun lohria tura inven tawn a ngaih thu te pawh tarlan a ni a. Mee…

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

DINCHAM LAWMNAN HOME LEH RUNMAWI-AH

DINCHAM LAWMNAN HOME LEH RUNMAWI-AH :
Champhai Vengthlang Branch YMA chuan an din champha vawi 70-na chu Inrinni zing khan an lawm.
He ni pual hian Vengthlang Branch YMA chuan Champhai khawpui lunlai leh Bazar panna kawn thianfaiin hnatlang an nei a. Govt. Primary School Il tualah Rising day pual hian hun an hmang a. He hun hi H.Lalthanmawia, Finance Secy chuan a kaihhruai a, branch kumpuan Aia upa zah tih thupui hmangin TBC Lalvenchhunga hnen atangin thusawi ngaihthlak a ni. Aia upa zah' tih thupui hmanga Essay leh Article inziahsiak, category hrang hrang-a lawmman dawngte hnenah pawisa fai leh certificate an hlan nghal bawk.
Rising day pual hian Vengthlang Branch YMA chuan TNT MZ Home-ah buhfai bag hnih an hlan a, mi harsa chenna atana an branch in an sak Runmawi-a cheng hnenah Cheng 1000 an hlan bawk.

INBUATSAIHNA KALPUI TAN

INBUATSAIHNA KALPUI TAN :
Inrinni khan Khuangthing khua chuan nakkum March thlaa neih tur YMA Sub Hqrs Champhai Conference an dawn turah inbuatsaihna atan khawtlang then fai hnatlang an nei.
Hnatlanga chhuak hi mi 300 chuang an ni a. An khawdai atangin bawlhlawh thenfai tan niin, khawchhunga tui luankawrte pawh an tifai nghal a; bawlhlawh phur tur hian Khuangthing VC chuan motor, LPK pahnih an hmantir a ni. Conference inbuatsaihna atan hian Khuangthing VC leh YMA chuan nakkum March thla hma zawng chu faina hnatlang hi Inrinni apianga nei turin ruahmanna an siam.

TOP 25 ZANINAH

TOP 25 ZANINAH :
Presbytery avanga an chawlh hnuah zanin atang hian GMM Junior lcon thlanna chu chhunzawm leh a ni ang a. Zanin hian Top 25 intihsiakna result puan a ni ang a, a tling te hi an intihsiak zui lehnghal ang.

MIDDLE SCHOOL FOOTBALL TOURNAMENT KAL ZEL

MIDDLE SCHOOL FOOTBALL TOURNAMENT KAL ZEL :
Reliance Foundation Youth Sports leh CDFA, tangkawpin an buatsaih Middle School zirlaite tana Football Tournament chu Chhangphut Field ah khelh mek zel a ni.
Inrinni khan Inkhel match 4 awmin, inkhel hmasa berah PES Vengthlang chuan 3-2 in Ruantlang M/S an hneh a, PES Zotlang chuan si 1 faiin Vengthlang M/S an hneh bawk. Holy Cross School chuan si 3 faiin Kanan M/S an hneh a,. Hmunhmeltha M/S chuan Holy Mission School chu 2-1 in an hnehna bawk.
Vawiin hian match 5 khelh a ni hmasa berah Venglai Comrehensive M/S leh Conor Stone M/S an inkhel ang a, Vengsang Comp. M/S leh Ruantlang M/S; PES Vengthlang leh Bethel Mission School, Holy Mission School leh Vengthlang M/S te inkhel velehin, PES Zotlang leh BC English Academy te an inkhel ang.

PLASTIC HMANGLO TURIN HMALA

PLASTIC HMANGLO TURIN HMALA :
RD Department, Khawzawl leh PHE Sub-Division, Khawzawl tangkawp bultumin nimin khan Swachhata Hi Seva hnuaiah Presbyterian English School, Khawzawl zirlaite tan Plastic Free Campaign buatsaih a ni. Plastic Free Campaign, PES Khawzawl zirlaite tana buatsaih hi Lalbiakthuama, UDC, BDO Office, Khawzawl in kaihruaiin
Lalnunfela, SDO, PHED, Khawzawl in Plastic that lohzia hi zirlaite hnenah a sawi a. Lalnunfela chuan Plastic hi thil tawih ral mai thei lo a nih vang te, Plastic thenkhat siamnaah mihring tana tur hlauhawm tak tak hman tel a nih vang te in mihringte tan leh kan chenna leilung tan hian Plastic hian that lohna tam tak a nei a ni, a ti a.
Plastic chu ram changkang zawkah te an khap hnuah tunah hian Mizoram khawpui ber Aizawlah pawh khap a ni tan ta a. Khawzawlah pawh Plastic that lohna hriaa hmalak chhoh a tul tih
sawiin, Plastic hmanga thil siam te kan hman tlem a, Plastic aiah thildang tawih ral thei te kan hman uar a tul a ni, a ti. Plastic kan h…

AK 47 3 MAN

AK 47 3 MAN :
Champhai Police-te hian August leh September chhung khan Rukruk thubuai 11, POCSO thubuai 2 ND&PS Act ah thubuai 5, Mihring rukbo thubuai 2, Arms Act ah 1, MLPA ah thubuai 3 leh thubuai dang 6 ziak lutin thubuai 30 an ziak lut a. ND & PS Act hnuaiah hian Heroin Hawng 94, Rs Nuai 47 hu an man a, Arm Act hnuaiah Silai AK 47 3, Rs Nuai 15 hu an man bawk a. Hei bakah hian Zu litre 1270, Rs Nuai 6.3 hu an man bawk. Thla hnih chhunga Champhai Police thil man hlut zawng hi Rs. 68,35,000 a ni.

MEMBER 9 IN CHHIM

MEMBER 9 IN CHHIM :
Tiddim, Myanmar-a Zomi Khuado Pawipi hman mek chu Zofa Global Network ten an hmanpui a, Champhai atangin member 9 an. kal a. He kut buatsaihtute chuan Zofa Global Network hnenah hian lawmthu sawina thuziak an hlan a ni.

FINAL KHEL DAWN

FINAL KHEL DAWN :
Chhura Hmun Court, Bethel Venga Mimi Lalramnghaki Memorial Volleyball khelh mek chu vawiin chawhma dar 11:00 hian a kharna hun hmangin, Final khelh zui ani ang a. Hmeichhe final-ah Zokhawthar leh
Samuel Volleyball Club an intum ang a, mipa lamah Zokhawthar leh Kahrawt an intum ang.

RUIHHLO MAN NASA

RUIHHLO MAN NASA :
Champhai District Excise & Narcitics Dept-te chuan September thla chhung khan ND&PS Act hnuaiah thubuai 10 ziak lutin mi 17 an man. a. Heroin Gram 236.100 manin, Ganja Gram 10 an man a. Metamphetamine Tablet 4040 an man bawk. MLPA hnuaiah thubuai 31 ziak lutin mi 30 an man a. Rakzu litre 228.670 manin Zu bilh lai Tin 62 an man bawk. 2, Ram dang zu um 97 nanin Beer um3 leh can, 24 an man bawk.

CHENNA IN THAR SAK SAK

CHENNA IN THAR SAK SAK :
Pu Kapthanga, kum 75, Mualkawi Chhinga Veng chenna in chu nimin khan Mualkawi khawtlangin an sak that sak.
Pu Kapthanga hi kum 2016 Krismas hma deuh khan Maxi Cab in su palhin,chuta tang chuan che thei lovin vawiin thlengin a awm a, zun leh ek pawh an khumah thiar sak thin a ni. A fapa Lalthlangmawia nen cheng dun an ni a, a fapa hi kum 50 bawr vel ni tawhin a chetsualnaah a khel a tha lova, hna rum thawk thei dinhmunah a ding tawh lo va, a chetsual hma chuan
Herhsawp siamin an ei tur a thawkchhuak thin a ni.
Mualkawi Branch YMA hmalakna in Pu Kapthanga in sak that hna hi kalpui niin, Mualkawi khawtlang chuan in sak thatna atan hian chhung tin in pawisa an thawhkhawm a. Nilaini khan Pu Kapthanga chhungte chuan a in thiah hna thawkin nimin zing atang khan Mualkawi khawtlang chuan hnatlangin In sak that hna hi an tan a. In hi a dung Ft. 18 leh a vang ft. 16 a sak niin, Assam type a sak a ni a, a bang hi rangva leh tile hmanga bel tum niin, a chung rangva leh a c…

CHAWIMAWI TUR 29 NEI

CHAWIMAWI TUR 29 NEI :
Karleh Thawhlehni atanga North Vanlaiphai khuaa YMA Gen. Conference vawi 72-na neih turah YMA Sub-Hqrs Champhai huamchhungah YMA hruaitu hlun chawimawina dawng tur mi 29 zet an awm a. YMA Sub-Hqrs leh Aizawl khawpui chhungah pawh kumina hruaitu
chawimawina dawng thei tur tam ber a ni.

ZIRTIRNA PE

ZIRTIRNA PE :
Nimin chawhma khan, Ngopa khua a
Sangha Dil neitu eng emaw zat hnenah Agriculture Technology Management-Agency (ATMA) Ngopa Block, Champhai District hmalakna in K.Zadawla tuikhuah,
Tuiaivawm-ah Farm School on Training neih pui an ni a. He hun hi Dr Isaac B.Tungnunga'n kaihruaiin, Lalmalsawma, Demonstrator, Fisheries Dept. chuan Sangha tam zawk thar chhuah theih dan tur, inthlah pung thei tura enkawl dan leh Sangha dil enkawl dan tur a sawi a,  Zawhna leh chhanna hun hman a ni bawk.

KRISMAS HMANG

KRISMAS HMANG :
Lalzawna Pawl tia hriatlar thian Pathian Kohhran, Tlangsamte chuan Lal Isua pian champha, Ethanim ni 10 chu tunlai hian an hmang mek. Nilaini atang khan Programme hmang tanin nimin leh vawiin hian Ruai nen hun an hmang ang a, Isua pianchampha hman chhung hian inkhawma hun hmanginK ohhran mawhphurtute kaihhruaiin hun an hmang thin à, nizan thlengin hun an hmangin an tiak ta a ni.

KHAWMPUI TAN

KHAWMPUI TAN :
October ni 13 thleng awh tur, Mizoram pum huap Catholic thalai khawmpui, Aizawl Diocèse Catholic Thalai Pawl inkhawmpui chu Mamit-a St. Francis of Assisi High School Ground, Portiuncula pandal-ah nizan atang khan tan a ni a. Thupui atan hian "Thianghlimna" tih chu hman a ni a,
inkhawm apiangin hrang hrangin thupui hmang hian thuchah an sawi ang. Palai eng emaw zatin nimin khan Mamit hian thleng tawha, nimin khan Champhai atanga kalte pawh án thleng a, nizan khan rorel a ni.

VENG FAI BER VENGTHLANG NORTH

VENG FAI BER VENGTHLANG NORTH :
Nimin khan Champhaia Faina Hapta 2019 hman mek kharna hun I&PR Auditorium CHANEM Building-ah neih a ni a, he hunah hian Champhai Bawrhsap Dr. Naveen Aggarwal, IAS chu khuallian niin faina kawnga titha thlanchhuahte hnenah lawmman a sem a ni.
Khuallian Dr. Naveen Aggarwal chuan Mizoram chu ram mawi tak, hmun
dang atanga lokalte tan pawha ngainatawm tak a ni, ati a. Mizo mipui te inthununna chu entawntlak á tih thu leh a bik takin faina leh traffic dan zawm chungchanga mipui mimir khawsak phung chu fakawm, a ti. Chenna In, Dawr leh a chheh velte
neitu thinlung pu chunga fai taka enkawl a nih dante leh khawtlang huapa faina kawnga hmalak a ni zelte chu midangte tana entawn tur atana duhawm tak a ni, a ti a. Bawrhsap chuan inthlan laia lungawilohna lantir ten an chetvelna hmunhmate an thianfai leh mai te kha fakawm a tih thu leh chhuang taka hmundanga mite hnena a hrilhhriat thu a sawi bawk.
Dr. Naveen Aggarwal chuan khawchhung cheimawi leh thenfai kawn…

HMALAKNA THLIRPUI

HMALAKNA THLIRPUI :
Nizan hmasa khan Tuipuiral Group YMA hruaitute chuan YMA Sub-Hqrs Champhai Conference 2020-a neihna tur Khuangthing Branch-te hmalakna an thlirpui.
Khuangthinga Organising Committee te nen an hmalaknaa harsatna an neihte an thlir pui a. Group YMA hruaitute chuan a tul anga hmalakpui an inhuamthu hrilhin, Zawlsei leh Khuangthing inkar PMGSY Road
SYMA Conference hmaa siam tha hman ngei tura PWD hotute biaka umzui zel ni se, an ti a. Tui leh Pandal
siam dan tur chungchangan harsatna an neihte pawh hmalak zui zel dan tur an sawi ho.

MIZORAM AIAWH TURIN THLANG

MIZORAM AIAWH TURIN THLANG :
Tun thla, Oct. ni 3-4, 2019 chhunga SCERT Auditorium-a state level children's science congress neih zawh takah Champhai atanga tel Chingsianmawii, Vengthlang M/S Class VIII zirlai chu kumin Dec. 27-31, 2019 chhunga Thiruvananthapuram, Keral a- a National Children's Science Congress-a tel tura thlan a ni.