Skip to main content

Posts

Showing posts from October, 2019

π•π€π–πˆπˆπ 𝐀𝐇 πŒπˆπƒπƒπ‹π„ π’π‚π‡πŽπŽπ‹ π…πŽπŽπ“ππ€π‹π‹ π…πˆππ€π‹

π•π€π–πˆπˆπ 𝐀𝐇 πŒπˆπƒπƒπ‹π„ π’π‚π‡πŽπŽπ‹ π…πŽπŽπ“ππ€π‹π‹ π…πˆππ€π‹ :
Reliance Foundation Youth Sports leh CDFA in an buatsaih, Middle School Football Tournament chu nimin khan Semi Final khelh a ni.
Semi Final hi Pool hrang hrang 4 a Point hmu sang ber te chuan an khel a. Pool A atangin Bethel Mission School chuan point 12 hmu in Semi Final an lut a, Pool B atangin BC English Academy te chu point 12 bawk hmu in Semi Final an lut a. Pool C atangin Holy Cross School te chu Point 10 hmuin Semi Final an lut a, Pool D atangin Eastern Flower School te chu point 9 hmu
in Semi Final an lut bawk a ni.
Niminpiah khan Pool match khelh zawh a ni a, niminah Semi Final khelh chhunzawm nghal a ni. Semi Final inkhel hmasa zawk ah Bethel Mission School leh BC English Academy an inkhel a, Bethel Mission te hian 2-1 a hnehna changin Final an in hlangkai a. Semi Final hnuhnung zawkah Holy Cross School leh Eastern Flower te inkhel ve lehin, Holy Cross School te hian si 1 faia hnehna changin Final an…

π•π€π–πˆπˆπ 𝐀𝐇 πŒπˆπƒπƒπ‹π„ π’π‚π‡πŽπŽπ‹ π…πŽπŽπ“ππ€π‹π‹ π…πˆππ€π‹

π•π€π–πˆπˆπ 𝐀𝐇 πŒπˆπƒπƒπ‹π„ π’π‚π‡πŽπŽπ‹ π…πŽπŽπ“ππ€π‹π‹ π…πˆππ€π‹ :
Reliance Foundation Youth Sports leh CDFA in an buatsaih, Middle School Football Tournament chu nimin khan Semi Final khelh a ni.
Semi Final hi Pool hrang hrang 4 a Point hmu sang ber te chuan an khel a. Pool A atangin Bethel Mission School chuan point 12 hmu in Semi Final an lut a, Pool B atangin BC English Academy te chu point 12 bawk hmu in Semi Final an lut a. Pool C atangin Holy Cross School te chu Point 10 hmuin Semi Final an lut a, Pool D atangin Eastern Flower School te chu point 9 hmu
in Semi Final an lut bawk a ni.
Niminpiah khan Pool match khelh zawh a ni a, niminah Semi Final khelh chhunzawm nghal a ni. Semi Final inkhel hmasa zawk ah Bethel Mission School leh BC English Academy an inkhel a, Bethel Mission te hian 2-1 a hnehna changin Final an in hlangkai a. Semi Final hnuhnung zawkah Holy Cross School leh Eastern Flower te inkhel ve lehin, Holy Cross School te hian si 1 faia hnehna changin Final an…

π’πˆπ‹π•π„π‘ π‰π”ππˆπ‹π„π„ π‹π€π–πŒππ€ πŒπ€π‘π€π“π‡πŽπ

π’πˆπ‹π•π„π‘ π‰π”ππˆπ‹π„π„ π‹π€π–πŒππ€ πŒπ€π‘π€π“π‡πŽπ :
MZP Headquarters Champhai Silver Jubilee lawmna pakhat atana buatsaih Marathon intlansiak chu nimin khan zirlai naupangte tan buatsaih a ni.
Marathon hi Category hniha buatsaih niin, hmeichhia leh mipa tan High School hnuai lam leh High School chin chunglam inelna siam a ni a. MZP Headquarters Champhai Silver Jubilee Marathon intlansiakah hian Zirlai 113 an tel thei a ni. Marathon intlansiak lawmman hlanna Govt. Champhai College tualzawla neihah Dr. Lallawmkima, DIPRO chuan Marathon
Race a tithate a lawmpui thu leh MZP Hqrs Champhai in Silver Jubilee a thleng thei chu a lawmpui takzet tih a sawi a. Zirlaite chu taksa hriselna ngaipawimawh fo tur leh ruihhlo leh a kaihhnawih laka inthiar fihlim turin a fuih a. Taksa hrisel chuan rilru hrisel a hring a, zirnaah nasa takin a pui thin a ni, a ti a. Zirna kawngah tun aia nasa zawka tanlak a ngaih thu sawin, zirna tihhmasawnna kawnga Zirlai Pawl hruaitute hnathawh chu fakawm a ti

π‚πŽπŒπŒπˆπ’π’πˆπŽππ„π‘ π‹πŽπŠπ€π‹

π‚πŽπŒπŒπˆπ’π’πˆπŽππ„π‘ π‹πŽπŠπ€π‹ :
Commissioner for Persons with Disabilities Dr. Lalnunthara chuan nimina Khawzawla hun a hman zawh hnuah Champhai a rawn pan a. Vawiin chhun dar 1:00 hian Govt. GM HSS Champhai-ah Rualban lote dikna,
chanvo leh hamthatna dan The Right & Benefits for Persons with Disabilities Act, 2016 chungchang zirtirna hun buatsaih a hmanpui ang.

𝐁𝐀𝐖𝐋𝐇𝐇𝐋𝐀𝐖𝐇 𝐇𝐀𝐋𝐑𝐀𝐋𝐍𝐀 π„ππ‚π‡π‡πˆπ 𝐃𝐀𝐖𝐍

𝐁𝐀𝐖𝐋𝐇𝐇𝐋𝐀𝐖𝐇 𝐇𝐀𝐋𝐑𝐀𝐋𝐍𝐀 π„ππ‚π‡π‡πˆπ 𝐃𝐀𝐖𝐍 :
District Hospital, Champhai-a bawlhhlawh sawngbawl ngai zual bik halralna, Incinerator siam chu vawiin chawhma dar 11:00 hian a hman chhina hun Pre-Trial Disposal neih a ni dawn a. Hetah hian Champhai Police ten ruihhlo an man, Court
lama thubuai chinfel tawh te halral a ni ang.

πŒπ‡πˆπ π‡πŽ πˆππ“π€π–πŠπŠπ‡π€π–πŒ 𝐃𝐀𝐖𝐍

πŒπ‡πˆπ π‡πŽ πˆππ“π€π–πŠπŠπ‡π€π–πŒ 𝐃𝐀𝐖𝐍:
MHIP Sub-Hqrs Champhai chuan vawiin chawhma dar 10:30 atang hian Kahrawt Community Hall-ah Thuthmun Branch Intawhkhawm Programme an hmang dawn a, Lengkhawm zai leh MHIP Thuthlung hmanga intihsiak a ni ang.
He hun hi zan lam thlenga hman tura ruahman a ni a. Vawiin lamah Lengkhawm zai hmanga intihsiak leh Volleyball khelin hun hman ani ang a, tlai-ah ruai buatsaih a ni bawk ang. Zanin hian MHIP Thuthlung insawisiak bakah hun hlimawm tak hman zui a ni ang.

𝐁𝐀𝐖𝐑𝐇𝐒𝐀𝐏 𝐓𝐇𝐋𝐀𝐇𝐍𝐀 𝐇𝐔𝐍 π‡πŒπ€ππ†

𝐁𝐀𝐖𝐑𝐇𝐒𝐀𝐏 𝐓𝐇𝐋𝐀𝐇𝐍𝐀 𝐇𝐔𝐍 π‡πŒπ€ππ† : Nimin chawhma khan Champhai District Bawrhsap kalchhuak tur Dr Naveen Aggarwal, IAS chuan a Pisa-ah MJA Champhai District Member-te lengah sawmin inkawmhona leh inthlahna hun a hmanpui. Champhai District Bawrhsap Dr Naveen Aggarwal chuan Champhaia a hun hman a lo tawp tawh dawn tak avangin amah thlawpa thawhpuitu District mipui chungah thinglung takin lawmthu a sawi a. Chanchinbumite nen thawh hona tha tak hnuaia ram rawng an bawl hona leh tawiawm thinna chua fak a. Champhai a awm chhunga hmalakna hrang hrangte tarlangin, India ram Prime Minister in Kum 2022 a India rama Loneitute thawhchhuah a leta tihpun tuma hma a lak mek bawhzuia Loneituten hlawk zawka buh leh bal an thar theihna turin an mamawh Tui hnianghnar taka pekchhuah theihna tur leihnuai atanga tui lakchhuahna, Shallow Tubewell Project atan NABARD kaltlangin Cheng Nuai 10 hmuh a nih thu a sawi a. Society anga kalpuia hmalak theih dante thlenga ngaihtuah zui zel a that tu…

π†π‹πŽππ€π‹ 𝐇𝐀𝐍𝐃 π–π€π’π‡πˆππ† πƒπ€π˜ π‡πŒπ€ππ†

π†π‹πŽππ€π‹ 𝐇𝐀𝐍𝐃 π–π€π’π‡πˆππ† πƒπ€π˜ π‡πŒπ€ππ† : Nimin khan SSA, PHE Dept leh Health Department Champhai District tangkawp buatsaihin Champhai-ah Global Hand washing Day hman a ni. Global Hand Washing day hmanna Govt Vengthlang Middle School-a neihah hian Clean Hands for all tih thupui hman niin, zirlai naupangte chu hriselna atan kut silfai a pawimawh thu te, Thil ei dawn leh inthiar dawn leh inthiar zawhah te, damlo bawihsawm dawn leh bawihsawm zawhah te kut silfai ngei ngei tur a nih thu te leh kut sil zawhah Hrukpuan faingeia hul taka kut hruk hul thin tur a nih thu te, nausen khawih dawnah te kut bala khawih a him loh thute zirtir an ni. Kut sil dan turte a tak zirtir an ni a, kut silfai loh avanga natna hrik kai theih hrang hrangte zirtir an ni bawk a, an thil zirte chu ngun taka ngaithlaa an chhungte leh an thiante hrilh chhawngtu ni tura chah an ni bawk. He hun hi Vanlalthafamkima, Coordinator (MDM) SSA Mission Champhai District chuan kaihruaiin, Julie C Mawii, Swatch…

π’π‚π‡πŽπŽπ‹ 𝐍𝐀𝐔𝐏𝐀𝐍𝐆𝐓𝐄 𝐇𝐍𝐄𝐍𝐀𝐇 𝐀𝐖𝐀𝐑𝐄𝐍𝐄𝐒𝐒

π’π‚π‡πŽπŽπ‹ 𝐍𝐀𝐔𝐏𝐀𝐍𝐆𝐓𝐄 𝐇𝐍𝐄𝐍𝐀𝐇 𝐀𝐖𝐀𝐑𝐄𝐍𝐄𝐒𝐒 : Nimin khan DIET, Champhai District chuan Govt. GM High School naupang 30-te chu 'One day Awareness programme on Drugs demand reduction for school children under National action plan for Drug demand reduction (NAPDDR)' chu an school-ah an hmanpui.

𝐂𝐀𝐑𝐄𝐄𝐑 π†π”πˆπƒπ€ππ‚π„

𝐂𝐀𝐑𝐄𝐄𝐑 π†π”πˆπƒπ€ππ‚π„ : Niminpiah khan MZP Hqrs Champhai chuan Class X zirlaite tan Champhai College Multipurpose Hall ah Career guidance an buatsaih. He hun hi Lalrammawia Tlau, Vice President MZP Hqrs Champhai chuan kaihruaiin H. Lalramhluna, President MZP Hqrs Champhai in keynote address a pe a. Champhai zirlaite sang taka an invawrh theih nana rahbi pawimawh an neih hre reng turin a fuih a ni. He hunah hian Resource person atan Francis Lalrintluanga Ralte, Add SP Champhai, Maj (Rtd) Rebecca Chhakchhuak, DSWRO, Richard Pauthianmung Tombing, Bank Manager, SBI Champhai Branch, C.Lalthazuala, Asst Commissioner of State Tax te chu hman an ni a, an hnen atang hian topic hrang hrang thusawi hmangin ngaihthlak a ni.

𝐂𝐃𝐅𝐀 π‡π‘π”π€πˆπ“π”π“π„ π“π‡π”πŠπ‡π€π–πŒ

𝐂𝐃𝐅𝐀 π‡π‘π”π€πˆπ“π”π“π„  π“π‡π”πŠπ‡π€π–πŒ : Niminpiaha CDFA Office-a CDFA hruaitute thukhawm chuan Reliance Foundation nen tangkawpa ChamphaiTown area chhunga Middle School tournament an neih mek chu a kharna program an duang a. Kharna hunah hian Lallianzuali Bawihtlung, DEO chu khual lian tura beisei a ni. Hei bakah    hian Inter District women tournament, Siaha a khelh turah CDFA hminga chhuah ve ngei ni se, an ti a. Hemi atan hian Champhai District chhunga hmeichhe inkhel mite a lawrkhawm tawh a, tunah hian buaipuitu ten ngawrh takin practice pawh an kalpui mek a, Team manager atan K.Lalremsiama chu ruat niin Coach atan Lalfakzuala ruat a ni bawk. Champhai District chhunga club, a duh apiang te tan tel theih turin CDFA Cup chu Nov. ni 19 atanga khelh tan turin a rel a, entry fee atan Cheng 1000 nise tiin an rel bawk a. Hemi atan hian Managers' Meeting chu November ni 13 ah neih turin an rel bawk.

π—£π—’π—Ÿπ—œπ—–π—˜ π—§π—”π—‘π—£π—¨π—œπ—§π—¨ π—›π—‘π—˜π—‘π—”π—› π——π—šπ—£ 𝗔π—ͺ𝗔π—₯𝗗 π—›π—Ÿπ—”π—‘

π—£π—’π—Ÿπ—œπ—–π—˜ π—§π—”π—‘π—£π—¨π—œπ—§π—¨ π—›π—‘π—˜π—‘π—”π—› π——π—šπ—£ 𝗔π—ͺ𝗔π—₯𝗗 π—›π—Ÿπ—”π—‘ : Nimin khan Champhai Police buatsaihin Champhai Police Station Conference Hall-ah Rengkhuma, Vaphai khua chawimawina leh Ni thum awh tur Champhai District Executive Force chhunga Police Officer-te puala inzirtirna 'Workshop on Prosecution' tih thupuihawn a ni. He hun hi R. Vanlalena, Additional District & Session Judge, Champhai chuan hmanpuiin Rengkhuma hnenah DGP chawimawina, Citation leh Pawisa fai Rs.5000/- hlanin, Police Officer-te tana Workshop buatsaih a hawng a ni. Thusawiin R.Vanlalena chuan, Police hnΓ  chu mi huaisente hna, inthununna-tha tak hnuaia rilru leh taksa hrisel neih ngai a ni, a ti a. ND&PS Act tlawhchhana man, hrem loha putchhuak thin chu  a ngaihmawh thu leh dan ang taka an phΓΊ tawk hremna pek an nih theihna tur chuan a buaipuitu ten felfai taka hma an lak thin a ngai a ni, a ti a. Police-te hnathawh chu ram leh hnam chhanna a ni tih hre reng a, thahnemngai taka an kuta tla m…

𝗦𝗔𝗣𝗛𝗨 π—žπ—”π—ͺπ—₯ 𝗠𝗔𝗑

𝗦𝗔𝗣𝗛𝗨 π—žπ—”π—ͺπ—₯ 𝗠𝗔𝗑 :
Kar kal ta Zirtawpni khan EF&CC Deptt, Champhai Forest Range staff te leh 8th Assam Rifles, Champhai te inkawpa join operation nei chuan tlai dar 4:00 vel khan Tlangsam thlanmualah Saphu kawr, Kg 29.80 an man.
Saphu kawr an man hi tualchhung hralnaa chhutin Cheng 4,50,000 man vel a ni a. Saphu kawr hi hralh an tum lai man a ni a, a hralh tumtu bera puh, Khuplianthanga S/o Ginzakhama,Vengthar, Champhaia cheng chu man nghal niin a lakah thubuai siam a ni a. Heihlai hian Court holiday kar a lo nih avang te, investigation la zawh fel loh vang te leh amah hi Vengthara in leh
lo neia chhungkuaa cheng nghet, tlanbo mai lo tur a nih avangin PR bond sign-tirin in lama a hawn phalsak a ni a Nimin khan Khuplianthanga lakah hian Champhai District Court-ah Complaint thehluh a ni a, amah pawh man nghal niin Champhai District Jail-ah dahluh a ni a. Khuplianthanga te lam hian bail an dil a, amaherawhchu he thu buatsaih lai hian Court-in bail hi a remtih leh tih loh h…

π—–π—›π—”π— π—£π—›π—”π—œ-𝗔𝗛 𝗣𝗔𝗛𝗒𝗦𝗦 π—žπ—”π—Ÿπ—£π—¨π—œ 𝗔 π—‘π—œ 𝗗𝗔π—ͺ𝗑

π—–π—›π—”π— π—£π—›π—”π—œ-𝗔𝗛 𝗣𝗔𝗛𝗒𝗦𝗦 π—žπ—”π—Ÿπ—£π—¨π—œ 𝗔 π—‘π—œ 𝗗𝗔π—ͺ𝗑 :
Parking House. Support Scheme (PAHOSS) hmalaknaa ruahmanna siamtu ber Parking House Committee chuan niminkhan Chief Minister Zoramthanga hovin CM Cabinet Meeting Room ah a vawi li-na atan an thukhawm a. PAHOSS hmalakna kalpui mekte an thlirho bakah chak zawka hmalak dan tur an sawiho a. Champhai leh Lunglei-a Parking House Scheme kalpui turin
ruahmanna Γ‘n siam. Meeting-ah hian           PAHOSS hnuaiah remchan dan anga government leh semi-government building te pawh rin luh tura ruahman a ni a. PAHOSS hmalakna chu chak zawka kalpui a nih theih nana beneficiary te hnena installment pek dan te sawiho a ni bawk. Nimin meeting-ah hian huam zau zawka he hmalakna ni kalpui a nih theih Champhai leh Lunglei a Parking House Scheme
kalpui chungchang leh, district capital tin a kalpui theih dan tur ruahmanna siam tura tel a ni. Parking House Logo insiamsiak, I&PR Department in a buatsaih a entry te thlirho a ni bawk.
Tun PAHO…

𝗕𝗔π—ͺπ—₯𝗛𝗦𝗔𝗣 π—§π—›π—Ÿπ—”π—› 𝗗𝗔π—ͺ𝗑

𝗕𝗔π—ͺπ—₯𝗛𝗦𝗔𝗣 π—§π—›π—Ÿπ—”π—› 𝗗𝗔π—ͺ𝗑 :
Champhai Bawrhsap Dr Naveen Aggarwal, Registrar, Cooperation Deptt. hna chelh tura sawn a ni a,
Champhai Bawrhsap hna chelh tur hian Director, Transport Deptt hna chelh lai SL Naveen chu rawn dah a ni ang. Champhai DC kal chhuak turhi vawiin hian a thlahna hun hman a ni dawn a, naktuk hian Aizawl lamah a chhuk thla tawh dawn a. DC thar tur hi a nupuiin nau a neih avanga chawlh
hmang mek a nih avangin thla thar, November lamah a hna hi a rawn zawm thei dawn chauh niin thukan dawng.

π—¦π—œπ—£π—”π—œ π—Ÿπ—”π—ž π—₯π—¨π—‘π—£π—¨π—œ

π—¦π—œπ—£π—”π—œ π—Ÿπ—”π—ž π—₯π—¨π—‘π—£π—¨π—œ :
November ni 18 atanga ni 22 inkar khian Rajiv Gandhi Stadium, Mualpui Aizawlah Sipai lak runpui neihani leh dawn a, Mipa kum 17 leh a chanve atanga kum 22 inkar tan dil theih a ni ang. Online registration, September ni 19 atanga November ni 2 thleng tih theih a ni a, Aadhaar card neih ngei tur a ni bawk.
Hrechiang duh tan office hun chhungin DC Office, Keifangtlangah leh DIPRO Office, CHANEM Building-ah te zawhfiah theih a ni ang.

𝗗𝗬. π—¦π—£π—˜π—”π—žπ—˜π—₯ π—Ÿπ—’π—žπ—”π—Ÿ 𝗗𝗔π—ͺ𝗑

𝗗𝗬. π—¦π—£π—˜π—”π—žπ—˜π—₯ π—Ÿπ—’π—žπ—”π—Ÿ 𝗗𝗔π—ͺ𝗑 :
Deputy Speaker. Er Lalrinawma chuan
naktipa MZP Hqrs. Champhai Silver Jubilee lawmna hun hmanpui turin naktuk hian Champhai a rawn pan dawn a, Ningani khian Aizawl lamah a kir thΕ‚a leh ang.

π— π—œπ——π——π—Ÿπ—˜ π—¦π—–π—›π—’π—’π—Ÿ π—™π—’π—’π—§π—•π—”π—Ÿπ—Ÿ 𝗧𝗒𝗨π—₯π—‘π—”π— π—˜π—‘π—§

π— π—œπ——π——π—Ÿπ—˜ π—¦π—–π—›π—’π—’π—Ÿ π—™π—’π—’π—§π—•π—”π—Ÿπ—Ÿ 𝗧𝗒𝗨π—₯π—‘π—”π— π—˜π—‘π—§ :
Reliance Foundation Youth Sports leh CDFA buatsaih Middle School zirlaite tana Football Tournament khelh mek nimin result:
Venglai 7-0 Corner Stone
Bethel Mission School 5-0 PES Vengthlang
Vengthlang M/S 1-0 Home Mission School
BC English Academy 1-0 PES Zotlang
Ruantlang 1-0-Vengsang Comprehensive School
Vawiin hian Group match khelh zawh a ni ang a, naktukah semi final khelh a ni ang.

π—₯π—¨π—”π—‘π—§π—Ÿπ—”π—‘π—š π—Ÿπ—˜π—› π—­π—’π—§π—Ÿπ—”π—‘π—š π—₯𝗔𝗠 π—œπ—‘π—–π—›π—¨π—› 𝗦𝗔π—ͺπ—œπ—›π—’

π—₯π—¨π—”π—‘π—§π—Ÿπ—”π—‘π—š π—Ÿπ—˜π—› π—­π—’π—§π—Ÿπ—”π—‘π—š π—₯𝗔𝗠 π—œπ—‘π—–π—›π—¨π—› 𝗦𝗔π—ͺπ—œπ—›π—’ :
Nimin chawhma khan Ruantlang leh Zotlang khua ten ram an inchuh mek, Hmawngmual ram chungchanga inbiakna leh sawi hona hun Bawrhsap Dr. Naveen Aggarwal kaihhruaiin DC Conf. Hall, Keifangtlangah neih a ni.
Meeting-ah hian Hmawngmual ram inchuh chungchanga khaw pahnih khawtlang hruaitute hnen atangin thusawi ngaihthlak hmasak a ni a. Meeting chuan ngunthluk taka a ngaihtuah  hnuah a hnuai ami
ang lungrual takin thutlukna a siam
a ni. Thubuai chinfel a nih hma chuan rambuaiah tute mahin kutthlak loh ni se, hun remchang hmasa berah District thuneitute kaihhruaiin a hmuna kalchilha zirchian ni se tih a ni a. District thuneitu chuan boruak muanawm tak a awm zel theihna turin
khawtlang hruaitu ve ve te mahni
khawtlangah hma lo la turin a ngen bawk a. He hunah hian khawtlang hruaituten rilru fim tak hmanga ngaihtuahna an sen a ngaih thu leh buaina a punlun lohria tura inven tawn a ngaih thu te pawh tarlan a ni a. Mee…

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

DINCHAM LAWMNAN HOME LEH RUNMAWI-AH

DINCHAM LAWMNAN HOME LEH RUNMAWI-AH :
Champhai Vengthlang Branch YMA chuan an din champha vawi 70-na chu Inrinni zing khan an lawm.
He ni pual hian Vengthlang Branch YMA chuan Champhai khawpui lunlai leh Bazar panna kawn thianfaiin hnatlang an nei a. Govt. Primary School Il tualah Rising day pual hian hun an hmang a. He hun hi H.Lalthanmawia, Finance Secy chuan a kaihhruai a, branch kumpuan Aia upa zah tih thupui hmangin TBC Lalvenchhunga hnen atangin thusawi ngaihthlak a ni. Aia upa zah' tih thupui hmanga Essay leh Article inziahsiak, category hrang hrang-a lawmman dawngte hnenah pawisa fai leh certificate an hlan nghal bawk.
Rising day pual hian Vengthlang Branch YMA chuan TNT MZ Home-ah buhfai bag hnih an hlan a, mi harsa chenna atana an branch in an sak Runmawi-a cheng hnenah Cheng 1000 an hlan bawk.

INBUATSAIHNA KALPUI TAN

INBUATSAIHNA KALPUI TAN :
Inrinni khan Khuangthing khua chuan nakkum March thlaa neih tur YMA Sub Hqrs Champhai Conference an dawn turah inbuatsaihna atan khawtlang then fai hnatlang an nei.
Hnatlanga chhuak hi mi 300 chuang an ni a. An khawdai atangin bawlhlawh thenfai tan niin, khawchhunga tui luankawrte pawh an tifai nghal a; bawlhlawh phur tur hian Khuangthing VC chuan motor, LPK pahnih an hmantir a ni. Conference inbuatsaihna atan hian Khuangthing VC leh YMA chuan nakkum March thla hma zawng chu faina hnatlang hi Inrinni apianga nei turin ruahmanna an siam.

TOP 25 ZANINAH

TOP 25 ZANINAH :
Presbytery avanga an chawlh hnuah zanin atang hian GMM Junior lcon thlanna chu chhunzawm leh a ni ang a. Zanin hian Top 25 intihsiakna result puan a ni ang a, a tling te hi an intihsiak zui lehnghal ang.

MIDDLE SCHOOL FOOTBALL TOURNAMENT KAL ZEL

MIDDLE SCHOOL FOOTBALL TOURNAMENT KAL ZEL :
Reliance Foundation Youth Sports leh CDFA, tangkawpin an buatsaih Middle School zirlaite tana Football Tournament chu Chhangphut Field ah khelh mek zel a ni.
Inrinni khan Inkhel match 4 awmin, inkhel hmasa berah PES Vengthlang chuan 3-2 in Ruantlang M/S an hneh a, PES Zotlang chuan si 1 faiin Vengthlang M/S an hneh bawk. Holy Cross School chuan si 3 faiin Kanan M/S an hneh a,. Hmunhmeltha M/S chuan Holy Mission School chu 2-1 in an hnehna bawk.
Vawiin hian match 5 khelh a ni hmasa berah Venglai Comrehensive M/S leh Conor Stone M/S an inkhel ang a, Vengsang Comp. M/S leh Ruantlang M/S; PES Vengthlang leh Bethel Mission School, Holy Mission School leh Vengthlang M/S te inkhel velehin, PES Zotlang leh BC English Academy te an inkhel ang.

PLASTIC HMANGLO TURIN HMALA

PLASTIC HMANGLO TURIN HMALA :
RD Department, Khawzawl leh PHE Sub-Division, Khawzawl tangkawp bultumin nimin khan Swachhata Hi Seva hnuaiah Presbyterian English School, Khawzawl zirlaite tan Plastic Free Campaign buatsaih a ni. Plastic Free Campaign, PES Khawzawl zirlaite tana buatsaih hi Lalbiakthuama, UDC, BDO Office, Khawzawl in kaihruaiin
Lalnunfela, SDO, PHED, Khawzawl in Plastic that lohzia hi zirlaite hnenah a sawi a. Lalnunfela chuan Plastic hi thil tawih ral mai thei lo a nih vang te, Plastic thenkhat siamnaah mihring tana tur hlauhawm tak tak hman tel a nih vang te in mihringte tan leh kan chenna leilung tan hian Plastic hian that lohna tam tak a nei a ni, a ti a.
Plastic chu ram changkang zawkah te an khap hnuah tunah hian Mizoram khawpui ber Aizawlah pawh khap a ni tan ta a. Khawzawlah pawh Plastic that lohna hriaa hmalak chhoh a tul tih
sawiin, Plastic hmanga thil siam te kan hman tlem a, Plastic aiah thildang tawih ral thei te kan hman uar a tul a ni, a ti. Plastic kan h…

AK 47 3 MAN

AK 47 3 MAN :
Champhai Police-te hian August leh September chhung khan Rukruk thubuai 11, POCSO thubuai 2 ND&PS Act ah thubuai 5, Mihring rukbo thubuai 2, Arms Act ah 1, MLPA ah thubuai 3 leh thubuai dang 6 ziak lutin thubuai 30 an ziak lut a. ND & PS Act hnuaiah hian Heroin Hawng 94, Rs Nuai 47 hu an man a, Arm Act hnuaiah Silai AK 47 3, Rs Nuai 15 hu an man bawk a. Hei bakah hian Zu litre 1270, Rs Nuai 6.3 hu an man bawk. Thla hnih chhunga Champhai Police thil man hlut zawng hi Rs. 68,35,000 a ni.

MEMBER 9 IN CHHIM

MEMBER 9 IN CHHIM :
Tiddim, Myanmar-a Zomi Khuado Pawipi hman mek chu Zofa Global Network ten an hmanpui a, Champhai atangin member 9 an. kal a. He kut buatsaihtute chuan Zofa Global Network hnenah hian lawmthu sawina thuziak an hlan a ni.

FINAL KHEL DAWN

FINAL KHEL DAWN :
Chhura Hmun Court, Bethel Venga Mimi Lalramnghaki Memorial Volleyball khelh mek chu vawiin chawhma dar 11:00 hian a kharna hun hmangin, Final khelh zui ani ang a. Hmeichhe final-ah Zokhawthar leh
Samuel Volleyball Club an intum ang a, mipa lamah Zokhawthar leh Kahrawt an intum ang.

RUIHHLO MAN NASA

RUIHHLO MAN NASA :
Champhai District Excise & Narcitics Dept-te chuan September thla chhung khan ND&PS Act hnuaiah thubuai 10 ziak lutin mi 17 an man. a. Heroin Gram 236.100 manin, Ganja Gram 10 an man a. Metamphetamine Tablet 4040 an man bawk. MLPA hnuaiah thubuai 31 ziak lutin mi 30 an man a. Rakzu litre 228.670 manin Zu bilh lai Tin 62 an man bawk. 2, Ram dang zu um 97 nanin Beer um3 leh can, 24 an man bawk.

CHENNA IN THAR SAK SAK

CHENNA IN THAR SAK SAK :
Pu Kapthanga, kum 75, Mualkawi Chhinga Veng chenna in chu nimin khan Mualkawi khawtlangin an sak that sak.
Pu Kapthanga hi kum 2016 Krismas hma deuh khan Maxi Cab in su palhin,chuta tang chuan che thei lovin vawiin thlengin a awm a, zun leh ek pawh an khumah thiar sak thin a ni. A fapa Lalthlangmawia nen cheng dun an ni a, a fapa hi kum 50 bawr vel ni tawhin a chetsualnaah a khel a tha lova, hna rum thawk thei dinhmunah a ding tawh lo va, a chetsual hma chuan
Herhsawp siamin an ei tur a thawkchhuak thin a ni.
Mualkawi Branch YMA hmalakna in Pu Kapthanga in sak that hna hi kalpui niin, Mualkawi khawtlang chuan in sak thatna atan hian chhung tin in pawisa an thawhkhawm a. Nilaini khan Pu Kapthanga chhungte chuan a in thiah hna thawkin nimin zing atang khan Mualkawi khawtlang chuan hnatlangin In sak that hna hi an tan a. In hi a dung Ft. 18 leh a vang ft. 16 a sak niin, Assam type a sak a ni a, a bang hi rangva leh tile hmanga bel tum niin, a chung rangva leh a c…

CHAWIMAWI TUR 29 NEI

CHAWIMAWI TUR 29 NEI :
Karleh Thawhlehni atanga North Vanlaiphai khuaa YMA Gen. Conference vawi 72-na neih turah YMA Sub-Hqrs Champhai huamchhungah YMA hruaitu hlun chawimawina dawng tur mi 29 zet an awm a. YMA Sub-Hqrs leh Aizawl khawpui chhungah pawh kumina hruaitu
chawimawina dawng thei tur tam ber a ni.

ZIRTIRNA PE

ZIRTIRNA PE :
Nimin chawhma khan, Ngopa khua a
Sangha Dil neitu eng emaw zat hnenah Agriculture Technology Management-Agency (ATMA) Ngopa Block, Champhai District hmalakna in K.Zadawla tuikhuah,
Tuiaivawm-ah Farm School on Training neih pui an ni a. He hun hi Dr Isaac B.Tungnunga'n kaihruaiin, Lalmalsawma, Demonstrator, Fisheries Dept. chuan Sangha tam zawk thar chhuah theih dan tur, inthlah pung thei tura enkawl dan leh Sangha dil enkawl dan tur a sawi a,  Zawhna leh chhanna hun hman a ni bawk.

KRISMAS HMANG

KRISMAS HMANG :
Lalzawna Pawl tia hriatlar thian Pathian Kohhran, Tlangsamte chuan Lal Isua pian champha, Ethanim ni 10 chu tunlai hian an hmang mek. Nilaini atang khan Programme hmang tanin nimin leh vawiin hian Ruai nen hun an hmang ang a, Isua pianchampha hman chhung hian inkhawma hun hmanginK ohhran mawhphurtute kaihhruaiin hun an hmang thin Γ , nizan thlengin hun an hmangin an tiak ta a ni.

KHAWMPUI TAN

KHAWMPUI TAN :
October ni 13 thleng awh tur, Mizoram pum huap Catholic thalai khawmpui, Aizawl Diocèse Catholic Thalai Pawl inkhawmpui chu Mamit-a St. Francis of Assisi High School Ground, Portiuncula pandal-ah nizan atang khan tan a ni a. Thupui atan hian "Thianghlimna" tih chu hman a ni a,
inkhawm apiangin hrang hrangin thupui hmang hian thuchah an sawi ang. Palai eng emaw zatin nimin khan Mamit hian thleng tawha, nimin khan Champhai atanga kalte pawh Γ‘n thleng a, nizan khan rorel a ni.

VENG FAI BER VENGTHLANG NORTH

VENG FAI BER VENGTHLANG NORTH :
Nimin khan Champhaia Faina Hapta 2019 hman mek kharna hun I&PR Auditorium CHANEM Building-ah neih a ni a, he hunah hian Champhai Bawrhsap Dr. Naveen Aggarwal, IAS chu khuallian niin faina kawnga titha thlanchhuahte hnenah lawmman a sem a ni.
Khuallian Dr. Naveen Aggarwal chuan Mizoram chu ram mawi tak, hmun
dang atanga lokalte tan pawha ngainatawm tak a ni, ati a. Mizo mipui te inthununna chu entawntlak Γ‘ tih thu leh a bik takin faina leh traffic dan zawm chungchanga mipui mimir khawsak phung chu fakawm, a ti. Chenna In, Dawr leh a chheh velte
neitu thinlung pu chunga fai taka enkawl a nih dante leh khawtlang huapa faina kawnga hmalak a ni zelte chu midangte tana entawn tur atana duhawm tak a ni, a ti a. Bawrhsap chuan inthlan laia lungawilohna lantir ten an chetvelna hmunhmate an thianfai leh mai te kha fakawm a tih thu leh chhuang taka hmundanga mite hnena a hrilhhriat thu a sawi bawk.
Dr. Naveen Aggarwal chuan khawchhung cheimawi leh thenfai kawn…

HMALAKNA THLIRPUI

HMALAKNA THLIRPUI :
Nizan hmasa khan Tuipuiral Group YMA hruaitute chuan YMA Sub-Hqrs Champhai Conference 2020-a neihna tur Khuangthing Branch-te hmalakna an thlirpui.
Khuangthinga Organising Committee te nen an hmalaknaa harsatna an neihte an thlir pui a. Group YMA hruaitute chuan a tul anga hmalakpui an inhuamthu hrilhin, Zawlsei leh Khuangthing inkar PMGSY Road
SYMA Conference hmaa siam tha hman ngei tura PWD hotute biaka umzui zel ni se, an ti a. Tui leh Pandal
siam dan tur chungchangan harsatna an neihte pawh hmalak zui zel dan tur an sawi ho.

MIZORAM AIAWH TURIN THLANG

MIZORAM AIAWH TURIN THLANG :
Tun thla, Oct. ni 3-4, 2019 chhunga SCERT Auditorium-a state level children's science congress neih zawh takah Champhai atanga tel Chingsianmawii, Vengthlang M/S Class VIII zirlai chu kumin Dec. 27-31, 2019 chhunga Thiruvananthapuram, Keral a- a National Children's Science Congress-a tel tura thlan a ni.

RUIHHLO MAN

RUIHHLO MAN :
Nimin tlai khan Champhai District Excise & Narcotics Enforcement staff ten Champhai Ruantlang daiah Heroin Hawng khat leh a neitu a puh Lalfakzuala kum 27, Zahlira fapa Aizawl Melthum ni a inchhal chu an man. Heroin neitu a puh hi ND & PS
tlawhchhana thubuai siamsak a niin,
District Court a hruai a nih hnuah Champhai Disti t Jail-ah dahluh a
ni. Heroin man tak hlut Act zawng hi tualchhung hralhna a chhutin Cheng
35,000 man a ni.

DAN BAWHCHHIA 41 MAN

DAN BAWHCHHIA 41 MAN :
September thla chhung khan Champhai Traffic Police te chuan lirthei dan bawhchhia 41 an man.
Lirthei dan bawhchhia 2 wheeler 17 man niin Cheng 4700 chawitir an ni a, 3 wheeler 3 man niin Cheng 300 chawitir an ni a; 4 wheeler 21 man niin Cheng 4200 chawitir an ni bawk.
September thla chhunga lirthei dan bawhchhia man 41 te pawisa chawi
tlingkhawm hi Cheng 9200 a ni. Hetihlai hian Champhai Traffic Police
te chu DC hmun hlui hmun atangin Champhai Police Station-ah an insawn a, dawr turte chuan Champhai Police
Station pan mai tur a ni.

MIMI LALRAMNGHAKI MEMORIAL VOLLEYBALL TOURNAMENT 2019 HAWNG

MIMI LALRAMNGHAKI MEMORIAL VOLLEYBALL TOURNAMENT 2019 HAWNG :
Nimin khan Mimi Lalramnghaki Memorial Volleyball Tournament 2019 chu Chhura Hmun Field ah tan a ni.
He hun hi Lalnunmawia, President CDSC chuan khuallian nia hmanpuiin thu a sawi a. Volleyball chu Game nuam tak leh hlimawm tak a nih thu sawiin Sports Decipline dang aiin mipui hip a, a hmuhnawm bik thu a sawi a. Player kalkhawm te chu theihtawp chhuah turin a chah a, Champion ni ngei tura bei theuh tura sawmin he tournament hi a hawng a; CDSC hmingin pawisa fai a hlan nghal a ni. He hunah hian Mimi Lalramnghaki chhungte hnen atanga thusawi ngaihthlak a ni bawk. He tournament ah hian Team 19, Hmeichhe team 7 leh mipa team 12 an tel a, mipa team te hi Pool hrang hrang 4 ah then an ni a, hmeichhe team te hi Pool .2 ah then an ni bawk.
Niminkhan match 6 khelh a ni a, Bethel VC chu Tlangsam VC chuan 2-1 in an hneh a, Puipui VC chuan Tuipui VC chu 2-0 a hnehin, Zion Veng VC in Melbuk VC chu 2-0 bawkin an hneh a, Match 4 naah MZ Ho…

DISTRICT SPORTS COMMITTEE THUKHAWM

DISTRICT SPORTS COMMITTEE  THUKHAWM :
Champhai District Sports Committee chuan nimin khan General Body Meeting 2019 an nei.
He hun hi Lalnunmawia, President kaihhruaiin 1&PR Auditorium Hall ah neih a ni a. Chairman kaihhruaiin Lalbulliana, International Level Subroto Cup 2019 khelh zawh takah Mizoram team te a Champion pui bakah Coach tha bera thlan a nih avanga chawimawina hun hman niin V. President C.Lallianpuia'n chawimawia thuziak a hlan a ni. Lalbulliana hian Kum 2007 khan Best Coach-a thlan a lo ni tawh bawk a ni. He hunah hian Champhai District Sports Committee hnuaia Sports Association hrang hrang aiawhte an tel a, Agenda hrang hrang 5 ngaihtuah ho a ni a. Promotional Fund chungchang an sawiho a, December ni 9 atanga ni 13 chhunga District Games awm tur thlirlawkin hun an hmang bawk. Champhai District Sports Committee kalphung chungchang sawiho a niin, an lo kal tawh danah tha leh tha lo lai te tarlan niin, CDSC hnuaia Association hrang hrangte hnen atangin report ngai…

FAINA KAWNGAH NGOPA IN HMA LA

FAINA KAWNGAH NGOPA IN HMA LA :
Faina Hapta hman mekah he Hapta hi koritu zawka Ngopa khawtlangin hma a lak theihna tura Ngopa Village Sanitation and Beautification Committee, October ni 4 a Ngopa SDO (Civil) Lalhruaitluangi kaihhruai a rel tawh angin nimin khan Ngopa khawtlang chuan veng chhung thenfai hnatlang an nei.
Ngopa Villige Sanitation and Beautification (WATSAN) Committee in Ngopa khaw chhung thenfai hnatlang nei tura ruahmanna a duanlawk angin he hnatlangah hian chhungtin atanga mi pakhat thawk chhuakin, Ngopa Zero Point a innghah khawm a nih hnuah hnatlang thawk chhuakte chu hlawm thumah an inthen darh a. Chanvo fel tak, ramri kham lawkin, YMA hruaitute kaihhruaina hnuaiah hnatlang hi kalpui a ni.
Nimina hnatlang hi an thawk chhuak tha hle a, Ngopa khawchhung hmun hrang hrang: Tuikhur te, Kawngpui dung, kawtthlerte lei Vantlang hmun pawimawh te thenfai a nih bakah kawngpui kam pawh thenfai a ni a. Ngopa Village Sanitation and Beautification (WATSAN) Committee thuchhuak ang…

NUNGCHA HUMHALH THUTIAM

NUNGCHA HUMHALH THUTIAM :
National Wildlife Week vawi 65-na pualin Champhai Forest Range-te chuan Hmunhmeltha High School-ah hun an hmang.
He hun hi Lallawmawma, Hmunhmeltha H/S Headmaster chuan kaihruaiin, Thanliana Hauhnar, Range Forest Officer hnen atangin nungcha humhalh pawimawh zia ngaihthlak a ni. Thanliana Hauhnar chuan thusawiin, mihringin ramngaw kan tih chereu avang te, Silai leh hmanraw dang hrang hrang hmanga nungcha kan thah nasat avang leh chhan hrang hrang avangin kan ramah nungchate an chimit nasa tawh'em em a, tuna a la awm chhunte hi theihtawp
chhuaha kan humhalh a ngai a ni, a ti a. Thangthar lo la awm zel turte tan nungcha humhalh a ngai tih sawiin, Pathianin duh taka a siam nungchate kan nawm kan maka tihhlum tur a ni lo tih hre thar a, midangte hrilh darhtu ni
turin a sawm bawk. He hunah hian nungcha humhalh thutiam lak a nih bakah zirlai naupangte tan Quiz buatsaih a ni a, National Wildlife week pualin poster tar a ni bawk.

BAWRSAP THAR VAI BAWK KAN NEI DAWN

BAWRSAP THAR VAI BAWK KAN NEI DAWN :
Thawhtanni khan Mizoram sawrkar chuan IAS Officer pathum a siksawi a. Champhai Bawrhsap Dr Naveen Aggarwal chu Registrar, Cooperation Deptt. hna chelh turin a ti a. Champhai Bawrhsap hna chelh tur hian Director, Transport Deptt hna chelh lai SL Naveen chu rawn dah a ni ang.

RUIHHLO MAN

RUIHHLO MAN :
Thawhtanni tlai dar 3:40 vel khan Excise and Narcotics Enforcement Staff, Champhai te chuan heroin hawng khat (12gms) chu Hruaikawn peng, Zokhawthar Road-ah an man a. A neitua puh Lalbiakliana (21) s/o Mangkhanpauva,
Venghlui, Teikhang a awm nia insawi pawh an man tel nghal bawk.
Excise and Narcotics Enforcement Staff, Champhai ruihhlo man hlut zawng hi tualchhung rate-ah Rs. 30,000 a ni a, a neitua puh hi ND&PS Act hnuaiah thubuai siak sak niin, Champhai District Court-a hruai a nih hnuah Champhai District Jail-ah dah luh a ni.

GUDKHA PRODUCT VAI

GUDKHA PRODUCT VAI :
Zote branch MHIP te chuan an khaw chhung dawrkai hrang hrangah gudkha product hrang sikhar leh hrang kaihhnawihte dap in eng emaw zat an man a.
Heng an man te hi Zote VCP R.Hrangthanga'n a hal ral a, he programme-ah hian Zote Branch YMA President Rochuailova leh VCP in thu sawiin, an khaw chhungah hetiang lam lalut leh zuar bakah a ei thin an awm tawh loh nan nasa zawka hma lak zel an tum thu leh an chheh vel khua pawh Zote khaw chhunga keng lut lo turin an duhthu an sawi bawk.

RAL DAWN

RAL DAWN :
Champhai District VC Association chuan vawiin hian an member thi ta, Dosuanthanga, Chhungte VC member ralna hun an hmang dawn a. Champhai Town area-a VC member a thei apiang tel tura hriattirin Kanan VCP Kapzara te ina innghahkhawm tur a ni. VC assn hian an member boralte hi Rs. 30,000 leh dekchi lianin an ral thin.

RTI WEEK HAWNG

RTI WEEK HAWNG : India khua leh tuiten an dikna leh chanvo an hmuh theihna tura puitu, sorkar langtlang siamtu, eirukna do leh veng tura siam Right to Information Act haptakhat chhung hman tur chu nimin khan I&PR Auditorium CHANEM Building-ah hawn a ni a, he hun hi Champhai Bawrhsap Dr Naveen Aggarwal, IAS chuan khuallian niin a hmanpui a ni. RTI Week hi India ram pumah kumtin October Ni 5-12 chhunga hman thin a ni. Khuallian chuan Right to Information Act chu India khua leh tui tawh phawt ten Sawrkarah hriat duh an neihte an zawh theihna tur a duan dan a nih mai bakah zawhna dawngtu Department-te pawhin hunbi tuk chhung ngeia chhanna an pek theihna tura dan siam a ni, a ti a. RTI diltutendilna man bituk chawi ve a ngaih thusawiin, Below Poverty Line chhungkaw tan erawh engmah chawi a ngai lo ani, a ti a, RTI dan hmangin langtlang sawrkar siam leh eirukna leh hlemhletna a ven theih thu a sawi bawk. Dr Naveen Aggarwal chuan he dan hian Sawrkar department-tehna thawh leh nihphung hr…

RAM THEH PHALLO

RAM THEH PHALLO : Nimin khan Zotlang khawtlang chuan an ram humhalh chhungah Ruantlang VC in ram theh an tum nia sawiin hemi duh lo hian an pungkhawm. Zotlang khawtlang hruaitute hnen atanga kan Palai in thu a dawn danin Ruantlang VC ten ram theh an tum Hmawng Mual ram chu Ruantlang VC atanga Zotlang VC a indan tirh atangin Ruantlang VC in Zotlang ram atana a indansak ram niin Zotlang khawtlang hruaitute chuan an sawi a, he lai ram hi Ruantlang leh Zotlang khawtlang hruaitute thukhawmin khaw pahnihte remtih tlanna tel lo chuan theh theih a ni lovang tia inremna thu an lo thlun tawh bawhchhiaa Ruantlang khawtlangin Zotlang khawtlang rawn miah lova ram an theh ta mai chu an hriatthiam loh thu leh engti kawng zawng pawha a tawp thlenga ram theh a nih lohna tura hma an lak tur thu an sawi a. Thangkhat lian dawn kangmei lakah an lo humhim tawh leh Zotlang leh Ruantlang khuate'n a tui lak hnar a nih avanga rim taka an humhalh lai a nih thu te, boruak lum zel tur venna atana an ram ngaw …

MIDDLE SCHOOL FOOTBALL TOURNAMENT

MIDDLE SCHOOL FOOTBALL TOURNAMENT : Reliance Foundation Youth Sports leh CDFA te tangkawpin an buatsaih Middle School Football Tournament chu nimin khan tan niin Pu C. Hualrikhuma, President CDFA chuan a hawng. Pu C. Hualrikhuma chuan middle school zirlai rual te chu India rama Academy tha tak tak te duhzawng tak an nih avangin mi hrang hrang an lo kal tawh thu tarlangin Champhai naupang 10 lai Academy hrang hrangah lak an nih tawh thu a tarlang a, heng an lak te hi pawl 12 an pass hma chuan an awmna hmuna school tha ber te zing ami ah zirna pek an nih thin thu a sawi a, tun tum tournament ah pawh chu chu an kawng tur a nih thu a sawi a, thei tawpchhuah a khel tura duhsakna hlanin Middle School Football Tournament hi a hawng a ni. He hun hi Lalremsiama, Asst. Secretary kaihhruainaa neih niin he tournament a an kalphung tur tlangpui a tarlang a ni. Tournament ah hian school 19 te an tel thei a ni. Hawnna hun hman zawh atangin Tournament hi khelh tan nghal niin inkhel hmasa ber ah Bethe…

FAINA KAWNGAH HMA LA

FAINA KAWNGAH HMA LA : Kar hmasa chhung khan Tuipuiral huam chhunga khaw hrang hrangte chuan faina beihpui thlakin mahni khaw chhung thianfaiin an hnatlang. Tuipuirala khaw hrang hrangte chuan kar kalta khan faina beihpui thlakin, Inrinni khan Zawlsei leh Dungtlang khuate chuan faina hnatlang hi a khaw nawtin an nei a ni. Zawlsei Branch YMA te chuan faina hnatlang huaihawtin, VC leh NGO dangte’n an puibawm a. YMA chhang naupangte nen Zawlsei khaw chhung kawngpui dung leh kawng penhleh then fai hnatlang an nei a ni. Puitling hnatlanga thawk chhuakte’n favang ruah surin kawngko a tihmin te, Thlanmual kawng hnim leh tuiluan kawr an thian fai a. Nu-nau leh YMA chhangte’n kawngpui dung an then fai bawk a ni. Inrinni vek khan Dungtlang khua pawhin Sanitation Committee hmalaknain Zo khuaa Zawlbuk tual thlo faiin, Linchhiari Lunglen Tlang panna kawng an thlo fai a. YMA chhangte’n khaw lai thian faiin kawngko hnim zual pawh khawl hmangin an samfai nghal a ni, Nimina faina hnatlang nei Zawlsei …

JAIL TANG TUR AIA TAM TANG

JAIL TANG TUR AIA TAM TANG : Champhai District Excise & Narcotics Department chuan kumin January atanga September thla chhung khan Heroin Gram 2655.110 leh Methamphetamine Mum 56964 an man tawh. Heng ruihhlo bakah hian rakzu Litre 5034 leh Zu bilhlai Tin 2035,  Beer Can 1581,  Sap Zu Um 252,  Dawidim Kg 417 leh Zu bilhna bungbel 159 an man tawh bawk. Champhai District Excise & Narcotics Assistant Commissioner Pu B. Zoliana chuan  tunlai hian Heroin Hawng khat hi RCheng Singli vel man anih thu leh ruihhlo ngai an tam thu a sawi a. Methamphetamine mum khat hi Rs 150 atanga 250/- vela hralh anih thu tarlangin,  ramri depah Methamphetamine tih ching an awm meuh lo ni a a hriat thu a sawi a.  Kumin chhunga Champhai District Excise & Narcotics in Ruihhlo, Zu leh a kaihhnawih an man hlut zawng hi Rs Nuai 183 Sang hnih Zaruk leh sawmriat a nih thu a sawitel bawl. Kumin chhungin Champhai District Excise & Narcotics Department in Zu leh ruihhlo kaihhnawih-ah lirthei 20 man telin…

MLA FUND HMANNA ENDIK

MLA FUND HMANNA ENDIK :

Champhai South huam chhunga an bialtu MLA Pu TJ Lalnuntluanga MLA fund hmasa ber chu bial chhung veng hreng hrangah hman mek a ni a, heng hnathawhnate hi Inrinni khan Champhai South Block MNF hruaitute chuan a hmunah kalin an enkual a. He fund thawhkhatna hmanga mipui chhawr theih tur: veng chhung inkal pawhna kawng, lungrem, tuiluankawr, waiting shed, mini high mast leh PCC flooring te siam a ni a. MLA fund hi bial chhung hmasawnna hna thawhna tura ruahman a nih anga langtlang leh mipuiin tangkai taka an chhawr theih tura hman zel a nih tur thu leh, fund lokal zel tur pawh mipui tana tangkai taka hman a nih theih nan vilzui leh hmalak zel an tum thu Block hruaitute chuan an sawi a ni