Skip to main content

π—£π—’π—Ÿπ—œπ—–π—˜ π—§π—”π—‘π—£π—¨π—œπ—§π—¨ π—›π—‘π—˜π—‘π—”π—› π——π—šπ—£ 𝗔π—ͺ𝗔π—₯𝗗 π—›π—Ÿπ—”π—‘

π—£π—’π—Ÿπ—œπ—–π—˜ π—§π—”π—‘π—£π—¨π—œπ—§π—¨ π—›π—‘π—˜π—‘π—”π—› π——π—šπ—£ 𝗔π—ͺ𝗔π—₯𝗗 π—›π—Ÿπ—”π—‘ :
Nimin khan Champhai Police buatsaihin Champhai Police Station Conference Hall-ah Rengkhuma, Vaphai khua chawimawina leh Ni thum awh tur Champhai District Executive Force chhunga Police Officer-te puala inzirtirna 'Workshop on Prosecution' tih thupuihawn a ni.
He hun hi R. Vanlalena, Additional District & Session Judge, Champhai chuan hmanpuiin Rengkhuma hnenah DGP chawimawina, Citation leh Pawisa fai Rs.5000/- hlanin, Police Officer-te tana Workshop buatsaih a hawng a ni. Thusawiin R.Vanlalena chuan, Police hnΓ  chu mi huaisente hna, inthununna-tha tak hnuaia rilru leh taksa hrisel neih ngai a ni, a ti a. ND&PS Act tlawhchhana man, hrem loha putchhuak thin chu  a ngaihmawh thu leh dan ang taka an phΓΊ tawk hremna pek an nih theihna tur chuan a buaipuitu ten felfai taka hma an lak thin a ngai a ni, a ti a. Police-te hnathawh chu ram leh hnam chhanna a ni tih hre reng a, thahnemngai taka an kuta tla mawhphurhnate hlen thin turin a chah a. Dan leh thupek kengkawhtute chu ram leh hnam tana theihtawp chhuaha tanho puiah sawmin, kan vaiΓ‘ tanho hian Mizoram tan hna tha tak kan thawk thei a ni, a ti.
He hun hi Rex Zarzoliana Vanchhawng, SP Champhai chuan kaihruaiin Police Officer-te puala training leh ram leh hnam tana thahnemngai taka Police-te thawhpuitu Rengkhuma chawimawi a ni chu phurawm a tih thu sawiin, midangte tana entawntlak a nih thu a sawi a. Hmeichhe naupang khawngaihthlak leh baihvai tak takte chhanchhuah kawnga Rengkhuma'n Police mite bengvara a tawiawm avangin lawmthu a sawi a. He thil thleng hian, midangte pawhin ram leh hnam tan rawng kan bawl thei a ni tih hriattir se a duh tih a sawi a. Champhai SP chuan Police Officer training turte hnenah Investigating Officer tha tak, misual hnuchhui leh manchhuah kawnga hlawhtling ni tur chuan a kalhmang, Prosecution Process hriatchian hmasak a, uluk taka kalpui a ngai tih a sawi bawk.
He hunah hian DGP chawimawina hlan tak Rengkhuma, Vaphai hnen atangin thusawi ngaihthlak a ni a. Rengkhuma hian kumin June Ni 17, Thawhtanni zing dar 8:00 vel khan Aizawl atanga Vaphai a panna lamah Leithum Maxi Cab pakhatin hmeichhe naupang rual rinhlelhawm tak a phur a ni tih a hriatin, hruaibo leh hralhruk tum an ni ang tih a ringhlelh avangin, a tul anga hma la turin Dungtlang Police Station-a duty-te a hrilh vat a. Hemi ni vek hian heng hmeichhia hralhruk tum mi 8 te hi chhanchhuah nghal an ni.
Rengkhuma thil tih ropui tak hi DGP Mizoram hnenah report a ni a, a thil
tih that avang hian nimin khan chawimawi niin, Citation leh Rs. 5000/-hlan a ni ta a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…