Skip to main content

𝐒𝐈𝐋𝐕𝐄𝐑 𝐉𝐔𝐁𝐈𝐋𝐄𝐄 𝐑𝐎𝐏𝐔I 𝐓𝐀𝐊𝐈𝐍 𝐇𝐌𝐀𝐍𝐆

𝐒𝐈𝐋𝐕𝐄𝐑 𝐉𝐔𝐁𝐈𝐋𝐄𝐄 𝐑𝐎𝐏𝐔I 𝐓𝐀𝐊𝐈𝐍 𝐇𝐌𝐀𝐍𝐆
Mizo Zirlai Pawl (MZP) Headquarters, Champhai chuan nimin khan kum 25 an tlin Silver Jubilee lawmna Government Champhai Multipurpose Hall-ah an lawm a.
He hun hi Er. Lalrinawma Deputy Speaker, Mizoram Legislative Assembly chuan Khuallian niin a hmanpui a. Silver Jubilee Souvenir a tlangzarh nghal a ni.. Khuallian Er. Lalrinawma chuan MZP Headquarters
Champhai in kum 25 hmel a hmua Silver Jubilee a hmang chu a lawmpui thu sawiin, zirlaite chu faina leh mahni inthununna nunpuia an nihna leh dinhmun chiang taka hre thin turin a fuih a. Eng hna pawh zahpui hauh lo a thawh duhna chu ram mamawh a nih tawh thu leh, zirlaite chu
chhawrtlak leh belhtlak nihntum theuh turin a chah a ni.
Zirlai kalkhawmte chunMizoram runtu hlauhawm tak AIDS natna lak atanga inveng fimkhur tura chahin, thalaite chu taksa zaha hlutna chang hre tur leh Nupui pasal neih hmaa invawng thianghlim turin a fuih a. Kan ram leh hnam chawisan a tulin, tu ram mahin min vawnhim sak dawn lo a ni, a ti a. Chhiat that tawh palh chang pawha Mizo khawtlanga Zonun zemawi tak lang thin chu chhuanawm a tih thu leh thlahthlam mai lo va, chhawm nun zel zawk a ngai tih a sawi bawk.
He hunah hian L.Ramdinliana Renthlei, President, MZP Gen. Hqrs pawhin MZP chu pawl thianghlim tak, tan bik neilo Tanrual hi chakna' tih thupui leh 'Mizo zirlaite kan ram leh hnam tan' tih thuvawna hmang thin a ni a. Zirlaite hmakhua ngaia ke pen leh ram leh hnam humhimna tura thawktute an ni, a ti a. MZP chuan Zofate inpumkhatna a ngaipawimawh em em a, tawng avanga unau hmel hai ani thin chu MZP in pawi a tih thu leh thisen vanga unau kan ni tih inhre thar leh turin kalkhawm te a chah a ni.
Nimin zing khan Silver Jubilee puala lung phun chu Deputy Speaker hian MZP Pisa, CHANEM Building-ah a lo hawng bawk a. MZP Hqrs Champhai hi kum 1994 a din niin, Headquarters hnuaiah tun dinhmunah Sub-Hqrs 5 leh Branch 11 an awm mek a. MZP Hqrs Champhai hian zirlai tithate lawmpuina, Branch tuam chhuaka Career Guidance Campaign, Zirlaite Scholarship Form fill up sak te, naupangte him zawkna tura hmalakna te, Free drugs Marathon huaihawtte, Board exam turte tlawh kuala kan te, Primary School puala Spelling Bee Competition huaihawt te, College zirlaite tan UPSC Challenge Quiz buatsaih, Dan lo a Mizorama lut ru dapchhuah leh RTI hmanga sawrkar hnalak leh hnathawh zirchiante kalpui a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…